الموضوع: مطلوب برنامج لاسبوع خبراء لبنان ساعدوني الله يجزاكم خير

السلام عليكم ورحمة الله وبركاته
اخوكم داخ وهو يقرأ بهالمواضيع ولاني ما اعرف بلبنان اي شي ولا اعرف الخريطه دخت مافهمت وش لون اسوي برنامج لرحله بعد يومبن يعني 30-1-2009 العصر بكون بلبنان تقريبا خمس الا
وبرجع يوم 5-2-2009
تكفوووون ابي برنامج سياحي يخليني ادعيلكم بالسفره وترا دعاء المسافر مستجاب :24:

وابي تقولون لي ايهم احسن هولدي ان بالفردان ولا كراون بلازا بالحمراء من ناحية الاماكن اللي بزورها
والخدمات قريبه ولا بعيده والسلدير ينفع لعوائل ولا كله شباب عشان اصرف الاهل واروح بروحي ولا اخذهم معاي هههههه
ملاحظه : انا شخص اتبع التعليمات اي شي تكتبونه بسويه حتى لو قلتولي لازم تاكل وانت رافع يد ورجل ههههه يعني هلله هالله بالبرنامج بالتفصيل الممل
:11ight:

مواضيع عشوائيه ممكن تكون تعجبك اخترناها لك:

• رحلة العيد إلى شمال لبنان تقرير خريف
• استفسارات
• غاليه جدا
• رسوم ادخال السيارة السعودية الى لبنان
• امــــس وصلت من لبنان
• نابولي بيروت
• سؤال لذيابة بيروت؟
• شنو نجيب بضاعه من لبنان ؟
• خبر عاجل من لبنان
• ممكن أسئلة عن بيروت
• انا في لبنان
• محلات الأثاث في لبنان
• سؤال عن فندق ضروري
• اريد منكم المساعده بسرعه
• بليزززز اللي يعرف شي عن مصانع الشكولاته بلبنان يرد علي ؟
• الجدول النهائي لسفرتي للبنان
• صربا وكسليك
• لو سمحتوا بلدة او مدينة جميلة لعائلة محافظة ؟؟
• بعض الاستفسارات لي ولـغيري عن لبنان
• كيف اعرف الاكل الحلال

هلا والله ..بالخوي انا اطير من الكويت 4 ..بنفس اليوم ..


هوليدي ان احلى كمنظر ..
والسولدير يصلح للعوايل عادي

حبيبي شوف صعبه احد يحط لك جدول وتلتزم فيه لأن الرغبات تختلف ..من جدول سياحي الى جدول تسوق وجذي

لكن شوف دامك العصر بتوصل ..خلك بيروت روح السولدير وتقهوى فيه عقب تمش على الكورنيش وشوف صخرة الروشه ..ولا جا الليل مر على مطعم البلد بالسولدير وادعيلي ..،،

يوم الاحد طال عمرك روح صوب على متحف المشاهير بزوق مصبح وبنفس الطريق مر على مغارة جعيتا ..وارجع جونية اركب التلفيرك للجبل واستمتع بمنظر جونية من مقام السيدة حريصا ..عقب روح شارع المعاملتين بجونية وتغد بمنويلا ..وتمش عقب بجونية

يوم الاحد نفس طريق جعيتا كمل وراح يوديك لمنطقة فاريا ..قمة التزلج واستمتع بالثلج خله من الضحى للعصر

يوم الاثنين زيارة الشوف ..وهي تضم " مغارة كفر حيم وقصر موسى وبيت الدين "

يوم الثلاثاء خلها شمالية ..اطلع على طرابلس ولاخلصت منها كمل على زغرتا ..وقبل زغرتا دش اسأل عن منطقة بخعون فيها قصر الاحلام خيالي ..


