الموضوع: اهل الخبرة رايكم بخصوص الفلوس الله لا يهينكم

السلام عليكم ورحمة الله وبركاته
ان شاء الله الغالين بخير
حبايب قلبي ولا عليكم امر عندي استفسار الي هو بخصوص الفلوس وش رايكم اذا بغيت اسافر كم اخذ معي كاش
والشي الثاني بخصوص الفلوس الي في الحساب هل تنصحون اني اخليها بالعملة السعودية واسحب من هناك ويحسبون فرق العملة والا تنصحون اني احول العملة السعودية لدولار استرالي ثمن اودعها في حسابي الي في السعودية بالدولار الاسترالي وش الافضل
لا تحرمونا ارائكم الله لا يخلينا منكم ان شاء الله

مواضيع عشوائيه ممكن تكون تعجبك اخترناها لك:

• أستشارة عاجلة
• إلى الأخ وإلى جميع الأخوة
• الطقس في استراليا ؟
• اتمنى احد يفيدني يا اخواني
• وصلني هذا الايميل من السفاره ارجوا مساعدتي
• طالب مساعدة في سكن نيوكاسل
• •••´`••• رحـلة ــلــــان لسيدني أكتوبر •••´`•••
• سؤال عن ترتيب المدن
• الاتحاد للعطلات تطلق أول عروض ترويجية إلى ملبورن
• بشان بطاقات الصعود الى الطائرة
• اللي عايش باستراليا اوسبق وراح له لايبخل علينا
• رحلتنا لأستراليا تقرير مصور
• سؤال بخصوص ملبورن والرحلات
• المرشد المغني للكنغر الأسترالي
• أبحث عن كورس في
• الفنادق المجرّبة في أستراليا
• رحلة لاستراليا
• هام جدا التنظيمات الجديدة في البوابة الاسترالية
• ارجو المساعده بخصوص بريزبن
• حجز لخطوط ماليزيه اتمنى تاكيد الخبر

بصراحه انا قريبتي لمن راحت حولت فلوسها لدولار استرالي بعدين اوعتهم ,, اما بالنسبه للفروق والافضل ماادري انا قلت لك تجربه قريبتي وطبعا ارتاحت للحركه ,, وطبعا ماراح تخلى محفظتك من مبلغ بسيط للاحتياط لا سمح الله ,,
تمنياتي لك بسفرة موفقه بإذن الله ,,

شوف افضل شي انك تاخذ معك دولار امريكي (ما ادري ليش بس هي عقدة سفر من زمان)
والسعودي خله معك كاش.
بالنسبة لي انا اخذ الكاش معي لانه المحفظة في احتمال تضيع بس جيب البنطلون ما يضيع :109:

في فكرة يقولون انك تبدل السعودي ب يورو لانه الصرف افضل لكن ما ادري اسأل اهل الخبرة في العملات

ناس بتقول كاش كثير في جيبك مش زين وزع المبلغ بين محفظتين وبطاقة بنك

اهم شي في السفر وخاصة اللي على قد حاله ياخذ فيزا كارد احتياط وطوارئ وتكون في مكان ما تختفي او تنسرق
وين انت ادرى :114:

توكل على الله والشباب بيزيدونك

جزاكم الله الف خير وننتظر باقي الاراء والمقترحات

اذا سياحه
بالضبط مثل اوربا وامريكا ..
هو اهم شي تصرف بالسعوديه او دبي مبلغ بسيط يكون معك
وتاكد كم استراليا ممكن تدخل كاش ..
ممكن تاخذها شيكات سياحيه ..

وترى يختلف من بنك لبنك وكل واحد وتجربته وما اتوقع فيه شي احسن من شي ..فيه حلول كثير
يا تصرفها بدبي ..
يا شيكات سياحيه ..
يا فيزا ..

واذا دراسه طبعا موضوع مختلف ..
وبالتوفيق

مساء الخير اخوي
اي سفرة لازم يكون معاك كاش ومعاك بطاقة فيزاء او مستر كارد
بالنسبه للعمله الدولار والريال الثنين طايحين ورايحين في خرايطه يعني ماعندك مشكله
بالنسبه لي حولت لدولار امريكي وبدلته هناك باستراليا بس الاستخدام الكبير بيكون بالبطاقة لن حتى التكاسي تحاسبهم اذا تبي بالبطاقة
الافضل وزع حساباتك زي ماتبي بس البطاقة اكثر امان واريح لك من الكاش وانا اقول امسك العصاء من النص

ونصيحة اخوك في السفر لازم تاحذ احتياطي اكثر يعني لو فرضنا مصروفك بيكلف 20الف خلهم 27الف الواحد مايعرف وش الظروف وهم بالاخير لك وبيرجعون معاك

مشكوررررررررررين كلكم
ولكن اختي ام عموري واخوي mssad top ما فهمتو وش انا اقصد
انا الي اقصده اني قبل لا اسافر الى استراليا مثلا يصير في حسابي 20 الف ريال سعودي انا اقول وش رايكم لو حولت ال 20 الف ريال سعودي الى دولار استرالي يعني يصير حسابي الي في السعودية بدل الريال السعودي دولار استرالي هذا الي انا اقصد
ارائكم واقتراحاتكم

طبعا الرحلة سياحة مهيب دراسة

للرفع لحقين الخبرات :

ولعن ابو بليسكم سؤال ما يبي له اختراع طيارة وراكم علينا يا كافي ردو عطونا العلم

عزيزي الغالي ليه تتعب نفسك اخذ الفيزا او المستر كارد ومجرد استخدامها تتحول العمله باللي تبي
يعني مايحتاج تحول مجرد خذ لك في ايدك الفين دولار امريكي او استرالي وخل شغلك على الفيزا

هي فكرة حلوة بس مشكلة ما ودك تشيل معك كاش كثير يعني مفكر اخذ معي كاش 500 دولار استرالي وعلى شان كذا سالت السؤال هذا

عزيزي انا راجع من استراليا في شهر نوفمبر الي فات وانصحك بالي انا جربته :-

1- لاتاخذ معك اي دولارات امريكية في اغلب الاحيان مايستقبولنها ولا يفضلونها هناك وخاصة المناطق البعيدة
2- خذ معك صرف دولار استراليا بحدود 200 دولار للحالات الطارئة
3- لاتحول فلوسك للدولار ابدا خلها ريال مثل ماهي
4- اعتمد في كل شي على الفيزا مثل ماذكرو الاخوان ومتوفره في التكاسي والمطاعم ماك وغيرها
5-لا تحاول تصرف كاش من الصرافات هناك لان كل عملية صرف محسوب عليها ضريبة دولية تقريبا 25 ريال
6- اذا كانت رحلتك تتضمن مناطق سياحية مثل جزر والجبال واماكن بعيدة اسحب مبلغ بحدود المعقول واحرص مايكون كثير ولاتشيلة كله معك خذ منه الي يكفيك
7- لاترجع السعودية ومعك الدولار المعدني ابدا لانه لو جمعته بيوصلك بحدود 100 الى 200 ريال ولا راح تلقى احد يصرفة لك سواء هنا او في دبي

شكلي تاخرت بالرد ولكن اذا لحقت علية الحمدلله واذا مالحقت الاخوان يستفيدون منه ان شاء الله

جزاك الله الف خير يا اخوي وما قصرت ومشكوررررر