السلام عليكم يا شباب جمعيا
صباح / مساء الخير حسب الوقت
حبيت انقل لكم تجربتي عن زيارتي للمره الرابعة الى قطر الاولى في 1987 و 2004 و 2006 والان 2010
والهدف من الرحلة هو تمشية ومشاهدة المسرحية بالدرجه الاولى
وهذه هو خط سير الرحلة كالتالي :
الاربعاء الساعة وحده انطلقت من الاحساء والساعة 5 مساء ا انا في مسرح قطر الوطني حجزت تذاكر.
بعدين رجت ادور سكن وبصراحه مالفيت وانا ماشي شفت جراند ريجنسي وعلى طول سكنت فيه اهي كلها ليله
وبالليل رحت السيتي وصلينا العشا هناك وفرينا على المحلات وعلى طول المسرحية
طلعنا الساعة 11 مساء وعلى طول رحت مطعم شبستان الايراني اللي مافي تقرير ما ذكر اسمه
واللي بالموت حصلته لان الجارمن اللي عندي ماهو راضي يطلع شارع السد ولكن الحمدلله حصلت
والمطعم اعطيه 10 / 10 ورغم اني سمعت انه غالي اشوفه حال من حال اغلب مطاعم الشرقيه ولكن اهو افضل
رحت الفندق ونوم
الخميس الصباح الساعه 8 على الكورنيش و 9 في سوق واقف وفطرنا فطور عجيب في مطعم مغربي اتوقع اسمه
طجين
تالي رجعنا الفندق للصلاة الظهر ومنه على المجمع التحفه الفنية بصراحة شئ رهيب ماشاء الله اسم المجمع فيلا جيو
وتغدينا هناك وتوكلنا على الله
والاسعار اشوفها مناسبة مقارنة بالكويت انا كنت هناك بالعيد الاسعار ناااااااااار اشوف قطر اقل ومعقولة اكثر
الرحلة ممتعه واعطيها 9.5 على 10 واحنا اربع اشخاص انا وزوجتي واختي واخوها والله استمتعنا بمعنى الكلمة ولكن ؟؟؟
بعلمك وين راح النص
اخر شئ واحنا طالعين من الجمرك جانا واحد عنده دبابه (قصدي لند كروز) ودعمنا وبدون اي نوع من الاحترام
ونزلت له ابي اتفاهم معه والا رجال طايح فين سب وتهديد وقلت ليش مافي حكومة وسب الحكومه قوي من جد
وادري ان هذا مايمثل الشعب القطري ولكن يمثل نفسه المهم رحنا الشرطة وكل واحد خذ حقه
ادري ان جمرك سلوى لكم عليه ومافيه اي مقارنه مع بوسمره ولكن في ناس الله يهديهم مايعرفون شئ اسمه نظام
وربعنا مخلين الدعوه كذا يوم سألت ليش مافي تنظيم يقول كل واحد ينظم نفسه ؟؟؟؟؟
هذه سالفتي واتمنى من القريب ان شاء الله انزل الاحداثيات حق اهم الاماكن اللي زرتها وشكرا لكممواضيع عشوائيه ممكن تكون تعجبك اخترناها لك:
- السحاب اللي عشق وجه الشمال بالزبــــاره حطت المزن الرحال
- أول زيارة لي لقطر بأذن الله اريد بعض المعلومات
- الدوحة تحاول اللحاق بجيرانها
- قطـر الحبيبـة
- يا اهل قطر الكرام ابي افضل الشاليهات العائلية
- اخوكم من الكويت يبي تساعدونه ببعض الاسئله التي ساطرحها و انشالله عندكم الجواب اخواني
- يا أهل قطر استعدوا لزحمةجاينكم مع الحي كله هذا الويك اند
- منفذ العديد سؤاال ؟؟؟
- رحله الى منتجع شاطئ الغاريه دوله قطر
- جدولي المتواضع ما رأيكم ؟؟
- الفرق بين الريال السعودي والقطري افضل المجمعات
- استفسار سريع بخصوص الشقق
- خريطة توضح الطرق بين الرياض الاحساء قطر
- عــاجل لدي سؤال عاجل جدا احتراق مجمع اللاند مارك؟؟
- معدات تصوير للاستيديو
- فندق مشيرب خلف فندق الجسرة سوق واقف
- السفر من الدوحة إلى المنامة عبر جزر حوار
- اهل قطر الحبيبة ابيكم بخدمة لاهنتوااا
- زيادة الرحلات القطرية بين الدوحة وباريس إلي رحلات اسبوعياً
- استفسار وخدمة بسيطة
رد مع اقتباس
المشاركة الأصلية كتبت بواسطة خيروبركه
المفضلات