الموضوع: رحلتي التعيسه للدوحه

في يوم الاربعاء غادرنا مطار الكويت متجهين للدوحه الحبيبه على طيران الخطوط الكويتيه وصلنه الدوحه الساعه 8 مساءا وكنا حاجزين في فندق السراج ورحنه سوينه جيك ان ومن ثم طلعنه تمشينه عالكورنيش نزلنه على شيراتون الدوحه وبصراحه عجبني روعة تصميمه وكنا نبي نتعشى في مطعم الشاهين لكن للاسف كنت لابس شورت ومادخلوني المهم طلعنه من الشيراتون رحنه على المطاعم اللي عند اشارات رامادا وتعشينه في اربيز لانه مو موجود عندنه بالكويت او بالاحرى سكروه من زمان ورجعنه على الشقق شقق السراج موقعها رائع لكن سعرها غالي على مستواها جدا عادي المهم ذي الليله عدت على خير اي نسيت اقولكم انه اجرنه سياره هوندا من المطار من افيس الله لايوفقهم ولحد يحجز منهم المهم يومها ب 130 ريال قطري جير عادي ويوم الخميس رحنه تريقنه في ستاربكس سيتي سنتر وتمشينه في وللاسف كان خاطري اروح سينما بقطر لكن سينمة سيتي سنتر خربان تكيفها وصارلها اسبوع مسكره المهم تمشينه ومن ثم طلعنه رحنه على اللاند مارك مجمع رائع وخليو وشفنه اعلان مسرحية البيت بيتك وهذي لها قصه المهم وعقب اللاند مارك رحنه على فلاجيو الجديد مجمع ولا اروع بصراحه روعه لكن المحلات لم تفتتح جميعها المهم خلصنه من فيلاجيو العصريه ورحنه عند سينما الخليج نحجز مسرحيه طارق العلي البيت بيتك ومن هنا تبدا التعاسه لمن وصلنه سينما الحليج وكنت انتظر صاحبي وهو راح يحجز تذاكر للمسرحيه كنا واقفين مسكرين على المواقف اللي مسكرينها بحديد المهم جا واحد قطر يبي يركن السياره في هالمواقف اللي احنه مسكرين عليها والمشكله اني انا ماعرف اسوق جير عادي قلت اتصل بصاحبي جان يقولي الاخ انا اعرف على فكره كان صغير بالسن والمهم خليته يركنها وهو قاعد يركنها جان يحك عامود الاصفر والاسود وتنخفس السياره ويحوشها صبغ اصفر عالعموم هو عقب هالحادث قالي ادفعلكم لكن حنا مابغينه منه شي وجاب ماي حار ووخر الصبغ مال العمود اللي لصق على السياره بالحادث لكن الباب اندعم وهني بداية التعاسه وتعكر مزاجنه وعقب رحنه ارتحنه بالفندق ثم صحينا ورحنه عالمسرح لحضور المسرحيه اللي كانت مزدحمه جدا وهاليوم عده بخير لكن يوم الجمعه طلعنه رحنه الفورسيزون وتريقنه فيه وصاحبي تعب دفعنه الحساب وردينه الغرفه وراح اليوم بسبب مرض صاحبي والسبت يوم العوده الساعه 8 ليلا لكن ضاع بسبة شركة تاجير السيارات الفاشله الي موضوعهم يبيله شرح طويل مانصجكم تاجرون من افيس ابتعدو عن الزفت ذي الشركه وضاع اليوم بسبب هالشكره وماكانو راضين يعطون ورقه عشان التامين الشامل عشان نخرج ورقه من المخفر الله لايوفقهم وهذا التقرير باختصار واسمحولي ماعرف انزل الصور

مواضيع عشوائيه ممكن تكون تعجبك اخترناها لك:

• أول أبريل موعد افتتاح مطار حمد الدولي بقطر
• بروة القطرية تشتري فندق رويال مونصو باريس
• بعد سبع ساعات رحلتي إلى الدوحة كيف حالكم
• صور من قطر
• مطلوب احداثيات اهم معالم قطر
• قطر مرة ثانيه
• هل تنصحوني يااهل الخبره
• بعد الزيارة الأولى الرائعهان شالله راجعين لك يالدوحه
• مساعده عاجله لو سمحتوا
• شاليهات بمسبح خاص في قطر
• القطرية تتقدم بطلب شراء طائرة بوينج دريملاينر و طائرة بوينج
• اين اسكن واين اذهب في قطر
• مطار قطر
• عطوني معلومات عن الحبيبة قطر جايك ياقطر
• مكتب مرور في منفذ سلوى
• مجمعات جديدة و فنادق جديدة في قطر
• أبي احداثيه الؤلؤة على القارمن لو سمحتو
• أنا جاي قطر الاثنين القادم إلى الجمعة، لدي أسئلة يا أهل قطر الكراما
• رقم شاليهات الحويله ضروري
• اللي عنده خبر يفيدني

