الموضوع: اعطوني البرنامج المناسب يا اهل قطر الطيبين

السلام عليكم ورحمه الله وبركاته

اسعد الله مسائكم بكل خير

قررت انا وزوجي التوجه بإذن الله يوم غد إلى دوله قطر العزيزه متوجهين من الإمارات ومن ثم العوده الى الوطن الحبيب المملكة العربيه السعوديه

آآمل منكم اخوتي افادتي عن افضل الأماكن للزياره
في خاطري بحر وركوب باخرة او سفينه
السكن عندي مهم ابي مكان حلو
يكون عبارة عن غرفه وصاله ودورتين مياة ( اعزكم الله )

ناس مدحو لي الليوان بس ما ادري
ناس مدحو لي ريتاج والله محتارة

معي طفلتين اربع سنوات وسنتين

آآمل منكم إعطائي افضل الاماكن

شاكرة لكم مقدما تعاونكم
وانتطر ردودكم

مواضيع عشوائيه ممكن تكون تعجبك اخترناها لك:

• مسافر وابي مساعدتكم
• زيارة أولى للدوحة مع العائلة
• استشارة من الجميع وخصوصاً من أهل البحرين
• الفرق بين الريال السعودي والقطري افضل المجمعات
• الشقق المفروشه أين أجدها في قطر
• مطعم النبلاء
• القطرية تفتتح خطاً جديداً للشحن الجوي إلى إسبانيا
• ودي استاجر سياره
• نداء للأحبه أهل قطر
• فنادق لاهل الخبرة
• أرجو من الأخوه القطرين المساعدة
• هل يصلح ادخل السعودية بسيارة سعودية دون تفويض اذا كان قائد السيارة يمشي قدامي ؟
• ماريوت العالمية تطلق ثلاث فنادق في قطر
• اكيد ماراح يخيب ضني فيكم جايتكم ضيفة يااهل قطر
• ، أوتــار والبحــر وصيف قطـــر أحلـــى ،
• ابغى سكن مناسب
• الفزعة يا اهل قطر
• افتتاح مطار حمد الدولي بالدوحة مطلع أبريل
• أفيدوني من فضلكم
• هل يوجد مكاتب تأجير سيارات في سلوى؟

أخوي انا انصحك بالسكن في فورسيزون هوتيل او الريتس لانه مطل على البحر واسعارهم زينه والليوان احس ماينفع لانه مكانه مو لي ذاك الزود


افضل الاماكن
1 - فيلاجيو مول (( سينما + مدينة العاب ضخمه + صالة تزلج + تسوق جدا كبير + افخم مول في قطر ويمكن في الخليج بعد ))
2 - جزيرة الؤلؤه (( عبارة عن جزيرة اصطناعيه تصل اليها عن طريق السياره وهي مشروع ضخم جدا عباره عن مدينة جديده في جزيرة وفيها ابراج كثير + ممشى ضخم مثل الكورنيش + قهاوي + اسواق وايضا فيه تاجير السفن او اليخوت بالساعه تقريبا 500 ريال لك ولعيلتك وياخذك جوله على الجزيرة وعلى البحر والكورنيش ))
3 - سوق واقف (( سوق شعبي لاكن متطور وهو من اشهر الاماكن في قطر ))
4 - اكوابارك قطر (( مدينة مائيه جدا جميله ومناسبه للكبار والصغار طبعا يوم الثلاثاء نساء و يوم الجمعه عائلات اما باقي الايام عام ))
4 - متحف الفن الاسلامي (( طبعا هو تحفه معماريه وحصل على افضل تصميم لعام 2009 وهو متحف عالمي يقع في كورنيش قطر ))

طبعا انا قلت لك هذي الاماكن السبيشيل في اماكن ثانيه حلوه لاكن اعتقد انك بتروح الامارات يعني بتقعد في قطر كم يوم اذا ثلاث ايام او اقل فهذي الاماكن تكفي انك تزورها اما اذا بتقعد اكثر فراح اكتبلك اماكن سياحيه اكثر


اتمنى لك زياره ممتعه
واذا ناقصك اي شي خبرني انا في الخدمه

بس عيب هوليدي انه في منطقه في وسط البلد يعني مايطل على بحر ولا شي يطل على الشارع بس

كم نجمة الهوليدي ؟

روحه بلا رجعه

ليش ماسويت لنا تقرير ؟؟

والا بس رايح قطر تستانس ونسيت التقرير !!!

مشكور اخوي عيد على ردك

حياكم الله أختي المحتارة في بلدك الثاني وإن شاء الله تقضين أحلى واجمل الأوقات في قطر وما تنسين تزودينا بتقرير مفصل عن زيارتكم لبدكم الثاني .

بما أن في خاطرج البحر فأكيد الكورنيش راح يعجبج وخصوصا أن الجو عندنا بدت يتعدل وفي سفن تأجير تاخذكم لفة في بحر الخليج

أما الأماكن اللي لازم تزورينها بتلقينها مكررة في كل موضوع استفسار للأعضاء في المنتدى .

المشاركة الأصلية كتبت بواسطة النوريq
http://www.arabtravelersforum.com/tr...4/#post4262444

طلعت مره مب ريال





يالغبيه مشي سوي روحج ماقريتي شي

المشاركة الأصلية كتبت بواسطة the ro0ok
http://www.arabtravelersforum.com/tr...0/#post4262520

يالغبيه مشي سوي روحج ماقريتي شي



محد غبي غيرك

تحمل تعيدها مره ثانيه أجيك البيت أسطّرك

المشاركة الأصلية كتبت بواسطة النوريq
http://www.arabtravelersforum.com/tr...4/#post4262564

محد غبي غيرك

تحمل تعيدها مره ثانيه أجيك البيت أسطّرك





انشالله نوريوو

تسطريني ليش دفتر مثلا ..!!

أنا أنصحكم تسكنون في فندق الريتز كارلتون

هذا الفندق 7 نجوم ويعتبر أفخم فندق في قطر

وهو منتجع كبير ويطل على البحر يعني مثل ماتبون

والغرفة كبيرة بشهادة الأعضاء وأنا بعد سكنت فيه وأقول لكم الغرفة كبيرة

بس انتوا طلبوا منهم في البداية هالغرف الكبيرة

والسعر بيكون تقريبا 750

يعني بتزيدون بس 100 ريال في الميزانية

لكن التغييرات بتكون كبيره

شرايج ؟ شقلتي ؟

شكلكم وصلتوا الدوحه الحين . . أنا ماكنت أدري

على العموم روحوا شوفوا الريتز علشان إذا عجبكم تسكنون فيه مره ثانية