الموضوع: استفسارت الدوحه

السلام عليكم
يعطيكم العافيه

استفسارات عامه ، مع الاسف مازرنا قطر ( الدوحه ) من قبل ، ( وللحين مترددين ) :

( السراج دوحه ان ) : ماهو مستواه ؟، وكم سعره على الشهر الجاي؟ واذا في رقم تلفون له؟ ، وودي اعرف هو بأي منطقه يقع ؟ ، وشلونه من ناحية النظافه والامان ؟ وحاب اعرف هل يسكنون عوايل فقط ام يسمحون للشباب ؟
وهل الكورنيش قريب منه ، نقدر نمشي للكورنيش ؟
شنو الاسواق والاماكن السياحيه اللي يقدر الواحد يروح لها مشي؟ ، لان مثل مايقولون عندكم التكسي مشكله وصعب تحصله ،
وهل تشورن علينا بسكن ثاني بشرط اقدر اروح الاسواق والاماكن السياحيه مشي ، مابين 3 الى 4 مجمعات اواسواق على الاقل ،
وشلون اسعار السكن على الشهر الجاي
وشلون الجو ان شاءالله زين يصلح للمشي
وشلون الحياة بشكل عام ؟
السموحه وشكرا

مواضيع عشوائيه ممكن تكون تعجبك اخترناها لك:

• ايش اقرب اوتيل لفيلاجيو مول؟؟
• منقول لقطر و ابغي مساعدة
• سؤال عن معرض الدوحة للكتاب فندق للسكن
• استفسار عن المنتجعات في قطر بليز ادخلو
• كم المسافة من الرياض للدوحة بالسيارة
• فمااا اجملكي يااا قطر
• المساعدة بخصوص فندق
• هل يوجد مهرجانات في قطر حاليا
• لكم ياأهل قطر وإلا لذيب
• سؤال الى بنات قطر
• الوجهه على الدوحه
• فندق جراااند حياة في العيد
• عطوني معلومات عن الحبيبة قطر جايك ياقطر
• ♓♓  ΔṢỐŇ ΉƠŤĒĿ ♓ فــورســيــزون الــدوحـــه ♓♓
• قصتي مع مصداقية شركة جولدن جيت اللي تستهدف السياح في قطر !! شيء غريب عجيب
• معقولة اسعار الفنادق؟
• اجتماع المصورين القطريين
• هل رخصة دولية معترفة في قطر
• تجربة العيد في قطر
• استفسار عن الاقامة بقطر

وعليكم السلام

أن شاء الله تنورونا

لي عوده قريبة لموضوعك ان شاء الله

وحبيت اسأل هل أنتم شباب ولا عائلة ؟

فالك طيب

عليكم السلام ورحمة الله

ياهلا ومرحبا فيكم.. إن شاء الله تجون الدوحة وتستانسون فيها


للعلم.. قطر جميلة ويستانس عليها كل اللي يزورونها أول مرة

حاولوا تسوون لكم برنامج حافل لمدة 4 أيام كفاية في الوقت الحالي

أما عن الإجابات على الأسئلة:


( السراج دوحه ان ) : ماهو مستواه ؟، وكم سعره على الشهر الجاي؟ واذا في رقم تلفون له؟ ، وودي اعرف هو بأي منطقه يقع ؟ ، وشلونه من ناحية النظافه والامان ؟ وحاب اعرف هل يسكنون عوايل فقط ام يسمحون للشباب ؟

الفندق ممتاز من حيث الموقع والخدمات والنظافة وحتى السعر مقارنة مع الفنادق الثانية، حالياً ما أعرف سعره لكن رفيجي سكن مع عائلته في إجازة العيد الليلة بـ 450 ريال، والفندق يسمح بالسكن للشباب والعائلات كحال جميع الفنادق، أما موقعه فكمتا ذكر أخونا فهو في راس ابوعبود قريب جداً من الكورنيش.

