الموضوع: لمن لديه خبرة في قطارات ايطاليا فليتفضـل مشكورا

الســلام عليكم ورحمة الله وبركاته..

مرحبا اخواني واخواتي

اتمنى ان تكونوا بخير وعافية...

لااخفيكم بمدى اعجابي بالمنتدى وخصوصا اعجابي لهذه البوابة الرائعة الممزوجة بالسحر والخيال والطبيعة الساحرة من خلال تقاريركم المصورة المبهرة والتي من خلالها قررنا ان نتوجه لها انا وزوجي في رحلتنا القريبة في شهر فبراير...

سؤالي لكم....!!
كيفية التنقل بين المدن التالية(رومــا- فينيسيا-ميلانو)!!ومن ثمّ باريــس....!


وما هي افضل القطارات المتاحة؟؟ وميزة كل واحدة منها؟؟وكيفية الحجز؟والويـب سايت اذا كان ممكنا!!واسعارها تقريبا لشخصين؟؟

وكيف سيكون الطقس هناك في شهر فبراير؟؟


اتمنى ان لا تبخلوا علي باجاباتكم المستفاضه وبكل معلومة قيّــــمة...



ولكم مني جزيل الشكر والتقدير...:smile125:

مواضيع عشوائيه ممكن تكون تعجبك اخترناها لك:

• أرجو المساعدة في التخطيط لرحلتي الى ايطاليا
• كشكولفنادق وشققمسافات بين المدن واماكن سياحيةشوارع مفضلة للسكن ومواصلات
• اوت لت سيرفالي ضروري
• أبى رايكم سعر التذكره مبالغ فيه ولامعقول؟
• بنسافر ميلان في جم استفسار بليييز ساعدوني
• خمسة ايام محتار أين اقضيها ولأول مره ازور أوروبا الرحلة في اكتوبر
• رمضان كريم شاركو معي
• طلبات الشنق بختصااار من تجربتي
• أفضل فنادق أربعة نجوم في البندقية
• نداء عاجل الى كل من لديه خلفيه عن أيطاليا الساحره
• هل ايطاليا حر بالصيف
• فينيسيا و زيلامسي
• بروح 10 ايام في ايطاليا في شهر 8 ما اخبار الجو
• شباب نبي نروح ايطاليا لمدة اسبوع بعدين 7 ايام ثانيه ماحددنا نبي اقتراحات ؟
• قطارات ميلان
• كيف انتقل من مطار في البندقية فينيسا الى فندق
• هل إيطاليا تنفع لشهر العسل ميلان و فينيسيا
• رايكم يهمني بالهفندق
• موسم التخفيضات الشتوية في ررما
• الزعيمه

http://www.arabtravelersforum.com/travel228335/

بيفيدك كثيير هالموضوع

اخوي الكريمcenuor
شكرا جزيلا لك وبما ان خط سيرنا سيكون مشابها لخطة سيرك فبودي لو تكرمت ان تعمل جدول مفصل للاماكن التي اود زيارتها يوما بيوم...
علما بأن اقامتنا ستكون في روما3 ليالي
فينسياليلتين
ميلانو4ليالي

ومن ثم لباريس7 ليالي

فياليت تقسم زياراتنا لتلك الاماكن ولك جزيل الشكر والعرفان لك ولمن يساعدني
واشكرك على تقريرك المفيد جدا...

يالخـــــــــــــــبراء ياريت تفيدوني بلـــــــــــــــــــــــــــيز....

هلا اختي,,,,,

هذا موقع قطارات ايطاليا......

http://www.trenitalia.com/cms/v/inde...0080a3e90aRCRD

وبالتوفيق برحلة سعيدة

شوفي بالنسبه للقطارات خذوا احسنهم يورو ستار *es

موضوع حجزها روحي للمحطه انتي وقصي التذاكر في وقتها عاادي ترا ..!

سينيور مو بس روما لااااا!!
ابغى لكل المدن اللي ذكرتها..سوري لو كنت طماعة
بس ابغى افضل مخطط وكيف نقضيه والاهم انهhoney moon
اتمنى يكون كل شيperfect & un forgetable

مشكوووورين جُزيتم خيرا ومقدرة تفاعلكم وياي

سينيــــــــــــــوور يامال العافية وربي يجزاك كل خير ويوفقك ويسعدك وربي شرحت صدري بكلامك وشلت هم عني

جعلك بالجنة تدخل من ابوابهاا ماشئت ولمن مر واضاف اي اضافة وعبرني........

