اخي الكريم

انا اسوق السيارة بنفسي في مصر من خمس سنوات والامر ماشيه معاي اوكي

سعر الانسر او الكورولا 250جنيه موديل 2009 من غير تامين ولايعرفون شنهو التامين باستثناء افيس وبدجت

السعر هذا للمحلات في شارع جامعة الدول العربية واما المطار لاتقربهم لانهم غالين

لايتعاملون المحلات ببطاقات الائتمان ويحتفظون بجوازك الى حين ارجاع السيارة

افضل انك تصور السيارة قبل ماتخذها بالكاميرا لانهم عند ترجيع السيارة يطلعون فيها شمخات وصدمات كانت فيها اصلا يوم اخذتها ولكنك مانتبهت وكل هذه المسرحية عشان تدفع اكثر !!!

انا لي مدة طويلة اخذ سيارة من غير سواق وانا ما القى زحمه كثير لان استخدامي لها بعد نص الليل يعني حركة قليله

ولكن اخر مرة كنت في مصر من اسبوع ما اخذت سيارة والصراحة ارتحت من عوار الراس وصار معي كم رقم سواق سيارة ملاكي على المشوار وادق على اثنين واللي يجي اول اركب معاه وارتحت كثير وتحسفت على الايام الماضية يوم كنت استخدم السيارة بنفسي