الموضوع: كيف تعمــــل ثريد طيب المذاق

اخواني واحبابي واخواتي ابناء قطر الغاليه العزيزه علي النفس والروح اتمني من اللي يعرف كيف يعمل الثريد والطريقه الصحيحه والمثلي له ان لايبخل علينا . لانه في مثل هذه الايام من العام الماضي كنا في امريكا بصحبه اخوة اعزاء من دوله قطر والامارات (العين) اتحفونا بالسفره الرمضانيه وخاصه الثريد .
جــــــــــزاكم الله خيــــــــــــر....
لاتبخلون علينا

مواضيع عشوائيه ممكن تكون تعجبك اخترناها لك:

• قطر مع المطر وبعض المناظر
• فـــنـــدق و شـــقـــقـــ الـــدوحـــه
• الحمدلله وصلنا بالسلامه الى قطر الجميله
• استفسار عن فنادق مميزة
• استكشف قطر
• إعلان شروط وإجراءات تملك غير القطريين للأراضي والعقارات
• استفسار بخصوص الشقق الفندقية
• نصيحة
• كيف يمكن الوصول إلى جزيرة اللؤلؤه ؟؟
• صور فندق روتانا دوحة
• استفسار عن سكن
• استفسار عن فندق قراند هيرتج الدوحه
• استفسار
• الأغلفة البلاستيكية للحقائب
• قطر تفتتح مطار الدوحة الدولي الجديد أواخر
• سؤال عن شقق فندقيه جديده
• أخواني كرك النعيمي منين أروح له ؟
• ᴅᴀʏ ɴ ᴓᴀᴛᴀʀ
• ترانزيت ساعتين في قطر
• سؤال بخصوص السكن يا اهل قطر

مرحبا في الغالي


انا جبتلك المقادير با الصور والمقادير


ودخل على هاذا الموقع وشوف وصف طبق الثريد


http://www.nafithat.com/vb/showthread.php?t=30829


واي خدمه احنا حاضرين

مايبيله شي

حط لك خبز رقاق ورش عليه صالونه

خبز رقاق وحط فوقه صالونه
بس لاتسالني شلون نسوي الصاونه لاني ماعرف ..!!

مب كل صالووونه تنحط فوق الرقاق ويستوي ثريد
صالونة الثريد تختلف عن الصالونة العاديه
يعني مب تحط رقاق وترش صالونه لأنه مراح يطلع
نفس ثرييييد رمضان الأصلي
وراح ادور لك عالطريقة الزينة واحطها لك
بس عموماً صالونة الثريد معروفه انها خفيفه كمية
الماي فيها اكثر من الطماط وصلصة الطماط والخضروات
تكون مقطعه فيها بشكل كبير اشوووي

المشاركة الأصلية كتبت بواسطة the ro0ok
http://www.arabtravelersforum.com/tr...7/#post4165247

خبز رقاق وحط فوقه صالونه
بس لاتسالني شلون نسوي الصاونه لاني ماعرف ..!!



مايبيلها شي

تسوي الحمسه وتكت فوقها اللحم

اكا جبت الطريقه من اهلي هع هع

اول شي اغسل اللحم وحطه في الجدر وحط كل الابهارات مثل كركم ابزار فلفل اسود الخ .... ومن ثم تغطي الجدر وتولع نار خفيفه وكل عشر دقايق حرك اللحم ثم غطه مره ثانيه واذا جفت الماي الحم نشف حط زيت وحركه ومن ثم ضع البصل والخضروات مثل بطاطس جزر فاصوليا باميا الخ ... ولاتنسى تحط الثوم وزنجبيل ناعم وايضا قليل من الابهارات وضع بعد صلصة الطماطم وليمون اسود وفي النهايه حط ثلاث اكواب ماء تقريبا وعقب سكر الجدر وخله ساعه على النار تقريبا واذا قبل ساعه نشف ماء ممكن تزيده كوب واحد ولاتنسى الملح . وبس عقب حط خبز رقاق اخر شي ورش فوقه الصالونه


((( طبعا هذي كله طريقة الوالده الله يحفضها )))

وانا مع راي أختي روح المسك

اشكر كل من رد وشــــــــــارك وساعد الله لا يحرمكــــــــــــم من ريحه الجنه ... تم عمل الثريد
وتقديمه لـــــــــضيوفــــنـــا وفعلاً كـــــان شي رائع الكل يســـال عنه .. شكراً مره اخري

الحمدلله ان عجبهم
وفيه العافيييه لكم ولضيوفكم

فيه العافية اخوي والله يجزيهم خير الأخوان والأخوات ماقصروا .