الموضوع: محتاجة مساعدتكم شهر عسل بالقاهرة

السلام عليكم ورحمة الله وبركاته انشاء الله انا بتجوز الخميس 2-7-2009 ومحتاجة بعض مساعدتكم معايا صراحة محتاجة شقة مفروشة علي النيل يعني من يوم 2-7-2009 الي 5-7-2009 بعد الفرح تكون 3 ليال بعد الفرح او فندق علي النيل 3 ليال مع افطار لو امكن ويكون سعره معقول يعني صراحه قالولي شبرد او جراند حياه حلويين وعلي النيل واسعارهم كويسه مش غاليه اوي بالنسبة لو حبيبت احجز احجز امتي قبلها باد ايه يعني مع العلم اني مصريه انا وجوزي بس احنا الاتنين خارج القاهرة بنشتغل بره يعني احجز من النت ولا اروح بنفسي الفندق واحجز ؟؟؟

وصراحه احنا كنا حابيين نسافر برا تركيا او تايلند بس صراحه قالوالي غاليه اوي واحنا كل اللي معانا ممكن يبقي من 12 الف جنيه مصري الي 15 الف جنيه قالولي ممكن احصل عروض في مكاتب سياحه في وسط البلد الباكتج الكامله دي اسبوع مثلا في تايلند او تركيا الفرد بي 4000 او 5000 مع السكن والاكل والطايرة والمواصلات الداخليه هل فعلا الكلام ده صحيح ولا لا ؟؟؟؟؟


طبعا انتوا هتقولوا هيا داخله البوابه المصرية تسال عن عروض تايلند و تركيا من مصر لاني صراحه دخلت البوابة استفسارات تايلند وطلبت المساعده بعمل براجرم علي قد الامكانياتنا المتاحة صراحه محدش ساعدني فا انا قولت اسالكم اهل بلدي ويمكن تساعدوني سواء في عروض تايلند وتركيا من مصر او شهر عسلي في مصر وهل احد يعرف اسم شركات الواحد لو اخد منها العروض دي يبقي مطمن ولا لا ؟؟؟

وصراحة لو مفيش حل للسفر بره هنقضي شهر العسل في القاهرة نعمل جولة مختارة ما بين (مرسي علم(قالولي عن فندق هناك مينا هاوس اوبري في منطقة اسمها سهل حشيش بس دخلت علي موقعه علي النت غالي اوي وباليورور - بورت مارينا ومعرفش طريقه حجزها منين - الاقصر واسوان بالباخرة معرفش تفاصيل عنها بتطلع منين تكلفني اد ايه - العين السخنة - طابا - دهب -الغردقة (الجونة) وصراحة انا عجبتني كتير واول مرة اسمع عنها واتفرجت علي تقرير الاخت رسامة مصرية قمة في الجمال - شرم الشيخ مع العلم ان احنا سافرنا شرم الشيخ قبل كده ) فصراحة انا عايزاكم تساعدوني اي مابين اخيتار كام مدينة من دول وتكون كل واحده تقريبا من 4 الي 5 ايام نعمل حساب السفر والتعب وان احنا عرسان جداد وكمان تكون اماكن هادية ورمانسية وعلي البحر ونبسط فيها يعني متبقاش زحمه اوي انا عارفه اني بطلب المستحيل في موضوع الزحمة لاني هتجوز في الصيف وده موسم الزحمة وكمان من ناحيه الجو الطقس يعني انا كنت بسال ناس قالولي بلاش الاقصر واسوان حر اوي وهتتعبي فايه رايكم معايا احنا معانا عربية بس مش حبين نسافر بالعربية لانه تعب سواقة فنفضل نطلع بالطيران الداخلي وهل 12 او 15 الف يودونا فيين وفيين ؟؟؟؟؟



منتظره ردودكم واقتراحاتكم عليا واسفه طولت عليكم

مواضيع عشوائيه ممكن تكون تعجبك اخترناها لك:

