الموضوع: سوأل ارشادات الطريق من مطار الدوحه الى منطقة ام قرن

السلام عليكم و رحمة الله

و عيدكم مبارك

اخواني اهل قطر الكرام

لي زيارة قريبه الى بلدكم الكريم

و اردت ان اعرف افضل و اسهل الطرق من مطار الدوحه الى منطقة ام قرن

حيث انني سأقوم بتأجير سيارة من المطار بإذن الله

فما هي ابسط الاتجاهات من الدوحه الى ام قرن؟

افيدونا افادكم الله

مواضيع عشوائيه ممكن تكون تعجبك اخترناها لك:

• القطرية تطير ل وجهه في الصين
• فـــنـــدفـــ و مـــنـــتـــجـــع شـــيـــراتـــون الـــدوحـــه
• أول مرة أزور قطر
• ممكن جدول سريع لقطر
• استفسار الله لا يهينكم
• سوال لاهل قطرعاجل
• كويتية رايحة الدوحة
• عاجل مطلوب فندق بحدود ريال ليلة من يوم غداً
• تعرفون شقق فندقيه نظيفه وسعرها حلو
• استفسار
• افتتاح مجمع جديد ازدان مول
• تقريري في قطر
• سؤال عن معهد عسيب
• أمي خاطرها تشوف قطر
• ثلاث ايام في قطر
• «أسأسأتش» تبني فندقين في قطر بمليار ريال
• القطرية تشارك في معرض فارنبرا الجوي
• طيران الجزيرة تدشن رحلاتها بين الكويت والدوحه
• ابوي ماعنده جواز للسفر ياااهل قطر تفضلوا هنا
• الليوان للشقق الفندقية

المشاركة الأصلية كتبت بواسطة qatar3333
http://www.arabtravelersforum.com/tr...2/#post3471441

حياك الله في بلادك قطر


وعساك من عوادك وكل كام وانت بخير


الطريق أن شاء الله بيكون سهل


يذا طلعت من المطار اتبع طريق الكورنيش الي دوار الشيرتون وبعدها اخذ الدوار يسار وبعدها في اشارات اهخذها


يمين وبعدها بتجيك اشارات بيكون الستي سنتر على يسارك اطلع على طول وبعدها بيجيك دوار اخذ الدوار على طول


وبعدها بيجيك اشارات اخذها يمين وبعد بعدها بجيك اشارات اخذها على طول وبعدها بيجيك دوار وهو دوار الجامعه


اخذه على طول وبعدها بيجيك دوار القولف اخذه على طول وبعدها بيجيك دوار جمبه محطه بترول وهاذا الدوار المؤدي


الي طريق الخور وتاخذ الدوار على طول واهاذا الطريق وهو طريق الخور خايك ماشي على الطريق وهو طريق هاي وي


ويمكن توصل نص الطريق بتحصل لافته توجهك الي ام قرن وهي بتكون عكسيه وام قرن بتكون على يسارك


أن شاء الله اكون قد افتك في وصفي الي الطريق


واي خدمه احنا حاضريلك




اخي الكريم qatar3333

ايامك سعيده والله يحييك يالغالي

ألف شكر على هالوصف الدقيق

اللي فهمته اني لازم ابحث عن طريق الخور (هاي واي) و اتحرى ام قرن في منتصفه تقريباً

بس بغيت اسألك اخوي،

اذا طلعت من المطار، فيه لافته معينه (او اتجاه معين اتبعه مباشره اعتماداً على اللافتات) يوصلني على طول الى طريق الخور؟ او لازم انزل داخل الديره (الدوحه)؟ و هل اللافتات اللي تشير الى طريق الخور واضحه بالديره؟

و هل طريق الشمال (هاي واي) يوصلني لأم قرن؟

و اسمح لنا كان ثقلنا عليك بالاسئله اخوي

ماشاءالله عليك اخوي قطر وصفته عدل

وانا من رايي اذا حسيت انك بتضيع وقف لك تكسي كروة من المطار وقوله يوديك لين طريق الخور الهاي وي وانت اتبع بسيارتك

والتكاسي كلهم بلمطار

وتحياتي لك

أخوي ابو تراحيب ...
ماقصرو الأخوان ( قطر وحلو ومدلع )
ومثل ماقال اخوي حلو ومدلع اخذ تاكسي أحسن لك , وقوله يوصلك لشارع الخور الجديد وبدايته دوار عنيزة , وامش تقريباً 20كيلو وبيجيك جسر هو جسر سميسمة أطلع عليه ولف يسار (بأتجاه الغرب) وخلك ماشي تقريباً 2 كيلو ألين يجيك تقاطع أو دوار صغير , لف يسار وبتشوف على يدك اليسار بيوت هذي منطقة أم قرن .
ان شاء الله يكون الوصف واضح وأي خدمة ثانية او توضيح ابشر به .

تحياتي لك ...

مشكورين يا اخواني الكرام و ما قصرتم بالافاده و هذا عشمنا بأهلنا في قطر المحبه

الحمدلله تيسرت الامور على افضل ما يرام

شاكر لكم و بارك الله فيكم

المشاركة الأصلية كتبت بواسطة أبو تراحيب
http://www.arabtravelersforum.com/tr...2/#post3475478

مشكورين يا اخواني الكرام و ما قصرتم بالافاده و هذا عشمنا بأهلنا في قطر المحبه

الحمدلله تيسرت الامور على افضل ما يرام

شاكر لكم و بارك الله فيكم

الله يسلمك اخوي
والحمدلله ان امورك تيسرت