الموضوع: نقطتين

السلام عليكم ورحمة الله وبركاته
مساكم الله بالخير ..
اخواني الاعزاء بفضل الله ثم فضلكم حجزت في فندق Starhotels Ritz Milan
واتمنى تفيدوني بنقطتين .. اذا سمحتو
الاولى موقع اقرب مواقف للفندق وكم تبعد .؟؟
الثانية كما علمت ان ميلان فيها مطارين .. اذا الكلام صحيح
انا بغادر من اي مطااار على السعودية ؟؟\
يعني هل هو مطار دولي ومطار داخلي ولا شلون ؟؟

مواضيع عشوائيه ممكن تكون تعجبك اخترناها لك:

• الفوكس تاون والسيرافالي ؟؟
• الذهاب لفينيسيا بالسيارة
• هل أحتاج لبطاقة الفيزا
• يوميا فندق في فينيسيا الساحره
• لاهنتوا ياخبراء إيطاليا ساعدوني برحلة الحلم الى إيطاليا
• كيف اطلع فيزا ايطاليه بدون موعد
• روما أم ميلانو؟
• اول سفره كيف مخطط الرحله ووش تنصحوني
• أيام في ايطاليا ارائكم ونصائحكم تهمني
• ساعدوني بالنسبة للقطار الله يفرج لكم
• أتمنى أفادتي بأسرع وقت ممكن ؟؟ اهل الخبرة
• فينيسيا و زيلامسي
• ايام في ايطاليا انطلاقا من ميلان استفسار
• اجيبوني جزاكم الله خير
• هل هناك مسجد في ميلان؟
• ابوظبى
• كيف طريقة الطيران الداخلي الاقتصادي ؟
• اطلب سائق عربي بدون وسيط باسعار ممتازه في ايطاليا شمال و جنوب سويسرا
• هل استطيع السفر الى ريتشوني
• رايكم في فنادقي في فلورنس ؟

هلا.....

الفندق اللي حجزت فية قريب من محطة القطارات........

اعطيك نصيحة للمواقف.......انا جربت المواقف الخاصة بس كانت غالية جدا.......

جربت المواقف العامة ارخص بكثير........وطريقتها سهل مر,,,,,اذا حبيت اعلمك وشلون عطيني خبر

اما بخصوص المطار.......في مطار ليناتي....ومطار ملبنسا.......

الاول يعتبر محلي اوروبي فقط يعني مافي اي ناقل غير اوربي يمر عليها

اما الثاني دولي.......

انتي على اي خطوط رايحة........؟؟؟

وبالتوفيق

طيب العاااادية
انا ما اتوقع اني راح احرك السياره من الصباح اجي لميلان الين ثاني يوم ع المطار
فيبيلي كل ساعه اروح واجدد الكرت ؟؟
او احط مثلا من الساعه وحده لاثنين وبنفس الوقت احط كرت من اثنين لثلاث وبنفس الوقت احط من ثلاث الى اربع وهكذا .. الى الساعه 7 اروووح واحط الورد ي الى الساعه 12 وبعدها يصير مجاني والساعه ثمان اغادر ؟؟
وهل فيه مشكله لو جو مثلا الساعه 12 ولقو الكرت الوردي وعارفين السياره ماتحركت ؟
اذا اقلاع الطياره الساعه 4 عصرا متى افضل وقت للخروج من الفندق ؟؟
المطاعم ياليت الثلاثه ومواقعهااا مع اني افضل الايطالي بس تحسبن للظروف ؟؟!!
وسامحيني تعبتك معاااي بس شهر عسلي وماوده يخرب

الله يسعدك يااااااارب

هلا.....

ماتحتاج تروح وترجع.....ممكن تحط كروت على قد الوقت اللي تبي........

بالنسبة للمطاعم........الايطالي.......

http://www.arabtravelersforum.com/travel277174/

اللبناني..........
Aladino......علاء الدين
عنوانة وتلفونه........
Address: via Maiocchi, 30
Phone: +39 02 29521608
الايراني..........

http://www.ristoranteshiraz.com/

واذا ودك مطعم سندويشات شاورما......في بالدوامو محل بعد محل سيسلي اللي في اول الدوامو......

خلي المحل على ايدك اليسار وامشي.....بتلقى محلات زي فوت لوكر ومحل مس سكيتي.....وبعدين تمشي بتلقى

المطعم داخل نافذ.....يبيع فية واحد هندي مسلم ......ترا الشاورما حلوة

وبالتوفيق

لااااا عدمتك .. والله يسعدك دنيااا واخررره

بس ماجاوبتيني متى افضل وقت للخروج من الفندق ع المطااار اذا الاقلاع الساعه 4 العصر ؟؟
وسمعت ان بالمطار سوق حررره بعد التشييك ع الجوازات وقبل الصعود للطائره هل الكلام صحيح ؟؟
وهل هو ارخص من اوروبا .؟ وهل جميع انواع الشوكولاتات الاقيها عندهم او اخذها من سويسرا افضل ؟؟

وربي اسف تعبتك معاااي

هلا......

