الموضوع: افيدوني عن هالفندق بريتشوني

الاخوه والاخوات ابغى رايكم بفندق Di La Ville بريتشوني
سعره 850 ريال سعودي ( 72 دينار كويتي)

عندي مجال اغيره ، مع اني دفعت الفلوس للمكتب

اللي عنده فندق افضل يقولللي الله يجزاه خير ، احس ان الفندق بعيد شوي عن البيتش

شكرا مقدمااااااااااااااااااااااااااا

مستر ماس

مواضيع عشوائيه ممكن تكون تعجبك اخترناها لك:

• شقق في روما
• أرجو المساعدة في إيجاد سكن بفينسيا
• أرجو المساعده من أهل الخبره فندق مناسب لشهر العسل في فينيسيا ؟؟
• عاجل لدى اقامه ايطاليه وعايزه اعادل شهادتى
• شوية إستفسارات تكفون أفيدوني
• فيزا الشنغن من سفارة ايطاليا من سبق واخذها
• المساعده العاجلة في شهر العسل بليييز
• انا بسافر ميلانو اخر شهر ولكن
• استفسار الرجاء الرد باسرع وقت
• من روما الى جاردا
• عندي استفسارات بسيطه
• بخصوص الدخول لمطارات ايطاليا الرجاء المساعده
• ارجو المساعدة على هذا الموضوع ضروري
• متابعة خط الرحلة رجاء
• بو طلال وينك يا بو طلال؟؟؟؟
• استفسار عاجل من روما الى زيلامسي؟؟؟
• هل تكفي صورة الجواز في الفوكس تاون والقاليري؟
• الفيزاااا الايطالية تكفووون
• رحلتي إلى إيطاليا في شهر ،، أرجوا المساعدة
• استفسار حول التنقلات

الفنادق في ريمني احلى من فنادق ريتشوني بس مادري ليش الناس كلهم ريتشوني

على كل حال انا رحت لريمني مرتين وكل مره بدون حجز وبطيخ امره الاولى لقيت حجز على طول

وكان فندق رائئع جدا عبارة عن شقه صغيره فيه مطبخ وصاله وغرفة نوم وكان سعره 75 يورو بس وكان على البحر على طول

بس المره الثانيه لقيته فل ورحت لفندق ثاني بس مو مثل الاول وسعره 80 يورو بس

انا احس ان مكاتب السياحه في الخليج نصابين

بس لاحد يروح وما يلقى فندق ويزعل علي هذي تجربتي وانتم احرار

والله تمووون ياايطالي شرقي :36_1_39:
حتى لو لقيناها مليانه برضو بندعي لكوحده خنفشاريه
بس والله مثلك عارف البزارين وصجتهمة ولجتهم الواحد وده يكون حاجز من اول وخالص عشان مايقععد يحوووس :sad1:
ومعاك حق في نظافة اوتيلات ريمني وانها احلى من ريتشوني بس وش تقول مخي جز؟؟؟ قديمه خخخخخخخخخ
الا اسكن فيها وتكون اخر شي شفته قبل لا انام:36_1_49:
وعشانها مليانه اوتيلاتها حلت في عيني وقلت اجل عناد اسكن فيها
وبرضو معاك حق في المكاتب ونصبهم بالنسبه لي مانحجز الا عن طريق الاوتيل نفسه ونكون شايفين عروضه في احد المواقع ونراسلهم واحيانا نكلمهم

والله ماقصرتوا ( جنيفين - ايطالي شرقي)

ابشروا بالهدايا ، بالنسبه لج اختي جنيفين راح تلقين هديتج بالريسبشن ههههههههه

لاني يوم 5 أوغست ( تشيك آوت ) طالع لجينف

بس اعتقد ان سعري اللي اخذته ممتاز (165 يورو) مقارنه بالسعر اللي قلتيه245 يورو

وموقع الفندق هل صحيح انه مو على شارع كاتشيروني ؟
اذا كلامج صحيح فعلا المكاتب نصابين

انا حجزت من مكتب سفريات بالكويت

بس شوفي موقع booking.com اكيد يفيدج

المشاركة الأصلية كتبت بواسطة Mr.Mas
http://www.arabtravelersforum.com/tr...7/#post1405497

انا حجزت من مكتب سفريات بالكويت

بس شوفي موقع booking.com اكيد يفيدج








معليش يامستر ماس بثقل عليك :106:
وبسالك مرره ثانيه هل انتم غرفتكم دبل روم ديلوكس مع الفطور وهل معاكم اطفال يعني حاسبين عليكم اسرة اطفال علشان اعرف اتفاهم معهم :36_6_7:
لاني بس ابي افهم واقولهم وش معنى مستر ماس تعطونه هالسعر واحنا لا ولا عشانه مستر ماس :kashkhah:
لان احنا من قلنا لهم ان احنا معانا اطفال طلع السعر فوق
والله يعطيك العافيه

الغرفه سلمج الله دبل روم ستاندار ( يعني سريرين ) مع الفطور
انا وصديقي
بس الظاهر ماخرب عليكم إلا قولت معانا اطفال . ليش؟
على العموم مايمنع انج تدورين على فندق ثاني ارخص

انا شوي واطلع لج حجز بس قولي لي فترة الإقامه هناك

الله يعطيك العافيه تعبتك معي :24:
انا راح اكون من 12 اوقست الى 15 اوقست في ريتشوني
بس احس اني بتعبك على الفاضي لاني تكسرت اصابعي على الكي بورد وانا ارسل اميلات وكلهم مليانه الغرف مالقيت الا دي لافيل اللي عطاني وجه
واللي مايرد علي اكلمه بالتليفون وبرضو فواتير على الفاضي :36_13_1:
ولما رجعت ارسلت اميل مره خامسه مدري عاشره قالو المبلغ الزياده حق سراير الاطفال مع اني اشك ان الغرفه بتكفي هالسراير الا اذا كانو مسويين لنا مفاجئه يوم قلت لهم انا من طرف مستر ماس وبيحطونا في سويت:109:

ههههههههههههههه بيحطونكم بسويت ،

اقول لاتقولين انك من طرفي ، ترى يحونكم مو بسويت بيحطونكم فوق السطوح

دخلت قبل شوي على booking.com ولقيت hotel Boemia سعره حلو 125 يورو لشخصين

احجزي فيه موقعه على البحر ولا تذكرين الاطفال لان الغرفه بتكفي اكيد

ولا خليك على فندق دي لافييل الفتره ماتسوى كلها 3 ايام

اذا بغيتي شي انا بالخدمه

تحياتي