الموضوع: استفسار تكفون لا تردوني

السلام عليكم ورحمة الله وبركاته

اخواني و اخواتي كنت مقرره السفر لماليزيا في العيد ولكن قدر الله الحمل وانا انتظره من سنتين

اسأل الله ان يثبته ويتممه بالعافيه والصحه ويرزقني وكل محرومه الذرية الصالحة السليمة البارة المعافاة

قولوا اميييييييييييييييييييين

وبما انه اول حمل لي نصحتني الدكتوره بعدم السفر لأن الرحلة لماليزيا طويله متعبه

ولذلك قررت أن أسأل مساعدتكم في اختيار المكان القريب المناسب للسعودية من الدول الخليجية
لأن جدا محتاااااجة لتغيير جو بما إني مازلت اداوم وبداوم في رمضان لازم اغير جو في العيد ومتحسفه على روحة
لكن الله يعوضنا خير

فزعتكم واقتراحاتكم





لا تبطون علي وترى المدة اسبوع ونص او بالكثير اسبوعين في فترة العيد ومابعده

مواضيع عشوائيه ممكن تكون تعجبك اخترناها لك:

• ابي شقه غرفتين يكون موقعها كويس عند المجمعات وقريب للبحر في قطر
• حجزت على طيران الاتحاد أبو ظبي الدوحةأبو ظبي أيام
• التأشيرات الفورية لمقيمي الخليج تنعش الاقتصاد القطري
• فريج الشرق واجهة اجتماعية وانسانية فى الدوحة
• ساعدوني ياهل قطر الكرام
• طلب عااااجل لو سمحتو بشأن الإحداثيات
• اول مطعم في قطــــــــــر
• استفسار عن محيل
• الى منتجع سيلين قطر
• ارجو المساعدة من اهل دوحة الخير
• انا بالدوحه
• مطعم شبستان الايراني الله لا يهينكم
• هل يمكن للنساء الإعتماد على الحافلات العمومية في الدوحة ؟
• ماهو ارخص فندق في قطر
• سؤال لأخواني اهل قطر
• تكفون يااخواني القطرييين ساعدوني
• استفسار عن فنادق مميزة
• طلب مساعده بخصوص معارض السيارات
• جولة مع إلى كورنيش الدوحه
• قطر القابضة تجري محادثات لشراء متجر هامليز البريطاني

حياج الله اختي في بلادج قطر

والف الف مبروك على الحمل والله عوضج صبرج خير ماشالله

هاذي مجموعه من التقارير راح تفيدج في تخطيطج لزياره الدوحه

من اماكن سياحيه ومطاعم وفنادق

وان شاء الله زياره سعيده وممتعه


http://www.arabtravelersforum.com/travel283370/


واي خدمه احنا تحت امرج

السلام عليكم

اسعدك الرحمن على الرد ووفقك وبارك فيك
اتمنى المزيد من التفاعل والردود

يا هلا ومسهلا فيج اختي
حياااج في قطر

واي خدمة انا حاااضرة لج

ياريت توقولين كم يوم تكفيج في قطر وكم سعر الفندق يناسبج عشان انكون اكثر

تحديد للزياره وامكانياتج في السعر عشان نقدر انساعدج في زيرتج أن شاء الله

الله يرزقج الذريه الصالحه ان شاء الله
وحياج الله فالدوحه ومثل ما قالوا الاخوان حددي لنا امكانيتج وابشري بالخير
تحياتي

السلام عليكم

يعطيكم الف عافيه يالغاليعن على تعاونكم وتفاعلكم
ماقصرتواا

احب اعرف لو بروح بالسيارة من الدمام لقطر كم ساعه لأن وجهتي من الرياض وصعب اواصل لقطر بتعب
ودي اريح في الخبر او الدمام يومين واكمل لقطر

بالنسبة للمدة اسبوع تقريباً 6 ليال = 7 ايام
الميزانية غير محددة بالضبط ولكن أود معرفة اسعار فنادق حلوة شامله الافطار تكون 5 نجوم و4 نجوم عشان اقارن واختار ولو فيه 3 نجوم نظيف ومرتب وافطاره جيد وموقعه زين مافي مانع

بس ياليت تعطوني اسماء الفنادق ومتوسط الاسعار في فترة اسبوع بعد العيد يعني بعد 7 شوال واذا توفرت صور للغرف ياليت مع مميزات وعيوب كل فندق


والف شكر يا غالييين كثرت عليكم طلبات لكن ما نستغني عن مساعدتكم

لأني مازلت محتاره بين الكويت وقطر والبحرين

البحرين سبق رحت لها لذلك ودي اغير


تحية طيبة

يعطيج العافيه وحاضريلج الغاليه ماكثرتي علينا ولا شي تنورين قطر أن شاء الله

في البدايه باحطلج موقع فندق.كوم اسعاره حلوه بس مو كل الفنادق ويا الفطار وختاري الي يناسبج

وبعدينم قولي الي اخترتيه وراح انصحج في ولا لا واقولج عيوب الفندق وهاذا بنكون خلاصنا من الفندق


http://www.fendeq.com/results_new.ph...25&submit.y=16

وبنسبه الي المسافه ماعندي فكره عنها بس مثل ماقلتي ريحي في الخبر او الدمام

وبعدها كملي الرحله عشان تكون الرحله مريحه أن شاء الله

الله يرزقج يارب بذرية الصالحة يارب

شوفي اختي الاسعار بعد العيد تنزال عن اسعار العيد وخاصة الفنادق بقطر فاوقات يسون عروض


بشوال بليل شوي يعتدل الجو


وفي اماكن كثيرة بقطر بس بضبط شنو اهتمامات او شنو الي تبين تشوفينة بالسفرة


فنادق في كثير

انا سمعت عن فندق سوق واقف يقلون تراثي وحلو

بس ماعرف رقمة بسالج عنه

مرحبا اختي
واتنورين الدوحه
بس غريبه انتي تقدرين اتسافرين لين الشهر الثامن وحتى التاسع بعد
نصيحتي اختي ان اتروحين لماليزيا واتوكلين على الله
الدوحه حلوة واتنورينها بس لان حرام اذا انتي تبي اتغيرين جو فماليزيا اكيد احلى وارخص من الدوحه من ناحية الصرف والفنادق الفرق بس بتكت
وانتي بتروحين بسياره وقطر مب قريبه من الرياض يعني التعب موجود
بس اذا ماحبيتي اتروحين تقدرين اتروحين الدوحه او دبي طبعا دبي حلوة والدوحه بعد
بنسبة لدوحه عندي المجمعات التجارية منها (الاند مارك & ستي سنتر & المول & فيلاجيو & الحياة بلازا & سنتر بوينت & الرويال بلاز & اللولو هايبر ماركت )
وعندج جزيرة اللؤلؤة الصناعية فيها محلات وكوفيات
عندج متحف الفن الاسلامي وعندج سوق واقف وعندج الكورنيش
هاي تقريبا الدوحه بنسبة للفنادق فتفرق اسعارهم بس بشكل عام الاسعار مرتفعه
على العموم انتي استخيري ولوقت العيد اتوقع ان الحمل بكون ثابت وانصحكم تحجزون السكن قبل ماتجون واحجزو مثل ماقال اخونا قطر عن طريق النت لانه ارخص
واي استفسار عن الدوحه او ماليزيا او حتى اي دولة ثانيه اسئلي وانا حاظر وبقولج كل معلوماتي ونصايحي
واتنورين اختي