الموضوع: اسكوتلنداأرض لا تعرف الصيف

بسم الله الرحمن الرحيم
اسكوتلندا..أرض لا تعرف الصيف!

بدت فكرة السفر الى اسكوتلندا قبل حوالي 5 سنوات. قريت موضوع في جريدة الخليج عن اسكوتلندا في قسم السياحة والسفر وتمت الفكرة في بالي وكل ما نقول حق الوالد يقول "ان شاءالله..ان شاءالله" لين مانسينا الموضوع :109:.
وقبل مدة قريت موضوع الأخت mist في المنتدى وراودتني مرة ثانية أحلام الذهاب إلى اسكوتلندا ..بس شوه الحل؟؟ الوالد معزم السنة يودينا تركيا ومستحيل يتنازل:108:. اخر شي توصلنا لحل وسط...الوالد الله يطول عمره وافق يودينا اسكوتلندا عقب ما نسيرتركيا بشرط اني أحصل سكن مناسب..
بديت البحث من شهر 3 كنت في البداية أبغي شقة 3 غرف في الستي سنتر وطبعا كل محاوالاتي باءت بالفشل (حلوة هاي "باءت بالفشل":115 بعدين تنازلت قلت ناخذ شقتين ونتقسم فيهم (عايلة من 8 أشخاص) وحصلت وايد خيارات موجودة في هاي المواقع:
[size="5"][url]http://www.booking.com/searchresults.html?sid=2516e75b591e6052534ba39a7be 1a80a%3Bcheckin_monthday%3D1%3Bcheckin_year_month% 3D2009-10%3Bcheckout_monthday%3D2%3Bcheckout_year_month%3 D2009-10%3Bclass_interval%3D1%3Bidf%3D1%3Blandmark%3D143 89%3Bss_all%3D0%3Bradius%3D1%3Bht_id%3D2%5B%2Furl% 5D%5B%2Fsize%5D&aid=358324
http://www.scotland-inverness.co.uk/glasgow.htm
http://freespace.virgin.net/nicola.t...ments.htm#list
http://www.principalapartments.com/allglasgow.php
http://glasgow.sacoapartments.co.uk/...ons/uk/glasgow
http://www.glasgowlofts.com/

اخر شي رسا اختيارنا على هاي الشقة http://www.38bathst.co.uk/ لعدة أسباب:
الreviews جدا مشجعة في موقع trip advisor
موقع الشقق ممتاز
سعرها مناسب جدا
(ملاحظة: الحجز كان عن طريق موقع الشقة..ايجار الشقة انسحب أول ما حجزنا)

بعد ما حصلت الشقة كان السؤال كيف نطلع من اسطنبول لجلاسكو؟ كان عدنا خيارين إما الطيران التركي أو البريطاني..استبعدنا الطيران التركي لأنه ما ينزل في جلاسكووهذا معناه اننا لازم ننزل في مطار ثاني ونروح جلاسكو إما عن طريق طيران ثاني أو عن طريق القطار..أما الطيران البريطاني فننزل ترانزيت في لندن ونبدل الطيارة ..فكان الطيران البريطاني خيارنا..

سعر التذكرة: طيران الامارات "دبي –اسطنبول\جلاسكو-دبي" 2905 دراهم(تحجز الذهاب الى مدينة والعودة من مدينة ثانية عن طريق خاصية advanced search في موقع طيران الامارات)+ 145 جنية استرليني لرحلة "اسطنبول-لندن -جلاسكو"one way
هذا كان عن التجهيز..خلوني احكيلكم عن الرحلة من البداية:gathering..

مواضيع عشوائيه ممكن تكون تعجبك اخترناها لك:

• محتار بين هالخمس فنادق سااااااعدوني
• تقرير رحلتي الدراسية تاريخ الى بريطانيا
• شقق مفروشه و نظيفه قريبه من شارع الاكسفورد
• دراسة الانجليزي ببريطانيا و جنوب افريقيا ب 5900 ريال فقط
• تقريري المتكامل عن مدينة بورمث
• لخبراء لندن ضروري
• بلييييييييييييييز مساعدتكم يالنشامى ؟
• في شهر ابريل كيف تكون لندن
• السفر لوحدك هل انت ضده؟؟؟
• استفسارات بخصوص بريطانيا لأصحاب الخبرة
• استفسار لندن ايام
• اريد مخطط لسفره يوم الى بريطانيا مساعدتكم لو تكرمتم
• باقي شهر ع فيزتي وش وضعي ؟
• إستفسار بخصوص الهاتف المحمول والبلاكبيري
• سؤال بخصوص الفيزآ
• استفسار من مشرفينا الأفاضل بخصوص جواز السفر
• استفسار عن فندق في منطقة
• استفسار حول الفيزا
• ضبطونا لاهنتتوا يا لندنيين
• شركات الشحن عااااااااااااااااااجل

