الموضوع: اول مرة ازور قطر

السلام عليكم :-

بالله ياشباب هذي اول مره ازور قطر ولااعرف اي شي فيها بس النتدى ماقصر جاوبلي عن 80% من الاسئله

بس بقالي كذا سوال

*هل اقدر استخدم العمله السعوديه في قطر ولالازم احول عمله (يعني زي دبي والبحرين)

*كم كيلوا من المنفذ الين الدوحه

*واول ماادش(على بالي مسوي قطري)الدوحه اي شارع اروحله (يعني اسيرله) ويكون فيه شقق مفروشه


والف شكر لكم وللقائمين على المنتدى

مواضيع عشوائيه ممكن تكون تعجبك اخترناها لك:

• حصري عرووض العيد سيركاحتفالات فناادق
• سؤال عن الجو
• القطرية تستعرض خدماتها ذات الخمس نجوم بمعرض فيتور الإسباني
• القطرية توقع اتفاقية لشراء طائرات إيرباص
• مسافر الى قطر
• احتاج مساعده انا في قطر
• فنادق لاهل الخبرة
• الخطوط القطرية تسير أولى رحلاتها إلى مدريد
• بعض الاستفسارات الله لا يهينكم
• شقق الماسه
• أي هذين الفندقين أفضل وأحسن؟
• هل يتطلب دخول قطر جواز ؟
• هل صحيح ان الدوحة كلها حفريات وزحمة؟
• فزعتكم يا عيال قطر
• ما الأفضل فندق انتركونتيننتال أو فندق انتركونتيننتال سيتي
• احبابي في قطر ممكن تفيديوني
• سؤال عن سوق الذهب؟؟
• استفسار عن كاميرات السرعة بقطر
• المستندات المطلوبة لسفر الخادمة المنزلية لقطر
• أستفسار بشأن مواعيد ومواقف الحافلات في الدوحة التي تنقل إلى مدينة لوسيل

السلام عليكم ورحمة الله وبركاته
بالنسبه للعمله معظم الاماكن ترفض اخذ العمله السعوديه يعني اصرف عمله قطريه احسن
والمسافه من الحدود الى الدوحة 90 كيلو متو
اماكن الشقق الفندقيه
عندك خلف متحف قطر الوطني في بداية الكورنيش فنادق كلها 4 و 3 نجوم وشقق فندقيه كذلك
عندق في منطقة المنصوره خلف سينما الخليج شقق فندقيه
عندك في منطقة الابراج في نهاية الكورنيش شقق فندقيه راقيه مثل كمبنسكي وسمرست
عندك في منطقه المنصوره شقق فندقيه وافضلها في هذه المنطقه فندق هوليدي لافيلا
عندك مقابل السنتر شقق فندقيه والوصول لها سهل جدا وانت جاي على الطريق السريع من سلوى الى الدوحة كله امش سيده بعد فندق رمادا بيجيلك دوار على يسارك شقق فندقيه
وحياكم الله في قطر

[center][size="5"]

حياك اخوي وراح اجاوبك نيابة عن الاخوان القطريين لاني الاسبوع الماضي كنت هناك

مرحبا أخوووي المدني،،
تنورنا إنشاء الله بزيارتك وطلتك لبلدك الثاني قطر،،
سلف الامة وحماده ما قصروا معاااك،،
السكن خلك قريب من سوق واقف وخلف متحف قطر الوطني (تحت الصيانة المتحف) هم قراب من بعض،،
شوف بالنسبة لكاميرات الرادار راح تصيدك لكن محد بيوقفك في المنافذ لكن المخالفة راح تدفعها بعدين لما تجدد رخصة السيارة عندكم بالسعودية هاااي حسب معلوماتي لاني في الامارات تخالفت اربع رادارات ودفعتها كلها في قطر ومرتين في البحرين ودفعت في قطر،،

وربي يعطيك العااافية وأي معلومة ثانية ترانا في خدمتك طال عمرك،،

مشكور اخوي عبدالله وقطر عامرخ باهلها ان شاالله

وكويس انك نبهتني لاني سافرت الامارت قبل سنتين بس ماحد قالي شي

والتقنيه كل مالها تتطور في المرور

اخوي اول شي حاسب من المخالفات سعودين واجد مايعرفون القوانين راح اذكرها لك اهني

اولا الجسور 80 والانفاق 60 كيلومتر

قليل من الجسون 100 كيلومتر وقليل من الانفاق 80

والهاي واي 100 لاتسرع اكثر

ومن بوسمره لين قطر اضن السرعه القصوى 120 او 100 مو متاكد بس لا اكثر ولا اقل

وطبعا المسافه 90 كليومترا

والشقق اذا تبي فخامه منطقة الابراج الي هي الدفنه ماتقصر

وعندك منطقة السد وجمب سوق واقف ايضا

ورحله سعيده يارب ولا تنسى اول ماترجع تقولنه وين رحت ووين جيت في قطر وشلون كانت وياك

ورحله سعيده يارب

الله يعطيكم الف عافيه يااهل قطر

ومشكورين على تعاونكم

المشاركة الأصلية كتبت بواسطة المدني1982
http://www.arabtravelersforum.com/tr...6/#post5152794

الله يعطيكم الف عافيه يااهل قطر

ومشكورين على تعاونكم

العفو اخوي وحياك الله بديرتك قطر

وأي ستفسار أنا حاضر وشبااب

ان شاء الله ماراح يقصرون معاك

تقبل تحياتي وأقامة طيبية