الموضوع: أذا تبي تحيره ،، خيره أول رحلة لي لدوحه الخير

مساء الخير على الجميع ،،،
أخواني أهل قطر عسا دايم أيامكم سعاده يا رب

أخوكم ماجد ،، ببساطة من كثر ما سمعت وقريت وتابعت عن قطر جاني الحماس أنو أجيكم وأشوف هالدوحه وهالقطر على الطبيعة ،، ومن قبل لا أجي وأنا ألحين جالس في الرياض أدري اللي في بالي واللي متوقع أشوفه راح أشوف أكثر منه بكل تأكيد ...

بأدخل في الموضوع علطول ...

أنا جاي لقطر يوم الثلاثاء أو الأربعاء 12 يناير وماشي الجمعه 14 بحول الله ،،
أستغليت وجود كأس أسيا ومباراة المنتخب السعودي أمام الأردن عشان أحضرها ،،
وقلت بالأساس جيتي للسياحه في المقام الأول ...

ومعاي أخوياي ثلاثه ،،
مباراة المنتخب السعودي راح تكون في ملعب الريان ..
وأبحث عن سكن جميييييل وبنفس الوقت سعره مناسب ،، مو مهم يكون قريب من الملعب مره
لأنو معاي قارمن ولا عندي أشكاليه .. بس أبيه يكون متوسط بين أكثر الأماكن جمالا في الدوحه
والأهم والمهم واللي كل شي أنه يكون هااااادي

أحنا جايينكم من زحمه الرياض وكذا وندور الهدوء
الخيارات كثيره بالمنتدى ما شالله تبارك الرحمن ،، بس ودي باللي يناسب الشروط أو المزايا اللي ذكرتها فوق

متحمس للجيه كثييير ... الله يجيبك يا 12 يناير

مواضيع عشوائيه ممكن تكون تعجبك اخترناها لك:

• زائر جديد لقطر يحتاج فزعة أخوانه وأنتم لها
• سوال
• مواعيد زيارة هذه الاماكن متى؟؟؟؟؟؟؟؟
• شوقنآ لكم يا قطر
• ممكن مساعده يا اخوان
• صور رحلتي لمنتجـع شـاطئ السـيليـن الجميـل
• مطلوب اي معلومه عن هذا المنفذ سلوى
• استفسار حول الحياة في قطر
• أرجو المساعدة
• ابحث عن فندق لعائلة كبيرة
• طبخ بيت في الدوحه ؟
• أهــل قطـر عنوان الضيافة أحتاج مساعدتكم ؟
• ساعدوني بشقق في الدوحة نظيفة ومعقولة الأسعار
• ₪₪ خــتــفــأ دولــة قــطـر ₪₪
• ضررررروري
• مجمع فيلاجيو فاتح أو مغلق خلال عيد الفطر
• استفسار عن عملة قطر
• أهل قطر الفضلاء أرجو منكم ارشادي
• لحبايبي أهل دوحة الخير
• هل أجد جواب لسؤالي يأهل قطر ؟

ولكم ولكم باهلنا مادام عندك غارمن لاتخاف روح اي فندق ان شاء الله في شمال الدوحه لانه الدوحه مو مثل الرياض ضخمه متوسطه
تبي منطقه هاديه وفخمه عندك منطقة الخليج الغربي طبعا الفنادق اهناك كلها 5 ستاز وغاليه مره بس فيه كذا شقق رخيصه 4 نجوم هذا الخيار الاول

الخيار الثاني عندك السد قريبه من افخم مول ومن حديقة الحيوان ومن اكوابارك ومن دريم بارك فيها الغالي جدا وفيها الرخيص جدا ومافيها وسط

وعندك المنتزه الخيار الثالث بس بعيد عن الاماكن السياحيه

يالله اختار اي خيار تبيه وماياصير خاطرك الا طيب

كم تدفعون حق الليلة ؟؟

صباحكم ورد ومشكورين للي ردوا ...

تقريبا بديت أرسي على أوتيل ميلينيوم ،،

بحكم أنو جاني خبر من زميلي بالدوام أخوه في السفارة السعودية بقطر أنو بعثة المنتخب السعودي راح تنزل في ميلينيوم ...

النوري بالنسبة للميزانية تقريبا ممكن ناخذ لليلية إلى 800 ريال سعودي مو مشكله

بس شكلها كذا بترسي على ميلينيوم

بس ياليت اللي يعرف ميلينيوم كويس يقولي وش مميزاته وكذا

ومشكورين كل الشكر

السلام عليكم أخووي،،
يعطيك العااافية و يا مرحبا بك، فندق ميلينيوم حلوو وما عليه كلااام وغرفهم حلوه وفي قريب منه مول صغير اسمه الأصمخ موول، لكن نقطة مهمة هي انه الفندق ماخذ شكل زواية على الشارع الرئيسي وفي منطقة السد وهي غالباً تكون زحمة بس مب ذاك الزحمة،، بس الفندق ترى جديد وحلو ومرتب وبوفيهم ماعليه كلااام عندهم السووويت يجنن، وبعدين عندهم مطعم لبناني بعد حلوو، وترى لوبيهم صغير بس الفندق نظيف.
والله يوفقك ياخوي وأي استفسارات أخووي ترى حاضرين لك..

