الموضوع: العيش والاستقرار في قطر هل هو ممكن ؟

قطر بلد جميل ومحل اهتمام الكثير من الشركات العالميه بسب المشاريع الكبرى فيه مثل الجامعات والمستشفيات وشركة القطار والمطار الجديد والمينا وكذلك شركات الغاز والنفط.
السكن متوفر باشكال وانواع كثيره شقق او فيلل والاسعار اكيد متفاوته وحسب الموقع ومن 5000 حتى المائة الف للسكن والمدارس يوجد الكثير من المدارس الاجنبيه وكونك خليجيه لك معامله المواطنه واتوقع فرص العمل بالمدارس كبيره وكونكم خليجين ابد ماراح تشعرون باي غربه خاصه اذا سكنتوا بين العائلات القطريه والامور طيبه وللتسليه عندنا سبايرزون وكتارا وسيلين وكثير غيرهم

من ناحيه معامله الخليجي فمن المعروف ان الخليجي في قطر يعامل معاملة ابن البلد في كافة الامور عدى الرواتب فقط ..
من ناحيه الاسعار هي اكيد غاليه وتقدرين تقارنينها بدبي .. وعلى حسب صرفكم


بخصوص مدرسة الولد بالبدايه لازم تحددين السكن لان نظام المدارس الحكومية التغى وحاليا في مدارس مستقله وهي تعتمد التسجيل على عقد السكن .. شي جذي


وحياكم الله بين اهلكم واخوانكم

هلا اختي بخصوص توظيفك ابشرك فيه موظفات كثر سعوديات ولي صديقه سعوديه معلمه باحد هالمدارس راتبها 12 الف ريال قطري الحياه نفس ماسمعتي غاليه اقل شقه ممكن تكون بثلاثه الاف غرفه وصاله وتوابعهم وممكن تلاقين غرفتين وصاله بتوابعهم بنفس هالسعر بس بالمناطق خارج الدوحه ابنك لانكم قطاع خاص ماادري اذا يقبلونه بالمستقل اولا لاني اذكر لما جيت اسجل ولدي كان من الضمن الشروط انه شغل الوالد يكون حكومي ولكن لاتشيلين هم المدارس الاجنبيه متوفره لكن ماانصحج بالتاخير اذا قررتوا على قطر خصوصا المدارس الاجنبيه اغلبها توقف التسجيل بشهر 4 ومايكون فيها شاغر للمقاعد ممكن تحجزين من الان وتراسلين اي مدرسه عشان ماتضيع على الولد سنه كامله

موفقين

السلام عليكم ورحمة الله وبركاته
مدارس قطر كلها مستقله والتوظيف يكون في كل مدرسه على حده

السلام عليكم ورحمة الله وبركاته
اما بالنسبه للسكن فلو تستطيعون تشترون فيلا واااااااااااايد احسن
وافظل موقع لعرض العقارات هو شبكة الاسهم القطريه قسم العقارات
وكذلك لو تفتح موقع جريدة الشرق القطريه في ملحق الوسيط في الكثير من الفلل
اما الاسعار فعلى حسب الموقع والتشطيب والفلل داخل الدوحة اسعارها من 2000000 الى 2500000 ريال للفيلا مساحة
450 متر وكل ما طلعت خارج الدوحة تقل الاسعار فمثلا في سميسمه الفيلا 1500000 ريال وفي المشاف 1800000 ريال

اختي اول شي حياكم في قطر

ثانيا الاسعار جدا اصبحت منخفضه بعد الازمه العالميه

اما الحياه فهي ممتعه فهي مناسبه للعيش والسياحه والتعليم
اما كمدرسه فـ مافي مدارس حكوميه الان في قطر كلها مستقله يعني انتي وحظج مع مديرة المدرسه بس الروات عاليا وليست قليله يعني اقل شيء 15 الف

