الموضوع: افكر بالسفر الى لندن لكن احتاج مشورة الخبراء

السلام عليكم والرحمة


منتدى يجعل العالم بين يديك ماشاءالله ويكمل بوجود الخبراء واعضائه ماشاءاالله


اتابع المنتدى من قبل فترة طويلة واقرا اغلب التقارير وفعلا احس نفسي سافرت مع هالتقارير الحلوة


طبعا من مواضيعكم فكرت بالسفر وخاصه لندن احبها من قبل ما اقرا شي من تقرير المنتدى وبعد القرائه اصريت اكثر

لكن!!!!

انا ماسافرت من قبل ولا عندي اي فكره عن اجرائات السفر وغيرة بس بوجودكم احس اني راح اسافر

حاطة في بالي يكون السفر على شهر 8 طبعا كل المواضيع كانت تنصح بشهر 4 و 5 و9 و10 بس انا لان مقدمه اجازتي على شهر 8 فما في خيار ثاني طبعا السفره اذا صارت انشاءاالله بكون حوالي اسبوع وحاطة فبالي يكون السكن بشارع العرب او شارع اكسفورد لان مب مفكره اسير مكان الا لعين لندن والاماكن القريبه من شارع العرب وشارع اكسفورد نحن 4 اشخاص كبار ولغتنا تمشي الحال اذا فيه شي ماينطوف لزياره اتحفوني فيه.

عندي استفسارات كثيره الله يعينكم انا قراة تقارير كثيره بس بعدني في اشياء مب واضحه بنسبة لي

اولا اشقق تعتبر ارخص من الفنادق؟ قراة بالمنتدى عن شخص اسمه صالح ياجر تنصحوني فيه ولا احجز بالبوكينق فندق؟

انا من بوظبي باي طيران تنصحوني قالولي القطرية اسعارها ارخص؟ +الفيزا من وين ممكن اخذها؟
ولازم قبل السفر بكم اخلص الحجز طيران وفيزا وسكن وهالامور؟

كيف اروح من المطار لسكن ممكن السكن يوفرون ولا انا لازم احجز؟

بخصوص التكت للباصات والقطارات سمعت عن اويستر وترافل كارد شو الاحسن ولا شو الفرق؟

اذا بروح لعين لندن كيف ؟؟ واي وقت افضل ؟

بخصوص الخريطه واللوان خطوط السير الالوان تحدد الجهه ولا بعد ممكن التكت يعني مثلا مب كل الالوان تتناسب مع البطاقة اللي معاي؟

في اوقات معينه يكون فيها خطر ان الواحد يطلع او عادي؟

بخصوص المبالغ كيف احول كل المبالغ اللي احتاجها لعملتهم ولا عادي اقدر استخدم بطاقتي عادي هناك ؟

وبخصوص الاثباتات انا قراة ان ممكن يكون فيه سرقة وين ممكن اخليهم او عادي اشيلهم معاي وين ماروح؟؟

شكلي سالت وايد

خلاص اذا في شي بعدين بسال

جزاكم الله خير مقدما وانا في انتظاكم

مواضيع عشوائيه ممكن تكون تعجبك اخترناها لك:

• أهم الاماكن السياحيه في لندن ( ج1 )
• بورمث مكانك لاظامك زمانكتقرير عن الاماكن السياحيه
• الفيزا او التذاكر
• مكاتب سياحية تأخذني لسكوتلندا ؟
• مساعده بفنادق لندن
• كيفية حجز سيارة تستقبلنا من المطار
• كيف اخذ التاكس فري ؟
• باصات لندن
• الجواز وصلاحيته عاجل
• بيوت للبيع في لندن
• استفسار بسيط عن استعادة الضريبة في مطار هيثرو
• أول سفرة الى بريطانيا ومحتاج لكم
• صور لندنية
• مطلوب شقه في لندن منتجع اسكتلندا
• تذاكر السياحيه
• فنادق لندن
• يعني اشلون الحين
• فندق او شقة
• تقرير مصور منذ مغادرة جده الى لندن الى لستر الخ
• بنات ومسافرين لندن اللي عنده خبره يدخل

