.
.
.
.
.
.
.
السلام عليكم ورحمة الله وبركاته
اخواني اخواتي اهل قطر ومن يحب قطر وله درايه بها اسعد الله اوقاتكم بكل خير
حبيت اطرح عليكم بعض الاستفسارات الي اكيد تهم الكثير يعرفونها ....
نعم المنتدي فيه معلومات مفيده ومهمه ولكن يمكن هالمعلومات مالقيتها بشكل مباشر وبعضها مش موجود حسب علمي وفوق كل ذي علم عليم
راح اطرحها بصيغة اسئله عشان تسهل علي الي يرد انه يضع رده تحت كل سؤال ... لجعل الموضوع اعم فائده
1- هل هناك منطقه معينه او اكثر من منطقه تكثر بها الشقق المفروشه العائليه؟ اذا نعم ارجو الوصف لمن ياتي بطريق البر من السعوديه بشكل مبسط
2-هل هناك فنادق محافظه تناسب العوائل المحافظه (واضح السؤال اكيد )
3- شلون الوصول لمنطقة الاسواق الشعبيه الي منها علي سبيل المثال سوق الجبر - العسيري- الديره(انا اعرف انهم كلهم قريب من بعض) لكن النهضه العمرانيه ولمن لم يزر قطر تغيرت امور وايد ..... فضلا اسهل طريق للوصول اليها بدون مانضيع ومايردنا الا دخان :109:
4- شلون الوصول لمجمع السيتي سنتر ؟ فيلاجو (عسا كتبت اسمه صح ) :109: هل حوالينه مجمعات شقق مفروشه مثل الي عندنا بالسعوديه
5- هل هناك فنادق .. شقق سمعتها سيئه (علي سبيل المثال سئلت عن فندق الواحه الي اعرفه وقالوا لي انها صار سمعته سيئه .... مدري لين احين موجود ولا غيروا اسمه مثل شيراتون الخليج الي صار اسمه اعتقد ماريوت ؟؟؟
6- مركز خدمات مسيمير ؟ الاخ الرايق جزاه الله خير وصفه لي بس ماعرفت الوصف وين مكانه هل هو في اول الدوحه وانا جاي من السعوديه ... وهل الجماعه مرنين لان ربعنا في السعوديه انواع التعقيد في التعاملات
7- الاخوان الي سافروا عن طريق المركز الحدودي هل صحيح انه في الجانبين صار مايحتاج تنزل من السياره زي طريقة جسر الملك فهد ؟
8-صحيح مافيه تكاسي وكله شركات لميوزين لاني بصراحه في قطر وماركب مع تاكسي اصفر مالها خانه :109:
9- ذكرتوا بعض المطاعم الفخمه مثل بخارا ومدري شنو وين مكانهم وهل اسعارهم نار ياحبيبي نار:108:
10- سوق واقف فيه حوله فنادق ؟ اذا نعم هل تنصحون بها ولا ماتصلح للعوائل ؟
11- متي اوقات الذروه في الطرقات يعني الزحمه تكون علي اشدها لان مانعرف متي وقت دوامكم
12- هل عندكم مكاتب تخليص جوازت ورخص تعطيهم ويخلصون لك كل شي مثل عندنا ولا هالشي خاص بالشركات .. انا شفت مندوبين عرب بس مش عارف خبري قديم شوي
13- الحين لين صرت زهقان وابي اتمشي في قطر وين اروح الكورنيش صار زين ولا بعده زحمه (ماحب الشيشه واماكن التدخين وخلافه)
14-شلون اقدر ارسل رسائل خاصه يعني الواحد مايقدر يطرش ايميله ولا يعرف احد في المنتدي الا من المواضيع فقط ؟!!!!!
15- حفظ الله الشيخ حمد وشعبه ووفقهم لكل خير (دعوه مانبي منها شي بس قولوا امين) وادعو لاخوكم بالتوفيق وتسهيل الامور
ادري وايد الاسئله امتحان ثانويه مب اسئله واكيد بيجي احد يقول لي افتر شوي في المنتدي ولكن حتي لو ماتعرفون نبي دعواتكم الطيبه
والسموحه منكم جميعا علي الاطالهمواضيع عشوائيه ممكن تكون تعجبك اخترناها لك:
- سؤال محلات بيع الحلوى القطرية ؟
- ليفوووونكم موقع شاطئ السلطان عجيييييييب
- الاماكن التي تنصحونني لزيارتها في الدوحة
- طلب خدمة من اهل قطر
- شركات الاتصالات في قطر
- تأجير سياره في قطر أو تكسي ؟
- اميركا تسمح للخطوط القطرية بتسيير رحلات الى نيويورك
- خارطة لبعض الاماكن في الدوحة
- سفرة شبابية الي قطر نحتاج الي برنامج لمدة 5 ايام في قطر
- مراحب افيدوني في موضوعي ترانزيت
- مملكة علاء الدين
- عطورات بالجمله
- شقق فندقيه في الدوحه
- هل يوجد تحويل عملات في مطار قطر ؟ استفسار عن شريحة الهاتف
- اريد برنامج سياحي لمدة ايام لقطر
- فودافون تستعد لإطلاق عروضها المتميزة للجمهور
- قطر محطة انتظار نصائحكم
- ماهي إجراءات شراء سيارة من قطر ؟؟
- أول زيارة لي لقطر بأذن الله اريد بعض المعلومات
- السفر الى قطر عن طريق البر
رد مع اقتباس
المشاركة الأصلية كتبت بواسطة @بوسيف@
المفضلات