الموضوع: محتاره ارجوا الافاده

بسم الله الرحمن الرحيم



محتاره بالتخطيط .... ارجوا المساعده وجزاكم ربي خير الجزاء


بنروح باذن الله بريطانيا .. والمده تقريبا من 18 الى 20 يوم على حسب التخطيط
مارايكم من ناحيه الافضل :::::


مانشستر او بلاك بول ( من خلال التقارير عجبتني بلاك بول اكثر ) (( من خبرتكم مالافضل او اسكن فيها ثنتينها )) انا وودي ببلاك بول بس خايفه بالليل مايكون نسبه الامان عاليه على عكس مانشستر ... او من وجهه نظركم امدد المده في مانشستر ويومين اطلع للبلاك بول وبالليل ارجع للمانشستر .. مدري محتاره ..
ثم
منطقه البحيرات ( اعتقد 3 ليالي كافيه ) لسنا من محبي الريف كثيرا بس حرام نروح ولا نستمتع ولو بجزء بسيط من الطبيعه .
ثم
لندن


....
هل من وجهه نظركم اضيف لوخ لومند بدل ويندرمير او اضيف جلاسكو او ادنبره ! او كذا كفايه
اول مانوصل لندن بالقطار الى مانشستر او اذا لقينا رحله على مانشستر ف خير وبركه .
افضل ان تكون اخر محطه لي لندن وليست مانشستر عشان الشوبنق .
لا افضل ان اقسم المده على لندن اول ماوصل ووقت المغادره فلذلك اخترت الانطلاقه مانشستر .
الاشخاص : 2 انا وزوجي .


....


المطلوب : رتبوا لي سير الرحله وكم المده في كل مدينه .
وماهو الافضل اسكن جهة النهر ولندن اي او جهة الاكسفورد .
اول زياره لنا لبريطانيا وليست الاولى لاوروبا .


انتظركم .

مواضيع عشوائيه ممكن تكون تعجبك اخترناها لك:

• ابي مساعده في الحجوزات وخطة السير
• هل تكفي تذاكر الدخول للمتاحف ورقية ام الكترونية
• ابحث عن فندق في لندن
• عدة استفسارات لجديد على بريطانيا
• اين افضل مكان للسكن في لندن
• االبحيرات؟؟؟؟
• شركات الشحن من لندن الى الخليج؟؟؟؟ انقذوني
• مشاهداتي في لندن
• بخصوص شراء التذاكر من النت
• هنا خريطة الباصات لمعالم لندن الشهيرة
• استفسارات عاشق الشواطي ترتيب الرحلة الى لندن
• رحلتي المصورة بأكثر من صورة لخمس مدن بريطانية
• استفسارات
• انواع غرف فندق كمبرلاند
• مطلوب شقه في شارع العرب او قريبه منه
• ترجمة تعريف العمل
• بخصوص لندن والمدة ومدينه ثانيه
• استفسار لندن وباريس
• تم رفض الفيزا ليه وكيف ؟؟؟؟؟؟؟ قولوا لي بليز
• ابحث عن شقة سكنية للعائلة في لندن

حياكم الله

في اي شهر السفر ؟؟ وعلى ضوء الفترة سوف يتم ترتيب الجدول

السكن بالقرب من الهايد بارك والاكسفورد

جزاك ربي خير الجزاء على سرعه الرد ، :015:

الشهر الي راح باذن الله نسافر فيه عربي 4 ايام عيد الفطر ( انقلش 11 اوقست - 2013 )


* من ناحيه السكن محتاره لانه في مناطق حيه كثيره من خلال بحثي لكن
؛طبيعتنا نحب السنتر لانه يكون عالم + كوفيهات ( عشان لو في فتره المساء نتمشى مشيا على الاقدام ثم الاستراحه في احد الكوفيهات ، مثل شارع الشانز في فرنسا ف نحن من محبيه ) بغض النظر عن شارع العرب ف من خلال التقارير لم يعجبني ولا افضل السكن فيه ابداا ..