بس على فكره المدارس المستقله تشترط الانجليزيه لانه المنهج يقدم بالانجليزي بس اغلب الاحيان يمشونها من الروضه والتمهيدي مرورا باول ابتدائي الى ثالث ثانوي هذا الكلام للمواد الكيميا والفيزيا والكيميا ( العلوم ) والرياضيات

والسياحه موجوده لاتخافون 6 مجمات حاليا و 5 تحت الصيانه وافتتاحهم من هل سنه الى 2013 تدريجيا

وبالنسبه للاشغال فالدوله محتاجه حيل خصوصا مطار قطر قرب الافتتاح بداية 2012 ومحتاجين 50 الف وضيفه للعمل بالمطار وغير المدارس الي تنبني وغير المتسفيات فلاتخافون نسبة العاطلين في قطر اقل من 2%

حيااااكم أختي انتي وزوجج والصغيرون،،
شوفي قطر حلوووه وصغيره وكل شيء جنب بعض والامن مستدب عندنا والحمدلله،،
بالنسبة للسكن ماعرف هل يحق لكم التملك او لا ولكن اغلب الظن لا يمكن،
ولو رحنا ناحية الايجار الخيارات عندنا كثيرة ومعقولة بعض الشيء فمثلا عندنا شقق فخمة مفروشة بالكامل اثاث فخم وايجارها للغرفة والصالة والمطبخوحمام الله يعزج يبدا من 4500 ، وفي شقق مفروشة جديدة بس اثاثه مب فخم لكن ايجاره رخيص حيث تكون مفروشة بالكامل وغرفتين مع ملحقاتها في الدوحه ايجارها يبدا من 4300 والمشاف يبدا من 4000 وهي شقق ازدان، وفي عندكم بعد خيار هو فلل ارضية لكن في مناظق بعيدة ويبدا الايجار فيها من 5500 ريال.
بالنسبة للوظيفة فانشاء الله بتحصلين بكل سهولة حيث لوتقدرين تدخلين بشكل يومي جريدة الراية والشرق عن طريق النت وتقرينها راح تحصلين فيها مدارس مستقلة تحتاج لتوظيف مدرسات بمختلف التخصصات.
بالنسبة لولدج راح ما يقبلونه في المدارس المستقلة مدام الاب لا يعمل في جهة حكومية (لكن في بعض الحالات الاستثنائية الي ممكن تجادلين المدرسة فيها حيث ممكن تحصلين على موافقة من الديوان ويتسجل ولدج في المدرسة وعلى ما عتقد لو انتي اشتغلتي في احد هل المدارس ممكن ولدج يدرس فيها، أما المدارس الخاصة فهي أسعارها مرتفعة طبعاً ولازم تسجلين مبكر لانه عندهم قائمة الانتظار طويلة جداً (فالله يعينج)
بالنسبة للمعيشة عندنا الحمدلله حلوه ومستوره والاغراض او المشتريات الحمدلله في متناول الجميع، طبعا عندنا الكثير من الحدائق والمجمعات لقضاء عطلة نهاية الاسبوع،،
في النهاية ترى خليجنا واااحد وكلنا ديرة وحده وسوا رحتو لدبي الكويت او قطر ترى كلنا واااحد وإنشاءالله ماراح تحسين بأي فرق لانكم بتكونون بين اهلكم وربعكم،،
ربي يوفقكم وأي خدمة ثانية طال عمرج نحنا تحت أأمرج،،

اشكركم اخواني على المساعده بإذن الله جاري البحث عن جميع الخيارات عندنا شهر نقرر وان شاء الله خير ..

اتمنى لقطر مزيد من التقدم والازدهار في ظل شعبها وحكامها الله يحفظكم من كل سوء .....امين ان شاء الله

ان شاء الله الاخوان ماقصروا واي شى ترى حاضرين لكم ^^

المشاركة الأصلية كتبت بواسطة ملاك و حلاوووة
http://www.arabtravelersforum.com/tr...0/#post5106860

ما ابي اطول عليكم .. ولكن زوجي عرضت عليه الشركه التي يعمل فيها ان يتم نقله الى دبي او الكويت او قطر .. وعليه ان يختار ايهما انسب اليه ..