• أرجوااااا المساعده من أهل وخبراااااااء مصر
• اول مره اسافر مصر دلونيالشايبامير مصرشاب مصري
• شارع الخليفة المأمون القاهره بالصور
• استفسار من الكرام
• رسامة مصرية فى بيانكى العجمى والساحل الشمالى بالأسكندرية
• استفسار طالب دراسات عليا
• استفسار من اهل الخبره عن شاليهات الاسكندرية؟؟
• اخوكم بحاجة مساعدة عاجلة
• الخارجية تنصح المسافرين بالتزام الصمت حين التحقيق معهم
• عااجل شراء تذكرة الكترونية من مصر للطيران
• التفتيش في الحقائب
• كيف الخطوط المصريه
• ارجو الرد سريعا مــدى صلاحــية شريــحة اتــصالات
• شهر عسل في شرم الشيخ ارجوا المساعدة
• تجربتي مع فندق كونراد في القاهرة الشهر الماضي بالصور
• فندق فلامنكو بالزمالك
• السيما اخبارها كيف
• زائر جديد واستفسار بسيط
• مساعدة
• السينابون

ألف مبروك بنت بلدى وبأذن الله تتزوجين وتقضين أحلى الأوقات فى مصر
عن الأقامة فى مصر أجمل لكى أن تقضى يوم فى أى فندق بجوار المطار مثل فندق السلام كونكورد فى مصر الجديدة ثم تذهبون باكر لشرم الشيخ وتبدؤن رحلة شهر العسل .....
حبيبتى المبلغ الذى حددتموة يكفى للسفر وبما أنك مصرية ستأخذين الأسعار من الفنادق مناسبة لكى ولزوجك وللمبلغ الذى حددتموة لأنكى مصرية والأسعار للمصريين بالجنية المصرى وليست باليورو ولا الدولار .....
فأنا ذهبت لشرم الشيخ فى شهر العسل وكل التكلفة كانت 7000 ألاف جنية فقط وسعدنا جداص وقضينا أسبوع رائع
أنصحك بعدم تشتتيت نفسك فى أماكن كثيرة وأيضاً أنصحك بأختيار أماكن جميلة ورومانسية
من الممكن فى هذا الوقت من السنة وهو شهر 7 أن تختارى أماكن جميلة فى مصر مثل شرم الشيخ + الجونة ( الغردقة )
شرم الشيخ أنصحك بأختيار فندق نوفوتيل بيتش شرم الشيخ وهو رائع وأسعار جيدة وغرفة جميلة جداً والحجز يكون عن طريق أى أحد من أقاربك فى مصر يذهب لفندق نوفوتيل فى القاهرة ويدقع جزء من المبلغ ويؤكد لكى الحجز أو تحجزين أنتى فى الفندق عن طريق الأنترنت .....وتستمتعين بقضاء المدة التى تحبينها وعدد الأيام الذى تختارينة فى أجمل مدن العالم شرم الشيخ ......
ثم التوجة بعد ذلك إلى الغردقة عن طريق العبارة والطريق إلى الغردقة بالعبارة لا يستغرق سوى ساعة واحدة فقط وتستطيعين أخذ تاكسى من الغردقة للجونة والمسافة تبعد حوالى 30 كم فقط وتنزلين فى أحدى الفنادق الجميلة فى الجونة ومنها موفينبيك أو أحدى الفنادق الرائعة المطلة على المارينا وللعلم أسعارها ليس مغالى بها فأنا نزلت فى فندق موفينبيك بحدود 600 جنية وأيضاً أقمت فى فندق على باشا فى شهر 8 وكان الحجز بمبلغ 350 جنية مصرى لا غير بالأفطار وتقضون أحلى الأوقات فى الجونة ... وتستطيعين الحجز بالتليفون فى أحد الفنادق فالحجز سهل جداً عن طريق التليفون ولكن يجب أعطاؤهم كافة البيانات عن زوجك وعنكى وتتصلين قبلها بمدة ......
وأنتى فى الجونة من الممكن أن تذهبين يوماً للغردقة وتقضين فيها بعض الوقت أو تذهبين لمكادى باى أو سوما باى وتستمتعين فيهم فكلهم قريبون من بعض وهذة بعض معلومات عن مكادى باى وسوما باى
مكادي باي:
يقع مكادي باي جنوب مدينة الغردقة بحوالي 30 كم، وأيضا يعد هذا الخليج من الأماكن السياحية المتكاملة والتى قد نشأت في الآونة الأخيرة. وقد تم بناء مكادي باي على خليج مائي ذو طبيعة رومانسية ويضم الآن 15 منتجعاً سياحياً. وللحصول على استقلالها من ناحية العملية التسويقية عن مدينة الغردقة ولتسهيل استمتاع زائريها بجو التنزه ورؤية الجديد فقد قامت بإنشاء ما يشبه المدينة الصغيرة لكي يستطيع الزائر القيام ببعض عمليات التسوق، فهناك بعض محلات العاديات السياحية وفرع لبنك و كافاتيريا شرقية وأجزخانة. ومن العناصر السياحية المهمة والتى يتميز بها خليج مكادي هي وجود ممشى بطول البحر مارا بالعديد من الفنادق وأيضا العديد من الشعاب المرجانية والتى تعتبر قريبة جدا من الشاطئ.

