الموضوع: مالي الله ثم انتم

بسم الله الرحمن الرحيم
السلام عليكم ورحمة الله وبركاته.. طبعا اتقدم ب خالص شكري لأخواني اعضاء هذا المنتدى الرائع
صحيح اول مشاركه لي بس كنت استفاد منكم كثيرا

احنا ان شاء الله رايحيا ايطاليا يوم 22 ابريل تقريبا بعد شهرين (مو بدري على الترتيب والله :115
والنيه ان شاء الله اننا بنجلس هناك بس 10 حسب اجازة الربيع اللي عندنا,وان شاء الله بنروح على ميلان اول وبنقضي فيها 4 ايام بعدين بنروح روما4 أيام ايضا وانا بصراحه ما أعرف طريقة النقل الأفضل وش تنصحوني فيه.؟!
قطار ولا سياره مع اننا نفضل القطار اكثر وكم المدة.؟!عشان انا والدتي معانا وما ودنا نتعبها,وبعدهابنرجع على ميلان مره اخرى (عشان في حالة عجب الأهل شي ياخذونه:8888 وأنا بالسبه لي عشان نترك شنطنا الرئيسيه بالفندق لأننا بنرجع عليه,لأن اذا بنروح روما بالقطار ودي نخفف اشياء ماناخذ شناط كبار صح ولالا..؟!


هذا اللي في يدي الحين وان شاء الله برجع لكم بالفنادق بس بعد ما أهلي يشوفونهم (لازم بعد ولا كل السفره تصير شينه :112 والطيران طبعا برد لكم فيه هذا اكيد
بالنسبه للميزانيه المبدئيه يعني مو حسبه دقيقه حسيتها تكلف 30000 ريال سعودي وان شاء الله ربي يوفق

مواضيع عشوائيه ممكن تكون تعجبك اخترناها لك:

• مساااعدتكم
• ولاعليكم أمر ، سؤال بسيط ؟؟
• المساعده في اختيار فندق في ميلانو
• الريفيرا الايطاليه
• مساعدة الله يخليكم اول مرة اسافر ميلانو
• لجميع خبرائنا فزعتكم
• اسواق ميلانو تقفل سبت واحد؟؟؟
• برنامج ايطالي بنكهة سويسرية
• عندي شنغن فرنسيه
• أتيت قبل يومين من ايطاليا وهذا خط سيري وانطباعاتي
• مطبات في ايطاليا
• هنا التهاني لاختنا الزعيمة بمناسبة توليها الاشراف على البوابة الايطالية
• قصة اعتقالي في ايطاليا
• مدن ايطاليا وزياره يوم واحد
• استفسار بخصوص حجز موعد التقديم على طلب الفيزا
• تاكسي ميلانو
• ايطاليا في يوماً جدول الرحلة سيكون هكذا ولم يتبق سوى اقتراحاتكم
• نداء الى اصحاب الخبرة والمختصين في ايطاليا ارجو مساعدتي
• الطيران الداخلي ضرورررررري
• الرياض

هلا اخوي.....

اولا".....التنقل بالقطار اختيار موفق وتأخذ حدود اربع ساعات ونص لما تصل روما

واذا عندك فنادق معينة ضعها هنا وان شاء الله نشرح لك عنها مميزاتها لك

واي اسئلة ثانية نحن موجودين لا استفساراتك واسئلتك اخوي

وبالتوفيق

شكرا جزاك الله الف خير يالزعيمه
و مبرك الفوز لو كنتي تشجعين الزعيم
القطار من ميلان الى روما بس 4 ساعات ونصف والله كويس,طيب فيه درجات القطار ولا درجه وحده.؟! ومريح للوادتي و والدي ولا لا.؟!
ان شاء الله بحطلكم الفنادق قبل لا اوريها اهلي عشان انتو تعطوني الأفضل فيهم
طيب اختي بالنسبه للفيزا انا سمعت ان السفاره الايطاليه تطلب كشف شعر بعد واحنا محجبين كيف ماهو الحل.؟! و ش تنصحيني افضل و أسرع سفاره ممكن تطلع لنا الشنغن..؟!
جزاك لله عني الف خير و أدري ازعجتك بس والله مالي الا الله ثم انتم

هلا .....

