الموضوع: جدول ل يومين ضروووري

السلام عليكم اخواني وخواتي...

ابا جدول ليومين بقطر...

عدد الأفراد : 6.... بينهم طفلين
وبعد لا هنتوا...شو المنطقة الحيوية في قطر عشان ادور فندق هناك...ما ابا استخدم التكاسي وايد..واذا في فندق ملاصق لمول دلوني عليه

مواضيع عشوائيه ممكن تكون تعجبك اخترناها لك:

• تقرير رحلتي السريعه إلى الدوحــه
• سؤال عن معهد عسيب
• مطعم قصر شبستان
• يا اهل قطر يا اهل الكرم والشيم يا اهل المحبه والوفاء محتاجكم لا تخلوني
• رحلتي إلى قطر بين الضباب وقطرات المطر
• سؤالي عن الأقمشة الرجالية
• جدولي المتواضع ما رأيكم ؟؟
• منتجع وشاليهات سيلين
• قطر تكشف عن تصاميم خرافية للملاعب الجديدة”
• أستفسار عاجل أرجو المساعدة
• اخوتى القطريون والمقيمون فى دولة قطر العربية ارجو مساعدتكم
• الى شباب الدوحه
• الفزعة يا عيال قطر
• برنامج لمدة يوم واحد في قطر
• عندي ترانزيت طويل في الدوحه ساعدوني
• مسافر قطر وبستشيركم في أربعة فنادق؟
• أرجو المساعده ماهو أفضل طريق من الدوحه لمكه المكرمه
• الخطوط القطرية تطلق رحلات يومية إلى البرازيل والأرجنتين
• محتار بين شقق درة الخليج وشقق سراج في قطر
• استفسار عن الاقامة بقطر

حياكم الله في قطر

ماعندنا فنادق لاصقه بالمول

والفنادق مهما كانت قريبه من المجمعات لازم بتروحون لها بالسياره في النهايه

لو سكنتي في الشيراتون او دبليو بيكون حذاج مجمع السيتي سنتر لكنه مب قريب وايد وبتضطرون تمشون

وبعدها انسي انج تروحين الاماكن الثانيه مشي لانها بعيده

ومجمع فيلاجيو اللي هو حالياً يُعتبر أفضل مجمع في قطر مافي حذاه فنادق وبتكونين مضطره تروحين بالتاكسي

وهالكلام ينطبق ايضاً على جزيرة اللؤلؤه وسوق واقف

الا اذا قررتي تسكنين في فندق سوق واقف علشان تكونين في نص السوق

لكن ماأنصحج تسكنين في السوق

المهم شيلي فكرة ان الاماكن السياحيه والمجمعات بتكون قريبه من بعض أو ان في فنادق ملاصقة لمولات

لان ماعندنا هالشي

وبالنسبة للجدول أنا أقترح عليكم أول يوم تروحون السيتي سنتر وتحوسون فيه وعقب تروحون سوق واقف وتتعشون فيه وعقبها تمرون على الكورنيش بالسياره أو تنزلون وتتمشون على ريلكم

واليوم الثاني تروحون الصبح مجمع فيلاجيو وتقعدون لين الظهر او العصر ، المهم حوسوا فيه واقعدوا لين ماتشبعون

وعقبها ارجعوا الفندق ارتاحوا ، وفي الليل اذا استعدل الجو روحوا جزيرة اللؤلؤة وتمشوا فيها

والجزيره فيها وايد مطاعم بس أسعارها تعتبر غاليه نسبياً لو ماتبون مطاعم غاليه

واذا تبين أي شي انا حاضره

نسيت اقول لج ان لو خلصتوا من فيلاجيو العصر وكان الجو زين روحوا حديقة اسباير اللي موجوده بالضبط جمب فيلاجيو

وتمشوا فيها وايد حلوه ويمدحونها لكن انا ولا مره زرتها

بس من الصور اللي يحطونها الاعضاء شكلها حلوه

لكن ماادري شلون بيكون الجو هالوقت

النوري انا شكلي بانسحب من المنتدى ليش مسجل خخخخخ يعطيج العافيه


وانشالله اذا تبي معلومات زياده قول انا حاظر

تسلم اخوي النوري وما قصرت عطيتني صورة واضحه ....واتوقع اني بأجل هالزيارة ...لعقب العيد لان الموضوع يبالة ترتيب اكثر..