الموضوع: نازل على قطر لمدة ليالي

السلام عليكم

طبعاً انا اول مرة بنزل في قطر بس مع الوفد البحريني .. عندنا مسرحية راح نعرضها عندكم في قطر ضمن مهرجان المسرحي التاسع المهم مب هاي موضوعنا

انا 10 ايام ابي اعرف وين اروح؟ مطاعم .. مقاهي ....

حالياً بتكون عندي 50دينار لكل يوم فما ادري جم راح تنحسب 500 ولا 450
و الفندق خيرونا بين مكانين .. اما بيوت الشباب او فندق عليه تخفيض .. طبعاً اخترنا فندق لأن بيوت الشباب اعتقد عندهم قوانين قبل العشر لازم تكون في البيت .. فالفندق احسن و يمكن نفس سعر بيوت الشباب .. تقريباً 20 دينار لكل شخص

يعني يبقى من مصروفي 30 دينار لكل يوم

المهم انا بقول لكم جدولي في قطر و انتو ساعدوني فيه


اليوم الأول و الثاني و الثالث
نقعد الصبح و المخرج ينفخ على راسنا نتريق و نروح البروفة .. نعرض العمل عرض عرضين إلى الظهر و عقبها نروح نتغدا(ما عندي فكرة إذا كان في الفندق ولا لا) و عقبها عندي من بعد الغدا إلى الساغة 7 و من 7 لازم اكون جاهز علشان احضر العروض في المهرجان

اليوم الرابع إلى اليوم العاشر
نقعد الصبح نتريق و من عقب الريوق فاضي لي الساعة 7 و من 7 لازم اكون جاهز علشان احضر العروض في المهرجان


فياريت تعدلون لي جدولي و تعطوني اماكن رخيصة


و شكرراً

مواضيع عشوائيه ممكن تكون تعجبك اخترناها لك:

• اذاعة صوت الخليج
• طلب خاص لاهل قطر
• 
  
  ¶Ξ……Ξღزيارتي لحديقة أسباير ღ هايد بارك الدوحةΞ…ـ…Ξ¶
• كل عام وانتم بخير ورمضان كريم عندي استفسار
• مساعده يأهل قطر ضروري لا تفشلوني عند صاحبي
• استفسار على السريع ل اهل قطر
• منقول لاجونا مول في قطر
• القطرية الدولية تعمل على تنظيم الرحلات البرية والبحرية للأفواج السياحية
• صور من قطر
• أبغى برنآمج ليومين في قطر
• يومين ولا احلى بداااار ال ثاني
• قطر تفتتح مطار الدوحة الدولي الجديد أواخر
• مطاعم فيها كباين للعوائل
• ممكن مساعدة الله لا يهينكم
• افضل فندق مساج
• وين احصل رقم هالفندق جزاكم الله خير
• فورسيزونز الدوحة يطلق الأنشطة الصيفية
• محتار بين كم شقة عطوني رايكم
• بسافر القطر الخميس القادم لو سمحتوا استشارات
• عدسة شوقي في قطر

وينكم يالربع؟؟

شوووف انا راح اقولك باختصار وانت بكيفك ترتبلين ماتقول بس

طبعا المولات (( من اكبر الى اصغر راح ارتبهم لك )))

1 - سيتي سنتر
2 - فيلاجيو مول
3 - لاندمارك
4 - حياة بلازا
5 - المول
6 - رويال بلازا
ـــــــــــــ
الاماكن السياحيه المفتوحه
1 - سوق واقف
2 - جزيرة الؤلؤه
3 - اكوابارك
4 - الكورنيش
ــــــــــــــ
المتاحف
1 - متحف الفن الاسلامي ( انصحك تروحله ابصبح من مواعيد الدوام من 7 الصباح الى 7 مساء )) في الكورنيش المتحف
ـــــــــــــ
بحر :
1 - بحر الخليج الغربي ( جمب الابراج في الدوحه ))
2 - بحر الوكره ( خارج الدوحه )
3 - بحر الخور ( خارج الدوحه )
ـــــــــــــــ
المقاهي
طبعا روح شارع سحيم بن حمد اهناك كله قهاوي
مطاعم خارجيه عندك اممم جمب ملعب التنس السكواش فيه ثلاث مطاعم فخمه كبيره وراقيه مثل بينيجنز و فدركرز و بخارى
وايضا جمبهم ملعب نادي قطر فيه ثلاث مطاعم وقهوتين مثل ابل بيز برجر كينج ومطعم ايطالي وقهوتين فخمين بس من غير شيشه طبعا
ـــــــــــــــ
الحين انشالله ماقصرت معاك

تسلم اخوي ذي روك و ما قصرت


المشكلة 9 ليالي و قطر اماكنها تخلص في يومين بس لازم ارتب وقتي ولا راح اتملل

هلا فيك اخوي احمد ,
ماقصر اخونا ذا رووك , وبأذن الله ان مشيت على جدوله ماراح أتملل .

واتمنى لكم التوفيق ...

10 ايام كثييييييييييييييييير

المشاركة الأصلية كتبت بواسطة Aloooly
http://www.arabtravelersforum.com/tr...7/#post4297696

10 ايام كثييييييييييييييييير




اي كثير
شوفو راح اقولكم كل مدينة وكم يوم تحتاج

دبي = 8 ايام
الدوحه = 7 ايام
ابوظبي = 4 ايام
الرياض = 4 ايام
جده = 4 ايام
الكويت = 5 ايام
المنامه = 3 ايام
مسقط = لين الحين مازرتها
صلاله = 2 يوم

والحين ان شاء الله استفدتوا