الموضوع: من مطار هيثرو الى بادينجتون

السلام عليكم و رحمة الله و بركاته،
حابه استفسر عن وسيلة مواصلات غير التاكسى توصلنى من مطار هيثرو الى بادينجتون و كيف يمكننى ان احجز فيها؟ و فى يوم السفر كيف يمكننى الذهاب الى المطار مجدداً؟
مشكورين مقدماً. من الموبايل

مواضيع عشوائيه ممكن تكون تعجبك اخترناها لك:

• أسئلة لخبراء لندن ، ارجوا الدخول
• ياليت تتفضلون علي وتختارون لي أفضل خمسة فنادق
• حديقة الحيوان لندن
• مساعدة في ترتيب شهر العسل لو سمحتوا
• قصة رحلتي الى لندن وقت الانفجارات
• مدن تنصح بزيارتها غير لندن
• أستفسار عن لندن
• مساعده بخصوص ترتيب رحلتي إلي بريطانيا
• لندن مانشستر والبحيرات واستفساراتي
• الذيب بالقليب غداَ رحلتي الى برايتون ولمدة أسابيع
• لندن شهر
• التنقل والمواصلات
• دعوة صادقة في ظهر الغيب لمن يجيب على سؤالي
• تحذير من شقه مفروشه
• أحتاج إلى معلومات عن مدينة البريطانية
• تعليقاتكم على هذا الفندق ضروري
• آبحث عنشقة او ستديو مناسب في لندن؟
• خبراء لندن افزعوا لي اول مره اروح لندن ولا اعرف شي
• استفسار عن موعد تخفيضات الكريسماس
• رحلة نسيم نجد من الشرق إلى الغرب في بلاد الإيرلند

وعليكم السلام

إذا ما حابين تستخدمون تاكسي فالأفضل أستخدام قطار هيثرو أكسبرس Heathrow Express و على الرابط الشركة تستطيعون أن تحجزون بأي وقت


أرجو أن أفدتك

خبيرة لندن من الموبايل

مشكوره عزيزتى يعطيك العافيه، بس حبيت استفسر كيف الرجعه الى المطار؟ و سمعت ان فى باص من المطار الى اى مكان بلندن فياريت حدا يفيدنى من الموبايل

وعليكم السلام ورحمة الله وبركاته

هلا وغلا

يعتمد على عددكم ..

اذا كان المسافر شخص او شخصين بالكثير فالأفضل والاسرع قطار هيثرو اكسبرس ..

واذا كنتوا مجموعه الافضل شركات التوصيل وهذا موضوع بالصور وخصوصا انها ارخص من التاكسي واحسن ..


http://www.arabtravelersforum.com/travel349761/


واي خدمه احنا في الخدمه

مشكور اخى الكريم علي الرد، و ان شاء الله بنكون شخصين ، فياريت حدا يفيدنا

لا شكر على واجب اختي ..

الموضوع بسيط ..اذا شخصين فعندكم خيارين ..

الاول القطار والتذاكرلشخصين حوالي 36 باوند وتبقى نقطه وحده هل الفندق قريب من المحطه ولا لا ! على اساس ان الشنط بتسحبونها ..

واذا الفندق بعيد من المحطه يفضل الحجز عن طريق الشركه وتوفير سياره من المطار لين باب الفندق بحوالي 36 باوند ..والسياره غالبا مرسيدس ..

والشور لكم

واي خدمه احنا في الخدمه

يعطيك العافيه مشرفنا على سعة صدرك، و ان شاء الله بحجز فى فندق فى منطقة بايزووتر، بس عندى سؤال بالنسبه للرجوع الى المطار فى اخر يوم ان شاء الله سوف اتجه الى محطة بادينجتون و اخذ القطار للمطار يعنى نفس خطوات الوصول؟ من الموبايل

جزاك الله كل خير اخى الكريم و لى رجعه للاسئلة ان شاء الله من الموبايل

تحت امركم اختي اي وقت

أذا أنتو 2
نصيحه اخذ شركة توصيل 35 - 40 من المطار الى الفندق مباشره بدون لا تسحب شنطك ولا شي
وبالرجعه تتصل عليهم قبلها بيوم ياخذونك من الفندق الى المطار
المسافه بين 45 دقيقه الى ساعه حسب الزحمه

أما القطار راح يطلع عليكم 36 باوند الى بادينجتون وتاكسي الى الفندق حوالي 8-10 باوند إجماليها 46 وتسحب شناطك من المطار الى محطة القطار ومن محطة القطار الى مواقف التاكسي
المسافه 15 دقيقه من المطار الى بادينختون 5-10 دقايق الى مواقف التاكسي 5 دقايق الى الفندق الاجمالي 30 دقيقه على أحسن تقدير

والرجعه تاخذ تاكسي من الفندق الى المحطه ومن المحطه الى هيثرو

نصيحه أخذ شركات توصيل

انا مع راي اخوي ممساح اشوف احجزي اختي تاكسي مسبقا ينتظركم في المطار اريح لك من القطار وماتفرق واجد بالسعر لكن تفرق بالراحة والتوصيل لين الباب

اخوي القطري ماقصر بيض الله وجهه وضح لكم كل شي

غلت الدنيا وانا اخوك صار السعر مرسيدس ب 50 او 47 باوند من شركة الفا

طيب يقولون قطار هيثرو كونكت يوصل الئ بانديغتون من ترمينال 4
والا غير هالكلام من الموبايل

هلا وغلا هاجس ..

دخلت الحين موقع المطار وفعلاً هيثرو كونيكت ايوصل كذا محطه ولكن مش دايركت ..والمده من نص ساعه وانت طالع

واي خدمه احنا تحت امرك الغالي

على فكره ..حتى الاندرقراوند ( الخط الأزرق - بيكاديلي ) ايوصل المطار ولكنه نفس الشي مش دايركت وسعر التذكره اذكره بــ 6 باوند من المطار لين وسط لندن ..

الله يعطيك العافية يالقطري
طيب بخصوص القطار يلزم تغيير القطار بين محطة والثانية والا بس توقف
ووانت وش رايك بالافضل الاندراقراوند والا كونيكت...؟ من الموبايل

الله ايعافيك الغالي وتحت امرك ..

لوا علي باخذ القطار لانه دايركت وربع ساعه بالضبط ..

الأندرقراوند على حسب المكان الي تبيه هل يحتاج انك اتغير محطه ولا لا !

ياهلا وغلا فيك السمي لي روحه ان شاءالله لندن بشهر فبراير بعطلة الربيع المدارس اسبوع

هلا وغلا السمي ..

خوش بس عسى ماايكون الجو بارد واجد عشان الصغار يستانسون

المشاركة الأصلية كتبت بواسطة القطري
http://www.arabtravelersforum.com/tr...5/#post7461515

هلا وغلا السمي ..

خوش بس عسى ماايكون الجو بارد واجد عشان الصغار يستانسون



عندي تذكره حق افنان بشهر فبراير اللي طاف شريت لها تذكره جنيف وروما وكنسلت ماراحت معانه والتذكره غير مسترجعه بس تقدر تسافر فيها اي ديره ثانيه تحول الجهه

فكرت اروح دبي بس قالي الموظف حرام سعر التذكره ١٩٠ دينار ودبي تقريبا ١٠٠ دينار راح تروح عليك الباقي المبلغ عشان جذي بروح وفلعن الاجواء بارده جدا بس احنا عارفين الديره عدل الله يخلي المجمعات الويست فيلد