- شارع الاكسفورد اعتقد يناسب ميولنا وقد اخترت فيه ثيستل ماربل ارتش ك اختيار مبدئي وس احجز باذن الله ( بالغاء مجاني ) بعد اقتراحاتك لي .
- وقرات عن النايتس بيردج التي يتواجد فيها هارودز وعجبتني لكن لااعلم ماهو بعدها عن الاكسفورد مثلا ؟؟ وهل هي منطقه حيه ؟؟ ولا اعلم من ناحيه الكوفيهات
- واما منطقه الهايد بارك والنهر ولندن اي والبق بن ،،،، فلا لدي اي علم هل فيها كوفيهات او حتى منطق حيه ؟؟


وهل من الممكن اوتيل مناسب اربع نجوم في منطقه النايتس بيردج او الهايد بارك ، لكي يتسنى لي الاختيار فيما بينهم ..


شكرا جزيلا وبارك الله في حياتك ..
اعتذر عن الاطاله لكن اريد توضيح الصوره كامله لك ..

حياكم الله

شهر 8 اغسطس ممتاز

توجد فنادق مثبتة فئة اربع نجوم ممتازة وموقعها ممتاز كلها في السنتر وعن تجربة الاعضاء وفندق ثيستل ماربل ارتش ممتاز والموقع ممتاز وهو بالقرب من الاكسفور والاجول رود - شارع العرب
الاكسفورد حيوي في النهار اما الليل لايوجد شي فيه ولكن بجانبة شارع العرب ويوجد فيه كوفيات و مطاعم عربية ومحلات بقالة
منطقة النيست بردج منطقة الهاردز ممتازة وراقية وفيها بعض الكوفيات بالليل وممكن الذهاب الى منطقة البيكاديلي في الشوارع الرئيسية وعدم استخدام الشوارع الفرعية لانها ممتلئة بالحانات ولكن المكان ساهر حتى الفجر
ومن الماربل ارش الى النيست برج بالباص 74 تقريبا 7 دقائق

منطقة النهر والبيق بين منطقة للصباح فقط وليس فيها حياه بالليل

اوروبا تحتلف عن الدول العربية
اوروبا فيها حيات النهار يعني تصحون الساعة 8 وتفطرون وحواطة الى الساعة 8 م وهذا احلى شي في اوروبا وممكن اي كوفي قريب من منطقة السكن والمكوث فية الى قرابة 11 م

اتمنى لكم التوفيق

جزززاك ربي خير الجزاء وساتوكل على الله ثم اختار ثيستل ماربل ارتش .... او في منطقه النايتس بيردج .. ساعدتني بخبرتك في تحديد منطقه السكن ..

لكن لم تجيبني في مساله تحديد اماكن الرحله والمده .. ارجوا ان لاتتاخر وتفيدني بذلك ..

السلام عليكم

ماقصر مشرفنا جعله ذخر لنا دوم

لنا عوده ان شاءالله لان الحين دقة ساعة النوم 😴

ارجو المعذره

ماتقصر اخونا القطري والبركه فيكم ...
بانتظاركم ...

الفندق اللي اخترتيه ممتاز وعن تجربة

المنطقة جدا جميلة (مطاعم كوفي شوب محلات قريب من الهايدبارك والسينما حتى قريب من متحف الشمع)

وفيه موظف جزائري خلووووق جدا يعمل عند بوابة الفندق

انا قضيت 6ايام في لندن وحدها ولا كفتني

رحلتي كانت مقسمة بين لندن وباريس

رحلة موفقة

تلومني الدنيا :: الحمددلله ف اعجابك بالفندق وتجربتك له يزيدني ثقه فيه ، والعلم عند الله اني اخترته بعد ماقرات الكثير ممن في هذا المنتدى يمدحه ..