طبعا ما في داعي اخبركم اننا كنا على وشك ان نكنسل الرحلة بسبب انفلونزا الخنازير خصوصا ان بريطانيا من أكثر الدول اللي منتشر فيها المرض..ويوم وصلنا مطارهيثرو ما شفنا أي اجراءات بخصوص المرض ولا حد عاطي الموضوع اهتمام :114:والوالدة كانت مجهزة الكمامات :109
صور من الطيارة


من مطار جلاسكو أخذنا تكسيين..كل تكسي أخذ 20 باوند..المطار يبعد حوالي 10 دقايق من السكن..وصلنا الساعه 7ونص تقريبا
مدير السكن كان في استقبالنا يوم وصلنا وما طلب منا أي أوراق ..صعد معانا للشقة والحمدلله الكل كان راضي عن الشقة وهني أنا (تنفست الصعداء) على قولتهم..لأني كنت فعلا قلقة من مستوى الشقة (سمعة الشقق البريطانية تخلي الواحد يخاف الصراحة) على فكرة الشقتين (كل شقة غرفتين وصالة وحمامين ) أحجامهم تختلف مع انهم بنفس السعر..الصور مأخوذة من الشقة الأكبر








نزلت ويا الوالد لسوبرماركت sainsbury's واشترينا اغراض للشقة ، السوبرماركت أسعاره مناسبة ارخص من البقالات. وبعدين رحنا لnews agent قريب واشترينا بطاقات تيلفون LEBARA البطاقة الوحدة بباوند واحد اضفنا رصيد 10 باوند..انصح كل من يروح بريطانيا بهاي البطاقة..استعملت البطاقة لمدة 13 يوم وكنت أتكلم مكالمات دولية على راحتي وما خلص الرصيد :24:.. رجعنا الشقة فتحنا النت وتأكدنا من مواقيت الصلاة والقبلة (ناسين البوصلة:110
مواقيت الصلاة القبلة
http://www.centralmosque.co.uk/cm/page/prayer-timetable
وهكذا خلص اليوم الأول..

:113:

متابعين بشغف

تقرير رائع جداً أختي الكريمة

الصف الأمامي محجوز :109:

اليوم الثاني كان لاستكشاف المنطقة...الجو كان بااااااااااارد..دخلنا Buchanan Galleries..المركز فيه وايد محلات مثل: H&M –Next – John Lewis –River Islands – Disney –Warehouse –Oasis-Mango وغيرها الكثير..
موقع المركز:http://www.buchanangalleries.co.uk

في المركز دخلنا صيدلية Boots بغينا نشتري دواء القلب للوالدة لأنها نسته في تركيا..عطيت الصيدلانية اسم الدواء..
قالتلي الصيدلانية..ما نقدر نعطيج الدوا بدون وصفة الدكتور..
قلتلها بس هي متعودة تاخذه بس نسته في بلادها..
قالتلي: ليش؟ هي مب عايشه هني؟:114:
قلتلها: لا..نحن سياح:101: ..شوه الحل ألحين من وين نيب وصفة الدكتور؟
قالت: الحل انكم تسيرون المستشفى قسم الطوارئ والدكتور بيكتبلكوم الوصفة..
قلت حق الوالدة لازم اليوم العصر نروح المستشفى صارلج يومين مب ماخذه الدوا وانتي وراج مشي:11ight_li..
العصر..سألنا مديرالسكن عن مستشفى قريب..قالنا ماشي غير The Royal Infirmary ركبنا التاكسي ويوم وصلنا الوالد والوالده يسألون: وين المستشفى؟؟؟ قلتلهم هذا اللي جدامكم :106هههه شايفه من قبل صورته في النت ومسويه عمري خبيرة:11ight..هذا شكله متحف قالت الوالدة!!!




موقعه على خريطة جوجل
http://maps.google.com/maps?hl=en&rl...image&resnum=4


سرنا عند الرسبشن في قسم الطوارئ وقلتلهم ان الوالدة تبا تدخل عند الدكتور العام..
-الموظفة: ليش تبا تدخل عند الدكتور شو فيها؟
-نست دوا القلب في البلاد ..وفي الصيدلية قالولنا ما نعطيكم الدوا الا بوصفة الدكتور
-الموظفة: ليش؟ انتوا مب عايشين هني؟:114:
-أنا: لا..نحن سياح:101: (شو سالفتهم؟؟)
-الموظفة: ملي البيانات هاي وبعدين الممرضة بتناديكم


جلسنا في قاعة الانتظار والوالدة تتطالع الناس في شك (عن حد يكون فيه انفلونزا الخنازير:109...محد كان لابس اي كمام في المستشفى ولا في اي اجراءات..