سوما باي:
يقع سوما باي على بعد 45 كيلو جنوب مدينة الغردقة وتم بناءة على شبة جزيرة بمساحة 10 مليون متر مربع. وتمتلك تلك المنطقة أربع منتجعات سياحية وملعب جولف يتميز بأن تخطيطه قد تم عملة من أشر لاعبي الجولف في العالم وهو جارى بلاير والملعب به 18 فتحة. ويتميز هذا المكان بوجود الرمال السوداء الغنية بالمواد المشعة الغير ضارة وعلى رأسها مادة اليورانيوم بكميات قليلة وتستخدم لعلاج الأمراض الجلدية ولذلك تم بناء مركز للجمال والعلاج بالمياه. ولمحبي رياضة سباحة الطفو فهناك بالقرب من الشاطئ العديد من الشعاب المرجانية الغاية في الجمال.
حبيبتى لا تقلقى أنا معكى خطوة بخطوة حتى تنتهين من الإعداد لسفرك وتجهيزك لة
وبالتأكيد لا أنصحك بالسفر إلى الأقصر وأسوان فى هذة الفترة حيث يكون الطقس حار جداً ولن تستمتعين ....
أجعلى وجهتك للأماكن الساحلية .......
وتستطيعن السفر بالطيران إلى شرم الشيخ مباشرة بالطائرة والطيران الجديد أكسبريس أسعارة مناسبة .....

الله يبارك فيكي بجد انا مبسوطة بيكي جدا لانك رديتي عليا وكنت متاكده انك هتساعديني متشكرة اوي يا رسامه وربنا يخليكي لبنات بلدك بس صراحة انا جوزي نفسه في فندق علي النيل اول 3 ليالي او شقة مفروشة علي النيل ومش عايز يسافر علي طول ومن يوم 5-7-2009 صباحا نبتدي السفر وهو عايز لو نروح شرم نخليها اخر حاجة لان احنا رحناها قبل كده انتي ايه رايك ابدا من مرسي علم ولا بورت مارينا ولا الجونة صراحة احنا مرحنهمش قبل كده خالص

تسلمى حبيبتى
طيب فندق على النيل اية رأيك فى فندق كونراد أرى أنة فندق جميل وأطلالتة رائعة على النيل وهادىء جداَ
وعندك سوفيتل الجزيرة وجراند حياة بس هيخربوا الميزانية شوية بس مش مهم المهم أنك تنبسطوا
أما عن مرسى علم وأنك تبتدى بيها منصحكيش لأن مرسى علم جوها نار فى الوقت دة أحسن وقت ليها فى شهر3 ، 4 ، 5 وأيضاً شهر 10 ،11
أنصحك فعلاً ببورتو مارينا أو تأجير شالية فى مارينا نفسها وهتلاقى شقق وشاليهات جميلة هناك لأن فندق بورتو مارينا وأوشن فيو فى مارينا غاليين جداً فى الوقت دة اللى هو شهر 7
وهتلاقى الأعلانات فى جريدة الوسيط بتبقى كثير جداً وأنتوا هتحتاجوا شالية صغير جداً لأنكم أثنين بس وفى شاليهات روعة ولما تحتاجوا تروحوا بورتو مارينا روحوا زى ما أنتوا عايزين ....
وبعد كدة أنصحك بالجونة فهى رائعة جداً بمعنى الكلمة .....
ثم شرم الشيخ .....