أتصلت على ميلينيوم ،،
ما عندهم ألا غرف الأيكيوزيتيف ب 1872 لليلة ...

كل الغرف الستاندرد مشغوله ومحجوزه مسبقا من البعثة ...

حصلت فندق رويال قطر .. بس ياليت تعطوني فكرة عنه لاهنتوا

الله يسلمك فندق رويااال قطر موجود في شارع الاصمخ،، وانت طلبت مكان هدوء وأنا بصراحه ماأنصحك فيه لانه مب هدوء كلش هل الشارع وعلى طول زحمه والفندق غرفهم مب لين هناااك صغيرة والحمام الله يعزك صغير بعد،، بس هو قريب من سوق واقف مشي خمس دقايق أو حتى أقل والكورنيش مشي عشر دقايق،، بس منطقة زحمة،، شوف جرب في فندق سيف الدوحه الجديد مب القديم او عندك فندق موفنبيك القديم قريب المتحف هذوله حلوين ورخاااص وغرفهم حلوه وحولهم هدووء، وترى في فندق الليوان وما أنصحك فيه بصرااحة لانه قصته نفس قصة رويال قطر...

أخوي عبدالله ،،
الله يعطيك العافيه أول شي وما قصرت

بس حبيت أسألك بخصوص الموفنبيك

حسب موقع hotelscombined طلع لي برج وأجنحة موفنبيك الدوحه وفندق موفنبيك الدوحه
أنت اي واحد تقصد فيهم ؟

وبالنسبة للسيف ,, طلع لي http://javascript:void(0);
هل هو الدوحة سيف اللي تقصدة ؟؟

والمهم من الخيارات اللي ذكرتها فوق يكون قريب لو بمسافة بسيطة من الكورنيش
وبرضو يتوسط المدينة عشان يكون سهل التنقل ..

أدري شروطي كثيرة بس تحملوني

الله يعطيكم العافية

الله يعطيك العافية أخووي ماجد،، أنا قصدي فندق موفبنبيك الدوحة مش الأجنحة
وسيف الدوحه صحيح هو بست ويسترن سيف الدوحه هذا الفندق جيد وتراها قريبه جداً من الكورنيش مسافة ثلاث دقايق مشي وقريبة جداً من منطقة الاسواق بعد عندك فندق مروب الدوحه وهو فندق جديد وحلو بعد وفي منطقة قريبة من الكورنيش وعند الاسواااق، ترى هل الفنادق حلوووه وقريبه بعد من متحف الفن الاسلامي،
وترى لا ثقلت علينا ولا شيء وانت راح بتكون ضيف غااالي عندنا ونحنا مانقوم الا بالواااجب طال عمرك
أي استفسار آخر حاااااضرين لك فديت خشمك،،

تكلموا عربي لو سمحتوا

ايش هالاسماء للفنادق اللي مب معروفه !

عبدالله منصوري قاعد ينبش لنا في الفنادق العتيجه

اذا تبي تسكن في موفنبيك

أنا من رايي تسكن في موفنبيك الجديد

وتترك عنك القديم

اسمه ان خمس نجوم وجمب الكورنيش والسيتي سنتر وكل شي حذاك في ذيج المنطقه

حتى اللؤلؤة والحي الثقافي تقدر توصلهم بسهوله

بالنسبة لفندق موفمبيك في منطقة الأبراج موقعه جداً ممتاز لقربة من أكثر الأماكن السياحية وقربه من الستي سنتر والكورنيش بشكل قريب جداً.

بالنسبة لموفمبيك القريب من متحف الفن الإسلامي أنا سكنت فيه شخصياً وأقيمه على أنه (جيد جداً) لم أجد ما يعيبه إلا أنه تميز بالبساطة في الديكور داخل الغرفة وحجم الغرفة متوسط ولا بأس به وكذلك دورة المياه .. يعيبه أنه لا يطل على البحر مباشرة ..
من مميزات موقعه أنه قريب من الأسواق وسوق واقف .. حيث الوصول للسوق لا يستغرق سوى 4 أو 5 دقائق إن شاء الله .. وكذلك قريب من كورنيش الدوحة ومتحف الفن الإسلامي .

