الموضوع: زيارة قصيرة الفزعة

سلام ....

عندي زيارة للدوحة (أول مره):101: يوم الاحد القادم وبتصادف مبارة الهلال :24: و الاتحاد ,,,

وين ألقى مقهى يكون فيه تلفزيون خاص وجلسة خاصة تكفون الفزعة ياأهل قطر

مواضيع عشوائيه ممكن تكون تعجبك اخترناها لك:

• انطلاق المعرض الدولي للأعراس وعروض الأزياء في الدوحة بمارس
• قررنا زيارتكم لكن
• مدينة اكوا بارك ؟؟ استفسار بسيط
• الي بيزوركم خلال العيد ومحتاج نصايحكم ياهل قطر
• حبايبي يا اهل قطر عندي ترانزيت ساعه و ساعه فصلو لي جدول مرتب على ذوقكم
• مساعده
• تكفون يا النشاما طالع لقطر
• افتتاح المطعم اللاتيني بشيراتون الدوحة
• يا أهل الدوحة أبي أحداثية سوق السمك المركزي وأسعار السمك والربيان
• انصح بشقق السراج
• ابي جدول منظم لـ ايآم عائلة محافظة
• مليون دولار من المشروع القطري لأهالي بنت جبيل وعيناتا بلبنان
• طلب مساعده بخصوص معارض السيارات
• مسافر للدوحة بوحدي نصايحكم حبايبي
• ابي فندق محتااره ؟؟؟
• قطر تشهد طفرة بناء غير مسبوقة
• مجموعة ريجنسي تبدأ في تنفيذ فندق موفنبيك بقطر
• القطرية تدرس جدياً شراء شركة طيران أولمبيك اليونانية
• استفسار عن فندق
• فرصة ربح تذكرتين سفر

ممكن سؤال زيارتك القصيرة كم يو

يعني هل راح اتبات بدوحه ولا بترجع بنفس اليوم لان اذا راح اتبات انصحك اتشوفها بلمكان الي بتسكن يعني في الغرفة الي بتسكن فيها

اما اذا بتروح وبترجع بنفس اليوم فالله يسلمك بقوك شغل

اذا على المقاهي معبية الديرة بس تلفزيون خاص مافيها

يعني المقاهي الحلوة والي مكانه اوكي اتكون حاطه على قنوات اغاني وهاي مابتحصل فيها غرفة خاصة

اما المقاهي الي اقل منها في اتكون التلفزيونات عامه يعني حق الكل ونفس الشي العاده على اغاني لا مسلسل واتكون فيها غرف خاصة بس لعادة و 99% اتكون ماجره تاجير شهري والي مأجرينها يجونها كل يوم

ولو انا بدوحه كان بقولك حياك عندي البيت اتشوف على راحتك وتستانس كم ياسر عندي

ومعظم المطاعم مايكون فيها تلفزيونات

وانت اتقول زيارتك الاوله يعني مادل بدوحه وهاي بعد شي ثاني ممكن اعطيك اسم كم مقهى بس مافيها تلفزيونات خاصه
واخاف بعد مادلهم يعني مادري

بس اقتراحي تكتفي انك تسمع المبارة على الراديو اذا منقوله على الراديو او حد يسجلها لك مافي الا هلحل

واتمنى الاعضاء يفيدونك اذا عندهم خبر بهشي بس انا اليا عرفه قلته لك بحكم اني اروح وايد للمقاي بدوحه بجميع مستواياتها من ارقى شي الين المقاهي العادية

واذا تبي اي خدمة انا جاهز

تحياتي

المشاركة الأصلية كتبت بواسطة ياسر222
http://www.arabtravelersforum.com/tr...7/#post2806008

مشكورين على الرد السريع ,,,,, أنا بجلس يومين في ميلينيوم بس أنا أحب جلسة المقاهي ومشاهدة المباراة هناك ,,,, وأذا أمكن تعطوني جدول يومين وأكون لكم شاكر



أن كنت من الرياض بشجع الاتحاد ؛ وان كنت من جده بشجع الهلال
:tongue:
بالنسبـة لموقعكـ بالميلينوم فبعد خطوات بسيطة منـك مقهي جميـل بصراحه
وراح يكون موقعه مقابل مجمـع الأصمـخ التجاري بالسد ( خلف الفندق )
وهنا رابط عن شارع السد والأصمخ مـول

http://www.arabtravelersforum.com/travel174452/

وأتمنـى التوفيق للفريقيـن
:24:
فالك طيب

المشاركة الأصلية كتبت بواسطة حلو ومدلع
http://www.arabtravelersforum.com/tr...7/#post2806971

انا معاك قعدت المقاهي حلوة

بس انا ماظمن لك ان اتشوف المبارة فيها لان معظمهم بحطون على قنوات اغاني

المهم دامك بتقعد يومين انا اقولك امن لك شوفها بلفندق وعدها اطلع على كيفك

بنسبه لجدول يومين

مثل ماتعرف ان احنا بدول الخليج ماعندنا الا مجمعات ومطاعم ومقاهي يعني مو مثل اوربا حدايق ورحلات