اولا الف مبروك مقدما و لازم نتعزم على الفرح قبل ما نقدم اى مساعدة لول

بالنسبة للفنادق في مصر بشكل عام فلا تحتاجي الذهاب الى الفندق للحجز اذا لديك او لدي زوجك فيزا لتأكيد الحجز
فقط الاتصال بالفندق و يوجد اسعار خاصة للمصريين كما يمكنك السؤال في المكاتب السياحية و مقارنة الاسعار مع اختيار انسب الطرق سعرا
و الاسعار في منطقة البحر الأحمر شرم و الغردقة رائعة جدا في الصيف, فندق الريتز كارلتون شرم سعر الغرفة المطلة على البحر في الصيف 600 لليوم جنيه شامل الضرائب و الفطار و هو من افضل الفنادق هناك

بالنسبة للسفر بالخارج فلا اعرف حقيقة اسعار باكج لتايلاند لكن البلد نفسها رخيصة فسخ و خلافه
تركيا كنت سأسافر لها في اجازة سابقة, و كانت عروض شركات السياحة تبدأ من الفين جنيه للفرد في فندق ثلاث نجوم الى 5 الاف لفندق ميرمار خمس نجوم لمدة اسبوع شاملة الطيران (يضاف 600 جنيه للفرد فيزا و ضرائب)

شوفي شركات سياحية مثل توماس كوك او ترافيكو فهم الاشهر للسفرات بالخارج و اطلعي على عروضهم و احسبيها, لكن احذري من السفر بميزانية مضغوطة لشهر العسل, بعد كده ممكن عادي لول

طيب مرسي كتير علي مروركم و مساعدتكم ليا بس كنت عايزة اسال يعني الفندق علي النيل زي جراند حياه او كونراد او سوفتيل الجزيرة الفترة دي تكلفنا ادي ايه الليلة مع الافطار مع العلم انهم 3 ليالي صراحه انا عايزة اعمل حسابي علي كل التكاليف واحسبها كويس علشان انتوا عارفيين ده شهر عسل ولازم كل حاجة تبقي معمول حسابها طيب لو قولنا فعلا زي ما رسامه بتقترح وفعلا احسن وارخص ان اناأجر في مارينا شالية او شقة علي البحر تقريبا تقريبا يعني توصل كام باليوم لو قولنا 5 ليالي هناك طبعا انا عارفه ان الاسئلة كتيره عليكي يا رسامه وبتعبك معايا بس والله من عشمي فيكي يعني مثلا من 500 لي 1000 جنيه في الليلة اكيد انتي فهماني كويس لان شهر العسل لازم تبقي عامله حسابك علي الصغيرة قبل الكبيرة ولو قولنا الجونة 5 ليالي كمان تكلفنا اد ايه وانا هوصل القاهرة قبل الفرح بشهر هل احجز اول ما اوصل في شهر 6 ولا احجز قبلها ولا ايه رايكم والسعر يكون اقل لاني انا عارفه الصيف ومش عايزة افاجا بمفاجات الاسعار والزيادة وبالتالي هبقي مضطرة هدفع هدفع لاني محتاجهم ورسامه صحيح مقولتليش ايه رايك في موضوع الباكتج لتايلند او تركيا صراحه نفسي اروح اي واحده فيهم ياريت لو تساعديني فيهم وارجع مثلا علي مارينا او الجونة :114: طماعه انا ها بس والله الغربة انتي عارفه هما شهرين فرح وشهر عسل وبعديين نرجع نسافر تاني فايه رايك