رقمه كما حصل عليه من الدليل: 4582809 - 00974

وهل الكورنيش قريب منه ، نقدر نمشي للكورنيش ؟

قريب جداً يعني تقريباً 10 دقائق مشي على الراحة

شنو الاسواق والاماكن السياحيه اللي يقدر الواحد يروح لها مشي؟ ، لان مثل مايقولون عندكم التكسي مشكله وصعب تحصله؟

أولاً في قطر، أنصح باستئجار سيارة إذا ترفبون في عدم الوقوع في مواقف متعبة بسبب سوء خدمات شركة التاكسي بعدم توفير السيارات الكافية. الأسواق أهمها سوق واقف (قريب من الكورنيش) سواء للتسوق أو المطاعم أو المأكولات الخفيفة الشعبية أو حضور العرضات الشعبية وكذلك الأسواق (فالح، الديرة، العسيري، الجبر) جميعها جنب بعض وبجوار سوق واقف، بالإضافة إلى المولات المعروفة: سيتي سنتر (الكورنيش) والمول (الهلال) واللاندمارك (جنوب دحيل) وحياة بلازا وفيلاجيو (اثنينهم جنب بعض على طريق الوعب).

وهل تشورن علينا بسكن ثاني بشرط اقدر اروح الاسواق والاماكن السياحيه مشي ، مابين 3 الى 4 مجمعات اواسواق على الاقل.

فندق السراج دوحة إن أفضل فندق للعائلات بسعر رخيص، هناك فنادق ومنتجعات أجمل لكنها باهظة الثمن، ولكن توجد فنادق أيضاً مناسبة مثل: مروب في السد.
والأسواق والمولات ليست جميعها في منطقة واحدة فهي كالتالي من السراج دوحة إن:

1- سوق واقف والأسواق الأخرى (فالح، الديرة، العسيري، الجبر) قريبة من الكورنيش وجنب بعض بس برأيي كفاية سوق واقف.
2- سيتي سنتر قريب جداً من الكورنيش لكن تبعد بالسيارة 5-10 دقائق عن سوق واقف.
3- فيلاجيو وحياة بلازا على طريق الوعب تحتاج مع الزحمة 30-45 دقيقة للوصول لها بالسيارة.
4- اللاندمارك في جنوب دحيل تحتاج لها 30 دقيقة بالسيارة.
5-المول في الهلال تحتاج لها 10 دقائق بالسيارة.

وشلون اسعار السكن على الشهر الجاي؟

أسعار السكن في قطر تعتبر غالية مقارنة مع مثيلاتها في دول الخليج ما عدا دبي.

وشلون الجو ان شاءالله زين يصلح للمشي؟

الجو الآن جميل ويشجع الواحد يمشي علاكورنيش والشهر الجاي أتوقع يكون الجو بارد بإذن الله


وشلون الحياة بشكل عام ؟

الحمدلله رب العالمين على على أهم نعم من نعم الله علينا (الأمان)، فالبلاد أمان والحياة الحمدلله راقية مقارنة بكثير من مناطق دول الخليج بس اللهم إن البلاد الآن في حالة استنفار في شوارعها، يعني أعمال الطرق والبنية التحتية تارسة البلاد إن شاء الله تنتهي خلال السنتين القادمتين

وحياكم الله مجدداً


بوفهد80

المشاركة الأصلية كتبت بواسطة الراايق
http://www.arabtravelersforum.com/tr...6/#post2437416

وعليكم السلام

أن شاء الله تنورونا

لي عوده قريبة لموضوعك ان شاء الله

وحبيت اسأل هل أنتم شباب ولا عائلة ؟

فالك طيب




بانتظار عودتك
احنا عايله ، بس حسب اللي عرفته ان التكاسي شي صعب جداااا ، ومسألة تأجير السياره بعيده عنا ،
فاحتمال الرجال يروح ويكند لوحده يستكشف ويجرب التكاسي ، وبعدها يقرر اذا نروح مع العايله
شكرا