الافضل انك تطلع على الساعة 12 الظهر.....يأخذ منك الطريق ساعة......

اوقات يصير زحمة في هذا الوقت عشان كذا يفضل تطلع شوي ابكر من العادة.........

اما بخصوص السوق الحر......تراه عادي مرة ماهو مرة حلو......يعني كم محل والسلام.....

اما الاسعار مافيها فرق عن داخل اوروبا.....الشوكلاته.....اذا ودك من ميلان احسن شكولاته هي اللي عند ارماني

تجنن طعمها.....اطلب الانواع اللي مافيها كحول........

وترا سويسرا شكولاتتها اروع بكثير........

وماعليك باي سؤال.........والله يوفقك

الله يسعددددك ويخليك لعين ترررجيك ...

شفت موضوعك في البوابة السويسرية عن اضافة باريس وماعجبتني الردود
وكلن له رأيه الشخصي
إذا ماعمرك شفت باريس حلو تشوفها

لكن لا تستلم السيارة الا في جنيف .. القطار بين باريس وجنيف قطار سريع ممكن توصل سرعته الى فوق ال300 كلم في الساعة (انصحك بفندق الشاتوفرونتياك هناك لميزانية متوسطة الى عالية بحدود الف وميتين يمكن في الليلة) طبعا فيه الاحسن والاغلى وفيه المقارب لهالسعر .

والرحله كلها ثلاث ساعات بالقطار (بالسيارة ممكن توصل سته ساعات)
ثلاث ليالي حليوه لباريس واربعه ممتازة (دزني مضيعة وقت بالنسبة لي بس اذا تبيها من باب شفناها خلها اربعة ليالي)..
على كذا بتكنسل لويزرين اللي مافيها شي الا الترويق في ذاك الفندق الرايق على البحيرة
مدري من اللي نصحك بالسكن في جنيف بدال مونترو من جد اشوفه مره غلط
السكن في مونترو في ماجستك المطل على البحيرة الفندق ممتاز كموقع ونظيف واحسن من ادن بس فيه طبعا الاحسن والاغلى اذا ماعندك مشاكل في الميزانية ممكن تاخذ الرويال

انترلاكن كريبس

لوقانو الدنتي
3 باريس
بالقطار الى مونترو مرورا بجنيف (استأجر سيارة من جنيف)
4 أو 5ليالي مونترو
5 ليالي انترلاكن
2 لوقانو

درعمناااا .. اول شي اسف اسف اسف ..
لاني والله ماشفت هالكلمات القيمة الا هالحين .. وانتي اللي خدمتيني كثير ..

اول شي بسم الله
ثاني شي .. انا كنت بدخل باريس عشان تمتزج الرحله بين الازعاج القصير والهدوء الطويل ..
جنيف استحاله اسكنهااا وانتي اشرتي على مونترو .. الان تكنسلت باريس السبب .؟؟!
ان فندق مونترو مافيه غرف بأطلاله بعد العوده من باريس .. وهذا الفندق الغاليه نصحتني فيه واكيد تبي لي الخير ..
فماكان ودي احرم نفسي من خيارات انسانه ربي ارسلهاا لي تدلني على اروع الفنااادق فلك الشكر بعد الله
نرجع لوزيرن الفندق مجنني لو بيدي الحين اروووحله ولا ابي اشوف احد غير الجلوس بالجونيور والترويق
ع الاطلاله .. بس 3 ليالي اشوفهااا كثير ولا اش رايك ؟؟ يعني لو نخليهاااا ليلتين وناخذ ليله منها ونحطها بانترلاكن ؟

علما بأني يالغاليه حاااجز ومخللللص بجميع الفنادق اللي نصحتيني فيهااا ايطالياا يوم واحد ودي اشيله واحطه بلوقانو وجيهاا زياره يوم كامل من لوقانو وارجع

واسف مره اخرى ع التعب والتطنيش الغير مقصووود
كما اشكر الزعيمة لان افضالها بنفس هذه الصفحه

شكرا لكم ياملح الحياااة

ابد عادي لا تطنيش ولاشي
بس انت سألت في السويسرية وانا معاد ارد في السويسرية

لويزران فعلا مافيها شي
وتلفها كلها في يوم على رجولك بس البلد رايقة وممكن تطلع قمة ريقي وقمة تاتلس منها
يعني ممكن تخليها يومين وممكن تزورها من انترلاكن بس انا قصدي اذا بتقعد فيها من باب الرواقه بس
مهيب شينة فكرة إضافة باريس وممكن تغير فندق مونترو .. الماجستيك مكانه ممتاز وغرفه مرتبه وسعره مناسب جدا .. بس فيه الاحسن والاغلى