بصى يا حبيبتى
أنا شايفة أنك لازمى تحجزى قبلها ب3 شهور مثلاً عشان الزحمة وتكونى مجهزة نفسك
أنا هسألك فى الوقت دة للمصريين هيبقى جراند حياه او كونراد او سوفتيل الجزيرة الأقامة بكام
ونجى دلوقتى لمارينا أنا أجرت فى شهر 7 الماضى شالية رائع دور ثانى فى مارينا ب700 جنية فى اليوم فى أخر بوابة لمارينا عند الجامع اللى مأذنتة باللون الذهبى والشالية كان يجنن جداً وكان 3 غرف وريسبشن ومطبخ مفتوح على الريسبشن وكلة مودرن وكان نظيف للغاية ولكن رقم صاحبة الشقة ليس معى فقد فقدتة .... ولكن ممكن مارينا تحجزى لما تجى مصر عن طريق جريدة الوسيط بيبقى فيها أعلانات كثيرة جداً عن شاليهات فى مارينا ....
أما الجونة فمن الممكن تحجزى فى موفينبيك الجونة وهيكون اليوم فى شهر 7 فى حدود 800 جنية ولكن أنا حجزت فى على باشا زى ما قولت لك فى شهر 8 فى ثانى مرة روحت للجونة بحوالى 350 جنية بالأفطار وبصراحة الفندق جميل ولكن يعيبة عدم وجود النشاطات الجميلة الموجودة فى موفينبيك الجونة وللكن أحلى ما فية أن تشاهدين المارينا فى الليل وتكون رائعة أو تقيمين فى فندق أوشن فيو ....
وهذا موقع الجونة وستجدين كل الفنادق
http://www.elgouna.com/BrowseSection...nID=11&Lang=en
وتستطيعين الحجز فى موفينبيك أو شيراتون ميرامار أو أوشن فيو أو على باشا فهى أفضل الفنادق هناك وأحذرى من ريحانة فهو فندق سىء للغاية .
أو من الممكن أن تحجزى شقة فى الجونة تطل على المارنيا أو ملاعب الجولف وستجدين فى موضع مشرفنا للقدير مشرفنا مهند صور لشقة أجرها فى الجونة وكانت بمبلغ 500 جنية فى اليوم وكانت رائعة وهذا هو الرابط
http://www.arabtravelersforum.com/travel196021/

وهذا هو شكل المكتب الذى تم التأجير منة وهى من صور مشرفنا مهند



وكما قال مشرفنا مهند
وهو تابع لإدارة الجونه .. والأسعار عنده لا فصال فيها ولا تلاعب أبداً
وأي تأجير للشقق يتم من هناك
وهذا تليفون فرع المكتب بالقاهرة : 0020224616173
أما تليفون صاحب المكتب في الجونه : 0127447303 ( أستاذ نادي )
وهو يبدأ العمل من الساعة 11 ظهراً إلى ساعة متأخرة من الليل

وأتمنى أن تتصفحى المضووع جيداً لتعرفى أشياء جميلة عن الجونة

مرسي يا حبيبتي ومنحرمش منك بس عايزة اسالك سؤال انتي ليه مش عايزة تتكلمي معايه علي موضوع السفر تركيا وتايلند من مصر هل ممنوع في البوابة المصرية قولي لاني جديده ومعرفش صراحه ولا انتي متعرفيش معلومات عن موضوع السفر لتايلند او تركيا من القاهرة وايه المكاتب السياحة اللي الواحد ممكن يثق فيها ويحجز عن طريقها في مصر

الله يبارك فيك يا استاذ مودي قولي ازاي اوصل لعنوان المكاتب السياحية اللي ذكرتها موقعها علي النت وارقام تليفوناتها بالقاهرة وعنوان الشركة

حبيبتى ممنوع وضع أسماء شركات سياحية أو طلب أرقام تليفوناتها حتى لا تكون دعاية فى المنتدى وهذا من قوانين المنتدى
أما عن موضوع السفر لتركيا وتايلند فالشركات التى وضعها أخينا جيدة وتستطيعن الحصول على أرقام تليفوناتها من الدليل وتتصلين بـ 140 وأيضاً هناك مواقع لها على النت عن طريق جوجل تستطيعين البحث عنها

مرسي يا رسامه علي ردودك ومساعدتك ليا اوكي حبيبتي انا بردوا بدور معاكي وصراحة الكلام اللي كتبتيه عن الجونه تجنن وشكل الشقة اللي كان ماجرها الاخ مهند صراحه هايله وانشاء الله يكون لينا نصيب ونزورها بتوجيهاتك طبعا اكيد

العفو حبيبتى
المهم تقضى أحلى شهر عسل ويكون مرتب ومنظم
وألف مبروك وطمنينا أول بأول عملتى اية

أكيد حبيبتي انتي معايا اول بأول وانشاء الله هيطلع شهر العسل حلو:24: بمساعدتك ليا وصراحه كمان جوزي عجبته اوي الجونة طبعا انا مكنتش اعرف عنها حاجة بس كله بتوجيهاتك ليا ونصايحك وانشء الله هنبتدي من هناك :surf