اخوي يعقوب حمدالله على السلامة بصراحة بما انها الزيارة الأولى للدوحة كان المفروض تعتمدون على التاكسي لأسباب كثيرة اولها انكم ماتدلون بالدوحة وهذا الشي راح يضيع الوقت عليكم والشي الثاني التكسي اسرع راح يوصلك عند الباب بدون ماتدور على موقف السيارات والشي الثالث الدوحة صغيره والأماكن قريبة من بعض يعني لو بتسئل اي قطري وين اروح بيقولك الكورنيش كل شي عندهم بالكورنيش حتى الفنادق الراقية مثل الشيراتون والريتز والفور سيزون وغيرهم كلهم على الكورنيش طيب السيارة مالها اي داعي

على العموم خيرها بغيرها وانشاء الله تزور دوحة الجميع مرة ثانيه وتستمتع اكثر

الحمدلله علي السلامه يا غالى

ومثل ما قال رحال فكرة استأجر سياره فكره خطآ بالمره

وخطاك السوء يا غالى

عندي ملاحظه ^_^

الـعنوان يا أخي الفاضل مكتوب بأسلوب يثير الغيض ,, فـهل رحلتك تعيسة ؟؟ أم تـقصد الدوحه تعيسة ؟؟

كـان يجب أن يكون العنوان رحلتي التعيسه الى الدوحة ولـيس رحلتي للدوحة التعيسة :114:

عـموماً أنا فاهمتك بـس حبيت أصحح الخطأ والـسموحة : )

الأخ y3gop2005

نتشرف بزيارتك ، وحياك الله بأي وقت ، والله يعوضك بسفرة أحلى المرة الجاية

.:101:

اهم شي...حمدالله على سلامتك
و خيرها بغيرها ان شاء الله

أتمنى من الإدارة مشكورة تبديل هذا العنوان لما يحملة من معاني غير حميدة إطلاقا و حتى تحويلة إلى رحلتي التعيسة إلى الدوحة غير مقبولة نهائيا فكأنها تعود بالتعاسة إلى الدوحة فكما علمنا رسول الله بأن لا ترضى لأخيك المسلم ما لا ترضاة لنفسك, فإن كنت لا تحبذ عنوان ك ( رحلتي التعيسة إلى الكويت أو رحلتي إلى الكويت التعيسة ) فمن باب أولى أن تحترم مشاعر الآخرين و صدقني بأني متعاطف أشد التعاطف بما واجهتة و كثير منا واجهوا مثلها و أكثر و لكنها لا تعطيني الحق في جرح مشاعرهم بقذف أوطانهم بما لا يحبون سماعة , فأنا شخصيا واجهت مثل هذة الأمور كحادث شبية بالأردن و قطار متوقف لأكثر من خمس ساعات في سوريا و من إستخدم آلة حادة لتشوية سيارتي بمسقط و بنك ستاندريتشارد في دبي يسرق جميع نقودي من بطاقة الصراف الآلي بعد أن إلتهما ال Itm في دبي ... إلخ و لكنني لا أمتلك الحق بتاتا أن أقذح الآخرين و أوطانهم .... ولكنني شخصيا أمتلك كل الحق في مدح ما شاهدتة جميلا و إظهار الحقائق في الجانب السلبي بعيدا عن التجريح و مع كل الإحترام و التقدير.

