الموضوع: فزعتكم بجدول مرتب

السلام عليكم

ناوي انشاء الله قضاء ثلاثة في دانة الخليج قطر الحبيبة ويا ليت لو تشورون علي في:

السكن (اعضاء الرحلة انا - واعوذ با الله من كلمة انا - والمدام وولي العهد عمره سنتين) ويا ليت لو يكون في حدود 500 ريال في اليوم ادري السكن في قطر غالي لكن يمكن يكون طلبي موجود.

جدول من يوم الخميس 3-2-2011 الى يوم السبت 5-2- 2011 .

طبعا وسيلة النقل في سيارتي الخاصة.

ولكم جزيل الشكر سلفا

مواضيع عشوائيه ممكن تكون تعجبك اخترناها لك:

• رحلتي لقطر الجميله
• سؤال عن المطاعم الدايت
• حديقة المتحف
• استفسار
• الفزعة ياهل قطر
• السفر إلى قطر جوأ بالبطاقة الوطنية
• برأيك ما هو أفخم فندق نجوم في قطر ؟
• استفسار عن النوادي الصحيه والسبا
• استفسار عن اماكن في قطر
• فديتكم يا اهل قطر
• العيش والاستقرار في قطر هل هو ممكن ؟
• الدوحة تستقبل يوماً من المرح والترفيه
• هام
• المسافرون عن طريق البرأبـو سمـره
• تقرير عن افتتاح محل جيلاتو للآيسكريم
• اين يقع مجمع فلاجيو
• إمساكية رمضان الدوحة
• استفسار عن فندق غوكولام بارك الدوحة
• استفسار غريب شوي
• إستفسار عاجل بخصوص حجز السكن

هلا والله اخوي اهلا وسهلا بك في قطر الحبيبه

من ناحية السكن بـ 500 ريال لو تزيجها 550 ريال لان في فندق رتاج الريان ب 550 ريال واعتقد 50 ماراح تظر اذا تظر قول على اساس اشوف لك واحد ثاني بس حط في بالك اذا اقل من 500 في قطر ييكون بو 2 هاي الي 55 شقق فخمه 5 نجوم ومافيها خمور يعني شيء ممتاز وموقعا بين الابراج الي هو ( الداون تاون )
ــــــــــــــــــــــــــــــــــــــــــــــــــ ـ

الحين نقول بسم الله ونبتدي بالجدول بما ولي العهد معاكم فتبون مكان ترفيهي وانت وزوجتك بعد فـ اول يوم راح نخليه ترفيهيه واليوم الاخير نخليه رومنسي

اليوم الاول : من 10-12 متحف الفن الاسلامي فهو الوقت المناسب تروحون تتفطرون وتتمشون في المكان الي اداعه الفني حصل على افصل تصميم في 2009 مع افضل مهندس في العالم الصيني الذس صمم القبه المثلثه في متحف اللوفر في باريس ومن 12 ونص الى 3 ونص الى السيتي سنتر فهو اكبر مول في قطر تم بنائه 1999 ومن بعدها روحو ارتاحو في الفندق لانه جمب المول ومن 4 ونص الى 7 فحان وقت جزيرة الؤلؤه تتمشون فـ المكان ماينوصف اجمل من الجمال فيه ممشى وفيه كوفي شوبس وفيه مطاعم على مستوى فخم وايضا تستطيع تاجر طراد للنص ساعه ياخذ فيك فره على البحر مابين الجزيرة والابراج ومن بعد 7 بتكونون تعبانين فـ روحو الفندق ومن 8 روحو الحي الثقافي هو جمب الؤلؤه على اساس العشى في كم مطع اهناك وايد حلوين وفليل روحو تمشو في الكورنيش شربو كرك وتمشو تره الدوحه اماااااان والحمدالله من بعد الله سبحانه وتعال

اليوم الثاني : هل يوم نخليه من احلى الايام

طبعا من 12-3 فهو وقت طفلكم فليش ماتروحون حديقة الحيوان واااااايد حلوه ومن احلى مدن الخليج على كلام السياح وفيها مدينة ترفيهيه ضخمه جديده اسمها دريم بارك راح تعجبكم حيييل والدخول للحديقه 3 ريال للشخص اما اللممدينه الترفيهيه اضن 25 ريال والالعاب ببلاش ( مو متاكد )

3 ونص - 6 هذا اذا يكفي الوقت فهو وقت فيلاجيو مول فهو افخم مول في قطر وثاني اكبر مول روعه فيه نهر صناعي وماخذ على تصميم البندقيه فيه مدينة ترفيهيه كبيره بس اغلبها للكبار اذا تبقون تلعبون ولدكم في حياة بلازا مول جمبه بالظبط مشي دقيقتين فيه مدينة ملاهي راح تناسب ولدكم اسمها جنغل زون

7 - 8 فهو وقت اسباير زون فهي ايضا جمب فيلاجيو مول مسافة مشي دقيقتين لما تطلع من بوابة السينما فهي روعه كانها حديقه اروروبيه هو احسن شي يكون مع الشمس على شان تشفون النافوره والاجار الغريبه بس مانبي نضيع يومكم على حديقه

ــــــــــــــــــــــــــــــــــــــــــــــــــ ــــــــــــ

ثالث يوم : لاندمارك مول ومن بعدها سوق واقف فهوو روعه وسوق واقف 10 ساعات ماراح تكفيكم ههههه وعقبها كيفكم انا الححين راح اقولكم الاماكن كلها الي في قطر يمكن ماتعجبكم الاماكن الي انا حطيتها
ــــــــــــــــــــــــــــــــــــــــــــــــــ ـــ


مولات
1 - سيتي ينتر
2- فيلاجيو مول
3 - لاندمارك
4 - حياة بلازا
5 - ذامول
6 -رويال بلازا
ـــــــــــــــ
اماكن ترفيهيه
جوندلينيا ( فيلاجيو مول موقعها )
جنغل زون ( موقعها حياة بلازا مول )
دريم بارك ( في حديقة الحيوان )
اكوابارك ( مدينة مائيه بس برد من الي بيروح )
ـــــــــــــــــ
اماكن مفتوحه وحلوه
1 - جزيرة الؤلؤه
2 - سوق واقف
3 - اسبارير زون
4 - كاتارا ( الحي الثقافي او كالتشر فيلاج بالانجليزي )
5 - كورنيش الدوحه
ــــــــــــــ
متاحف في اثنين تحت الصيانه والباقي مو حلوين
اما الفخم والروعه

1- متحف الفن الاسلامي

والحين ان شاء الله ماقصرت اي شي زياده تبيه قولي ولاتنسى تقولي عن الفندق اذا سعره اعجبك ولا لا اذا تبيني اغيره ولا لا

the ro0ok
الله يبيض وجهك ويوسع عليك برزقك و عز الله انك كفيت و وفيت
ومثل ما سبقت اخوي راح انبحبح ميزانية السكن شوي (500-700) ريال
والي اتشور علي فية راح اسكن فية بدون مجادلة
لكن حلو انك دكرتني انا ابي سكن ما يكون فية خمور او اجانب بايعينها

وانشاء الله نخدمك في الأفراح

^
^
ماسوينا شي هذا الواجب وانا اخوك خليجنا واحد