رسامة انتي فيين كل سنة وانتي طيبه ويارب تكوني قضيتي العيد وانبسطتي معلش جات متاخرة وأنا بدخل أدور علي مواضيعك ورودوك بس حسيتك مختفيه قولت يمكن العيد ومشغولة بالعيد والشغل عموما عيد سعيد يارب عليكي انتي وعالتك انا انشاء الله جايه مصر علشان احجز للفرح و خليت شهر العسل علي جنب ومستنيه احجز للفرح واشوف هعمل ايه في شهر العسل وياتري بقي اخبار اسعار الافراح ايه في مصر انا صراحه بدور علي دار شيك ومحترم و عدد 180 فرد وهما بيدوا 20 فرد زيادة يعني هيبقوا 200 فرد حلويين اوي يعني من ال 20 الف جنيه لي ال25 جنيه بالكتير تفتكري اشوف فين؟؟؟؟ ياريت لو في طريقة اعرف اكلمك علي الخاص او حاجة مفيش انا دورت في المنتدي اني ابعتللك رساله خاصه معرفتش لو في طريقة قوليلي يمكن انا مش عارفها؟؟؟؟؟

رسامة انتي فيين كل سنة وانتي طيبه ويارب تكوني قضيتي العيد وانبسطتي معلش جات متاخرة وأنا بدخل أدور علي مواضيعك ورودوك بس حسيتك مختفيه قولت يمكن العيد ومشغولة بالعيد والشغل عموما عيد سعيد يارب عليكي انتي وعالتك انا انشاء الله جايه مصر علشان احجز للفرح و خليت شهر العسل علي جنب ومستنيه احجز للفرح واشوف هعمل ايه في شهر العسل وياتري بقي اخبار اسعار الافراح ايه في مصر انا صراحه بدور علي دار شيك ومحترم و عدد 180 فرد وهما بيدوا 20 فرد زيادة يعني هيبقوا 200 فرد حلويين اوي يعني من ال 20 الف جنيه لي ال25 جنيه بالكتير تفتكري اشوف فين؟؟؟؟ ياريت لو في طريقة اعرف اكلمك علي الخاص او حاجة مفيش انا دورت في المنتدي اني ابعتللك رساله خاصه معرفتش لو في طريقة قوليلي يمكن انا مش عارفها؟؟؟؟؟

أزيك يارسامة ومتشكرة علي ردك ومساعدتك ليا صراحة لا رسامه أنا امكانياتي مش فندق صراحه و لا حتي دار الدفاع الجوي الاوركيد لانها غالي اوي وبتتفتح من عدد 300 وانا كل اللي عندي شخص200 يا تري اي تفاصيل القاعه اللي تبع الجيش فندق الماسة دي اللي في طريق النصر ياريت لو تفيدني فيها لان حمايا اساسا عقيد في الجيش سلاح الاشارة بس متقاعد فاكيد ليا خصم علشان ابنه لان صراحه احنا حاطيين حدود للفرح من 20 لي 25 او 30 الف جنيه بالمصري بالكتير اوي بس كل ما نوفر انا اللي هستفيد في شهر العسل بس يا الله دي ليله العمر ياريت لو تفيديني

مساء الخير ازيك يا رسامة عاملة ايه يارب تكوني بخير انا سمعت ان انهردا في القاهرة او يوم رسمي في فصل الشتاء كل سنة وانتي طيبة والله يا رسامة انا فعلا عجبتني قاعة هناك اسمها القاعة الذهبية وهيا احسن قاعة واكبرهم بس بيني وبينك الواحد لازم يدور عن اكتر من مكان ويقارن أنا كنت عاملة الشبكة في دار الهيئة الهندسية بصلاح سالم في القاعة الخضراء وفي كمان حلو نادي الحرس الجمهوري انشاء الله انا بدور وأشوف ايه اخبار الاسعار وايه احلي الحاجات المقاربة للميزانية انتي عملتي فرحك فيين ؟؟؟

انا عملت فرحى فى فندق السلام كونكورد وهو اللى عملت فية خطوبتى كمان
بحب الفندق دة جداً لأنة رائع
وبصراحة كان أهم حاجة أعملة فى مكان جميل ومش مهم العدد عشان كدة أختصرت العدد لـ 120 فرد وعملت الفرح زى ما كنت بحلم وأحلى كمان
وفعلاً النهاردة برد جداً من ساعة ما رجعت من الشغل شغلت المكيف على الدافىء وطبعاً معاة قطعة تشيز كيك رائعة من عمايل ايدى وحياة عينى
أقولك على حاجة لو تختصرى العدد شوية ممكن تعملى الفرح فى فندق وبصراحة السلام كونكورد يجنن لأنى كان أول حاجة عاوزاها أنى أنزل على سلم جميل مزين بالورود والنجوم والإضاءة ودة اتوفر فى فندق السلام عشان سلمة رائع وغير كدة قاعاتة تجنن وراقية جداً
بأذن الله يكون فرحك من أجمل الأفراح وتكونى أحلى عروسة