المهم..تمينا أكثر من ساعة في الانتظار ونحن صابرين كله عشان الدوا:110: الممرضة نادت أمي وانا رحت معاها
-الممرضة: شوه المشكلة؟
-أنا: الوالدة نست دواها ومحتاجين وصفة الدكتور
الممرضة: انتي ليش تتكلمين؟:105:
-انا: الوالدة ما تعرف انجليزي
الممرضة تسأل الوالدة: انتي ما تعرفين انجليزي؟
الوالدة: نو :115:
الممرضة: أنا مب فاهمه كيف نست الدوا!
أنا: استعملته قبل ما نروح المطار ونست تحطه في الشنطة من الاستعجال!
الممرضة قالت للوالدة: مرة ثانية لا تنسين الدوا!:105:
الممرضة: انتوا وين ساكنين؟
أنا: 38 باث ستريت
الممرضة: من من أهلكم ساكن هناك؟ (تقصد مقيمين)
انا: مب ساكنين مع حد نحن سياح (الجماعة مب قادرين يستوعبون ان نحن سياح على بالهم نحن مقيمين)
الممرضة: كنت أسألكم لأنكم لازم تتعالجون عند الدكتور اللي عايلتكم تتعالج عنده
سألتني الممرضة بعض الأسئلة عن حالة الوالدة وفحصتها وتمت تكتب ملاحظات وفجأة غطت ورقتهاو قالت:
-انتي ليش واقفة عدالي سيري اوقفي بعيد:112:
خطوت خطوتين..
الممرضة: مب بعيد لهاي الدرجة..ماله داعي تسوين هاي الحركة تعالي اوقفي في النص:108:
طبعا تتخيلون كيف أنا كنت معصبه:112:..الظاهر ما دخلت مزاج الممرضة:109: بس أنا ما كنت في موقف اني اجادل لأن الوالدة كانت محتاجة الدوا..فتميت ساكته..
دخلنا عند الدكتور ووصفلنا الدواء بدون أي مشاكل..
سألته: وين ندفع؟
قال: ليش؟ حد قاللكم ادفعوا؟؟:114:
قلت:لا
قال: then don’t botherjust head straight to the door:101:
طلعنا المستشفى عقب طلعت الروح..
طبعا انتوا مستغربين ليش أنا حكيت هاي القصة الطويلة العريضة؟؟ مثل ما قالت الممرضة: لا تنسون أدويتكم وشلوا كمية كافية منها عشان ما تتبهدلون مثلنا
بعد ما طلعنا قلنا للتاكسي يودينا لجورج سكوير





وهذا متحف الفن الحديث بس ما دخلناه..


يتبع..

اليوم الثالث..رحنا لمركز st.enoch مشي..المركز ما يستاهل الزيارة على عكس Buchanan Galleries
موقع المركز على خريطة جوجل
http://maps.google.com/maps?sourceid...N&hl=en&tab=wl

بعدين رحت لNero Café القريب من المركزلأن شكله جذبني خصوصا مع الغيم والمطر^_^






بس طلع الكافيه لاتيه عنده أكبر مقلب!!


بعدين سرت أتمشى مع عمتي وقلتلها خلينا نسير نشتري تذاكر القطار عشان نسير الليك دستريكت باجر..

سعر التذاكر: 145 باوند ل6كبار وطفلين اخترت النوع offpeak عشان نقدر نروح ونرجع أي وقت في نفس اليوم (لازم وقت شراء التذاكر تحددون اذا بترجعون نفس اليوم ولا يوم ثاني)

وردينا الشقة والمطر بعده يطيح










يتبع.......

اليوم الرابع..رحلتنا الى منطقة البحيرات في انجلترا (الليك دستريكت)


سرنا Central Station لحقنا على قطار الساعة 10:40 المتوجه لLondon Euston نزلنا في محطة oxenholme lake district عقب رحلة مدتها حوالي ساعتين
صور من الطريج:106:






















. يوم نزلنا كان عدنا خيارين اما ننتظر قطار يوصل الساعة 1:30 ينزلنا عند محطة windermere ونمشي بعدها نص ساعة عشان نوصل البحيرة او اننا ناخذ تاكسي.. بس لسوء حظنا ذاك اليوم ما حصلنا تاكسي وتمينا نتريا ونتريا..اخر شي اكتشفنا ان في باصات توصل للمنطقة (اسم المنطقة bowness) حصلنا تكسيين وصلونا للمنطقة كل تكسي خذ 30 باوند..
اول شي تغدينا في مطعم Emperor of India كلنا عنده برياني خضره وبرياني ربيان:106: برياني الخضرة كان ألذ:109:
موقعه ع الخريطة

http://maps.google.com/maps?hl=en&rl...-8&sa=N&tab=wl
صورته





وبعدين سرنا The World of Beatrix Potter... بياتريكس بوتر الله يسلمكم كاتبه انجليزية عاشت (1866-1943) وكانت تكتب قصص أطفال واشتهرت وايد برسماتها المميزة في هذاك الوقت..
المتحف برأيي حلو وايد ويستحق الزيارة اذا كان عندكم وقت خصوصا اذا عندكم اطفال..الجميع في بيتنا استمتع وخصوصا الوالدة اللي انعجبت وايد بفلم miss potter شافته على ام بي سي ماكس :109:
موقع المتحف

http://www.hop-skip-jump.com/
http://www.peterrabbit.com/potters-world.asp


صور من المتحف وتظهر في الصور شخصيات من قصصها


















بعدين سرنا البحيرة بس ما ركبنا القارب لأننا كنا نبغي نستكشف القرية وحفنا ما يكفينا الوقت






بعد ما خذنا لفة على القرية اتجهنا لمحطة windermere عشان تودينا لمحطة Oxenholme.