المشاركة الأصلية كتبت بواسطة ثابت
http://www.arabtravelersforum.com/tr...8/#post1162888

أتمنى من الإدارة مشكورة تبديل هذا العنوان لما يحملة من معاني غير حميدة إطلاقا و حتى تحويلة إلى رحلتي التعيسة إلى الدوحة غير مقبولة نهائيا فكأنها تعود بالتعاسة إلى الدوحة فكما علمنا رسول الله بأن لا ترضى لأخيك المسلم ما لا ترضاة لنفسك, فإن كنت لا تحبذ عنوان ك ( رحلتي التعيسة إلى الكويت أو رحلتي إلى الكويت التعيسة ) فمن باب أولى أن تحترم مشاعر الآخرين و صدقني بأني متعاطف أشد التعاطف بما واجهتة و كثير منا واجهوا مثلها و أكثر و لكنها لا تعطيني الحق في جرح مشاعرهم بقذف أوطانهم بما لا يحبون سماعة , فأنا شخصيا واجهت مثل هذة الأمور كحادث شبية بالأردن و قطار متوقف لأكثر من خمس ساعات في سوريا و من إستخدم آلة حادة لتشوية سيارتي بمسقط و بنك ستاندريتشارد في دبي يسرق جميع نقودي من بطاقة الصراف الآلي بعد أن إلتهما ال Itm في دبي ... إلخ و لكنني لا أمتلك الحق بتاتا أن أقذح الآخرين و أوطانهم .... ولكنني شخصيا أمتلك كل الحق في مدح ما شاهدتة جميلا و إظهار الحقائق في الجانب السلبي بعيدا عن التجريح و مع كل الإحترام و التقدير.



انا اسف وانا ماقصدت الغلط للدوحه وبالعكس شرحتلكم عنها وعن اهلها وكرمها وياريت من الاداره تغير العنوان لاني ماكتبته بشكل صحيح وانا اعترف بذلك بسبب السرعه في الكتابه وكان عقلي متشتت واعتذرلكم ياهل الدوحه وماكنت اقصد الاساءة

ياجماعة الخير


الريال وضح ان المشاكل هي اللي اتعست الرحلة


والعنوان مايهم من صجكم انتوا


عنوان مايأثر في دولة


وخاصة ان هل الكويت هم اللي يشهدون بهالشي

فديت هل الكويت كلهم مع اني مارحت لهم لي الحين

لكن الله يرزقني بروحه لهم يارب





واخوي يعقوب ماعليك العنوان ماراح يأثر فينا احنا اخوان واكثر

حياك الله اخوي في قطر

كنت بكتب نفس ملاحظات الاخت ام يوسف وباقي الاخوان وهو العنوان لا يدل على تفاصيل الرحله..

التعاسه بدأت من لحظة الحادث البسيط.. وهذا متعارف عليه في كل بلاد العالم.. اذا اجرت سياره وصار لها حادث حتى لو كان خدش بسيط .. بيلعوزونك عشان الدفع والتصليح.

اتمنى ان تكون لك زياره اخرى للدوحه قريبا ان شاء الله.

وحياك الله في اي وقت.

اتمنى من الادارة تغيير العنوان لأنه لا يدل على شعور الاخ كاتب الموضوع

رحلتي التعيسه الى الدوحه الحبيبه

المشاركة الأصلية كتبت بواسطة y3gop2005
http://www.arabtravelersforum.com/tr...4/#post1162954

انا اسف وانا ماقصدت الغلط للدوحه وبالعكس شرحتلكم عنها وعن اهلها وكرمها وياريت من الاداره تغير العنوان لاني ماكتبته بشكل صحيح وانا اعترف بذلك بسبب السرعه في الكتابه وكان عقلي متشتت واعتذرلكم ياهل الدوحه وماكنت اقصد الاساءة



إنت فديتك على العين و الراس ...... والكورة بملعب الإدارة

تسلمون ياهل قطر واعتذرلكم مره ثانيه وحياك اخوي قطري في ديرتك الثانيه واشكركم جميعا على الرودو وعندي كم صوره بنزلها لكم انشاءالله

الحمد لله على السلامه

وتعوضها المرات الجاية

حياك الله في بلادك الثانية
والجايات افضل باذن الله

والحمدالله العنوان تعدل وراح اللبس

اشكرك اخوي انا قطري على الرد الجميل

الحمدالله على سلامتك أخوي يعقوب ..... بالحديد ولا فيك أخوي .....

الحمدلله على السلامة

وان شاء الله تعوضها برحلة احسن منها ...

