الموضوع: استفسار عن اسواق قطر

السلام عليكم ورحمة الله و بركاته ..

حبيت أسأل عن المولات في قطر ..
خلال ايام العيد هل الأسواق تسكر ( يعني المحلات اللي في السوق لهم اجازة ) والا لآ ؟؟
واذا كانت لهم اجازة متى تفتح ؟؟


وبغيت استفسر وين الاقي الماركات العالمية ( ديور ، كفالي ، شانيل ، هيرمس ... الخ ) ؟؟

لآني أنا بمشي ان شاء الله ليلة العيد لقطر فبغيت أعرف هل الاسواق تقفل والا لا .. فماودي اضرب مشوار ,,


ومشكورين ..

مواضيع عشوائيه ممكن تكون تعجبك اخترناها لك:

• هل مسموح بالصلاة على الطائرة التابعة للخطوط الجوية القطرية؟
• هل الفلسطينيون ممنوعون من دخول قطر
• أفيدونا يا أهل قطر
• اللي عنده خبر يفيدني
• قطر استفسارات
• مندرين أورينتال فندقاً فاخراً جديداً في الدوحة
• استفسار عاجل للأهمية بخصوص فندق هيلتون
• حجز المقاعد على الخطوط القطريه
• ممكن احد يسوي لي برنامج
• الخطوط القطرية تتسلم أول نموذج بالعالم لطائرة في
• ميزانيتي محدده وبغيت فندق او شقق تناسبها
• منتجع الشـــرق في الدوحــه
• شركات تجهيز الافراح ؟؟
• استفسار محاسب
• أطلس المسافر قطر
• القيروان للشقق الفندقية شو رايكم فيها ؟
• رأيكم في فندق Holiday Villa Hotel
• القطرية تطرح مبادرة الطيران منخفض التكاليف
• مكاتب تأجير السيارات في قطر
• استفسار عن بداية اجازة الربيع الدراسية في قطر؟؟؟

هلا والله احتي وحياج

المولات فاتحين
افخم المولات عندج سيتي سنتر و فيلاجيو مول و لاندمارك
وفي مولات ثانيه مثل ذامول و رويال بلازا وحياة بلازا وسنتر بوينت

الماركات العالميه لها ثلاث اماكن في قطر انا ماعرف الا مكانين
المكان الاول في فيلاجيو مول قسم الماركات
المكان الثاني في جزيرة الؤلؤه كلها ماركات

مثل ماذكر أخوي

* اللؤلؤة : وفيها ماركات وايد منها ( روبيرتو كافالي ، جاست كافالي ، هيرمس )
* فيلاجيو وفيه نفس الشي ماركات وايد منها ( ديور )
* الرويال بلازا : فيه كارتير وجيفنشي ( بس مادري اذا جفنشي للحين مفتوح ولا )
* الصالون الأزرق : فيه ماركة إجنر ( بس قسم صغير ) بالإضافة إلى ماركات ثانيه وهو شامل من ملابس لكل افراد الأسره ، مفارش سرير وفوط وادوات منزليه وعطورات ساعات مكياج أحذيه شناط سفر بس كل شي كشخه وغالي .
* أبراج الفردان اللي عالكورنيش ( مقابلين فندق الشيراتون ) وبتعرفين الأبراج من وكالة السيارات اللي تحت ( عندهم بوتيك * اسمه بوتيك عايده بس انصحج تروحين له وقت الخصومات وحالياً مافي خصومات )
* المول : فيه محل ( ميرش + السلام ) يبيعون ماركات من ملابس شناط عطورات مكياج ملابس رجالية ، وبعد فيه بوتيك جفنشي
* وفرع السلام الكبير موجود خلف السيتي سنتر ( هذا فيه خيارات أكثر )
* امبوريوم : هذا يصير عند إشارات رماادا بالتحديد جنب تشيليز ( فيه كينزو + ماكس مارا + كم ماركه مايخطرون على بالي ) بس تراه صغير ودورين والمحلات صغيره .
* زاااي ( هذا محل يصير على طريق سلوى وفيه ماركات كثير بس مش الماركات اللي تدورين عليها ، فمانصحج بزيارته لأنه غالي عالفاضي واللي بيشوف القطه مايقول ان مدفوع فيهم المبلغ الفلاني ) .


فالنهاية إذا ماعندج وقت خلج على فيلاجيو + اللؤلؤة

الله يعطيك العافية كفيتي ووفيتي ..

الله يعافيك حبيبتي
أتمنى لك جولة شوبنق
موفقه إن شاء الله