\\

3 ليالي في لندن [ لانه تم تقديم اجازه السفر من اخر ايام رمضان ففضلت السفر يوم 29 رمضان كي يتسنى لنا صلاه العيد في المسجد الاسلامي ريجنت بارك ] .
ثم مانشستر 3 ليالي ( يوم لملاهي التون تاورز + يومين في المدينه نفسها ) .
ثم ليلتين بلاك بول .
ثم ليلتين ويندرمير .
ثم 7 ليالي لندن [ للشوبنق والعوده منها الى السعوديه ]

هل التقسيم مرهق او زياده مصاريف في التنقل ؟؟
كما اسلفت اريد التخطيط والمده المناسبه لكل مدينه من حكم خبرتكم ...؟
او من وجهة نظركم اترك السفر ايام العيد وتكون البدايه من مانشستر والعوده من لندن ؟؟
محتاره واريد الحجز مبكرا ..

بارك الله فيكم جميعا

التقسيم ممتاز توكلو على الله

وممكن نعدل في اشياء بسيطة

انا عن نفسي لندن فقط

الحمدلله انه تخطيط مناسب ...
وتم تحديد الاوتيلات في جميع المدن ماعدا ويندرمير لم اعرف للبوكنق
هل اكتب بونيس اون ويندرمير او ويندرمير ؟
او عندكم سكن مناسب وموقعه ممتاز سواء فندق او شقق او اي شي

شكرا ولا تفي

بحيرة وينداميير

أسهل طريقة للذهاب الى مدينة وينداميير Windermere بالقطار حيث هناك تقع بحيرة وينداميير


رابط القطار للحجز
http://www.nationalrail.co.uk/

عند الوصول الى المدينة سوف تشاهدون خارج محطة القطار الصغيرة محلات تسوق ، وخلفها جهة المدينة سوف تشاهدون مركز الإرشاد السياحي. وهو يوفر جميع الارشادات السياحية
وممكن الذهاب بالتاكسي للمدينة والبحيرة.

أو إذا كنتو من هوات المشي ؟ تروحون مشي ويبعد وسط المدينة أقل من 10 دقائق ، والبحيرة حوالي 20 دقيقة .

السكن متوفر في كل مكان سواء فنادق أو نزل رخيصة .

يتوفر في المنطقة أماكن استجمام ورحلات في البحيرة ، واستئجار قوارب ، ومطاعم متنوعة .

المدينة صغيرة نوعا ما .
والتنزة حول البحيرة ، وركوب القوارب أفضل شيء في المنطقة .

يومين كافية تماما.

يمكن يوم واحد يكون كافي بعد إذا كنت مستعجل .

وممكن تسوون بحث في قوقل.. معلومات شاملة عن المنطقة
Lake Windermere, Cumbria

أفضل وقت لزيارتها من شهر 4 الى شهر 10
وهذا فندق بنظام الشاليهات ممتاز
[size="3"][b][color="darkred"]http://www.booking.com/hotel/gb/burnhowhotel.ar.html?aid=358324
وتوجد بعض المناطق الريفيه الانجليزي وهي مناطق حلوة
1- swansea هذه المنطقة وايد حلوة .
2- tenby منطقة ريفية وهادءة .
3- barryisland منطقة بحرية حبيت احطها لكم لانها وناسة وحركة .
4- brecon وايد حلوه وناسة انصحكم فيها وهذي المنطقة ايبون منها مياه صحية .
وهذا سايت في عن الاكواخ

http://www.walesdirectory.co.uk/holiday-cottages


وهذا فندق مناسب على البحيرة

http://www.macdonaldhotels.co.uk/our...and-hotel-spa/

اتمنى هذه المعلومات تفيدكم

حاسه اني رديت ع موضوعك هههههههه بس وين ردي
عموما ماقصرو الشباب

ههههههههه لندنيه لا حبوبه مارديتي
عموما مانستغني عن خبرتك .. ولا قصروا

السلام عليكم

هلا وغلا اختي

واااااااااااااااااسف على التأخير ..

المخطط حلو وبما ان عددكم شخصين بس فراح انتغاضى عن كثرة التنقلات لان 4 مدن تعتبر نوعاً ما واجد ..ولكن على شخصين سهله ان شاءالله وخصوصاُ انها اول مره ..ان شاءالله راح تستانسون ..

