المشاركة الأصلية كتبت بواسطة واخاسيدي
http://www.arabtravelersforum.com/tr...4/#post1236454

ياخوي خذ العلم مني

انا رحت قطر وبغيت اموت من الجوع والله ان هذا اللي حصلي

ديره قعدت افر فيها ساعه عشان القى مطعم وكل ماسالت شباب قطريين قالوا رح لذاك الشارع

واذا جيته الا فيه بوفية هندي تدبل الكبد وهم مسمينها مطعم

وفي الاخير لقيت مطعم تركي الظاهر هو اللي شغال بالدوحة فيه مشويات وشاورما وفطاير

والعالم عليه بالكوم اخر الليل والله لو مالجوع ماكنت اباكل فيه

هذي الحقيقة المره اللي شفتها بعيني ولحد يزعل مني



يا حليلك .. كسرت خاطري ..

ماعندي ما ازيد على ماقاله اللي قبلي ..

لكن بالفعل كلامهم صح ...

قعدت تفر ساعة .. بس على عماك ...

الدوحه مشهورة بمطاعمها ..

لو انك سألت قبل ماتروح الدوحه ..

كنا قلنا لك شارع السد .. شارع النصر ...

ذوله الشارعين .. كلهم مطاعم ..
عندك منطقة مجمع خليفة للتنس ..
عندك منطقة رمادا ...
عندك مقابل جرير ...

اقلها .. كنت رحت المجمعات التجارية ..

السيتي سنتر
المول
حياة بلازا
لاند مارك
فيلاجيو
رويال بلازا ..

فيها مطاعم بالهبل ..

شتبي بعد ... ؟؟

المفرووض الواحد قبل مايسافر .. يخطط لسفرته .. ويعرف الاماكن اللي يروحها ...

ومادام انك رايح على عماك ... وقعدت تفرفر فالدوحه .. ومادليت شي ...

لاتقعد تذم فالدوحه ...

ويعطيك العافية ..