المشاركة الأصلية كتبت بواسطة baanootaa
http://www.arabtravelersforum.com/tr...5/#post7495733

السلام عليكم والرحمة

عليكم السلام ورحمة الله وبركاته

منتدى يجعل العالم بين يديك ماشاءالله ويكمل بوجود الخبراء واعضائه ماشاءاالله


اتابع المنتدى من قبل فترة طويلة واقرا اغلب التقارير وفعلا احس نفسي سافرت مع هالتقارير الحلوة


طبعا من مواضيعكم فكرت بالسفر وخاصه لندن احبها من قبل ما اقرا شي من تقرير المنتدى وبعد القرائه اصريت اكثر

لكن!!!!

انا ماسافرت من قبل ولا عندي اي فكره عن اجرائات السفر وغيرة بس بوجودكم احس اني راح اسافر

حاطة في بالي يكون السفر على شهر 8 طبعا كل المواضيع كانت تنصح بشهر 4 و 5 و9 و10 بس انا لان مقدمه اجازتي على شهر 8 فما في خيار ثاني طبعا السفره اذا صارت انشاءاالله بكون حوالي اسبوع وحاطة فبالي يكون السكن بشارع العرب او شارع اكسفورد لان مب مفكره اسير مكان الا لعين لندن والاماكن القريبه من شارع العرب وشارع اكسفورد نحن 4 اشخاص كبار ولغتنا تمشي الحال اذا فيه شي ماينطوف لزياره اتحفوني فيه.

لندن بلد جميلة تستحق فعلا الزيارة واللغة ضرورية لكن ليست بالعائق الكبير لكم خاصة في لندن لوجود اللغة العربية وانتشارها بشكل كبير حتى بالمطبوعات


عندي استفسارات كثيره الله يعينكم انا قراة تقارير كثيره بس بعدني في اشياء مب واضحه بنسبة لي

اولا اشقق تعتبر ارخص من الفنادق؟ قراة بالمنتدى عن شخص اسمه صالح ياجر تنصحوني فيه ولا احجز بالبوكينق فندق؟

ليست على كل حال ارخص بحسب المكان والزمان الي بتروحون فيه اذا هو موسم سفر ام لا وانتم رحلتكم بعد العيد
بوكينق خيار جيد بما انها اول سفرة لكم لكن اسعارة اعلى بقليل من بعض الشركات الاخرى ك أكسبيديا مثلا
او حجز من احد المكاتب السياحية المعروفة
صالح انا مااعرفه يفيدونك الاخوان ان شاء الله بخصوص السكن اكثر

انا من بوظبي باي طيران تنصحوني قالولي القطرية اسعارها ارخص؟ +الفيزا من وين ممكن اخذها؟
ولازم قبل السفر بكم اخلص الحجز طيران وفيزا وسكن وهالامور؟

من ابوظبي دار الظبي وتدورين خطوط اخرى !!! مافيه احلى من الاتحاد ودايركت ولو يفرق قليل السعر بمقابل الخدمة والراحة والطائرات الجديدة المميزة بصراحة تعتبر من افضل الخطوط بالعالم هي الاتحاد والامارات القطرية وعلى مااعتقد اسعار القطرية اعلى



كيف اروح من المطار لسكن ممكن السكن يوفرون ولا انا لازم احجز؟

حجز من شركة توصيل من المطار للفندق او قطار هيثرو اكسبريس دايركت لمحطة باندغتون بجانب الادجوارروود على حسب مكان السكن اين بالضبط لاتنسين الشناط وتسحبها بالشارع يعني راح تحتاجون تاكسي انا افضل لك احجزي حجز مسبق وريحي نفسك ينتظركم السائق في المطار والى باب الفندق التوصيل

بخصوص التكت للباصات والقطارات سمعت عن اويستر وترافل كارد شو الاحسن ولا شو الفرق؟
اويستر للشخص على مااعتقد 34 باوند لمدة اسبوع شاملة الاندرقراوند والاوفر قراوند والباصات
ترافل كارد يفيدونك الي استخدموها