بالنسبه للفندق الي سحب باوند فهذا والله اعلم ان الفندق يبي ايتأكد ان معلومات الفيزا انها صحيحه وبوكنق مضمون والحجوزات كلها مضمونه ان شاءالله فلا اتحاتين ..

كلمة حق واحب اقولها ..ماشاءالله تبارك الله من خلال طرحك للموضوع امبين انه قريتي عن بريطانيا واجد وامحدده كل مده في كل مدينه بعدد معين وحلو ..

ولوا كان اكثر الأعضاء كذا كان سهلوا على انفسهم وعلى المشرفين والخبراء ..لأنه امبين انس قريتي مواضيع واجد وهذا الي ايخلي المواضيع المصوره لها قيمه ..

واي خدمه احنا في الخدمه

والشكر لمشرفنا وشيخنا موادع ..

لندنيه حصلتي الرد ولا لحد الحين ^_*

هلا بك القطري .....
تم الحجز النهائي على مخطط 3 مدن وليست اربع ف ياليت المخطط ينال على اعجابكم من حكم خبرتكم ...
6 ليالي مانشستر ( يوم للتون تاور - يوم لبلاك بول - يوم لليفربول النادي ) وباقي الايام في مانشستر .
3 ليالي ويندرمير .
ثم العوده من لندن 10 ليالي .

شكرا كثيرا لكم ..

ننتظر التقرير الشامل على الرحلة

بالتوفيق

باذن الله .... شكرا

المشاركة الأصلية كتبت بواسطة الا انا
http://www.arabtravelersforum.com/tr...5/#post7472565

ههههههههه لندنيه لا حبوبه مارديتي
عموما مانستغني عن خبرتك .. ولا قصروا



عذرا حبوبه من كثر المواضيع صرت الخبط وان شاء تتوفقون بالرحله واي سؤال بالخدمه وخاصه عن الشوبينج حاضرين لوووووووول

لندنيه : الشوبنق اجمل شي بالحياه ههههههه .....
بالنسبه للمانشستر مفكره انه ماشتري شيء مناك
البوتيكات ماعندي مشكله ومحدده وش ابي .. وبمر الاوت لت بستر فيلج ،. يمكن احصل شي ..
وفيه قدور فتافيت الملونه ( خليت لندن العوده منها عشان هالشي ) بحثت ولقيت محلاتها ب شارع الاكسفورد
وناويه على اشياء من هارودز للمطبخ .....
* وابي مكان للتذكارات مثلا للمطبخ او المغناطيس للثلاجه < احبهااا ؟ تعرفين من وين
* وابي تخبريني وين الاقي مكتبه ههههه مابي من هارودز ( ابي اشتري لي دفاتر واقلام يكون عليها الاماكن السياحيه وبجيب ل عيال خواتي بعد ) ..
* وبعد كفرات للايفون والبيبي تكون عليها الاماكن السياحيه اتمنى اعرف وين ؟
* عطيني 4 عطور تكون مميزه واكسكلوزيف للندن اذا فيه ؟

^^ اربع اسآله للشوبنق وماتقصصري اختنا لندنيه
انتظرج

وينج اختي لندنيه

شوفي ياحبي ...
الشوبينج عندك الاكسفورد فيه برايمارك محل حلو واسعاره يابلاش
والشارع كله محلات يمين ويسار اخره يجي الريجنت ستريت فيه محل الاطفال الشهير هامليز وماركات زي فيراري وغيرها
البوند ستريت كله ماركات
النايسبريدج شارع راقي جدا هو اللي فيه الهارودز والهارفي نيكولز ومحلات ومطاعم وكافيات راقيه
خلف الهارودز في شارع الصلون ان بوتيكات هو الشارع اللي صورت فيه المطربه شمس اغنيتها الاخيره عند لوي فيتون هههههههه ياجمال ذا الشارع
بالهارودز تحت قسم تذكارات كلها هارودز مررررره جميل
وبالنسبه لتذكارات اي لوف لندن بكل مكان تلاقين كشكات عند اللندن اي وبالهايد بارك وبالاكسفورد وبالبيكاديلي
كمان في ام امز اللي بالبيكاديلي لايطوفك جممممميل
الكوينز وي شارع تجاري وفيه مطاعم ومول صغير وحليووو وفيه مطعم خان هندي عجييييييب
كمان الويستفيلد مول ختتتتتيرررر احبه واحبه المقاهي فيه روقااااان وشامل وفيه كل الماركات من الضغيره للكبيره
لندن من اشهر مدن العالم بالتسوق
انبسسسسسسسسطي حبوبه

