الموعد قرب ياخبراء استراليا ارجو المساعدة بسررررررعة؟؟

**ahmed3** · 01-20-2015, 04:43 AM

اخواني اشكركم على مساعدتكم لي وانا الحمدللة بفضلكم وصلت الى مراحل طيبة من المعلومات
تقريبا قربت اخلص حجوزاتي لاستراليا لكن هناك ما يحيرني وهو الفنادق
ساسرد عليكم الخطة الاخيرة وفضلا ولاعليكم امر انقذوني باقتراحاتكم لاتفشلونياناعريس

مواضيع عشوائيه ممكن تكون تعجبك اخترناها لك:

**ahmed1** · 01-20-2015, 04:43 AM

[align=center]

حياك الله أخوي دحومي والف مبروك يا عريس والله يهنيك

بالنسبة لفندق سيدني انتركونتيننتال له اكثر من طله فهناك غرف تطل جهة حديقة رويال باتونك , وهناك غرف تطل جهة الاوبرا و جسر الهاربر و هو قريب من وسط المدينة والاسواق ..و ان كان بعيد عن الدارلنغ هاربر شوي و الاقرب للهاربر هم فندقي النوفوتيل , والستار ستي ,
لكن تستطيعون الوصول للدارلنغ بواسطة المترو فمحطاته بكل مكان او تمشون ان كنتوا من هواة المشي خصوصا انكم بعدكم شباب ما شاء الله فراح تعبرون الجسر الي حيث الدارلنغ و الرده تكون بالمترو ..

بالنسبة لجولد كوست شقق الكراون ممتازه حسب ما سمعت عنها وكنا ناوين نحجز فيهم كما سبق وقلت لك اخوي دحومي لكنه كان فل . و لما شفناه على الواقع اكتشفنا انه بعيد شوي عن السيرفر برادايس مو وايد يعني مكن مشي اما و الاقرب للسيرفر هو فندق شيفرون رينيسانس ( فندق جديد وحلو موقع و مستوي ان بغيت السيرفر والا بغيت البحر كلهم قراب ) و ان كان عيبه هو ان التنظيف للشقق اسبوعي لانه لسه جديد و ما فيه خدمة حمل الشنط بعد ,

وهناك فندق جولد كوست انترناشيونال ( بقلب السيرفر ) وان بغيت فندق يطل على البحر مباشره عندك شيراتون ميراج , إي إن إي جولد كوست , ماريوت سيرفر .
وهناك ايضا أكثر من فندق أمامي بالخريطه إن حبيت أفيدك فيهم .

بالنسبة للتسوق انا شفت ملبورن والله فيها اسواق ومش بطاله و ان كانت سيدني اكبر بحجم الاسواق علشان جذيه خليناها آخر شي ..
تري اسواقهم تسكر بدري خصوصا ملبورن ..

لكن عفوا ممكن تكون هداياكم من محطة الترانزيت الي اخترتوها خصوصا اذا كانت تايلند مثلا و لتقتصر مشترواتكم من استراليا للغالين عليكم جدا .

تحياتي .............[/align]

**ahmedgaper** · 01-20-2015, 04:44 AM

اشكرك جدا جدا اختي الغالية الباحثة ومعروفك هذا لن انساه
قليل عليك كلمة شكر واحدة
عفوا اختي بس عندي استفسار ؟
بالنسبة للاسواق في ملبورن احسن من سيدني الاسعار والبضاعة ؟
-في تايلد يتطلب فيزا وهذا امر لم استعد له ! لذلك التسوق سيكون من ملبورن ؟مارايك هل هي مناسبة ؟اوماذا تقترحين من مدن استراليا؟

-هل افهم من كلامك ان التسوق مكلف او غير مناسب من اوستراليا؟
اسف على الاطالة لكن ربما الوقت بدا يداهمني......

**ahmedali** · 01-20-2015, 04:44 AM

[align=center]

حياك الله أخي دحومي وتسلم و لا شكر على واجب فهذا حق الإخوة و ما فيه معروف بين الاخوان و اعضائنا يستاهلون كل خير ...

و بالنسبة لأسواق أستراليا هي نفس أسواقنا بالضبط فيها الغالي وفيها الرخيص لا وعندهم محلات بو دولار و عشره دولار يعني مو بو بس إحنا الي عندنا

المهم أنا شفت أسواق سيدني و حسب ما لاحظت انها أكبر و اكثر تنوع و المجمعات اكثر و الملابس الماركات عندهم اسعارهم أرخص من عندنا خصوصا الملابس الرجالي ..

و ملبورن أيضا عندهم سوق لكن محصور بشارع واحد أو شارعين و يمكن لأنه وقتنا فيها كان قصير وما مدانا نخذ فكره أكبر ..
و عندهم وجود البضاعه الصينية قوي ..

و الي قصدته بما يخص تايلند لأن أسواقها طبعا أكثر تنوع و أرخص خصوصا بالأمور الي تبحث عنها النساء للهدايا و لأني ما حبيتك تكثر وزن لكن بما إنكم ما راح تمرون على تايلند أو إحدي دول شرق آسيا فعندكم هالمدينتين و إختارو الي يعجبكم من أسواقهم ... و عليكم بالعافيه ..

بس على فكره انتبه لمسألة التاكس فري فبعض المحلات الي تشتري منها بأكثر من 300 دولار يعطونك ورقه تسلمها لمكتب الجمارك بالمطار , بعض المشتروات يرجعون لك نسبة من سعرها تحول على حسابك بالبنك و البعض مجرد إنك تعطي الجمارك الورقه للتصريح لك بالمغادره بالبضاعه ( وهالشغله الصراحه تعبتنا ) لأني كنت شاريه أغراض وايد و إضطرينا نشيلهم بإيدينا عند مغادرة أستراليا لانه لازم يشوفونهم ..

تحياتي ...........[/align]