سؤالي /

هل العيشه هناك غالية مثل ما نسمع والاجار والمواصلات غالية ؟ واذا نبي نشتري شقة او بيت ممكن نحصل بكم الاسعار

ولو انا ابي اتوظف هل سهل اني احصل وظيفة انا معلمه في وزارة التربية الان؟
هل يقبلوني في مدرسة حكومية وشلون الوضع في مدارسكم يعني الراتب بيكون مثل راتبي اللحين ولا اعامل كمعلمة اجنبية ؟ زوجي بحريني وانا سعوديه !

وولدي صف كي جي 1 يقبلونه في المدارس الحكوميه ولا بس خاصه هو اللحين في مدرسة خاصه بريطانية ؟

مع العلم ان مدة العقد بتكون سنتين وقابل للتجديد على حسب رغبتنا اذا حبينا نطول ولالا ؟


انا محتارة مب عارفه شسوي ما ابي اتغرب عن ديرتنا لكن محتارة لازم اختار ...لان الشركه بتنتقل من البحرين ..وبيغلقون فرعهم هناك !!! وزوجي ملتزم وياهم !!

يأهلا وغلا فيكم بديرتكم الثانية قطر.


- لمه اي شخص يحب يقارن معيشة دولة لزم يقارن رواتب سكانها باسعارهم وليسه يقارن دخله الشخصي بمزانية الدولة بنسبة حق رواتبنا لدولة قطر الاسعار جيده ليسة برخيصة ولا غالية وسط على حسب برمجة الشخص وصرفه, مقارنا بدول الخليج تعتبر أغله دولة بالخليج في نواحي ونواحي أخره تعتبر جيده.


- على حسب علمي الشركات توفر سكن لموظفيها وخلي زوجك يتاكد من هالموضوع , واذا مايوفرون أكيد لزم يعطونه بدل سكن.


- أذا بتجلسون فتره قصيره ماأنصح تشترون بيت او شقة , لان البيوت غاليه خاصه بدوحة على مليونين وطالع.


- الاجار بقطر نظام شهري والشقق الصغيره تبداء من 5000 ريال وطالع الى 14000 طبعا على حسب الموقع.

- الفلل من 8500 وطالع .

- مدارس عندنا نظام مستقل " يعني التعليم المواد كلها بالغة الانجليزية ماعاده العربي والتربية الاسلامية " ونظام المدارس

نظام أوربي من حيث اسس التعليم والخ.

- توفر الحكومة من التمهيدي لين الجامعة وتقبل جميع الجنسيات.

- مناحية التنقل في أكثر من وسيلة من تكاسي , باصات لها مواقف بكل مكان ولها مواصفات عالمية وأغلب المدارس توفر

باصات ايضان مكيفه لتوصيل الطلاب. بس افضل شيء السيارة الخاصة.


- توظيف المعلمات عندنا بقطر يا عن طريق وزارة التربية وتعليم او عن طريق المجلس الاعالى للتعليم وهذا موقعهم

http://www.education.gov.qa/




وأن شاء الله أذا عزمتو على الجيه وماوفرت لكم الشركة سكن ممكن ادليكم على شقق وفلل بسعر جيد والله يوفقكم بحياتكم

بو سعد .. ما تقصر مشكوور اخوي

فهد قطر ..
شكرا لك اخي الكريم والله ما قصرت بالموقع احاول اطلع عليه .. بالنسبة للسكن اكثر شئ يشغل بالي ما ابي شقة ضيقه لان عندي اطفال ومتعودين على البيت اهني وما ابي اضيق عليهم
الشركه تعطينا بدل للسكن من ضمن الراتب بس احنا نبي نشتري حتى لو شقة احسن لنا من الاجار ..

ان شاء الله خير ما قصرتو يا عيال العم

الله يكتب لكم الخير ويسهل اموركم

دمتم بخير

الله يسهل امورج يا اختي ويوفقج