فندق lonsdale
http://www.lonsdale-hotel.co.uk/







مكتب يأجر سكن self catering
http://www.lakelovers.co.uk/











تمنيت لو كنا مخططين اننا نبات في القرية ليلة وحدة عشان نكون مرتاحين لأن نص الوقت ضاع في الطريق.

للحجز في قرية bowness
http://www.booking.com/city/gb/bowne...ml?aid=1329869











وبها الصور انتهت رحلتنا لليك دستريكت:110:

اليوم الخامس..أظن سرنا شارع sauchiehall هذا الشارع ورانا وفيه وايد محلات مثل Marks and Spencer-Clarks-Primark-Dunees-Newlook-Watts Brothers وغيرها
موقعه على google maps
http://maps.google.com/maps?sourceid...N&hl=en&tab=wl


والعصر تمشينا لين نهر كلايد (على الخريطة يبين انه بعيد بس المسافة اقل من 15 دقيقة مشي)


صورللنهر







فندق الهوليدي ان مقابل النهر.


كاتدرائية مقابلة النهر..



المركز الاسلامي(على الجهة الثانية من النهر)








موقع المسجد على الخريطة
http://maps.google.com/maps?sourceid...image&resnum=1

وبعدين سرنا لسوبرماركت يبيع لحم حلال وبعض البهارات والاشياء اللي نستعملها في الطبخ





السؤال كيف نروح له؟ مثلا انته واقف عند فندق راديسون ساس..كمل الطريق لين النهر بتشوف جسر مشاه فوق النهر (جسر جورج الرابع) كمل كم خطوة سيده..السوبرماركت بعد الجسر على طول..


يتبع..

اليوم السادس ..رحلة أدنبره
سرنا الصبح محطة Queens Station واشترينا تذاكر للرحلة..أنا كنت حاطه في بالي التذاكر ب10 باوند فاستغربت يوم قالي ان المجموع طلع 45 باوند..سألت الموظف: انته متأكد ل6كبار و2 صغار؟ قال: 4كبار و2صغار (على ما اتذكر) يحصلون سعر تذكرة عائلية فيطلع السعر أقل.


ركبنا قطار الساعة 11:15الرحلة خذت 45 دقيقة.


وصلنا محطة Waverly وسألنا الموظف في المحطة كيف نطلع للقلعة؟ أشرلنا.. وطلعنا برع المحطة


صور من الطريق












عشان نقص التذاكر وقفنا في الطابور 45 دقيقة (نصيحة: اذا في مجال اشتروا تذكرة من الانترنت وريحوا عماركم وثانيا ماله داعي تدفعون فلوس لجهاز التسجيل اللي يشرحلكم عن القلعة لأن في مرشد ياخذكم في جولة مجانية ويحكيلكم عن القلعة)
بعض الصور



الشعار عن قرب..الشاطر في اللاتيني يترجم:109:











أدنبره من فوق..


وهذا قبر الكلاب الشجاعة اللي شاركت في المعارك:109:




رأيي في القلعة: أنا عن نفسي استمتعت في الجولة بس مب الكل بيستمتع:108:. مثلا: بتستمتع في القلعة اذا كنت تحب التاريخ وعندك خلفية عن التاريخ الاسكوتلندي واهم شي تفهم انجليزي (قصدي اسكوتلندي :109: المرشد كانت لكنته قويه) أما غير جيه بتحس انك مثل الاطرش في الزفة:114:




وبعدين طلعنا نتغدا وكنت قاريه عن مطعم هندي اسمه The bay of bengal (على أمل يكون نفس المطعم الهندي اللي في الليك دستريكت :109 وتمينا ندوره وما حصلناه قلنا عن الخقه:105: خلونا ناكل بيتزا ..لأنه ماشي وقت.. كنا نبغي نسير قصر هوليروود بالاس وهو موجود في اخر الرويال مايل والقصر يسكر الساعة 5 واتوقع اخر دخول يكون الساعة 4.
صور من الرويال مايل..


writers museum












قصر هوليروود هو مقر الملكة إليزابيث في اسكوتلندا..برأيي القصر حلو ويستحق الزيارة..
صور من القصر




باب القصر..




ولا تنسون تتمشون في الحديقة




كاتدرائية متهدمة موجودة في القصر..








ب


بعد ما طلعنا من القصر تمشينا في الرويال مايل..حصلنا المطعم الهندي بعد فوات الاوان هههههههههه المطعم كان ع الشارع الرئيسي ونحن ما شفناه





صورة لفندق بالمورال:106:


http://www.thebalmoralhotel.com/

روحنا من أدنبره الساعة 6 تقريبا..