اذا بروح لعين لندن كيف ؟؟ واي وقت افضل ؟

عين لندن اقرب محطة اندرقراوند لها واترلو افضل وقت في النهار لمشاهدة المدينة بشكل بانورامي جميل

بخصوص الخريطه واللوان خطوط السير الالوان تحدد الجهه ولا بعد ممكن التكت يعني مثلا مب كل الالوان تتناسب مع البطاقة اللي معاي؟
نعم بطاقة الاويستر تغنيك للاندرقراوند عامة ولاي خط لكن في حدود زوون 1 وزوون 2

في اوقات معينه يكون فيها خطر ان الواحد يطلع او عادي؟
لندن مدينة امان من بعد الله لكن الحذر واجب وتجنبوا اهم شي الاماكن المشبوهة

بخصوص المبالغ كيف احول كل المبالغ اللي احتاجها لعملتهم ولا عادي اقدر استخدم بطاقتي عادي هناك ؟

من عند الصرافين وتابعي اسعار الصرف قبل التحويل بالنسبة لي انا استخدم البطاقة AMT واصرف مبلغ من المال من الصرافين عندنا بالسعودية بالباوند احسن وفرق الفائدة اوفر علي بكثير لو تم صرفه من هناك


وبخصوص الاثباتات انا قراة ان ممكن يكون فيه سرقة وين ممكن اخليهم او عادي اشيلهم معاي وين ماروح؟؟

اذا بفندق السيفتي بوكس هو انسب مكان وذلك لايعني عدم حمل هوية معاك لو صورة من الجواز تشيلينها معاك

شكلي سالت وايد

خلاص اذا في شي بعدين بسال

جزاكم الله خير مقدما وانا في انتظاكم



حياك الله وبالخدمة حاضرين

فارس الجبيل ماقصر

واحلى شي موضوع الطيران

فارس الجبيل الف شكر جزاك الله خير اخوي ما قصرت والله

موادع1 شكرا عالمرور


نستكمل باقي الاستفسارات

الله يعينكم

بخصوص السكن اذا بحجز من بوكنق ياخذون مقدم ولا؟ مع ان شفت كذا تقرير مايشجع عن الحجز بعد الوصول يتفاجئون بصغر الغرف او عدم نظافتهاا اذا في احد مجرب فندق فشارع العرب او شارع اكسفورد عطوني اسمه جزاكم الله خير, انا شيكت عالاسعار اغلبهاا بحدود 9 الاف. واللي جربوا السكن بالفنادق والشقق لمده اسبوع تنصحوني باي منهم بما انكم جربتوا انا ابي مطبك تعرفون لازم القهوه والشاي

بخصوص خطوط السير لزون 1 و2 تشمل عين لندن وشارع الاكسفورد وشارع العرب وحديقة الهايد بارك؟؟ واذا في مجال اسماء المحطات بهالاماكن جزاكم الله خير

بخصوص المبالغ يعني اخذ فيزا واحط فيها مبلغ الرحله ويكون بعملتهم انا سمعت يصير سرقات من الفيزا + بخصوص دفع السكن والتسوق وغيره بالبطاقة ولا افضل كاش واذا كاش وين ممكن احصل الات السحب؟؟

بخصوص الطيران شيكت على الاتحاد كان 15800 ل 4 اشخاص والقطرية 13 الف وشي بس ماعرف القطرية دايركت ولا ترانزليت

وشكرا مقدما وجزاكم الله الف خير جميع

حياكم الله

جميع الفنادق المثبتة مجربة ولكن بخصوص الغرفة صغيرة اغلب فنادق اوروبا ولكن ممكن تجربون الثيسيل غرفة واسعة

كل شي في زون 1-2 وبخصوص المحطات ممكن تتابعون تقرير الاندرجراوند

الصرقات في الكاش اكثر الفيزة لو انصرقت ممكن توقفونها

القطرية ترنزيت في قطر خلكم على الاتحاد وممكن تشوفون البريطانية اذا تدورون الرخص

بالتوفيق

جزاك الله خير اخوي موادع1 كفيت ووفيت

بخصوص الحجز من بوكنق اللي جرب فيه مقدم؟

يعني الفيزا اقدر احول العملة واحط مبلغ الرحلة كامل ولا تنصحوني نقصم المبلغ فبطاقتين؟