بخصو استفساراتك؟؟؟؟؟؟:114:

فية القطار ثلاث درجات اولى وثانية وثالثة.....وفي نوع اللي هي كبينه....وهذي النوع شوي غالية

انا مجربة نوع الاولى والثانية والكابينة......

الاولى والثانية مافيها فرق كثير.....:24:

الكبينة تستخدم عادة للمسافات الطويلة.....وممكن تأخذ كل الكبينة لك اذا بغيت تحجزها كلها وكلو

بحسابو على مايقولون:109:

وبالنسبة انة مريح هو مريح:24:

بالنسبة للفيزة ....السفارة الايطالية يطلبون صورتين مثل صورة الجواز .....وهي صورة محجبة

مايطلبون يكون الشعر مكشوف:108:

بخصوص السفارة الايطالية تراها ما تطول....من عشرة ايام الى اسبوعين بالكثير.....

اهم شيء اوراقكم كاملة وان شاء الله ماتطول:101:

واي اسئلة ثانية بخصوص الفنادق انا موجوده للرد على استفساراتك

ثلاث مستويات والله جميل
طيب تعرفين بكم بالضبط كل مستوى الله لا يهينك.؟!
والله انا محتاره في امري جداوالسبب الفنادق والخطوط :|
الفنادق لسى ما رسيت على بر للأسف بس ان شاء الله برد لك خبر قريب, وشكرا على تعبك معاي

الزعيمه حبيبتي ,,
اولا انا قاعده ارسل ردود بس مدري ويت تروح
ثانيا .. الله لا يهينك ولا يكلف عليك, ودي ترشحين لي فنادق في ميلان تكون قريبه من الدومو بالذاااات لأن ميلان كلها سوق وحنى مانقاوم السوق ,و ياليت بعد الله لا يهينك ترشحين الأفضل ثم الأفضل في رومابعد مع مراعاة جزاك الله خير انهاتكون قريبه من السبينش ستيبس و السنتر حق روما..

ترى احنى ابد ما نشترط في الفندق اهم شيء انه يكون نظيف عادي حتى لو 3 نجوم مو شرط 5 لأن في اوروبا نعايير الفنادق تختلق عن اللي عندنا :@ احنى هنا تحصلين فندق 5 نجوم بس اله لا يويريك يعني جزاك الله عني الف خيرمن خبرتك اتمنى تساعديني بارك الله فيك

بالنسبه للفيز انا اهلي حاليا مسافرين ان شاء الله اول ما يرجعون نكمل كل شي ونرسلهم,نصيحتك الأخيره من ناحية الفيز اخلي واحد من اخواني يوديهم مع العلم اننا مش في الرياض او ارسلها مع مكتب واريح نفسي.؟!

جزااك الله عني الف خير !

ما يمدحون فندق Aquarium ترا

straf hotel

star rosa hotel

nh jolly president

هذي احسن ثلاث فنادق قريبة من الدوامو في ميلان.....من فئة اربع نجوم واسعرها حلوة

اما بخصوص القطار احسن مستوى اكيد الكابنية.....بس غالية

والاول والثاني.....روعة

ابعدي عن الدرجة الثالثة.....لانها وسخة

بالنسبة للفيزا سلميها مكتب و ارتاحي....بلا تعب وروحة ورجعة بس اهم شي تقدمينها بوقت كافي وكافة الاوراق

المطلوبة جاهزة...

وبالتوفيق عزيزتي

جزاك الله عني الف خير يالزعيمه
طيب بالنسبه ل روما وش تنصحيني فيه.؟!