اليوم التاسع..جامعة جلاسكو
رحلة غريبة شوي..طبعا من بنات أفكاري:109:..شفت اعلان ان الجامعة تنظم جولات في مرافق الجامعة الساعة 2يوم الخميس والجمعة والسبت..وبما ان جامعة جلاسكو تعتبر من أقدم الجامعات في بريطانيا قلت ليش ما نزورها! (أحب هاي الأماكن:106:طالبة مجتهدة "سابقا":109
سرنا محطة السب وي القريبة منا buchanan station وركبنا القطار اللي يودي محطة hillhead
نزلنا من القطار وتمينا نسأل الناس عن مكان اسمه gilmorehill (المكان اللي تبدأ منه الجولات) ..


حصلنا المكان أخيرا ..المرشد كان واحد من طلاب كلية الارت والقروب السياحي يتكون من الوالد وانا واختي الاصغر مني (مب المريضة:101 فبما ان جروبنا صغير خذنا راحتنا..المرشد تم يحكيلنا عن تاريخ الجامعة وعن المبنى وقالنا انا بحكيلكم عن المكان بس اذا عندكم اسئلة عن البرامج الدراسية انا مستعد اجاوبكم على حسب معرفتي:114:


مجموعة من الصور















تشوفون ها البلكونة؟؟؟


هالبلكونة مال غرفة الاجتماعات..المرشد دخلنا اياها..بس طبعا اول شي تأكد ان محد داخل:109:

هالصورة صوريتها من البلكونة


صور من قاعة الامتحان







صور متفرقة من الجامعة..

كنسية على الطراز اليوناني مقابلة الجامعة


Gift Shop



مجسم للجامعة..


الساحة..(الطلاب يصورون فيها بعد التخرج).





تماثيل منقولة من المبنى القديم (قبل 400 سنة:24


لوحة تمثل طموح المرأة:11ight:



The Hunterian Museum



عملة من فارس






وأخيراً ..الموضوع هذا عدته 3 مرات:112:

يلا باقي يومين:109:

اليوم ال11..
بغينا نسير حديقة Kelvingrove..سرنا محطة السب وي..قالتلنا الموظفة ان السب وي يسكرونه الساعة 6..وهذا معناته ان لازم نرد في تكسي..قلنا بلا كليفنجروف:108:..خلونا نسير جلاسكو جرين مرة ثانية ..هاي المرة سرنا مشي..


صور من الطريج






دخلنا الحديقة



















سبحان الله..يخرج الحي من الميت



peoples palace من برع..






وردينا من طريج ثاني





وهذا حمام (وانتوا بكرامة) في الشارع..الدخلة ب10 بنس :109:



انتهى يومنا ال11

اليوم ال12..تسوق اللحظات الأخيرة....
كانت الموظفة اللي في الرسبشن كل ما تشوفنا رادين بأكياس تحط ايدها على راسها وتقول.
."OH NO..NOT MORE SHOPPING!! THE PLANE WON'T FLY" :109:


العصر: اختي الصغيرة رأفت بحالي وسارت ويايه Buchanan Tea Rooms لأنه كان في خاطري أسيرله من أول ما يينا..الكافيه لاتيه كان لذييييييييذ..تمنيت لو سرتله من أول يوم..جان ما اضطريت أشرب المشروبات الفضيعة اللي هم يسمونها كافيه لاتيه (مدمنة كافيه لاتيه تكتب الموضوع وهي صايمة:109!










انتهى اليوم ال12..

اليوم الأخير..
ودعتنا جلاسكو بالمطر

















سواق التاكسي اللي ودانا المطار وايد استانس يومعرف انه نحن من دبي..قال: حذوني وياكم دبي بشتغل عندكم دريول..أنا وايد أحب الشمس...ههههههههههه مسكين ما جرب شمسنا..











ملاحظات:
1-الأسواق تسكر الساعة 6 ماعدا الاحد 5 والخميس 8، يعني يوم الخميس مناسب للتسوق.
2-ممكن تاخذون كتيبات مجانية من السوبرماركت أو مكتب الانفورميشن في جورج سكوير
3- الشعب الاسكوتلندي بشكل عام طيب جدا، ابتسامتهم دايما جاهزة ومتعاونين.
4- الأسعار في اسكوتلندا ما كانت غالية مثل ما توقعنا وقدرنا نشتري على راحتنا. (بس عاد لا تكثرون من المشاري مثلنا:109:طلع علينا وزن 8 كيلو =200 باوند :105


الانطباع العام:
اسكوتلندا بلاد حلوة ومريحة والجو كان بارد وما فيها زحمة عرب، وفي مجال كبير ان الواحد يسير رحلات. نحن ما سرنا رحلات عقب أدنبره لأن اختي مرضت وتمت مريضة لين ما روحنا. طبعا السؤال اللي يفرض نفسه: كم يوم يكفي لاسكوتلندا؟ هذا السؤال اجابته تعتمد على عدة أشياء..مثلا ..
تحب الطبيعة؟
تحب السوق؟
تحب المتاحف والأماكن الثقافية؟
تقدر تسير رحلات كل يوم؟(جدول مضغوط يعني)
ناوي تروح رحلة الهايلندز؟ (الهايلندز تحتاج من يوم الى 3 أيام)
ناوي تبات في منطقة برع جلاسكو؟(منطقة البحيرات – ادنبره – الهايلندز – جزيرة من الجزر)
*بمعنى اخر اهتماماتك بتحدد مدتك في اسكوتلندا أو أي بلد ثاني..