الاربعاء زيارة صيدا وصور زيارة الجنوب ومطعم فضل شاكر بصيدا اسمه الحان ودش صيدا تشرى من ذيك القلوبات الحلوة والحلويات اللي يحبها قلبك


بالتوفيق ان شاء الله مايقصورن وياك

الله يجزاكم خير اثنينكم على الرد
ويا زين كلامك روعه وحلو احس اني صرت افهم وين اروح مع انها مغلمشه شوي
بس شكلي بغير الفندق لانه فل حاجزينه قروبات اردنيه ومافي حجز نكبه
شرايك في رمادا توني جاي من الديره تعرف مكاتب السفر الي ورا الكويتيه بدون ذكر اسماء لا يفصلونا من المنتدى
مدحولي رمادا في السلدير بس واحد من الربع يقول لا مو حلو تحجز بالسلدير
قلت استشيرك وياليت ترد على قبل الساعه اربع لان مافي وقت مثل ما انت عارف شكلي بغمض وبحجزه هههههه

رجعت لك من جديد وشوية معلومات

وسوؤال وبحث من يمين ويسار

بعطيك معلومات عن كل فندق

الكروان بلاز يقع بشارع الحمرا وفندق حلو وفخم لكن تكره عمرك من زحمه الحمرا ووهو شارع زحمه ولجه الصبح اكيد .،، قريب من الخدمات وفيه مطعم امريكي حلو اسمه رودستر لاصق بكراون بلاز وفيه مطعم ناندوز اللي اعرفه بالكويت امريكي اختصاص دجاج وشارع مزدحم وفيه محلات سوقه

الهوليدي ان حلو وفيه مجمع داخل وقهاوي يعني مايأثر لو العرب بروحهم ينزلون ويروحون السوق لأنه تحت بالفندق وفيه قهاوي ومطاعم بالفندق ..ولاصق فيه مطعم ماكدنوالدز وقهوة بعد والمنطقة هادية وتصلح للعوائل ولافيها زحمه مثل الحمرا

نصيحتي المتواضعه ..لك اخوي ترى مايبعدون من بعض 10 دقايق مر عليهم وادخل وشوف وان عجبك اخذه وريح بالك من النصايح والكلام ..،/

بخصوص المجمعات ..اخوي عندك abc الاشرفية مجمع ..وعندك سيتي مول راح تحصله على طريق الدوره " اوستراد من بيروت الى جونية "


الحين جا دور المطاعم " انا ذكرت لك تروح منطقة فاريا يوم الاحد للثلج وانت راد بالطريق نفس طريق الروحه بتحصل مطعم الادغال شكل ومضمون " اللي صور فيه راشد الماجد اغنية ويلي " ، مطعم Bay Rock بالروشه قدام ستار بكس ، بالسوليدير عندك مطعم البلد ، مطعم زمان السوليدر قريب من ساحة النجمة ، مقهى روتانا كافيه ، مطعم الجنه بفروعه بيت مري ، ولا الدامور ولا عالية ، مطعم منير بجبيل ، مطاعم برمانه بتعجبك وخصوصا للعشا لأن المنطقة تطل على بيروت من فوق

وبالتوفيق واي شي تبيه لا تردد

طيب اي فندق جنب هولدي ان لانه مافي حجز عطني اي اسم بس يكون حلو

هلا اخوي اذا تبي بالفرادن وقريب من الهوليدي ان ديون عندك الشيراتون فوربوينت
قريب حيل منه

فندق شيراتون فور بيونت
سيفتي بكس بالغرفة
A.R.T و شوتايم
مستوى النظافة 100%
مستوى الخدمات 100%
انترنت مجاني بالرسبشن
انترنت مدفوع بالغرف بخيارين (بالساعة 3 دولار _ 24 ساعة 15 دولار )
تمديد ساعة المغادرة الى 6 مساء
للعائلات
( انصح فيه وبقووووة )


وفي اي فندق في بيروت التعاملات المادية عند التشيك اوت ترغمك تراجع الفاتورة بدل المرة الف مرة واعتقد انها ميزة بكل فنادق بيروت بعد مراجعة الفاتورة انخصم منها وبدون مبالغة 176 دولار كانت مقابل خدمات غرفة وهمية

رأي شخص مجرب للفندق

http://www.booking.com/hotel/lb/four...18&aid=1329869

انا الصراحه ماعجبني زحمه على طول ....اذا تبين بنفس السعر واحلى منه بواااااااااااجد ..قريب حيل منه فندق لافاندوم تبعهم تبع نفس الشركة ....بس صج مو طبيعي ..

بصراحه انت قمه يازين ماشالله عليك شكلك دايم في بيروت