النووورس جزاك الله خير على ردك الي رديت فيه عني على النوووري
النوري يبغي لك ضرب ياااخي،، بصراحه شنو يعني ماعندك فنادق غير الريتز ومنطقة الابراج
ترى في فنادق اربع وغيرها وحلوووه بعد،، يعني الي يجي قطر لازم يسكن عند الابراج او الحي الثقافي والجزيرة ترى في أشياء ثاني غيرها عندنا أماكن ثاني وفنادق ثاااانيه،،

المشاركة الأصلية كتبت بواسطة عبدالله منصوري
http://www.arabtravelersforum.com/tr...8/#post4663068

النووورس جزاك الله خير على ردك الي رديت فيه عني على النوووري
النوري يبغي لك ضرب ياااخي،، بصراحه شنو يعني ماعندك فنادق غير الريتز ومنطقة الابراج
ترى في فنادق اربع وغيرها وحلوووه بعد،، يعني الي يجي قطر لازم يسكن عند الابراج او الحي الثقافي والجزيرة ترى في أشياء ثاني غيرها عندنا أماكن ثاني وفنادق ثاااانيه،،





أنا أختك مب أخوك

وتعال اضربني وشوف شباسوي فيك

أنا بأجي هنا من باب صلح الخير وأفك ما بينكم عشان ما تتضاربون
الله يعطيكم العافيه جميعا فرداً فرداً ...

بالنسبة لقرب الأوتيل من الأماكن السياحية بالدوحه ،، وأنها بالتأكيد بتكون نقطة قوه لأي أوتيل يكون قريب من الأماكن الحيوية والسياحيه ،،،

بس أبي أقولكم حنا يا أهل الرياض مااااااااااااااا عندنا أي مشكله أطلاقا مع بعد المشاوير ههههههههه
يعني عادي عادي جدا أنك تبي تخلص لك شغله بجنوب الرياض وأنت ساكن بالشمال وتجلس لك بالطريق حوالي الساعه .. معتادين على كذا كثير
أنتوا ما شالله بالكثير بالكثير مشواركم اللي بعيد مره ياخذ ربع إلى ثلث الساعه على كلام اخوان قطريين اعرفهم وسعوديين يرتادون الدوحة كثير

الله يعطيكم العافيه جميعا ،، بجد ناس طيبه وشعب محترم وبلد أنا متأكد راح تتعود رجلي على جيتها كثير

المشاركة الأصلية كتبت بواسطة عبدالله منصوري
http://www.arabtravelersforum.com/tr...8/#post4663068

النووورس جزاك الله خير على ردك الي رديت فيه عني على النوووري
النوري يبغي لك ضرب ياااخي،، بصراحه شنو يعني ماعندك فنادق غير الريتز ومنطقة الابراج
ترى في فنادق اربع وغيرها وحلوووه بعد،، يعني الي يجي قطر لازم يسكن عند الابراج او الحي الثقافي والجزيرة ترى في أشياء ثاني غيرها عندنا أماكن ثاني وفنادق ثاااانيه،،






----

العفو اخوي .. يقول المثل : "لولا تعدد الأذواق لبارت السلع ".. والفنادق فيها شي يغطي على شي .. يعني ممكن نحصل ميزة في هالفندق ونلاقي أحسن منها في فندق ثاني وهكذا ناهيك على أن مب كل واحد يقدر يسكن في فندق فخم يعني في ناس تستحي تقول إنها ما تقدر فعلشان ما نحرجهم نقترح عليهم عدة خيارات لعدة فنادق منها الراقي ومنها المتوسط ومنها المتواضع .. الخ .

ويعطيك العافية ........ وردك على الأخت النوري كان ظريف ضحكني .

الموفنبيك حلو وماعليه كلام !

النورس : نعم اذا الناس نفس الاذواق خلاص اختربت السلع

عبدالله المنصوري : صدقت يبيلها عضه مع الريدس هههههه

حياك الله .. انا نفس وضعك ونفس توقيتك . واللي معي برضو 3
لو اسمك مو ماجد كان قلت انك واحد من اللي معي ...
احنا حجزنا في فندق هوليداي فيلا سويت غرفتين واعتقد الآن سعره في بوكنق 2800 لمدة يومين ...
وتروح وتجي بالسلامه ...

مشكورين ياشباب جميعا استفدت كثيرا من الموضوع

طيب سؤال كذا فيه شطحه شوي خخخخ

أنا سبق كم مره وسافرت بسيارة داخل المملكة ولدول خليجيه
أما بسيارتي السابقه ولا مع أحد من أخوياي

الأن ولله الحمد سيارتي جديدة وما صار لها معي 6 شهور
وأنا من الأساس حتى سيارتي القديمة كنت حرررررررريص كثير لا من ناحية نظافه ولا أهتمام وغيره

والسياره أنا مهتم فيها كثير ولا ودي أستهلكها وكذا ... خصوصا أنها سيارة الزواج أن شالله
وأحيانا أقول يا رجاااااااااال وش بيجيها ،، أنا أساسا ما أسرع وكل السياره مصممه للسفر وتتحمل كل الظروف

فوش رايكم

^
^
ماقدر اعطيك رايي لاني انا من النوع ماحب سفر السياره ابد