وان شاءالله تكون هاي اخر الاسالة ^^


جزاكم الله خير والله صار عندي خلفيه كبيره بس باقي ارتب افكاري

بعض الفنادق تخصم على طول والبعض عند الوصول / وهذا موضوع في موقع البوكينق / الغاء مجاني

السلام عليكم

بخصوص فندق الثيستل صح عندهم غرف كبيره شوي لكن ايضا في غرف محكر حمام من صغرها .. و صراحه الفندق مستهلك جدا و الاثاث قديم يبيله تجديد كلي الفندق .. لا و شهر 8 يصير حديقه عامه من كثر الزحمه و اللويه و العرب .. ما انصح فيه شخصيا ..


اذا تبين بنفس المستوى بس افضل شوي .. و موقعه فوق الممتاز عندج الكمبرلاند .. يم ثيستل علي طول و الفندق مجدد بالكامل من 4 سنين و فيه غرف زينه .. و كل ما بجرتي بالحجز كان افضل و اوفر .. قوليلهم وقت الحجز تبين من الغرف الوسيعه و اذا بزياده بسيطه علي السعر تاخذين غرف executive وهذي ارقام غرف مجربه و وسيعه .. 2070 .. 5019 .. 7089 .. 2090 ... طلبي هالغرف وقت الحجز ..


الشقه انا عموما ما افضلها و خاصه بعد ان مده السفر اسبوع بس ما يسوا


اذا الميزانيه تسمح باكثر من هالفنادق شوفي شيرشيل الموقع مثل ما تبين و الغرف وسيعه و شرحه و كلها نفس الشي ماراح تنصدمين كل غرفه غير..

لنا عوده ان شاءالله

اختي aLKuwaitia
الف شكر لج وجزاج الله الف خير


اخوي القطري
في انتظارك

واي حد عنده اضافة او نصيحة يضيفهاا وجزاه الله خير


وشكرا للجميع

وعليكم السلام ورحمة الله وبركاته

هلا وغلا اختي

واااااااااااااااااااااسف على التأخير والسبب النت مقطوع من السبت الي فات وكنت ادخل من الدوام ولا احب ادخل من الدوام لأن احنا محاسبين من هناك ..

هل فيه شي نقدر انخدمكم فيه ولا خلاص

لا مافيه تاخير اخوي السفرة مطولة وانا حطيت الموضوع عشان اخذ الافادة منكم في كل شي

اول مره اسافر وماعندي فكرة عن اي شي الاخوان ماقصروا بس لا يمنع من اضافة اي راي او اقتراح

بخصوص الحجز السكن المبالغ اللي ممكن احتاجهاا

متى تنصحوني احجز يعني قبل السفرة بكم افضل, على اساس شهر 8 بس اذا قدرت شهر 9 بس لين الحين مب متاكده

بنكون 4 واذا الوالده رضت تسير بنكون 5

يعني 60 الف لكل السفرة ممكن تكفي طيران وسكن وغيره

الله عليك يافارس مايعطي مجال للرد كفيت ووفيت

مشكوره اختي لندنية 2011 عالمرور وفعلا الاخوان ماقصروا


عندي استفسار بسيط انا دخل الاتحاد للطيران اجرب فحطيت تواريخ واستغربت من رحلة العوده ليش طويلة؟


المغادرة: Abu Dhabi (AUH)
الخميس 22 أغسطس 02:35
الوصول: London (LHR)
الخميس 22 أغسطس 07:20


المغادرة: London (LHR)
الخميس 29 أغسطس 09:15الوصول: Abu Dhabi (AUH)
الخميس 29 أغسطس 19:10

طبعا التواريخ مثال عسب اجرب بس ليش المغادرة من لندن الرحلة طويلة

؟؟

السلام عليكم ورحمة الله وبركاته

تسلمين اختي لندنية ويسلمون الاخوان جميعهم وهذا من بعض ماتعلمناه منكم انتم الخير والبركه عسى ربي يحفظكم ويوفقكم
ويجزاكم كل خير عن اخوانكم اللي تساعدونهم بارائكم وخبرتكم اسأل الله ان يجعلها في ميزان اعمالكم ويرزقنا واياكم الجنة