وفي النهاية أحب أشكر جميع الأعضاء اللي استفدت من مواضيعهم..وأتمنى ان اللي يقرا الموضوع يستفيد منه..

أرحب بأي استفسار..

بحاول أضيف صور ومعلومات زيادة يوم بيكون عندي وقت..

جــهد ممتـاز ..

معلومات + صور + اسلوب رااائع + اماكن سياحيه 100%

صراااااااحه موضوع مميــز ..


اللي عجبني جلاسكو جريـن .. جميييييييله جداً ..

واللي عجبني أكثر وأكثر زيارتكم للجامعه .. الله وناسه ..
انا احب ازور جامعات واماكن دراسه لاني اعشق الدراسه ..

ومشكككوره على الموضوع المميـــــــز ..

المشاركة الأصلية كتبت بواسطة محبوبتي لندن
http://www.arabtravelersforum.com/tr...1/#post3267071

جــهد ممتـاز ..

معلومات + صور + اسلوب رااائع + اماكن سياحيه 100%

صراااااااحه موضوع مميــز ..


اللي عجبني جلاسكو جريـن .. جميييييييله جداً ..

واللي عجبني أكثر وأكثر زيارتكم للجامعه .. الله وناسه ..
انا احب ازور جامعات واماكن دراسه لاني اعشق الدراسه ..

ومشكككوره على الموضوع المميـــــــز ..



جلاسكو جرين حديقة حلوة..أحسن شي ان كنا نقدر نسيرلها مشي..وأما عن الجامعة بعدني أحلم اني أدرس فيها:109:

شكرا على التفاعل..

يعطيك العافيه


نصاائح و تقرير راائع


اختك

شكرا على المتابعة

السلام عليكم ورحمة الله

الغالية

عنود

ما شاء الله رحلة رائعة بمعنى الكلمة حسيت اني هناك واشرب الاتيه وياج

الصراحة جهد تشكرين عليه

وان شاء الله الله يحقق امنيتج وتدرسين في جامعة جلاسكو

بس اكيد بيكونين الاصدقاء مش مثلنا

منذ الطفولة

متى احسن وقت تنصحينا نسافر لاسكتلندا يعني تنفع في شهر 4 و5 ؟؟

ربي يسعدج

الحمد الله على سلامتكم ولكي مني خالص الشكر والتقدير على التقرير الرائع وعلى الصور خلال رحلتك

المشاركة الأصلية كتبت بواسطة بنت المصرية
http://www.arabtravelersforum.com/tr...6/#post3310126

السلام عليكم ورحمة الله

الغالية

عنود

ما شاء الله رحلة رائعة بمعنى الكلمة حسيت اني هناك واشرب الاتيه وياج

الصراحة جهد تشكرين عليه

وان شاء الله الله يحقق امنيتج وتدرسين في جامعة جلاسكو

بس اكيد بيكونين الاصدقاء مش مثلنا

منذ الطفولة

متى احسن وقت تنصحينا نسافر لاسكتلندا يعني تنفع في شهر 4 و5 ؟؟

ربي يسعدج

هلا الغالية..أكيد ما بحصل ربع مثلكم ..بحصل ربع أحسن:4qkfn:هههههه

وعن احسن وقت لزيارة اسكوتلندا..أحس الصيف..لأنه يوم كنا هناك الحرارة كانت أقل من 20 فالله أعلم كيف تكون الحرارة شهر 4 أو 5

مشكورة على التفاعل:0e6a3:

المشاركة الأصلية كتبت بواسطة الكونترول
http://www.arabtravelersforum.com/tr...8/#post3310328

الحمد الله على سلامتكم ولكي مني خالص الشكر والتقدير على التقرير الرائع وعلى الصور خلال رحلتك




مشاركتكم في الموضوع أسعدتني..شكرا

المشاركة الأصلية كتبت بواسطة بن سمه الامارات
http://www.arabtravelersforum.com/tr...5/#post3312745

ما شاء الله تقرير روعة
تعرفين أي شي عن مدينة داندي



ما عندي فكرة

يا عيني على اسكتلندا

يا عيني على ادنبرة وجلاسكو

بصراحه .. اسكتلندا أنا معجب بها حيل وأتمنى زيارتها عاجلاً غير آجل بإذن الله

قسماً بالله إنني أتمنى زيارتها .. وكل ما أفتح الجوجل إيرث رأساً على اسكتلندا لأستمتع بجمال طبيعتها