بالاكسفورد فيه 4 مولات : سيلفرج
جون لويس
دبنهامز
هاوس اف فريزر
كل منها مكون من خمس طوابق
وكلها بالاكسفورد
ولاتنسين البستر فلج روحي له بدري لان الخليج ماشالله عليهم يقضون عليه خخخخخخخخ

ماقصرت لندنية

بارك الله فيها

المشاركة الأصلية كتبت بواسطة القطري
http://www.arabtravelersforum.com/tr...7/#post7473687

السلام عليكم

هلا وغلا اختي

واااااااااااااااااسف على التأخير ..

المخطط حلو وبما ان عددكم شخصين بس فراح انتغاضى عن كثرة التنقلات لان 4 مدن تعتبر نوعاً ما واجد ..ولكن على شخصين سهله ان شاءالله وخصوصاُ انها اول مره ..ان شاءالله راح تستانسون ..

بالنسبه للفندق الي سحب باوند فهذا والله اعلم ان الفندق يبي ايتأكد ان معلومات الفيزا انها صحيحه وبوكنق مضمون والحجوزات كلها مضمونه ان شاءالله فلا اتحاتين ..

كلمة حق واحب اقولها ..ماشاءالله تبارك الله من خلال طرحك للموضوع امبين انه قريتي عن بريطانيا واجد وامحدده كل مده في كل مدينه بعدد معين وحلو ..

ولوا كان اكثر الأعضاء كذا كان سهلوا على انفسهم وعلى المشرفين والخبراء ..لأنه امبين انس قريتي مواضيع واجد وهذا الي ايخلي المواضيع المصوره لها قيمه ..

واي خدمه احنا في الخدمه

والشكر لمشرفنا وشيخنا موادع ..

لندنيه حصلتي الرد ولا لحد الحين ^_*



شكككلي مضيعه خخخخخخ

ماقصررتي حبوبه وربي يعافيك وافدتيني بخصوص ام امز عاد من عشاقه انا ..... وعارفه انه ب لندن بس كنت مادري وين ...
يعني مافيه مكان للدفاتر والاقلام مره متحمسه اجيب لهم يالله ان شاء الله الي بيعرف بيدلني ...
والعطور بشم ريحتهم ومنها بقرر .. يكفيهم انها من لندن ههههههه ،،

مررررسي حبوبه

تذكارات وهدايا احلى شي من الهارودز وان شاء الله تروحون بوقت خصومات يكون في الهارودز

وكذلك في ميدان البيكاديلي فيه محل نسيت اسمة كله تذكارات تخص بريطانيا وبتلقين جميع الي تبين فيه ولو افضل الي بالهارودز اكشخ


وتاكدي زين من حلاو ام اند امز بالانواع الي ماتكون تحتوي على شي من مشتقات الخنزير اعزكم الله لانها موجودة وكذلك الي بالهارودز يجب الانتباه وسؤالهم قبل الشراء

هذا وماقصروا الاخوان والاخت لندنية كفت ووفت الله يعطيهم العافيه واي خدمة حاضرين ومانقصر

غداً افضل يوم للخصومات في لندن

فاررس الجبيل جزاك ربي خير الجزااء ماقصرت
وينا ووين لندن بكره يالموادع

تبون محل هدايا خاصة في لندن

فية محل على الاكسفورد حلو

وفية محل مقابل المتحف البريطاني

بالتوفيق

شكررا الموادع جميعكم افدتوني

السلام عليكم
حبيت افيدكم بفندق ممتاز وانا شخصيا جربته بالعيد اللي طاف (Best Western Premier Mostyn Hotel) واسمه تغير حاليا وصار Double Tree by Hilton
الفندق موقعه روعة وخدمتهم ممتازة جدا وانصح فيه وبشدة