حمد الله على السلامه

ذابحك ليش

ليكون عبالك اني سمسوم


هههههههه

الله يسلمك اخوي ناصر وماقصرت على الرد واهل القطر اهل طيب وكرم والله والمره اليايه لازم اروح مطعم شجاع لاني اسمع فيه وايد من كلامكم وراح اجربه وهذا وعد مني ويعطيكم العافيه

حمداالله على سلامتك

حياك الله اخوي في الدوحة و فعلا العنوان يحتاج تغيير لان يدل على ان الدوحة هي التعيسه رغم توضيحك في الموضوع غن الاحداث الي صارت معاك ومكاتب التاجير فاتحه لربح مش للمشاركه في السياحة وكلام المجاملات ولكن يجب ان يكونهناك ذوق ودرابه في الكلام طبعا اقصد من مكاتب التاجير

ومثل هذه المشكله صارت لي في دبي حيث انهم مايقبلون الا ان يكون عندك فيزا او تدفع مبلغ معين

بعد اخذ ورد وشفت نفسي مضطر دفعت مبلغ عبارة عن تامين ريجع لك المبلغ بكل سهوله بعد ارجاع السيارة سليمه هذا الكلام بحسب ادعائهم ولكن لم يحصل ذلك حيث المماطله وهم عارفين ان الطيارة و طريق سفر الواحد مايبي يتعطل في المطار ويقولون ان الفلوس في المقر الئيسي لو اي وقت ثاني جيت المطار نرجع لك فلوسك وخذت منهم ورقة بهذا الكلام ولا خذت فلوسي منهم ولكن حطيت الموضوع في بالي رحت الدوحة و على طول مع السفريات لمراجعة المكتب وشفته يماطل وزيد ويعيد في الكلام خليت الموضوع

حتى اشعار اخر الى دبي مره ثانيه مرت الايام ورحت دبي ورحت لنفس المحل تبي ايجار سيارة قلت لهم لا ابي فلوسي وهذه الوصل
كلعاده نفس النغمه

ماكثرت معاهم رحت للشرطة وامن المطار ماسوو لهم شي بس جرجروهم
هههههه
وهددوهم وجابوا فلوسي غصب عنهم
وماقصروا الشباب
و الصراحة اسرد هذي القصة حيث ان التاجير بلوه وخاصة لو مع حادث لاسمح الله

لو كل واحد يقراء بوليصة التامين و شروط الاستجار ما اظن حد بيأجر سيارة لانها كلها تنصب في مصلحه صاحب المكتب و الضيف او المستاجر هو الضحيه لان وقع في وقت ضيق ولم يطلع على شروط الاستاجار
وهذا غلط يقع فيه الاغلبيه
وسموحه على الاطاله

اشكرك اخي ماجد على المشاركه وكلامك صحيح100 بالميه بكن الواحد مظطر ياجر وانا بالنسبة لي ما احب التكسي احس انه يقيدني لكن السياره الاجاره تاخذ فيها حريتك بشكل اكبر وتروح المكان اللي تبيه ولوتضيع ولكن التكسي يمكن ينصب عليك ويروح طريق اطول عشان ياخذ فلووس اكثر وفايدة الاجار انك تتسوق وانت مرتاح تروح تحط اغراضك بالصندوق مال السياره لكن التكسي تعال ارجع للفندق وحط اغراضك واخذلك تكسي ثاني عشان تكمل تسوقك وياريت يشاركونه الاعضاء في ارائهم

المشاركة الأصلية كتبت بواسطة واخاسيدي
http://www.arabtravelersforum.com/tr...1/#post1236461

الله يعينك على التعاسة

انا ماانصح بالسفر للدوحة والله معد ارجع لها



ماتشوف شر :114:

المشاركة الأصلية كتبت بواسطة واخاسيدي
http://www.arabtravelersforum.com/tr...1/#post1236461

الله يعينك على التعاسة

انا ماانصح بالسفر للدوحة والله معد ارجع لها



اخوي الرجاء عدم المساس بالدوحه واهل الدوحه والله اهل الدوحه من اطيب الناس وانا زاد احترامي لهم لمن شفتهم والدوحه حلوة باهلها الطيبين

ياهلا ومرحبا فيك اخوي الفاضل في الدوحة....واحنا والله نستانس لمن انشوف العوايل الخليجية عندنا يمكن لأنه كنا مفتقدين هالشي قبل لكن ألحين والحمدلله مع التطور اللي حاصل ماشاءالله صرنا انشوفهم بكثرة وهذا شي يسعدنا وااااايد....واللي يجينا حياه الله وفوق روسنا واللي معاد يرجع جزاه الله خير يخفف الزحمة!!!

انا مب خاطري اروح الدوحه وبس خاطري الا اسكن فيها (( ويا عمري ع الدوحه )) من اماراتي محب