بريطانيا من وجهة نظري هي أسكتلندا أولاً .. ويلز ثانياً .. لندن وبعض الريف الإنجليزي ثالثاً

سأزوركِ بحول الله يا أسكتلندا البنفسجية .. سأزور أدينبرج أولاً ثم الجلاسكو ثانياً

الوعد قدام يا سكوتلاند

الله يعطيك العافيه يا ولد الإمارات .. باين من لهجتك أنك ظبياني

أوه آسف .. تذكرت .. أنت من دبي .. تذكرت سالفتكم مع سواق التكسي اللي يتمنى يروح معكم لدبي ويشتغل دريول عندكم ههههههههههههههه

الله يعطيك العافية

تقرير ممطر ورائع جداً

والحمد لله على السلامة

موضوع جدا رائع أخت عنود ، تسلمي على الجهد ...

حبيت بس أسجل حضوري و لي رجعة بعدين ...

ماشاء الله

معلومات كثيرة استفدت منها...لاني مخطط ازورها بنهاية السنة مع العائلة




ثانكس

مساء الخير

تسلمين على هذا الموضوع الرائع عن تلك البلاد الرائعة فعلا

قبل 4 سنوات زرت بريطانيا واسكتلندا وشمالها،، بحق من أروع المناطق التي زرتها في حياتي

كانت في فترة الصيف وشمال اسكتلندا متنا من البرد كانت درجة الحرارة في شهر أغسطس 6 درجات

وعلي طاري الكافي لاتي ،، تراني مدمنة لاتيه حتى النخاع

المشاركة الأصلية كتبت بواسطة سدير الخير
http://www.arabtravelersforum.com/tr...4/#post3326134

يا عيني على اسكتلندا









المشاركة الأصلية كتبت بواسطة سدير الخير
http://www.arabtravelersforum.com/tr...4/#post3326134


يا عيني على ادنبرة وجلاسكو

بصراحه .. اسكتلندا أنا معجب بها حيل وأتمنى زيارتها عاجلاً غير آجل بإذن الله

قسماً بالله إنني أتمنى زيارتها .. وكل ما أفتح الجوجل إيرث رأساً على اسكتلندا لأستمتع بجمال طبيعتها

بريطانيا من وجهة نظري هي أسكتلندا أولاً .. ويلز ثانياً .. لندن وبعض الريف الإنجليزي ثالثاً

سأزوركِ بحول الله يا أسكتلندا البنفسجية .. سأزور أدينبرج أولاً ثم الجلاسكو ثانياً

الوعد قدام يا سكوتلاند

الله يعطيك العافيه يا ولد الإمارات .. باين من لهجتك أنك ظبياني






ان شاءالله تتحقق أمنيتك مثل ما تحققت امنيتي وتسير اسكوتلندا







المشاركة الأصلية كتبت بواسطة ksa223
http://www.arabtravelersforum.com/tr...8/#post3333408

الله يعطيك العافية









المشاركة الأصلية كتبت بواسطة ksa223
http://www.arabtravelersforum.com/tr...8/#post3333408


تقرير ممطر ورائع جداً

والحمد لله على السلامة





فعلا..تقرير ممطر..الله يكثر من تقاريري الممطرة

3333454]موضوع جدا رائع أخت عنود ، تسلمي على الجهد ...

حبيت بس أسجل حضوري و لي رجعة بعدين ...[/QUOTE]

شكرا على المتابعة..حاضرين للأسءلة في أي وقت







المشاركة الأصلية كتبت بواسطة رايق 1000
http://www.arabtravelersforum.com/tr...4/#post3337534

ماشاء الله









المشاركة الأصلية كتبت بواسطة رايق 1000
http://www.arabtravelersforum.com/tr...4/#post3337534


معلومات كثيرة استفدت منها...لاني مخطط ازورها بنهاية السنة مع العائلة




ثانكس





ان شاءالله تستمتعون في رحلتكم










المشاركة الأصلية كتبت بواسطة redjoory
http://www.arabtravelersforum.com/tr...2/#post3337662

مساء الخير



تسلمين على هذا الموضوع الرائع عن تلك البلاد الرائعة فعلا
قبل 4 سنوات زرت بريطانيا واسكتلندا وشمالها،، بحق من أروع المناطق التي زرتها في حياتي
كانت في فترة الصيف وشمال اسكتلندا متنا من البرد كانت درجة الحرارة في شهر أغسطس 6 درجات

وعلي طاري الكافي لاتي ،، تراني مدمنة لاتيه حتى النخاع

هلا رد جوري..أسعدني ردج..قريت موضوعج عن بريطانيا قبل ما أسافر وايد عيبني..يمكن أزور مناطق ثانية في بريطانيا المرة اليايه

الجوووووو روووووعة واحل شي المشي تحت المطر ...............
تقرير جميل ياريت صورة اكثر..
كم اجرة الشقة في اليوم الواحد
وشـــــــــــــــــ جزيلا ــــــــــــــــــــــرا

