المساعدة في شهر العسل بين ميلان وفينيسيا

**ahmed2** · 01-22-2015, 04:42 PM

السلام عليكم

الى خبراء ايطاليا محتاج مساعدتكم في السفر شهر العسل الى ايطاليا

ولمدة 10 ايام وتكون الوصول والعودة من ميلان

ماهي افضل خطة وافضل اماكن سياحية في ميلان وفينيسيا وافضل فنادق تكون اسعارها مناسبة

وكم تقريبا تكون الميزانية

طبعا السفر راح يكون في بداية ابريل ان شاء الله

نبي فزعتكم معانا ياشباب .. ونبي نبيضها قدام المدام بمساعدتكم

مواضيع عشوائيه ممكن تكون تعجبك اخترناها لك:

**ahmed1** · 01-22-2015, 04:42 PM

انا ماعندي خبره في إيطاليا

بس احنا وضعنا مثلكم شهر عسل و راح يكون بأول ابريل

بصراحه 10 ايام و مدينتين ماراح تنبسطوا و كيف توصل ايطاليا و ماتنزل على روما ..؟

اشوف الافضل تعيد النظر في تقسيم الرحله يعني لو تنزل على روما مرورا بفنيسيا و من فنيسيا إلى ميلان

خاصه أن الكل يقول ميلان إلى تسوق وبس عشان كذا اقلب العالم يفضلون يروحون لها آخر شي عشان يصرفون براحتهم

لأنها تكون آخر مدينه و مايحتوا صرف على مدن ثانيه .. و شي ثاني حابه انبهك عليه

احنا رحلتنا تقريبا 4 ابريل و المفروض ننزل في روما و على 10 ابريل تقريبا نكون في ميلان بس قالوا لنا راح يكون في ميلان

مؤتمر طبي هالفتره والفنادق راح يرتفع سعرها كثير حبيت انبهك عشان تتأكد من الخبر و تاخذ احتياطك بس

و ترتب رحلتك مزبوط

بالتوفيق لك وللمدام

**ahmedali** · 01-22-2015, 04:42 PM

هلا

عشرة ايام حلوة في ايطاليا

خلنا نخلي الوصول روما......والرجوع من ميلان

نبدأ من روما خلها 3 ايام......

منها تطلع....الى فلورنس.....يومين ومنها تزور برج بيزا

وبعدين على فينيسا....يومين

واخر ثلاثة ايام تكون في ميلان....منها تزرو كومو

هي المشكلة ان في ابريل من كل سنة يكون في معرض يقام عشان التصميم الداخلي فأن الاسعار ترتفع بخصوص الفنادق

الفنادق متفاوتة.....على حسب ميزايتك......

ومبروك مقدما

**ahmed2** · 01-22-2015, 04:42 PM

يعطيكم الف عافية

وشاكر لكم مروركم وتعقيبكم

وودي اسال اختي الزعيمة بحكم خبرتك في ايطاليا

ممكن اذا مافي تعب عليك اختي انك تعطيني جدول مبسط واسماء الفنادق في كل منطقة بحيث

تكون جيدة في التحرك والتسوق سواء كانت في روما او فلورنسا او فينيسيا او ميلان

واسف على ازعاجكم ولكم مثل ما نتو عارفين ان وقت السفر قريب وانا ماعندي خلفية عن ايطاليا ولا عرفت المنتدى الا

قبل كم يوم

وتحياتي لكم وكم تتوقعون تكون الميزانية التقريبية الازمة

**ahmed3** · 01-22-2015, 04:43 PM

صح انا لما كنت بحجز على اخر 3 كانت الاسعار غير والحين لما خلينا الحجز 2 ابريل صار غير

المهم انا رحلتي روما + فينيسيا
وعندي سؤال عن القطارات كم حجم الاغراض الي ممكن نخليها معانا لان انا راح اتنقل وايد وراح اروح المانيا ونمسا

**ahmedali** · 01-22-2015, 04:43 PM

المشاركة الأصلية كتبت بواسطة sam 007
http://www.arabtravelersforum.com/tr...6/#post3636393

ممكن تعطونا تفاصيل لاني تقريبا اعتمد انه تكون السفرة تقريبا 8 ليال ابي اقسمها بين روما وفينيسا وميلان

وتقريبا الميزانية في حدود 20 الف قابلة للزيادة قليل على حسب الحاجة

ابي منكم تظبطونا ببرنامج مميز يشمل الفنادق والمواصلات بس اهم شيء تكون الفنادق نظيفة

وقريبة من التسوق والاماكن السياحية

في انتظاركم اخواني وبالاخص البروفيسورة الزعيمة خبيرة ايطاليا

أخي الفاضل حياك الله بين أخوانك وخواتك تفيدون وتستفيدون بالنسبه إلى فنيسيا أنصحك فى فندقنا اللى ساكن فى

قريب من السنتر وفنيسيا مافيها شئ بس مصنع الزجاج وأدخل موضوعي تحت بالتوقيعي

وأى خدمه أحنا حاضرين