السلام عليكم ورحمة الله وبركاته
اخواني اخواتي اهلي شعب قطر وشعب الخليج عامه في البدايه احب ابارك لكم بالعيد اعاده الله علينا وعليكم بالصحه و العافيه
و اود ان اكتب موضوعي بلغتي العاميه
قطر قطر قطر قطر قطر
كنت اسمع كثير عن قطر ولكن ما فكرت في يوم من الايام اني ازور قطر مع العلم اني من سكان الدمام و ما يبعدني عن قطر ما يقارب 316ك
كانت امر عليها مرور وانا متجه للامارت او عمان
قررت في ثالث العيد اني اروح قطر مع بعض الزملاء كنا مترددين كثير بسبب انه ولا واحد فينا زار قطر ولا ندل اي شي يعني نبي نروح و على الله مع العلم كان معي جهاز جامرن بس برضو كنت متردد
اتفقنا نمشي و توكلنا على الله ةمشينا ثالث ايام العيد
وصلت المنفذ انهيت اجرائت الجوازات و الجمارك السعوديه
قبل وصولي يا اخوان للجمارك القطريه احسست بسعاده كبيره ما يعلم فيها الا الله
استقبلونا استقبال والله ممتاز
دخلت قطر وانا ما ادري وين اروح بس كنت ابي اروح للكرنيش لاني سمعت ان الفنادق قريبه من الالبحر
مشينا مسافه لما دخلنا المدينه
كنا نتلفت يمين ويسار نبي نشوف اي شي يدل على طريق الكرنيش
فكرت اني استعين بالجارمن بس قلت خل اسال يمكن فيه طرق مختصره
سالت شاب بيض الله وجهه عن الطريق و قالي الحقني انا بوصلك
و بالفعل مشت وراه لما وصلت الكرنيش
وقف الرجال ونزلت اسلم عليه و اشكره
سالني انت وين تبي بالضبط قلتله ابي ادور فندق انا سامع ان الفنادق الي على البحر حلوه
تخيلو يا اخوان الرجال اصر علي الا اني اجي معه اليت بس انا شرحتله الوضع و اعتذرت منه و اصر انه يوديني لما الفنادق و بالفعل والله ما قصر لف فينا الفنادق لما لقيت سكن
في اخر شي اعطاني رقمه وقالي اي شي تامر فيه او اي مكان تبي تروحله تراي اخوك لا يردك الا لسانك
تشكرت منه و انا محرج لاني عارف اني كلفت عليه
في اليوم الثاني قررنا نروح احد المجمعات خصوصا انه معنا واحد توه خاطب ويبي يشتري هديه لخطيبته
طلعنا من الفندق متجهين للمجمع بس المشكله طلعنا واحنا مو عارفين وين نروح
قررنا اننا تستعين بالجارمن
و احنا ناحول نحدد الوجهه سئل احد الشباب الي معنا واحد جمبنا بالشاره ابتسم الرجال الي سالنها وقال انتو من السعوديه حياكم الله
قال انا لو ادلكم ماراح توصولن لان فيه تحويلات كثير بس الحقوني انا بوديكم
رفضنا لاننا مان نبي نكلف عليه خصوصا كان الوقت ظهر
اصر الا يوصلنا و بالفعل لحقناه لما وصلنا المجمع توقعنا انه يتركنا ويمشي بس دخل لما المواقف بعد ما وقفنا نزل الرجال و معه ورقه كتب فيها رقمه و اسمه اعطاني اياها و هو يقول اي شي تامرون فيه انا تحت امركم لا يدكم الا لسانكم
حاولنا فيه يتغدا معنا بس رفض
بعد ما قعدنا بالسوق ما يقارب 3 ساعات قررنا نروح سوق واقف بس هذي المره كنا عارفين الطري لاننا مرينا عليه الصبح
دخلنا السوق يا اخوان والله لو اصف لكم فرحتي وانا اشاهد تراث الاباء و الاجداد
بعد ما لفينا السوق شبر شبر قررت اني اكل وكنت محتار بس قررت اكل عند ام عبدالعزيز تسلم يدينها
اتوقع الي يروح قطر ولا يئكل عند ام عبد العزيز فانه ما اكل بعمره كله
بعدها يا اخوان وانا طالع من السوق لفت انتباهيي مدرجات ضخمه و جمهور كثيييير حاولت اني اعرف من دون ما اوصل لان المدخل كان عنده زحمه مره مره كان فيه اكثر من 100 شخص
بس قررنا نروح ونشوف وش الموضوع بانفسنا
وصلت يا اخون للبوابه كانت مقفله بسبب الزحمه , سالت المسؤل عن امكانيت دخولي الحفل رد علي ان العدد اكتمل قبل ما امشي سالنا انتو من السعوديه ردينا واحنا مبتسمين ايه طال عمرك من السعوديه
سحبني الرجال بيده و وداني عند مسؤل ثاني قاله الشباب ضيوفنا من السعوديه دبرولهم افضل مكان
و بالفعل والله ما قصر حطنا في مكان استراجيج كانت
#################################
عذراً ولكن قوانين المنتدى لاتسمح بالإشارة للحفلات الغنائيه
نأمل ملاحظة هذا الأمر مستقبلاً
################################
بعد انتها المهرجان رجعنا الفندق واحنا متندمين لاننا ما استعدينا استعداد لفتره اطول
اخواني اخوانتي اهلي شعب قطر و شعب الخليج
انا لا استطيع ان اعبر عن مدا سعادتي بزيارتي لقطر
ولا استطيع ان اقطم شيء سوا ان اقول
اهني قطر بحكومتها وشعبها
وانا لا استطيع ان ارد الجميل المقدم لي ولكن اسالكم بالله في حالة احتياجكم بشيء من السعوديه ان تعلمو ان اخوكم ماجد سيكون سعيد بخدمتك
###########################################
عذراً أخي الكريم / فقوانين المنتدى تمنع نشر البريد الإلكتروني ضمن المشاركات
@ مع تحيات إدارة المنتدى @
############################################
مواضيع عشوائيه ممكن تكون تعجبك اخترناها لك:
رد مع اقتباس
المفضلات