الموضوع: خريطه

السلام عليكم
انا راح ازور الدوحه عن طريق البر يعني بالسيارة من الخبر بس الصراحه انا ودي بخريطه
للطريق مثل خريطه طريق حلاض والاحساء لمن يريد الذهاب الى دبي
واذا كان لايوجد خريطه عطوني اي وف واضح للطريق من الخبر الى الدوحة
شكراااااااااا

مواضيع عشوائيه ممكن تكون تعجبك اخترناها لك:

• ارجو المساعده
• تكفون المساعدة الله لا يهينكم بشأن أماكن سياحية فندق مطاعم لمدة أيام
• العيش والاستقرار في قطر هل هو ممكن ؟
• مطعم أبل بيز في فيلاجيو الدوحة
• شرايكم فيهم
• افضل سفريات
• ×× دليــــل الهــــاتف الشـــامـــل ××
• صور فندق روتانا دوحة
• جولة اليوم في الدوحـــة
• وش احسن خياط رجالي؟؟
• فنـدق الفور سيزون الدوحة بالصور
• الخطوط القطرية تتوج بخمس جوائز عالمية في معرض لندن للسفر
• تفصيل الثوب القطري؟؟؟
• محلات بيع الحلوى العمانيه في قطر
• سؤال للأخوان القطريين أرجوا الرد سريعا
• قانون الترانـزيـت بمطـار الدوحـه
• شقق في الدوحة
• أريد شقة أوفندق رخيص في الدوحة
• تكاسي الدوووحة
• استفسار اخواني الكرام بخصوص اجراءات العمل في قطر و طلب الشهادات للتحقيقات الجنائية

عليكم السلام ورحمة الله وبركاته


حياك الله بين أهلك وربعـك بالدوحه

والطريق اخوي واضح وسلس

تطلع من الخبـر على طـريـق الأحسـاء ومـن هنـاك تتبـع الأرشادات الى قطر

ومن تطلع من الاحساء تلاحظ لوحات قطر وعمان والامارات

انت لا تلف لا يمين ولا يسار على طول سيـده الى ماتدخل سلـوى الحدودي

وبعد سلوى ابو سمره حدود قطر وتدخل الدوحه

وهذي خريطة توضح الطريق

http://www.athagafy.com/maps/Fig-06.jpg

وان شـاء الله تستمتعـون بالدوحه

ولي نصيحه بعد خروجك من ابو سمره لاتسـرع لكثرة الرادارات وايضا الطريق تحت الانشاء وبها تحويلات

كثيرة
فالك طيب

مشكور اخوي الرايق ماقصرت والله

ممكن اخواني تقولون لي الاماكن السياحيه الي ممكن اروح لها ومواقعها اهم شي الموقع لاني لقيت
بالمنتدى اسماء للمولات ولكن لم اجد مواقعها يعني باي شارع وباي حي وانا مثل ماقلت لكم اول مرة لي بقطر وماادل فيها شي

المشاركة الأصلية كتبت بواسطة zaad2006
http://www.arabtravelersforum.com/tr...3/#post1861073

ممكن اخواني تقولون لي الاماكن السياحيه الي ممكن اروح لها ومواقعها اهم شي الموقع لاني لقيت
بالمنتدى اسماء للمولات ولكن لم اجد مواقعها يعني باي شارع وباي حي وانا مثل ماقلت لكم اول مرة لي بقطر وماادل فيها شي



مرحبا من جديد

الستي سنتـر وهو اكبر المجمعات بالدوحه يقع بنهاية الكورنيش بعد دوار فندق الشيراتون

ومجمـع اللاندمـارك بالقرب من جسـر الشمـال مابين منطقة الدفنه ومدينة خليفة الشمالية

ومجمعي حياة بلازا وفيلاجيو بمدينة الريان بالقرب من استاد خليفة الاولمبي (بجانب بعض)

ومجمع المول التجاري بمنطقة المطـار عند النادي الاهلي الرياضي

وهناك مجمع الاصمخ ورويال بلازا بمنطقة السـد

بالأضـافة الى سـوق واقـف الشـعـبـي الجميـل (بقلب المدينـة)

وأيـضـاً هنـاك أسـواق تجاريـة مث سـوق الجبـر (خلف سوق واقف) وبجانبة سوق الديرة

طبعا هالسوقين به بضائع جيدة خصوصا للنسـاء0

=============================

وبالنسبـة للأمـاكـن السيـاحـية هنـاك مكـان جميـل وهـو ساحلي ذات كثبـان رمليـة ناعمـة

تسمـى السيليـن بجنـوب مدينة الدوحه بمنـطقـه اسمهـا أمسعيـد وبهـا شاليهـات السيلين

تستطيع اخذ ليلة هنـاك والأستمتـاع بشـواطـئ السيليـن0

وأيـضـاً هنـاك مدينة الالعاب (الملاهـي) وهي مملكة علاء الديـن تقع بمنطقة الدفنة بالقرب من فندق

الأنتـركونتينتال مباشرة0

=============================

وفالك طيـب

المشاركة الأصلية كتبت بواسطة zaad2006
http://www.arabtravelersforum.com/tr...1/#post1862181

ماعليش نسيت احدد السعر بالريال يعتي 150 ريال او200ريال او 250ريال
وشكراااااااااااااا



هلا أخــوووي
بالعكس لا في أزعاج ولا شي
وانت تامر طال عمرك وأحنـا نـطـامر
بس أحب أنـوه لك أن الأسـعـار بالدووحه مولعة بصرااحه
لا من سكن ولا من غيـرة00!!
وبما أنـك حـدت الأسـعـار راح أذكر لك بعض الشقق الموجوده عندنا
ولكن لا أعلـم عنـه شيـئاً فلم أجربه سابقـاً

1/ لي ميراج ................. اربع نجوم
التليفون: 4440111
2/ جنة الخليج ..................... ثلاث نجوم
التليفون: 4322212

3/ الجزيرة للشقق الفندقية..................... ثلاث نجوم
التّليفون 4354222

4/ المنتزة بلازا..................... ثلاث نجوم
التّليفون 4355677

5/ الاجنحه الملكيه للشقق ..................... ثلاث نجوم
التّليفون : 4211333

6/ فندق رويال بلازا للشقق الفندقيه..................... ثلاث نجوم
التّليفون : 4425179

7/ برج ريجنسي للشقق المفروشه ..................... ثلاث نجوم
التّليفون : 4326244

8/ السراج للشقق الفندقيه ....................... نجمتين ( تم الافتتاح في سنة 2005 ) سعره في الايام العاديه 250 والاعياد 350 ريال قطري
التلفون: 4582809

وأن شـاء الله أفـدتـك

وأي خدمـة لايردك الا الكيبـورد

المشاركة الأصلية كتبت بواسطة zaad2006
http://www.arabtravelersforum.com/tr...7/#post1868607

مشكور اخوي على الشقق والارقام
بس عندي استفسار عن شقق السراج عندك فكرة عنها جيدة؟ووش رايك فيها مناسبه؟
وانشالله ابتصل عليهم واشوف الي يناسب
وشكرا مرة اخرى



ياهلا والله

بالنسبة لتجربة شخصية لشقق السرااج لم يحصب مع الأسـف

ولكـن

من اللي سمعته وشفته انه تمااام التمااام

http://www.arabtravelersforum.com/travel153828/

وشوف هالرابط بيفيدك اكثر

وفالك طيب