المهم الجدول الله يسلمك عندك المجمعات الستي سنتر وفيه سينما وقاعة تزلج وهو مكون من 5 طوابق ومجمع يستحق الزيارة وفي مدينة ملاهي وحلو واسواقه حلو

عندك مجمع فيلاجيو وهو فريد بشكله وماخذ الطابع الايطالي وهو من المجمعات الراقية بدوحه بشكله وبمحلاته وبمطاعهم
في مطاعم حلوه ومن افضلها مطهم اشا الهندي ومطعم سراي اللبناني ومن غير الكوفي شوبات الحلوة في المجمع ومن غير ركن الماركات واكيد انصحك بزيارته

عندك مجمع الاندمارك هو حلو يمتاز بكوفي شوباته الحلوة والسوق فيه سينما ومدينة العاب وتقدر اتغير جو فيه

انا كتبتلك اشهر المجمعات وافضلها من غير عندك المجمعات التالية هي (المول & رويال بلازا & حياة بلازا )

ومعظم المجمعات فيها قاعات سينما ولاكن افضل سينما هي سينما غراند بستي سنتر والي انصحك اتروح لها

بنسبة للمقاهي عندك سوق واقف وهو سوق شعبي بس على الطراز الحديث وجو السوق حلو وفيه مقاهي حلوة وشيش ومطاعم واكيد انصحك اتزوره لانه يعد واحد من معالم الدوحه

عندك مقهى جراند قود كافي وهو مقهى حلو لبناني وفيه شيشة وقعده حلوة ومن غير الاكلات البنانية الحلوة

عندك مقهى اراجيل & مقهى الخير & مقهى البلد& مقهى حالول

وهي مقاهي صغيره نوعا ما بس حلو ويقدمون فيها شيشه ومستوا المقاهي يكون عادي

بس اكيد انصحك في مقاهي سوق واقف لانهم اشرح واونس

عندك متحف الفن الاسلامي وهو من ارقى المتاحف في العالم ويستحق الزياره اذا انت من هواة زيارات المتاحف

وبنسبة للمطاعم عندك في مطاعم غالية وفي مطاعم نص نص وفي الرخيصه

مادري انت شنو طلبك فيهم

بس بنسبة للمطاعم الراقيه عندك مطعم المرجان بلكورنيش وهو على البحر وقعدته حلوة وايد وهو مطعم لبناني وفيه شيشة

وبذكرلك اسم اكثر من مطعم لبناني كلهم حلوين ويقدمون الشيشة اذا انت مدخن وهم
ليالي & الساحه & اوتار & الصياد وهو بنادي الدبلوماسي & البندر في سوق واقف
وكل الي ذكرتهم يقدمون الشيشة اذا كان هاي طليك بلمطاعم

وعندك مطاعم هندية مثل ( بخارة & رويال تندوري & اشاز في فيلاجيو وكلهم مطاعم حلوة وراقيه

وبنسبه للمطاعم الامريكيا فيه حلوة واسعارها مناسبه مثل ( ابل بيز & شيليز & فرايديز & بينج & فيدركير & امريكان غيرل)

ومثل ماذكرت لك ان اسعارهم مناسبه مثل الي عندكم اكيد

واذا انت اتحب البوفيهات فعندك بوفية فندق فريج شرق وبوفيه فندق الفورسيزنت وعندك مطعم حباري في فندق الشيراتون

واكيد في مطاعم فاست فود مثل (ماكدونالد & برجر كنغ & طازج & كودو & هارديز & كنتاكي & ماري براون & شرمبي & تيك اوي )

يعني هاي الاشياء الي بدوحه او الاشياء الي تحظرني الحين وتقدر تاخذ لفة بلقوارب الصغيره وتاخذهم من الكورنيش

وعلى فكرة مجمع فيلاجيو هو يكاد يكون ملاصق لمجمع الحياة بلاا ممكن اتزورهم مع بعظ ومره وحده وعندهم حديقة سباير وهي حديقة حلوة وثل الممشى

واتمنى اني ساعدتك ولو بلقليل

وامانه اي استفسار على طول اسال

وانا بلخدمه

تحياتي



:24: :24: :24:
كفـوو عليـكـ

تسلم لي يا ابوجاسم وماسويت الا الواجب


اخوي ياسر ماسيونا الا الواجب واتروح واترد بسلامه


اخوي بوسيف اتمنى تستفيد من الرد

وسامحوني على الاخطاء الاملائية بس كنت مستعيل بروح الجامعه وماشيكت على ردي اذا فيه اخطاء ولا لا

واي استفسار انا حاظر

اتمنى اني ساعدتكم ولو بلقليل

تحياتي