طيب اذا فية شقة فندقية رخيصة مثلا غرفتيم وصالة ب450ريال سعودي وتكون في منطقة حلوة تنفع للعوائل في اول دبسمبر

سؤال :
متى ايام الويكند بقطر ، هل الجمعه والسبت ام الخميس والجمعه ؟
هل في عندكم ايام او اوقات يمنع من دخول الشباب الى المجمعات ( ماهي الاوقات وماهي المجمعات ) ؟
شكرا

الويكند في قطر الجمعة والسبت

بعض المجمعات تتخذ من يوم الجمعة يوماً خاصاً فقط لدخول العائلات

لكن رجال الأمن يتساهلون مع الشباب القطريين أو الخليجيين في معظم الأحيان

يمنعون فقط من دخول العزاب من العمالة الآسيوية أو الجاليات التي لاتراعي

أو بالأصح لم تتأقلم بعد على الأعراف والعادات المحلية








المشاركة الأصلية كتبت بواسطة احلام اليقظه
http://www.arabtravelersforum.com/tr...9/#post2445429

سؤال :
متى ايام الويكند بقطر ، هل الجمعه والسبت ام الخميس والجمعه ؟
هل في عندكم ايام او اوقات يمنع من دخول الشباب الى المجمعات ( ماهي الاوقات وماهي المجمعات ) ؟
شكرا

طيب بو فهد ماتقدر تجاوب على سوالي اذا سمحت

للأسف أخوي.. ما أعتقد تحصل شقة فندقية بهالسعر في الدوحة خاصة مثل ما قلت غرفتين وصالة

وفرضاً إذا لقيت.. ما بتكون مناسبة للعائلات أو بمعنى آخر رديئة

أقل سعر بتحصل يمكن والله أعلم ب800 أول 1000 ريال الليلة:114:

مثال: فندق جنة الخليج (3نجوم) فندق جيد من حيث النظافة والخدمة والموقع

سعر الليلة فيه 1200 ريال :110:


بالتوفيق








المشاركة الأصلية كتبت بواسطة عنب احمر
http://www.arabtravelersforum.com/tr...6/#post2438826

طيب اذا فية شقة فندقية رخيصة مثلا غرفتيم وصالة ب450ريال سعودي وتكون في منطقة حلوة تنفع للعوائل في اول دبسمبر

السلام عليكم اخواني الكرام

ان شاء الله انا رايح بعائلتي للدوحة نهاية ديسمبر لحضور معرض الكتاب هناك
وهذي اول مرة اروح لقطر
سؤالي ابغى شقق رخيصة مثل شقق السراج قريبة من المعرض
حسب ما سمعت ان صالة المعارض على الكورنيش هل شقق السراج قريبة منه او تنصحوني بمكان نظيف على الكورنيش وقريب او شبه قريب من المعرض شرط يكون رخيص

وصالة المعارض وين مكانها بالضبط

وجزاكم الله خير

مركز قطر للمعارض انتقل إلى مبنى آخر يبعد 5 دقائق بالسيارة عن السابق

أخوي إذا تقصد تبي سكن قريب بحيث تروح له مشي عندك فندق الانتركونتيننتال لكنه غالي شوي

أقل سعر الليلة فيه فوق 850 ريال أيام العروض

أما الفنادق الثانية اللي عالكورنيش، عند رتاج الريان من فترة قريبة كانوا مسوين عرض الليلة ب700 ريال

وعندك موفنبيك تاور والشيراتون والفورسيزونز


والله اعلم

مشكور اخوي فهد هل شقق السراج بعيده عن مركز المعارض

انا ابي شقق فندقية قريبة من المعرض والكورنيش طبعا بالسيارة ويكون سعرها سعر الشقق النجمة والنجمتين

عساكم عالقوه