هههههههههههههههه لالا بتهرجي علي فكرة ده نفس حلمي اني انزل من علي السلم بالزفة وبابكي مأنجيجياك كده ويسلمك للعريس تحفه بجد انا امبارح كنت هكتبهالك وبعديين قولت لحسن تقولي ايه الحلم العبيط ده ههههههههههههههههههه لالا بجد تقريبا احنا متفاهمين كتير انشاء الله والله انا هدور واول منزل مصر هبقي معاكي علي النت ويشرفني اكيد اني تعرف عليكي و وهبعتلك الاخبار اول باول انا وصلت لايه في موضوع الفرح انشاء الله ومرسي بجد علي تعبك معايا وياريت تقولي طريقة عمل اللي تشيز كيك لان عجوزي بيحبها اوي

اهلا بيكى حبيبتى الغالية
وطبعاً أحلى حاجة فى الدنيا وحلم كل بنت انها تبقى عروسة وكان أول حاجة أنى نزلت السلم مع بابا وبابا عمل فيها عريس ومش عاوزى يدينى لجوزى
هههههههههههههههههههههههه وقعد يعيط

بأذن الله نشوفك أحلى وأجمل عروسة
وأنا كمان يسعدنى طبعاً أتعرف على بنت بلدى
وطريقة التشز كيك
بصى يا ستى
تجيب علبة بسكويت دايجستيف وتطحنيها فى الخلاط وبعدين تسيحى قالب زبدة الصغير اللى هو 175 جم وتضعية على البسكوت وتقلبيهم كويس مع بعض وتحطى كوب زبادى بالفراولة وتخلطيهم كويس بأيدكى .
بعد كدة تضعى البسكوت فى القالب المخصوص للتشيز كيك وتفردية كويس
بعد كدة جهزة الحشو اللى بيكون علبة جبنا فيلادفيا + علبة جبنة طرية قابلة للدهن أسمها بينار + 1/2 كوب زبادى + جبنة ريكوتا لو موجودة
وبعدين تضعى معلقتين بودرة جبلاتين وتذوبيه فى معلقتين ماء وتذوبيهم على نار هادئة
ثم تضعيهم على حشوة الجبن وبعد كدة تضعى 1/4 كوب سكر بودرة وقلبيهم كويس
ضعى الحشو بعد ذلك على الجبن ولكن قبلاً ضعى على البسكويت طبقة من مربى توت العليق ( ست البيت ) أو مربى هيرو بالتوت رائعة أيضاً وبعد ذلك ضعى حشوة الجبن على البسكويت المطحون وضعيهم فى الثلاجة للصباح حتى تتماسك
وعند التقديم تقطع قطعة ثم كونى مجهزة صوص فراولة بقطع الفراولة
وبتعملية أنك تجهزى فراولة مقطعة أنصاف عليها 1/2 كوب سكر وحين نزل عصير الفراولة ضعيها على نار هادئة ومعها جيلاتين وأتركيها حتى تكون مثل الصوص
بس كدة وضعى صوص الفراولة بقطع الفراولة على الوجة وبألف هنا وشفا
يلا قلبناة منتدى أكل مش منتدى سياحى
فى طريقة ثانية على الساخن يعنى التشيز كيك تدخل الفرن بس أنا بحب الطريقة دى أكثر

والله العظيم انتي عسل ههههههههههههه لا انشاء الله هجربها في بابا وماما الاول قبليه وهبقي اقولك طلعت عامله ازاي يا رسامة يا جميلة ربنا يحفظك يارب

رسامة حبيبتي معرفتيش اي معلومات عن الفندق اللي قولتيلي عليه فندق الماسة ده او لو عندك حد عمل فيه كلفه تقريبا اد ايه علي عدد كام يعني انا عايزة احاول اعرف الاسعار تقريبا انا حاولت ادور علي النت عن اي بيانات عنه صور اي حاجة موصلتش لحاجة مفيش غير موقع واحد حجز فنادق هو اللي ذاكر اسمه لكن مش ذاكر اي حاجه عن الافراح او اي صور .

