بسم الله الرحمن الرحيم

صار لي اكثر من خمس سنين اتابع هذا المنتدى المميز فكان مقصدي قبل اي سفره اخطط لها وخاصه بوابه ماليزيا يعني عندي خلفيه عن بعض الاعضاء وحتى اعضاء مالهم حس الحين كنت اتابعهم ف السنوات السابقه
ما ابغي اطول عليكم ف السابق كنت مجرد اجمع معلومات بسيطه المناطق و الفنادق و زوجي العزيز يقوم بباقي الترتيبات مع المكتب لكن هالمره حابه اني ارتب هذي السفره وخاصه انها 3 سفر لي لماليزيا فياريت تساعدوني بحكم ان ماشاء الله الاعضاء ف المنتدى خبرتهم تفوق المكاتب السياحيه

قسمناه ال 14 ليله لـ
3 ليالي سلنجور فندق صن واي لاقون
2 ليالي كاميرون فندق كاميرون هايلاند ريزورت
4 ليالي فندق تريدز كوالا
5 ليالي فندق بيكولو كوالا

طبعا مادخلنا بينانق ولا لنكاوي لانه سبق زيارتهم و حابين نبقى ف كوالا اكثر شي و عدم استخدام الطيران الداخلي
بس ياريت تفيدوني بطرق المواصلات الانسب بين المدن وخاصه اني مازرت الكاميرون من قبل ؟
و ان شاء الله بنكون ف كوالا للاحتفالات ب اليوم الوطني ف وين انسب مكان نروح له حتى نشوف احتفالاتهم ؟
و بالنسبه للقريه الفرنسيه اطلع من كوالا اسير لها ولا من سلنجور احسن ؟
و ايضا فريز هيلز الي ذكرها الاخ وافي جزاه الله خير فهل افضل نسير له من كوالا ولا سلنجور؟

اسمحولي سألتكم وايد بس ادري مابتقصرون وياي

مواضيع عشوائيه ممكن تكون تعجبك اخترناها لك: