قرار الرحلات الي ييي بسرعة وفجاة وبدون تخطيط ..وبدون مقدمات ..يطلع شييي..
مثل رحلتنا يوم الخميس 17ديسمبر..ولا خططنا ولا جهزنا الا ف الاخير
القرار طلع الساعة 6 ص ومشينا الساعة8 ص وصلنا الساعة 9 ص..
كان الجو حلو والدنيا شمس لكن براد ..استمتعنا بالهواء النقي والنظيف بعيدا عن المدينة..
بخليكم مع الصور..صج البر اشلح املح..لكن والله استانسنا..يعني ماعليكم اهم شي الاخلاق..
لما وصلنا..
نزلنا ..كان هذا بانتظارنا..
شافنا وعلى طول يا صوبنا
وقف يتامل الوضع..
شكله يكسر الخاطر..
نزل اخوي الصغير سيكله..
وانا نزلت الطيارة الوطنية..
نجهزها للانطلاق..
الحين فووووووق..
وهذي الصينية..
كل شي وطني..
خسارة ما صورت الكرة والفريق..
لنه محد كان فاضي يصور ..الكل مشترك ف اللعب..
عقب اللعب ..يا دور الخبز للغدا..
لاحد يدقق..كل شي تلقائي وعفوي ف البر..
الي زاد وديناه للابل..
عجبهم الخبز اكثر شي..
شافوهم ربعهم يوا صوبهم..
خلص الخبز من عندهم..بدا هـ الاخ يمشي وراي
كلما بعدت عنه قرب ..
هههههههههه
اصوره واشرد عنه..هههههههههههههههههههه
اخر شي راح له ابوي وابعده عنا..
العلم مرتز ع الخيمة..
هذي الحلاوة محصلتها هدية..
حطيتها ف شنطتي ونسيتها..وهناك شفتها وفتحتها يم يم لذيذة وانا اراقب الطيارة..
هذا المخيم الي كان قريب منا..مزين باعلام قطر..
بعدما رجعنا..
صورت المدرسة..
وبرج برزان..
وخلاص..
الخلاصة..روحوا بدون تخطيط بتطلع رحلاتكم اجمل..جربوا وادعوا لي..
مواضيع عشوائيه ممكن تكون تعجبك اخترناها لك:
- فزعتكم يا عيال قطر
- تذاكر للبيع
- خبراء قطر فزعتكم
- استفسار عن بطاقة الاحوال
- تورست للسفر والسياحة أسعار خيالية
- محلات بيع الحلوى العمانيه في قطر
- أبي سكن قريب من فندق الانتركننتال
- منظر لبرق سريات الدوحة
- شقق الماسه
- استفسارات عن قطر؟
- ابغي سكن علي البحر في قطر
- أريد أن أعرف
- استفسار عن شرايح الهاتف النقال
- مقارنة لأهل الدوحة وخبرائها
- الخطوط القطرية تتوج بخمس جوائز عالمية في معرض لندن للسفر
- تــقــريــر عــن شــقــقــ ◄ ســمــر ســت ► الــدوحــه
- استفسار عن دولة القطرعاجل
- سؤال الى اهل قطر الشقيقة
- صبـاحيـة العــرس القطـري من التراث
- بعض الاستفسارات الله لا يهينكم
رد مع اقتباس
المفضلات