صباح الخير اختي

مافيه شي اسمه مثال كذا ماراح نقدر نفيدك حطي التواريخ بالضبط والعدد وكم شخص وكم طفل واعمارهم وتحديد الوقت بالساعة والدقيقة الاقلاع والهبوط والترانزيت كل شي لازم تحسبين حسابة بالدقيقة وموضح في طريقة حجز التذاكر كل هذه التفاصيل
وانتي في ابوظبي ماتحتاجين ترانزيت دايركت لهيثرو 7 ساعات بالكثير تكوني في هيثرو
عادة الرحلة تستغرق ( على حسب نوع الطيارة ) 6 ساعات ونص لغاية 7 ساعات من عندنا الخليج

اعتقد فيه شيء غلط في التاريخ الي انتي حطيتية اكيد مستحيل تكون الرحلة اقل من 5 ساعات فقط !!!؟

شوفي وشيكي التواريخ بالضبط

هذا واي خدمة حاضرين

المشاركة الأصلية كتبت بواسطة baanootaa
http://www.arabtravelersforum.com/tr...3/#post7512993

لا مافيه تاخير اخوي السفرة مطولة وانا حطيت الموضوع عشان اخذ الافادة منكم في كل شي

اول مره اسافر وماعندي فكرة عن اي شي الاخوان ماقصروا بس لا يمنع من اضافة اي راي او اقتراح

وسعي صدرك اختي ولاتتحرجين من اي سؤال يبدر الى ذهنك لجل ترتاحي بسفرتك وما انوجد المنتدى الا لخدمة بعضنا بعض وكلنا بدينا السفر بنفس اسألتك

بخصوص الحجز السكن المبالغ اللي ممكن احتاجهاا

تحتاجين كامل المبلغ طبعا وهذه على حسب سياسة موقع الحجز باقتطاع المبلغ كاملا ام جزء ام عند الوصول يعتمد على حسب الشروط

متى تنصحوني احجز يعني قبل السفرة بكم افضل, على اساس شهر 8 بس اذا قدرت شهر 9 بس لين الحين مب متاكده

بنكون 4 واذا الوالده رضت تسير بنكون 5

يعني 60 الف لكل السفرة ممكن تكفي طيران وسكن وغيره



نعم ان شاء الله تكفي وتوفي
اولا الحجز كل ماكان مبكرا احسن لكم في فرص الحصول على افضل الاسعار وامكانية توفر الغرف كبيره
فيه ناس تجهز للسفر بالصيف من سنه قبل ماعندك اي مشكله
ابعطيك مثال :
امس كانت اسعار الاماراتية لعدد زوجين + طفلين ب 15400 ريال اليوم نفس الرحلة صار سعرها 16400 ريال شوفي فرق السعر 1000 بيوم واحد


هذا والله يوفقكم

ماشاءالله

ماقصرو الجماعة

بخصوص العودة طويلة فرق التوقيت - فقط

لندن جميلة وسهل التجول فيها وكلها عرب وكل حد بيفيدكم

وتوجد جداول سياحية في المنتدى كثيرة

ويوجد وقت لتجميع المعلومات

واي خدمة حاضرين

اخوي فارس الجبيل

اعجز عن شكرك جزاك الله الف خير على كل شي ماقصرت والله

اخوي موادع1

مشكور عالتوضيح هيه والله ماقصروا

هذا اللي كنت ابي اتاكد منه فرق التوقيت

مشكورين وجزاكم الله خير يارب


واي استفسار اكيد برجع لكم

http://www.arabtravelersforum.com/travel645656/

حلو هالموضوع

يزاج الله خير اختي لندنيه 2011

السلام عليكم
اختي حبيت افيدج بفندق ممتاز وانا شخصيا جربته بالعيد اللي طاف (Best Western Premier Mostyn Hotel) واسمه تغير حاليا وصار Double Tree by Hilton
الفندق موقعه روعة وخدمتهم ممتازة جدا وانصح فيه وبشدة