الموضوع: من جرب السفر مع طفل في الكريسمس ؟

مرررحبا يااحلى اعضاء

انا شوي متوهقه نوعا ما بقوولكم ليش لان الناني مالته خلصت سنتين وبتروح في اجازه نفس الوقت اللي بكون فيه مسافره والخدامه الثانيه هو مايدانيها علشان كذا بوديه .... قلت لكم قصة حياتي ماعلينا خخخخ

كيف الوضع في السفر في البرد ومعاكم بيبي من جرب هو عمره 3 سنوات انا خايفه يمرض علي كل شوي بسبب البرد وفي نفس الوقت من زماااان خاطري اسافر في شهر 12 علشان اشوف الزينه والاجواء ولااقدر اخليه لانه متعلق فينا ومايداني الخدامه الثانيه .. وشنو تنصحوني اخذ معاي له هل الوضع بيكون صعب ومعقد لانه معاي ولا عادي الامور سهالات خايفه ومتردده اتمنى اللي جرب مايبخل علي في اي معلومه بتفيدني

انتظر ردودكم

مواضيع عشوائيه ممكن تكون تعجبك اخترناها لك:

• لندن والكرسمس
• رايق مروّق بلندن
• سؤال عالطاير
• استفسار واماكن جديده في لندن
• قضاء اسبوعين في لندن ؟
• مانشستر ادنبرة يورك
• الاكتفتيز في منطقة البحيرات الامان
• اكثر فندق موقعه استراتيجي في لندن
• تذاكر مدام توسو متحف الشمع
• سائق في لندن يجيد اللغة العربية والانجليزية
• كتكاته في لندن صور
• خساااره يالندن طلعتي مو مثل ماتوقعتك
• خبراء لندن لا تبخلو علينا
• خبراء اسكوتلاند او من ذهب الى سكوتلاند
• السياحة في لندن ب اقل الاسعار هل هذا ممكن؟
• استفسارت على اندن اول زيارة ارجو المساعدة في اقرب وقت
• عاجل انقذوني
• محتاج مساعدتكم
• ارجو افادتي من الاخوة الاعضاء على مسار الرحلة
• استفسارات مهمه قبل سفري الى محبوتبي

ما انصح باخذ الاطفال في البرد

طلعنا انا والمدام والولدين اخر شهر 11 السنة الي طافت نص الرحلة في الفندق نعالج فيهم زكام وسخونة وحالة
رحلتنا كانت اسبوعين 6 ايام راحت على الفاضي,


حاولي تخلينه عند واحد من اهلك اذا كانت الرحلة قصيرة او اجليها..

المشاركة الأصلية كتبت بواسطة saleh_alharbi
http://www.arabtravelersforum.com/tr...1/#post7011401

ما انصح باخذ الاطفال في البرد

طلعنا انا والمدام والولدين اخر شهر 11 السنة الي طافت نص الرحلة في الفندق نعالج فيهم زكام وسخونة وحالة
رحلتنا كانت اسبوعين 6 ايام راحت على الفاضي,


حاولي تخلينه عند واحد من اهلك اذا كانت الرحلة قصيرة او اجليها..



والله تكدرت وانا خايفه هالشي يصير لنا هناك .. احنا هنا من يجي الشتاء هم كل اسبوع طايحين مرضى اشلون الوضع هناك اتوقع بعيش نفس الوضع اللي انت عشته

شكرا على ردك اخوي ماقصرت

ياهلا وغلا فيج أختي الفاضله للامانه جو لندن غيييير عن جو

الخليج انا كانت بنتي سنتين وزوجتي كانت توه والده كل

مكان في تدفئه التكاسي والباصات والاقطار والمجمعات

الامر لكم

اول شي الله يخلي الولد لكم ويحفظه يارب
بعدين لاتحاتين خليه يتعود على السفر من وهو صغير لاتحاتينه
اهم شي لبسيه ودفيه عدل جاكيت وتكرمين بوت
واخذيله عربانه ومعاها مظله اللي يصير مثل النايلون الشفاف معاه عشان المطر
عادي هو عمره حلو يفهم اسم الله عليه
والله يوفقكم بسفره حلوه

ياسلام عليج بنت ديرتي نفس اللي انا سويتها بنتي نطلع نتمشي ونروح المجمعات





واخذيله عربانه ومعاها مظله اللي يصير مثل النايلون الشفاف معاه عشان المطر

المشاركة الأصلية كتبت بواسطة أبــوعبدالله
http://www.arabtravelersforum.com/tr...1/#post7013281

ياسلام عليج بنت ديرتي نفس اللي انا سويتها بنتي نطلع نتمشي ونروح المجمعات



الله يخلي البنوته لكم ويحفظها يارب

سر دفين

شكرا لك وعلى ردك وان شاءالله ربي يكتب لنا وانشوف لندن في الكريسمس اشلون

ابو عبدالله

شكرا لك على ردك وتجربتك حمستني نوعا ما وانا بستخير قبل وان شاءالله ربي يكتب اللي فيه خير مشكور

الماسه كويتيه

مشكوره حبيبتي على ردج وياربي يحفظ لج كل غالي ويحفظج وشكرا لانج نبهتني على العربانه اللي معاها مظله بلاستيك فعلا شي راح عن بالي وردج حمسني اني اوديه معاي وفعلا هو صار في عمر حلو حتى صرنا نستانس اذ ايروح معانا اي مكان بس في سفر ولامره علشان كذا انا متردده وخايفه

الف شكر لج وللجميع

انا الكريسمس اللي فات كنت هناك ومعي بنتي
بالعكس وناسه حتى هي مبوسوطه تقول بابا متى نروح
بس نصيحه كنت كل صبح اعطيها ملعقه عسل مع حبه سوداء درع وقائي مسبقه قبل السخونه
صح انها تعبت شوي بس السبب انها كانت مسويه عمليه بس الجو ماثر علينا كنت البسها ثقيل وعليها جاكيت وسكارف وقبع وقلفز مابقينا شي
بس من ندخل الاماكن اشيل الخارجي عنها

السفر مع الاطفال لة متعة

بالتوفيق

ماجربت اسافر مع اطفال صغار مره بالعمر
لكن اشوف حرام تخلينه خذيه وخذي معاك ادويه وفيتامينات تقوي مناعته واللبس الدافي
ورحله موفقه من الموبايل

موضوع قديم
وتم الرد عليه

الف شكرا لكم جميعا وعلى ردكم والف سلامة على البنت اللي مسويه عمليه

بصراحه هونت نو وي اوديه بدون خدامه مقدر عارفه اني ماستحمل


شكرا جميعا