اي الزعيمه :$
اسفه مره بس وش تنصحيني اي مكتب ثقه..؟!

الزعيمه الفنادق غاليه :\

السلام عليكم ..
ادري اني مزعجه :$ :$
والله اسفه من كل قلبي, بس اقسم مالي الا الله سبحانه ثم انتم
ابي رايكم اللي احب اسمعه في فندق Eurostars International Palace في روما حيث اني قريت عنه ان موقعه ممتاز ! وفي قلب روما losated in the heart of rome
وسعره غالي بس حسب ما شفت ان كل الأسعار كذا

عفواً
located

و فندق \hotel Regency في ميلان من حيث الموقع والنظافه وكل شي :$

عفوا عفوا جيد*

اسفه على الربشه اللي انا مسببتها
بس هالفندق في ميلان كويس ولا لا ..؟! نظافه وقرب Hotel Lancaster
و هالفندق في روما Hotel Delle Vittorie
وهذا بعد هم اسعارهم قريبه بس ابي اعرف افضل موقع Hotel delle Province
ولا هذا Residenza Vaticana
كلهم نفس الأسعار تقريباً بس ابي الاقرب والأنظف !

بخصوص روما ... ولا فندق

تفضلي هذا الموضوع بيساعدك ان شاء الله

http://www.arabtravelersforum.com/travel226597/

الهلالي طيب انصحني بفنادق من فئة 3 او اربع نجوم ب روما وتكون قريبه من السبينش ستيبس جزاك الله خير
انا ميزانيتي لليله من 400 الا 650
اتمنى الاقي طلبي , جزاك الله عننا الف خير

الزعيمه اختي رايك ب hotle mozart في ميلان كويس ولالا..؟!موقع ونظافه

الزعيمه جزاك الله عني الف خير
من 300 الا 600 وترى احنا الا 800 متر عندنا استعداد نمشي وحتى لو ربع ساعه
مررره شكرا أختي جزاك الله عني الف خير, ةيسر أمركدنيا و أخره يارب وان شاء الله اردها لك في الأفراح

الهلالي يعني اتوكل على الله..؟!وذا الشارع حيوي فيه محلات و شوبينغ..؟! مره بعيدمن السبينش ستيبس والساحه ذيك يعني..؟!
عندي سؤال ثاني الله يعطيك العافيه برج بيزا كيف اوصل له لازم ااجر سياره ولا قطار ولا كيف..؟!
الف شكر والله مره شكراُ على مجهودك معاي ان شاء الله ابيض وجهك بالتقرير الف شكر لك اخوي مره

الزعيمه الهلالي لا عدمتكم وينكم ..؟!:110:

هلا اختي......

قاعدة ادور لك بالسعر اللي بغيتي بس مالقيت حوالين الدوامو وحتى السنترو (محطة القطارات)

لان في هذا الوقت شوي صعب عشان معرض الاثاث في ميلان

وانتم ثلاث اشخاص فأن السعر اللي حددتية قليل بهذا الوقت

بحاول اشوف مرة ثانية وان شاء الله خير

طيب الزعيمه لو نسوي برنامج شوي غير بحيث اننا ما نقعد ب ميلان الا 3 ايام يعني ليلتين وين ممكن نروح مكان قريب منها..؟! مع العلم اننا بنروح روما

المشاركة الأصلية كتبت بواسطة Aloush
http://www.arabtravelersforum.com/tr...9/#post2699699


الزعيمه شكرا



العفو اختي:106:

الزعيمه يتكلمون ايطالي
اقولهم do u speak english
ومحد يرد علي :"(
وش اسوي الله يعطيك العافيه:$

الزعيمه ما عندنا اجازه بمايو عشان دوام الجامعات !
وازيدك من الشعر بيت حتى اسبانيا مافي حجز طيران ولا سكن مالقيت شي مناسب كله بعيد ومو حلو !