وكنت عايزة اسالك لو تعرفي دكتور جراح تجميل كويس وشاطر محتاجه اختي لانها الدكتور قالها محتاجة تعمل عملية شد بطن وشد عضلات البطن لان هيا عندها ترهلات وماثر علي ركبتها ومحتاجة دكتور كويس في مصر وايه مستشفيات كويسة لان صراحه احنا قلقانيني عليها من البنج وايه احسن المستشفيات معلش يارسامة بتعبك معايا.

حبيبتى عن فندق الماسة صراحة نادراً ما تلاقى حد كاتب عنة حاجة فى منتداياتنا
لأنة فندق تبع الجيش ونادراً ما تلاقى عنة اى بيانات
المهم هو فعلا أكثر من رائع واللوبى بتاعة تحفة بجد وبيفكرنى بفندق ماريوت ميراج الرائع
والرقم المختصر ليهم هو 19720 أنا حاولت أتصل وأسألك بس الرقم كان مرفوع مؤقتاً من الخدمة تقريباً فى عطل
وعن دكتور التجميل بصراحة لا أعلم شيئاً عنة
المهم هحاول أسأل ليكى بس اللى أنا عارفاة أن مستشفى دار الفؤاد من المستشفيات الجيدة جداً فى مصر ويحضر لهم دكاترة أجانب فى تخصصات مختلفة وهذا هو موقع المستشفى على النت أدخلى على تخصصات فى الجانب الأيسر وستجدى تخصص التجميل
http://www.daralfouad.org/
وستجديدن هناك تخصصص لطب التجميل

مرسي وتسلملي ايديكي وجزاكي الله الف خير علي المساعده بجد انتي جدعه وبنت بلدي فعلا

اهلا عروستنا
ربنا يكرمكوا وتعملية فى المكان اللى بتحلمى بية
بس هو فعلا الفندق رائع بمعنى الكلمة
والمكان فعلا يستحق
لو ممكن تقللى شوية من حاجات ملهاش لازمة يكون السعر أقل شوى

:114:رسامة طيب زي ايه اللي ممكن استغني عنه يعني فيقلل السعر ياريت تقوليلي وانشاء الله بحاول استغنه فعلا عنهم لان السعر عالي شويه وربنا يكرمني انشاء الله

طيب والله انا هشوف اهوه بس انتي عارفه لازم اروح انا واشوف بنفسي البرشوار قدامي وانشاء الله بتتضبط لان انا كل المعلومات دي بالتليفون يا الله هانت فاضل شهر واجي مصر واروح اشفها واصورها وبردوا وهبقي ابلغك بالتفاصيل اول باول.

ازيك يا رسامة عاملة ايه والله وحشاني بس الفترة اللي فاتت انا كنت مسافرة لان جوزي عمل حادثة جامده في الصحراء وسافرت ليه وانشغلت كتير و عمل عمليتين خلع بالفخد وكسر بالحوض وركبواله شريحة ومسامير ادعيله يا رسامه يقوم بالسلامة سبحان الله الواحد كان بيحضر للفرح قدر الله ماشاء فعل

المشاركة الأصلية كتبت بواسطة mizo_rony
http://www.arabtravelersforum.com/tr...2/#post2738352

ازيك يا رسامة عاملة ايه والله وحشاني بس الفترة اللي فاتت انا كنت مسافرة لان جوزي عمل حادثة جامده في الصحراء وسافرت ليه وانشغلت كتير و عمل عمليتين خلع بالفخد وكسر بالحوض وركبواله شريحة ومسامير ادعيله يا رسامه يقوم بالسلامة سبحان الله الواحد كان بيحضر للفرح قدر الله ماشاء فعل



قدر الله وماشاء فعل
ألف سلامة على زوجك حبيبتى والمهم صحتة ولما يقوم بالسلامة كل أيامكوا تبقى فرح فى فرح
والله أنتى وحشانى كمان
عاوزة أشوفك هنا علطول ...

يارب يقوم بالسلامة ان شاء الله ومرسي علي ردك و ان شاء الله ابقي معاكوا