بعض الاسئلة

**ahmed3** · 01-22-2015, 10:47 AM

سلام عليكم

يالله حيهم مافيه الا سلامتكم يالربع انا الحين حجزت ع الخطوط الاماراتيه بسعر 8404 لشخصين
والمدة من يوم 24 جون الى 7 جولاي
اول يومين خليتها في الريجنسي على شارع العرب لالتقاط الانفاس والريلاكس
بعدها حجزت على الخيول الذهبيه يومين لسلانقور علشان الالعاب وعلشان اتمشى بالمنطقه والبحيرة والسوق
المهم بعدها حجزت في برجايا للنكاوي يومين
بعدها حجزت بينانق ثلاث ايام في فندق القولدن ساندس
بعدها العوده لكوالالمبور وحجزت ثلاث ايام في فندق كراون بلازاعلى كلام المكتب اللي حجزت عنه وعلى كلام التقييم في بوكنق ان الفندق قريب من شارع العرب وانه من افخم الفنادق.
سوالي يالربع انا ماتعامل بالفيزا هذا اولا المكتب بيجز لي الطيران الداخلي للنكاوي ولبينانق تمام كذا ؟
ابي رايكم في الفنادق
ثاني شي من بينانق ابي ارجع لكوالالمبور وابي افضل باص وش اسمه ومن وين الحجز.
ثالث سؤال من كوالالمبور اذا جيت اروح لجنتق اخلي السواق اللي بيوصلني للتلفريك ينتظرني والا اخليه يروح واذا نزلت راجع من التلفريك بحصل تكاسي هناك وكم الاسعار رايح وراجع ؟.

رابع شي التنقلات في كوالمبور وش افضل طريقه لها وكم يبعد الكراون بلازا عن شارع العرب والبرجين والمناره والاكواريا لاهنتوا مقدما
واذا ذكرت شي تراني برجع لكم

مواضيع عشوائيه ممكن تكون تعجبك اخترناها لك:

**alifun** · 01-22-2015, 10:47 AM

خسارة والله كتبت لك رد وش طوله وطار

الخلاصة ماله لزوم أول ليلتين في كوالا روح على سلانقور أقرب من كوالا من المطار كلها 45 دقيقة

**alifun** · 01-22-2015, 10:48 AM

لازلنا ننتظر الاجابه ...

**ahmed2** · 01-22-2015, 10:48 AM

نزلت الموضوع الاول وكتبت وافي ولا يهونون الباقين
وتفاجات بتقفيله وكاني كاتب شي خطا وغيري كاتب عنوان ويقول يافلان ابي مساعده ولا تم تقفيل موضوعه ؟؟؟

قلت بنزل موضوع ثاني
ونزلت هالموضوع
وكتب المشرف رد وش طوله وانحذف
مدري تذكرت ايام ماكنا ندخل النت بالدايل اب

وغيرنا ينزل موضوع خلال ساعه الاجوبه تجيه من كل حدب وصوب

المشاهدات حتى الان فوق الستين مشاهده
على كل حال مشكورين
وارجو تقفيل الموضوع ورميه في مزبله التاريخ

فانا لن اعود لهذه البوابه

تحيتني لكل ذي لب

**ahmed1** · 01-22-2015, 10:48 AM

حبيبي الغالي

وش فيك معصب علينا

ما تلاحظ ان المشرف رد عليك مباشره وهو اصلا غير ملزم بالرد
وقال ملاحظته
فبدل ان تشكره وتتفاعل مع مشاركته
تطنشه وكأنك ما شفت رده

اما بخصوص فتح مواضيع موجهه لاشخاص معينين : نعم يعتبر من الامور الغير محبذه في المنتدى
عموما هذه امور تختص بالاداره ولا علاقة لك بها

ناتي لاسئلتك

(1 ) نعم المكتب يحجز لك بدون بطاقه فيزا
(2) فندق كراون بلازا كوالالمبور يعتبر من الفنادق الفخمه وهو قريب من شارع العرب ومن البرجين ( بالمنتصف تقريبا )
(3) فنادقك ممتازه باستثناء فندق الخيول الذهبيه اكثر من شخص يذمه
(4) كوالالمبور ثم سيلانجور : اممممممم اشوف انك تلغي وحده منهم
(5) ليلتين في لنكاوي اشوفها قليله ... خلها 3 ليالي لو تقدر
(6) اذا جيت تروح جنتنج : لا تخلي السواق ينتظرك .. التكاسي هناك كثيره ....... واصلا تقدر تروح وترجع بالباص