لاخلا ولا عدم

انا بالانتظار وشكرا جزيلا لك ماقصرت اخوي والله يعطيـــــــــــــــــــــك من خيره اليـــــــــــــــــــــن مايرضيك واكثر بعد

المشاركة الأصلية كتبت بواسطة miss.butterfly
http://www.arabtravelersforum.com/tr...6/#post2625616

هل من الممكن ننتقل لمدن اخرى والعودة للمدينة التي نسكن فيها بنفس اليوم؟مثل كومو او لوغانو؟وهل تنصحون فيها؟؟ويكفي نص يوم ونرجع لميلانو؟
وهل الجو بتلك الاماكن را ح تكووون مرررره باردة؟؟وخصوصا اخر ففبراير وبداية شهر مارش؟



نعم بامكانك

وكومو ولوقانو قريبين من ميلان ويستاهلون العنوة

المشاركة الأصلية كتبت بواسطة cenuor
http://www.arabtravelersforum.com/tr...2/#post2626572

رووما :36_3_9:

اليوم الاول

روحوا Spanish Steps/Piazza di Spagna تمشوا هناك وعند الدرج وشوفوا العالم الجلسه هناك توسع الصدر

بعدها تقدورن تمشون لـTrevi Fountain/Fontana di Trevi اللي هي اشهر نافوره عندهم واللي يقولون عنها اللي يذب فلوس فيها يرجع لروما ثانيه

تقريبا اليوم الاول التمشي بين هالمكانين يكفيكم ..!!


اليوم الثاني

Villa Borghese حديقه تمشوا فيها وفيها سيكل لشخصين خذوه بدون تفكير حلو وفيه مكينه يعني ما راح تتعبون واجد

اطلعوا من الحديقه ورحو لـ Via Veneto وهو زي الشانز كلها قهاوي وفيها بعض المحلات وجلسات وفيه Hard Rock


وبعدين في الليل روحوا Piazza Navona وهي ساحه الرسامين تعشوا هناك ..!

اليوم الثالث والاخير

روحوا لـVatican وبعدها لـ Piazza Venezia وتمشوا هناك روحوا بعدها Colosseum وهو المسرح الروماني وجنبه اثار كثيره بعد لانه قررريب مرره منه

واخر شي ارجعوا مره ثانيه عند الدرج الاسباني وبعدين ارجعوا للفندق وانتهت روما باختصار



تسلم اخوي سينيور على هالمخطط الرائع
يسلمك ربي وينولك اللي في بالك
جُزيت خيرا...


راح اعتمد عليها لمدينة روما وبانتظار فينيسيا وميلانو
وان شاءالله ماكلفتك بأكثر من اللي تقدر عليه...!!

الهـــــــــــلالي....مشكور اخوي ماقصرت على التوضيح
يعطيكم العافية جميع...
:113:

فينسيا ..

يمكن لما اتكلم عن فينسيا الكلام يصير غير..

لا تستغربين اذا قلت لك ما فيه اماكن الواحد يروح لها كثيره بس الديره غير..!

في اليوم الاول اركبو الجندول الدوره الصغيره بـ 80 والكبيره 200 يورو..

فيه ساحه سان ماركو .. روحوا فيها واكلوا الحمام واجلسوا في الكوفيات اللي فيها وبعدين اجلسوا تمشوا في الديره ع رجولكم ..!

من بكره روحو لمصنع القزاز (في جزيره مورانو ) تشوفونهم كيف يسوونها واشياء حلوه مرره

بعدين بتروجون تتمشون في الديره على رجلينكم ..!

هذا بالنسبه لفينسيا ..!

سينيور جدا مشكور على ردك والله هذا من حسن ذاتـــــك ربي يسعدك

.
مثل ماقلت فينيسيا مافيها معالم كثيرة لكنها مثل مايقولوا .......انها ساحرة رغم قلة مافيها




ممكن سؤال....!!!!
لو نروح لفينيسيا بيكون مهرجانهم مخلص لاننا بنروح بعد الهرجان بيوم25-2

هل راح يكون فيه بواقي واثار لهذا المهرجان ؟؟؛؛

تيفولي تبعد 30 كم شرق روما

و ممكن تروحي لها بالباص و يا كثرها اللي تودي على هناك و على حسب ما افتكر انها تنطلق من محطة قطار روما


البانو تبعد 25 كم جنوب روما و ايضا تصل اليها الباصات


قرية ورنر برذر في روما قريب من الاوتوسترادا و افتكر انه فيه محطة ميترو قريبة نوعا ما منها اذا ما كنت غلطان

سينـــــــــــــــــيور:

يعطيك ربي العافية والله ماقصرت من حسن ذاتك
اعذرني لو كلفت عليك
ولو اشكرك من الحين الى بعدين ماوفيتك وتعبك ووقتك....

تسلم لاخلا ولا عدمـــ

well done:
مشكور اخوي على التوضيح وربي يجزاكم كل خير ويرزقكم من حيث لاتحتسبون


باذن الله راح احط اللي كتبتوه بعين الاعتبار وراح امشي عليه
بالنسبة لجنيف مااعتقد اخوي سينيور اننا بنمرها لان سفرنا من ميلانو لباريس بالطائرة وكذلك باقي المدن
اسفادة من الوقت
اما المدن مثل كومو ولوغانو وتيفولي والبانو بنروح لها نص يوم بالقطار

ربي يعطيكم العافية ويسعدكم ويرزقكم من فضله
والله انكم فخر للقســـــــــــــم

مشكورين....

ما سويت الا الواجب .. الناس للناس ولكل لله : )



كفو والله
الله يجزاك كل خير...