المشاركة الأصلية كتبت بواسطة anashjj
http://www.arabtravelersforum.com/tr...0/#post3362160

الجوووووو روووووعة واحل شي المشي تحت المطر ...............
تقرير جميل ياريت صورة اكثر..
كم اجرة الشقة في اليوم الواحد
وشـــــــــــــــــ جزيلا ــــــــــــــــــــــرا




هلا..أسعارهم ثابتة طول السنة على ما اعتقد سعر الشقة أم غرفتين 145 باوند..و الشقة الغرفة الوحدة ب90 باوند

المشاركة الأصلية كتبت بواسطة 3nood
http://www.arabtravelersforum.com/tr...8/#post3363468

هلا..أسعارهم ثابتة طول السنة على ما اعتقد سعر الشقة أم غرفتين 145 باوند..و الشقة الغرفة الوحدة ب90 باوند



بالاسبوع ام باليوم
وشاكرين لك التقرير الخفيف الممتع

المشاركة الأصلية كتبت بواسطة @jwdy@
http://www.arabtravelersforum.com/tr...3/#post3367693

بالاسبوع ام باليوم
وشاكرين لك التقرير الخفيف الممتع



سعر الشقة اللي فيها غرفتين 145 باوند في اليوم..

عنود

حلووو تقريرك ومفصّل
والاهم لما تحقق الحلم




بلغي سلامنا للوالده استمتعنا بطرائفها وشكل المستشفى تراها صادقه لما قالت متحف
الله يعطيها العافيه


اما هالصوره





ابي اختبر فيهاااااا الفاينل

تفتح النفس جداً

موضوع رائع وصور اروع
شكراااااااااا

المشاركة الأصلية كتبت بواسطة مالها حدود.
http://www.arabtravelersforum.com/tr...7/#post3387457

عنود

حلووو تقريرك ومفصّل
والاهم لما تحقق الحلم

بلغي سلامنا للوالده استمتعنا بطرائفها وشكل المستشفى تراها صادقه لما قالت متحف
الله يعطيها العافيه

اما هالصوره

ابي اختبر فيهاااااا الفاينل

تفتح النفس جداً

الله يسلمج ويحفظلج أهلج..
أسعدني ردج..صدق قاعتهم تفتح النفس

على فكرة..توقيعج حلو

المشاركة الأصلية كتبت بواسطة vannestelrooy
http://www.arabtravelersforum.com/tr...4/#post3388574

موضوع رائع وصور اروع
شكراااااااااا




أشكرك على المتابعة والرد

المشاركة الأصلية كتبت بواسطة 3nood
http://www.arabtravelersforum.com/tr...1/#post3390691

الله يسلمج ويحفظلج أهلج..
أسعدني ردج..صدق قاعتهم تفتح النفس

على فكرة..توقيعج حلو

هي بس عيونك الحلوه

وهو المشتاقين له كلنا .. كلنا !

موضوع جدا رائع

المشاركة الأصلية كتبت بواسطة ابـن الرياض
http://www.arabtravelersforum.com/tr...0/#post3709400

موضوع جدا رائع



شكرا على مرورك..أتمنى انه حد استفاد من الموضوع

قرية bowness اذا تقدرين تحددين لنا السنتر وين مكانه بالضبط
ومشكوره على التقرير الرائع والمفيد

المشاركة الأصلية كتبت بواسطة maay
http://www.arabtravelersforum.com/tr...1/#post3740931

قرية bowness اذا تقدرين تحددين لنا السنتر وين مكانه بالضبط
ومشكوره على التقرير الرائع والمفيد



منطقة bowness تعتبر جزء من ويندرمير وهي صغيره..يعني كلها سنتر متحف بياتركس بوتر يكون تقريبا في السنتر
http://maps.google.com/maps?rlz=1T4S...N&hl=en&tab=wl

عنود ابا اتنشدج شو الاماكن الريفيه الحلوه في اسكتلندا وحلوه حق حريم كبار .؟ بيستانسن على الطبيعه .؟
وسؤال اخير شو اهم الاسواق اللي فيها "

عسل تقريرج على القلب صج اندمجت معاج مشكوررررررررررررررره وايد

يعطيج العافيه تقرير روووووووووعه

الجو با سكتلندا شهر 6 و 7 ، بارد ولا معتدل ؟؟

تقرير رائع ..

يعطيك العافيه عليه .. و الف سلامه للوالده ..

أشكركم على ردودكم الحلوة

المشاركة الأصلية كتبت بواسطة Basooma
http://www.arabtravelersforum.com/tr...5/#post3879555

الجو با سكتلندا شهر 6 و 7 ، بارد ولا معتدل ؟؟



هذا اللينك فيه معدل درجات الحرارة
http://en.wikipedia.org/wiki/Glasgow

تقريرك حلو وخفيف على القلب والله يخليلك الوالد والوالدة ويطول بعمرهم.........هل عندك تقرير عن تركيا ووين رحتوا هالسنة.......ولا اخذتوها راحة.