بسم الله الرحمن الرحيم
اعتذر منكم عن مستوى التقرير ولكني اباجيب لكم اهم الملاحظات اللي لاحظتها في سفرتي باختصار .. ( الخط حاولت اكبره كذا مره بس في مشكلة في المنتدى)
1-اول ما وصلت اخذت تكسي من المطار مباشرة و كلفني حول الـ 90 باوند (550 ريال) ولو متصل على احد شركات التكاسي كان وصلوني بنصف المبلغ .. مثل ما سويت في الرجعة
2-الفنادق زحممممممممة لذا حاول تضبط حجوزاتك كلها قبل تطلع من بلدك .. يعني لاتقول اباسكن في الفندق الفلاني و بعدين خلال فترة سكني اباحجز الفنادق الثانية لاني سويت هالشي و في الاخير الفندق اللي انا فيه قالوا اطلع برا الغرفة محجوزة بكرة و لا لقيت فندق ثاني الا عقب التعب .. و اشكر الاخوان هنا اللي ساعدوني
3-الخدمة و مستوى الفنادق سيئ نوعا ما لانه حسب كلام واحد بريطاني ان الفنادق فل دايم ولهوب فارقه معهم جلست والا طلعت
4-الفنادق اللي سكنت فيها هي ibis docklands و premier inn bekcton و premier inn euston وكلها كانت اكثر من عادية بس انحديت عليها بالاضافة الى ان سعرها كان رخيص مقارنة بالفنادق الثانية .. الفندق الاول كان تعبان مررره بس الثاني و الثالث كانت حليوه .. الاول و الثاني سكنت فيها لان كان عندي شغل حولها و موقعها سيء بس الثالث موقعه ممتاز حتى اني زرت عين لندن (5 كيلو) و متحف الشمع (2 كليو) و المتحف البريطاني (1.5 كليو) و شارع العرب (2.5 كليو) على رجليني وكان كل شي قريب مني .. ايضا مطعم الفندق كان معقول
5-اللي بيروح مثلي في ديسمبر اقوله لا تكثر الثياب في الشنطة انا رحت و جيت و نص ثيابي ما لبستها لان الجو ما كان بارد مره ..مع اني كنت امشي يوميا اكثر من 5 كيلو
6-اللي انلقيزيته كويسه استفدوا من قوقل مابز انا ما كنت امشي الا وانا محدد بالضبط وين الطريق و كم المسافة وكله عن طريق قوقل مابز. غير انه يعطيك وش المحلات اللي حولك مثلا اكتب self laundry يعطيك اماكن الغيسل اللي بالـ كوينز .. markets المحلات .. الخ
7-الوضع هناك امان تماما و الحمد لله .. تطلع الساعة عشر في الليل ولا تحس انك خايف .. ما عدا يوم الجمعة في الليل لانه كثرت التجمعات حول الكفيز و السكارى كثروا .. السبت و الاحد ما جربت اطلع
8-الاكل عندهم حليو بس انتبه من لحم الخنزير لانهم يحطونه بكل شي واساميه كثيرة ما ينتبه لها الواحد ولكن لو سالت بالعادة يعلمونك و ممكن تطلب منهم يشيلونه او يستبدلونه
9-اطلب عن طريق هالموقع http://www.just-eat.co.uk/ كل اللي تسويه انك تسجل كأنك مسجل بمنتدى و بعدين تبحث عن المطاعم اللي حولك و تطلب عن طريق الموقع نفسه و انصحك بعد ما تطلب بعشر دقايق تدق على رقم المطعم (الموقع يعطيك اياه) و تسالهم عن الطلب لاني مرتين المطعم قبل الطلب في البداية و بعدين اعتذر عن التوصيل وانا ما دريت الا عقب ساعة لما كلمتهم. ميزة الموقع انك تقدر ترتب المطاعم حسب نوع الاكل او حسب التصنيف. عيبه مثل ما قلت احيانا يجحدونك وما يبلغونك ان طلبك انلغى واخر مره قالوا لي ترا بنعطيك 2 بوند تعويض عن الغاء طلبك بس عقبها منعوني من دخول الموقع يقولون صاحب هالكمبيوتر استعمل الموقع استعمال سيء !! يعني النصب حتى ببريطانيا بس بشكل عام الموقع كويس .. واحرص تكتب معلومات مكانك صح اسم الفندق و الرمز البريدي و رقم الغرفة .. المطاعم المصنفة تصنيف عالي في الموقع اكلها كان ممتاااز مرره .. ايضا بيتزا هت يوصلون و الطلب عن طريق موقع بيتزا هت على الانترنت .. خدمة التوصيل عندهم في لندن ممتازة. و استعمال موقعهم سهل جداا
10-متحف الشمع كنت متخوف من الزحمة اللي الناس تتكلم عنها و لكني جيته يوم السبت الصباح قبل يفتح بربع ساعة بس و توقعت ابالقى طابور طويل مره و اباجلس انتظر ساعة بس الحمد لله كنت الثاني في الطابور و الناس ما جت الا مصيفه .. عاد مدري كل سبت كذا والا صدفت معي
11-لندن مدينة تمشي المفروض الواحد يروح بالاندرجرون عشان ما يتأخر و يرجع مشي .. مشكلتي ما استعملت الاندرجروند ابددد وكل يوم اقول الثاني واخر شي رحت ما استعملته .. انصح بانك اول يوم تروح و تشتري بطاقة اندرجروند و تكسر الحاجز النفسي .. تمنيت اني سويت هالشي بصراحة لان فيه ايام تأخرت بسبب المشي
********يمنع ذكر اسماء وارقام السائقين *********الرقابة
هذا باختصار ملخص بسيط لرحلتي لـ لندن اعذرونا على القصور و أي سؤال حياكم الله
مواضيع عشوائيه ممكن تكون تعجبك اخترناها لك:
- ابي برنامج سياحي في لندن ل ايااااام نخوتكم يااهل الخبره
- بلييييييييييييييز مساعدتكم يالنشامى ؟
- تخفيضات لندن الشتويه
- صور من
- بعض الاستفسارات عن خطة رحلتي إلى بريطانيا بإذن الله فزعتكم
- استفسار بخصوص البطاقة الإئتمانية
- استفسار حجز تذكرة قطار من لندن بالنت ؟
- فيزا لندن وباريس ؟؟ والتأمين الطبي ؟
- ساعدوني في سفرتي إلى لندن؟؟
- مسافر جديد إلى لندن
- شقق قريبة من شارع ادجوير بلندن
- مخطط رحلتي الى لندن
- المشورة يا اهل لندن
- الزيارة الإدريسية للأراضي الإنجليزية
- مهم جداً، ياليت اللي راح بريطانيا قريب يرد علي
- زوجتي اندر ايج وش اسوي؟؟؟؟
- اتمنى المساعده بخصوص مطار هيثرو بليز
- لخبراء مانشستر ولندن جزاكم الله كل خير
- مشكلة فى ابلكيشن السفارة البريطانية ارجو المساعدة
- استفسار بخصوص فندقين وتوضيح الفرق بينهم
رد مع اقتباس
المفضلات