الله يجزاج خير على الفندق .. ماقصرتي

سؤؤؤال اخير عن الفندق بتوكل على الله ثم ترشيحكم
( كل فتره احجز اوتيل واكنسله :"( مدري وشلون ابي شي مرتب وسعره حلوه ...
ف اختاروا لي من بين هالثلاثه :
Shaftesbury Suites London Marble Arch
الحجز ب 8951 ريال سعودي لمده عشر ليالي
او
Radisson Blu Edwardian, Sussex
الحجز ب 9833 ريال سعودي لمده عشر ليالي
او
Lancaster London
الحجز ب 8658 ريال سعودي لمده عشر ليالي

اهم شي القرب من الاكسفورد + نظيف اوكي :")
والي يقولي اسم اقرب محطه لكل اوتيل وكم تبعد الله يوفقه دنيا واخره :")

بليز لازم احجر الليله اخاف ترتفع الاسعار اكثر واكثر ....
مابي الثيستل والكمبرلاند لاحد يقولهم لي ،، هو الخاطر بمونتكالم بس بفرصه ثانيه ان شاء الله
ناوينها شوبنق هالمره


انتظررررررركم

قولي امين يا فارس ، بان يفرج الله همك ويحقق لك مرادك ..
اثق بآرائكم شاكره لك :")

راحت علينا الدعوه ^_*

اضم صوتي لصوت مشرفنا في الترتيب ..

بالتوفيق ان شاءالله

القطري الله لايحرمك الاجر *ـ^

المشاركة الأصلية كتبت بواسطة الا انا
http://www.arabtravelersforum.com/tr...6/#post7607496

قولي امين يا فارس ، بان يفرج الله همك ويحقق لك مرادك ..
اثق بآرائكم شاكره لك :")



اللهم آآآآآمين

جزاك الله خير اختي

شي للبيع عندكم

^^^

بس للشباب اما الشيبان الي يرقدون بدري مالهم شي ^_^

كل كم يوم راده ب سوال :")ابي محطه ST Pancrac الي نروح منها لباريس كيف اوصلها من الماربل ارش ستيشن ؟؟؟ ...سويت سيرش من الماربل ارش الى هالمحطه ولا لقيتها ..او يمكن لها اسم ثاني بس ماني عارفته مدري والله :")

^^ تعديل على الرد


طلعت اسم المحطه من الخريطه صح عليّ King's Cross St.Pancras ؟ وفيها طبعا قطارات اليورو ستار الي بتطلع على باريس والي ادور عليها ؟


وثانكس مقدما :")

من الماربل آرش تركبون على الخط الاحمر الى Oxford Circus اللي هو السنترال لاين ( الخط الاحمر )

تنزلون في محطة اكسفورد سيركس وتركبون الي رايح لمحطة سانت بانكراس على الخط الازرق الفاتح ( فيكتوريا لاين )


بتمرون محطتين لاتنزلون فيها خلكم في المترو بيوقف 2 مرتين في المحطات التالية :


1- وارن ستريت
2- يوستن سكوير




3- سانت بانكراس ( المحطة المنشودة )



المحطة تقع على شارع يوستن رود في آخر امتداد المارليبون رود


اسم المحطة kings Cross s.t pancras

ايوا اخوي فارس الجبيل خط السير نفس الي طلع معاي في الخريطه بعد ماحطيت اسم المحطه كينق كروس سانت بانكراس ...

اذن ( سانت بنكراس ) هي هاذي ( كينق كروس سانت بانكراس ) ؟

ايواااا شكرا جزيلا الله يجزاك خير ....

سامحينا المفروض انوضحها من البدايه 😷

حقكم علينا

ولو القطري والله ماقصررتوا ..
جزاكم ربي الجنه على مساعدتكم
ولو يصعب علي شي برجع لهالموضوع طبعا ..