الموضوع: احتاج اجابات ضروري ؟

السلام عليكم و رحمة الله وبركاته

كيفكم اخواني المسافرين عساكم تروحون و ترجعون بالسلامه .. قولوا آمين

انا رحلتي ان شاء الله الاسبوع الجاي و ابي اسكن بـ لندن 3 ايام
و من ثم اروح مدينه ايدن بيرج و نوتنجهام (عسى الله يسهل ان شاء الله)

عندي كم سؤال و ودي من يجاوبهم الله لا يهينكم ^^

1- احتاج عنوان لفندق قريب من الملحقيه السعوديه (اللي تقع بين شارع تشارلز مع تقاطع شارع كوين ) و يكون سعره معقول و نظيف و ما فيه مشكله لو كان يحتاج شوية مشي

هذا العنوان
Saudi Arabian Cultural Bureau
630 Chiswick High Road
London
W4 5RY

وصولي لمطار هيثرو بإذن الله الساعه 7 الليل كم احتاج عشان اخلص اجراءات المطار ؟!

و هل اخذ تكسي ولا احجز من موقع الفا حق السيارات

دخلت موقع الفا و حجزت ارخص سياره بس في الصوره حاطين راكبين و شنطتين كبار و ثنتين صغار ؟؟ هل يزيد السعر لو زادت الشنط ولا لا ؟

2- هل التفتيش في المطار شديد مثل امريكا ولا الوضع عادي .. يعني لو اخذت لابتوبي و فيه برامج مكركه هل يصادر ام لا ؟؟ و لا اسوي له فورمات

3- مده الاقامه راح تتجاوز الشهرين و ودي اخذ معي قهوه عربيه هل اخذها مطحونه ام اخذها حبوب و اطحنها هناك ( اخاف يسببون لي مشكله في التفتيش ) و المشكله و ين اطحنها فيه و برضوا البهارات حقت الكبسه ؟؟!

4- هل اخذ معي قدور و صحون ولا يصير فيها مشاكل هناك و وش الافضل اشتريها من عندهم ولا اجيبها معي ؟ زي منتو عارفين فرق العمله

5- سمعت ان الاجواء مثلجه و لازم لي معطف ضد الصقيع و الثلوج و جزمه ( الله يكرمكم ) بوت طويل عشان الثلج .... و لا مجرد كلام من طقة ( يقولون )

6- سمعت ان محطه القطار خطيره ؟؟ و الافضل اروح بالطياره لايدن بيرج
وانا ودي اروح بالقطار عشان استمتع بالمناظر..وش تقترحون


انتظر اجاباتكم و شكرا لكم

مواضيع عشوائيه ممكن تكون تعجبك اخترناها لك:

• مطلوب البوست كود لجميع المواقع السياحيه المشهوره في لندن
• حيرونا السفارة هل حد جرب الفيزا الجديده اون لاين الي جربها ولا ايهون ايفيدنا
• موقع يورو ستار ؟
• معاناتي في البحث
• الفيزا البريطانية فزعتكم
• ابي مساعده في الحجوزات وخطة السير
• أحتاج خبرتكم في ترتيب جدول الرحلة إلى لندن
• اتمنى مساعدتكم
• استفسار عن عربة الأطفال في الطائرة
• أحتـــاج خبرتكم أحباب عــاصمة الضباب جدولي
• الجوء في لندن تاريخ مايو
• محتارة بين الفندقين ساعودني
• ممكن مساعدتكم يا مسافرون
• بين ثورب بارك وبلاك بول من هي الافضل ؟
• استفسار بخصوص الفيزا
• في وقت الكريسمس هل الوقت مناسب لزيارة منطقة البحيرات؟
• جوازي باقي عليه شهور
• سؤال عن البحيرات ضروري
• اود أن اسال علي ايجار السكن
• مليت من لندن

m2004d ،،،

هذا أقرب فندق لعنوان الملحقيه السعودية اللي انت حطيته ،، ومن الخريطه التفاعليه الموجوده بالصفحه ممكن تلقى فنادق ثانيه قريبه:

http://www.tripadvisor.co.uk/Hotel_R...n_England.html


بالنسبه لوقت الانتظار في المطار ،، عادةً ماياخذ اكثر من ساعه ،، انا كان وصولي في العيد بنفس توقيتك وأخذت الإجراءات نص ساعه بس ،،

وبالنسبه للسياره ،، انا انصح في موقع ألفا ،، مضمونين ويكفي انك تعطيهم رقم الرحله وماتشيل هم الإنتظار لإنهم يتابعون الوصول بمعرفتهم من موقعم بالمطار ،، غير كذا أسعارهم منافسه للتاكسي ،، اما بالنسبه للعفش ،، فإذا كنت لحالك ،، تقدر تحط العفش في شنطة السياره واللي يزيد تركبه معك داخلها ،،

مافيه تفتيش بالمطار إلا نادراً وبشكل عشوائي ،، وما اذكر ان احد طلب مني في يوم يشوف اللابتوب ،،

القهوه مافيها مشكله ،، وانت حر تطحنها ولا تجيبها معك حبوب ،، وإن كان البُن أفضل انه ينطحن بوقتها ،، واكيد بتلقى اماكن كثير تقدر تطحنها لك ،،

الجو بيكون بارد في الليل ،، فأنصحك بملابس ثقيله ،، بلوفرات وجاكيتات ،، ولا تكثّر اشتري من هناك ،، لكن مافيه صقيع وبوتات ثلج ومن هالكلام

سافر بالقطار لوجهتك ،، الدنيا أمان ،، واختار رحله نهاريه عشان تستمتع بالمناظر ،،


بالتوفيق ،،




اورفوار ،،

ماقصر فوجر

ولك وحشة يا فوجير