السلام عليكم ورحمة الله وبركاته

مساكم/صبحكم الله بالخير

في البداية احب اعتذر لكم سلفا .. لان الموضوع فيه رجاءات واجد .. لكن متعود منكم كرم اعطاء المعلومة بابتسامة .. الله لا يحرمنا منكم ..

باذن الله تعالى باوقف في هونغ كونغ لمدة يومين وتقريبا التاريخ بيكون 19 ديسمبر ..

بحكم ان المدة قليلة .. ودي اروح للاشياء اللي ماتتفوت .. طبعا فكرة ديزني لاند شايلها من راسي .. لاني مسافر لحالي ولا تنفع ديزني لاند لي .. وسالت كذا واحد من الشباب عن احسن منطقة للسكن .. وتم اختيار شارع ناثان .. لاني اولا لحالي .. وثانيا انا احسن شي عندي في السفر الشوارع اللي مليانة محلات كوفي .. وعالم رايحة جاية .. فكان الاقتراح على شارع ناثان ..

ودي استفسر عن الفنادق الكويسة في شارع ناثان .. دخلت مواقع كثيرة للحجوزات وبصراحة الاسعار عالية واذا شفت الصور .. ماش ماتستاهل سعرها .. مع العلم ان ميزانية سكني في حدود 300 ريال .. وش اسم منطقة طريق ناثان عشان اذا جيت ابحث في مواقع السكن .. لاني عانيت وانا ادور فنادق .. لازم افتح رابط الفندق واشوف عنوانه .. ولا اقدر احصر الخيارات لاني مدري وش اسم منطقة ناثان ..


انا قريت في اكثر من موضوع عن قمة فكتوريا ومتحف الشمع .. هل تستاهل اني اروح لها؟ واذا كانت تستاهل هل يكفيها نص يوم؟ ووش طريقة الروحة لها

بالنسبة للهاربر .. وش افضل طريقة للوصول له؟ يعني اركب تاكسي ولا قريب من طريق ناثان واقدر اصله على رجليني؟ ووش افضل المطاعم والاماكن اللي ممكن اروح لها هناك ؟

هل هونغ كونغ فيها بضاعة تقليد؟ بحكم اني ودي اشتري هدايا للاهل .. واذا كان فيه هل نظامهم مكاسر وتنزيل سعر بنسبة عالية؟ لانكم خابرين دايم ابو300 ينزلونه لـ50

واخيرا بالنسبة لخطوط الباثي بسفيك .. هل اكلهم حلال؟ ولا يحتاج اراسلهم وانسق معهم

وفي الختام لاتحرمونا من نصائحكم .. كلها يومين ونبي نذكر الديرة بخير الله يعطيكم الف عافية سلفا

مواضيع عشوائيه ممكن تكون تعجبك اخترناها لك: