الموضوع: مشترواتناااا من مصــر

:24: الـــــسلامـ عليكمـ :24:


اخواني واخواتي

شلونكم وشخباركم

ان شاء الله تكونون على افضل حال

:113:

جتلي فكرة في بالي انه احط موضوع اعرض فيه مشترواتنا من مصر والصوغه بعد عشان تستفيدون واللي بمصر حالياا يتذكرون شنو يشترون
وهمن اللي زار مصر يذكرني بشغله شراهاا من مصر واستفاد منهاا
لان يمكن يكون طايفناا امور كثيرة ومانتبهنا عليهاا


بـــــسم الله نبدأ


اغراض للمطبخ
طقم قدور ستانلس ستيل
طقم بوفيه من البورسلين اللي ينحط على النار
صواني للفرن من تيفال زهران أحجام متعدده
قوالب حفظ اطعمه
طبليه ألمونيوم
طقم تقديم للشاي كامل مع الصينيه
===============================
اغراض للبيت
شراشف للسراير ( ملايات)

لوحات قرأنيه عدد 2 تشتغل بالكهرباء
فوانيس أحجام متعدده

=====================
احذيه عزكم الله وجناط .. عدد كبــــير جداا
دراريع جلابيات
خام قطن مصري
فضيات
======================
حمام + بط + لب + حمص+ عصير فرغلي+ بسبوسه العبد+ مغات+ سحلب+ حلبة
====================
وللبنات بسألكم عن كريم اماندا و ماركه ايفا لشعر حلوة ولا لأ

لان سمعت شكثر يطلبونها من الكويت وخايبفه اجيبهم ويطلع مامنهم فايده؟؟

==============
وبسألكم عن ماركه تميما اللي بالتلفزيون
منتجاتهم مضمونه ولا لأ

وتحديداا حمام السونا بالبخار ؟؟ وعندهم تلفون كاشف رقم كبيير وشاشه عجيبه؟؟

جربتوهم؟؟



======================

:11ight: ذكروناا شنو ناقصنا بعد :11ight:

مواضيع عشوائيه ممكن تكون تعجبك اخترناها لك:

• شوية استفسارات كتيير لو سمحتوا
• وسيلة الإنتقال بين الاسكندرية وشرم
• السكن المناسب بالقاهرة ويييييييييين؟؟؟
• سعر السياره البانورما ؟
• كم سؤال محيريني
• مساعده بخصوص شرم الشيخ
• مسافر القاهرة وعندي بعض الاسئلة
• البرامج السياحية في شرم الشيخ
• ممكن تساعدوني في ترتيب رحلتي
• ما باقي شيء
• مصر في شعبان
• ميترو القاهرة
• موظفى شركة لاكوست وشركة الحريه جاسمين شرم الشيخ
• ارجو المساعده حصلتي مشكلة مع الفندق
• فزعتكم ياأهل الخبره شقه تمليك في مصر
• يا خبراء السيارات بمصر ممكن تدخلون شوي
• بمناسبة العيد أقدم لكم موقع مجاني لإرسال لأي دولة في العالم
• استفسار عن مناطق مصر بميزاتها المتوفرة
• استفسارات لخبراء مصر
• رسووووووووووم

يعطيك العافية على الموضوع بارك الله فيك

حلو فكرة الموضوع صراحه

لأني رايحه مصر بالعيد .. وشايله هم الهدايا ما أعرف وش أجيب هدايا من مصر ؟؟

يعطيك ربي ألف عافيه ومشكوره

:109:
والله سبقتيني يا كويتيه
فكرت أصور الهدايا اللي امي و اختي جابوها لي من مصر
عشان الكل يستفيد
:109: انصدمت لما قريت الموضوع
:24: مشكوره حبيبتي على الموضوع الحلو :24:
اللحين بأكتب لكم الاغراض و الهدايا اللي نشتريها ان رحنا مصر
و بعدين ان قدرت راح اصور لكم الاغراض :101:

الاحذيه و الشنط ... أعزكم الله
الاقمشه النسائيه
الدراريع و بعض الملابس
ملايات و ديباجات السراير
فوط قطن مصري
براويز تشب ليتات ( تنور )
فسيخ :24:
بكلويز ( طعمه أحلى من الكويت ) :24:
مش ( من انواع الجبن) :24:
حلويات شرقيه
مداليات مفاتيح
أقلام كشخه
جدور و صواني
منجا .... نوع: فص ( حجمها صغير و طعمها رووووووووووووعه ) و أنواع ثانيه
و مرات عصير منجا.... في جركل صغير
و طبعا الحمام والبط و الوز
حب (لب) نوع: أبيض + خشب + أصفر
مغات
حلبه:109:
لا أحد يضحك على الاغراض :109:
رغم انه الكويت فيها كل خير
لكن بعض الاكل له طعم ثاني من مصر :24:
و طبعا فيه اغراض متشابهه مع اختي كويتيه :101:
و لو تذكرت شي ثاني راح أرجع أقولكم

هااااااااااااااااااااااااااااي




ممكن اعرف من وين احصل الآيات القرآنيه الي على كهربا؟؟؟؟؟؟؟؟؟؟؟؟؟؟؟ اول مره اسمع بها














وشنو اشتري حق بيتي الجديد من القااااهره؟؟؟؟؟؟؟مع ذكر اسم المحل

][IMG]http://www.s7rup.com/up[/IMG][/QUOTE]

انا مالي بمشتروات من القاهره

بس اللي اعرفه ان ايفا منتجاتهم حلوه

وخصوصا الكولاجين للبشره روووعه

جزاكم الله خير اخواني واخواتي على المشاركه

ماتقصروون

===
اختي رسامه هههههههههه سهل جداا مسأله العصير

اتصل عليهم قبلها بيومين يزهبونه لي ويثلجونه عندهم واروح اخذه ليله السفر
اكثر من مررة سويناهاااااا والاغلبيه يسوي جذي
=======
الأخ اللي سأل عن اللوحات القرآنيه .. منتشرة كثير في كل محلات الأدوات المنزليه والاثاث والديكورات
===
عزوونه تسلمين على المشااركه والشغلات اللي ذكرتيهاا تستخدومنهم بالعافيه ياارب

======
اختي المرام شكرا لج .... الكويت فيها كل شي بس في شغلات بمصر مميزة لااازم نجيبها
واحيانا تكون ارخص من اللي بالكويت . خاصه المواعين بالكويت حييل غالين
=========
والى الجميع شكراا من كل قلبي على مشاركتكم وتفاعلكم

وأي استفسار انا حاضرة

مشكوره يالغاليه على الموضوع الرائع

عندي استفسار من وين تشترين المواعين وستكاين الشاي
غير هلتون رمسيس وخان الخليلي

بعطيك العافية موضوع رائع وفكرته جدا ممتازة

الغاليه انا مااشتري من مصر غير الفنايل الداخليه للاولاد طبعا القطنيه مرت اخوي دايما توصيني عليهم

والحب وحده من خواتي تحبه وتطلبه مني دايما

أنا ما احب اجيب هدايا
دايم كذا
موب بخل
بس أنا رايح اتمشى موب رايح اتسووووق

وجهة نظرررر


يوووه اذا امي سافرت
مايبقى أحد من اللي يصرون لنا
ولا احد من الجيران
حتى جيران بيت جدي القديم :109:

ما تجيبلهم صووووغه :109:

مالي شغل بالسوق...........مريت اسلم:109:

هلا فيكم اخواني وخواتي

وشكراااااا على تفاعلكم الروووووعه
=====
الصوغه لازم ياخواني وخواتي

لأن كل شي من ريحت مصر حلووووووووو

========
صراحه لمن اهلي ينزلون مصر ومااكون معاهم ... أوصيهم على بسبوسه العبد وبس
======

اختي اللي سألتي عن المواعين
عندج محل اسمه شيفلد بالمهندسين قبال عمر افندي
حق أغراض المطبخ وهمن اغراض البيت تحف وهالسوالف عنده كل شي روعه
بس السعر غالي شويه
وايضاا محلات بأركاديا داخليه فيهاا

وعليج بالمكاسر

=====
وايضاا شارع فؤاد في شركات اللي تكون مجهزة من كل شي
تبيع ملابس وادوات كهربائيه وادوات المطبخ
تلفين عندها اطقم شائ حلووة وبسيطه
واهما اكثر من محل
=========

وخـــــلاص بدأ العدد التنازلي للرجوع إلى أرض الوطن

الله يعافيكم اخواني وخواتي

وماقصرتواااااااا والله

انتوو اللي منورين الموضوع بردودكم ومشاركاااااااااااتكم

==================
الحلو أم على حييييل تهبل وموجوده عندنا بالكويت بعد بالكراتين وطريقتها سهله مجربينها
======
وعن عصير فرغلي بالعكس لايتغير طعمه ولا شي

وانا اقولج الطريقه

تدقين عليهم وتحجزين قبلها بيوم او يومين او اذا تبين روحي لهم بعد
والأسعار تختلف على حسب حجم ( الجركن اللي معبي فيه ) وعليه تاريخ صلاحيه يكون لي 6 اشهور
=====
والله طعمه نفس مااهو ولا يتغير
=======
واصلااا من زمان مجربين هالشي من سنين يعني

والحين بعد اهل مصر قاعدين يزهبون حق رمضان ويشترون العصير المثلج من عنده
شكثرت سمعت واهوا قالنا بعد
======

وكل عام وانتوا بخير
بقرب حلول شهر رمضان الكريم

استغربت من العصير اللي تثلجونه

محلات العصير على قفا من يشيل مايسوى نقله

شفت مشتريات ودخلت على طول ........ كلمة السر لنا احنا النسوان :106:

انه العام بنفس هالوقت تقريبا كنت بمصر و بقول لكم الاشايء الي اتذكرها وشريتها من هناك :

كرداسه : جلايبات :24:

حتحوت: قطنيات روعه ، شريت بجامات لي ولبنتي (سنه ونص كان عمرها وقتها) طقم نفس الشي شكلنا حلو لما لبسناهم مع بعض :109:
وشريت قمصان للنفاس وارواب لاخت زوجي الوانها حلوه وشريت اطقم فوط

ملحق هلتون رمسيس: خذيت احذيه وشنط خصوصا من محل Club Aldo ومحل ثاني ناسيه اسمه اضن جليتر او شي جذي ( الي اتذكر انه الاسم فيه شي من اللمعه :109: )

الحسين وخان الخليلي : تذكارت مصريه ، مجسمات فرعونيه ، ميداليات

القريه الفرعونيه : كتبت اسامي يهال العايله بالهيلوغريفي على ورق البردي

فرغلي: عصير منجا وفراوله وما تغير طعمه بس الافضل ما يضل اكثر من 3 ايام ..... كلها ساعه وحده وكانت الدباب مشطبه :109:

حب وكنافه ..... مو ذاكره من وين:114:

الدعوى فيها تسوق........

هلاوالله....
انا بصراحة دائما اشتري الملابس القطنية لي ولزوجي ولطفلي
والاحذية طبعا والشنط وبدل الرقص والفضة الاصلية من خان الخليلي
وامممم والحمام المحشي نجمدة نفس طريقة العصير والمواعين على قفى من يشيل....

موضوع روعة....

1 - لــب (حب بالكويتي - فصفص بالسعودي)

2- دراريع من كرداسه

3- قطنيات (ملابس داخليه - دراريع بيت) من وسط البلد

4- استكانات من خان الخليلي و ستي ستار

5- خرابيط من خان الخليلي

موضوع جميل ونشكر الاخت

دام السالفه فيها حب وعصير فرغلي اخذولي معاكم بعد لول


بالنسبه لكريم ايفا معروف وانا كنت اودي للاهل ايام دراستي في مصر كل نزله للامارات يوصوني عليه


واللي اعرفه بس كريم الشعر لونه اصفر اللي اذكره في صوره بيت النحل


تسلمين اختي ع الموضوع

يااحلووو هالأياام لمن كنت بمصر

يالله اني أزورها بعد هالصيف

قوولووو آآمين


==========

انا درست فيها خمس سنين وما ودي اظهر منها ان شاء الله اخلص دراستي شكلي بعيش فيها لول

اللي يشرب من ماي النيل لازم يرجع لمصر


وانا شربت منه خمس سنين لول

يعني لازم نرجع لها وكل صيف لازم اصيف فيها

اذا رحت لمصر اشتري الكتب رخيصة وبعضها غير موجود في الخليج - وتحياتي للجميع

ما أنصح بشراء ذهب وألماس من مصر


الا من داماس وله فرع بمصر

ا[COLOR="Green"الفكرة رائعة وتشكرين عليها ، وانا احرص ان اجيب معي من مصر ساعات المداخل التي توضع على الطاولات _ بدون الشمعدان _ ، وايضا السبح الفريدة المشهورة مصر بصناعتها ، اما ام عبدالله فحدثي ولا حرج تجيب معها ادوات المطبخ . والقطنيات ، والحقائب الجلدية والاحذية _ من ملحق رمسيس _ والبسبوسة ,وغيرها ..........الخ .
تحياتي ،،،[/COLOR]

مصر فيها انقى انواع الالماس !!

المشاركة الأصلية كتبت بواسطة أندلسي جديد
http://www.arabtravelersforum.com/tr...0/#post2181840

منين يجيها الألماس النقي؟
:109:



من مناجم الالماس في افريقيا ..

طبعآ انا اقصد انه يباع في مصر انقى انواع الالماس ..

اذا نويت تشتري من هناك تختار السوليتير و هو خام و يفصل عليه الخاتم قد مقاس اصبعك ..

اعرف صديقه لي شرت سوليتير بـ 25 الف جنيه من 11 سنه و الان سامته بالسعوديه يجيب لها 40 الف ريال ..

لانه الماس حر ..

و الحبه كامله و نقيه ..

يالله يا اندلسي عقبال ما تشتري م مصر الشبكه و البدله بتاعت الفرح :109:

قمصان البيت القطنيات من وين احصلها ابغا القصيره للبيت

المشاركة الأصلية كتبت بواسطة فوفهـ السعوديه
http://www.arabtravelersforum.com/tr...7/#post2182057

من مناجم الالماس في افريقيا ..

طبعآ انا اقصد انه يباع في مصر انقى انواع الالماس ..

اذا نويت تشتري من هناك تختار السوليتير و هو خام و يفصل عليه الخاتم قد مقاس اصبعك ..

اعرف صديقه لي شرت سوليتير بـ 25 الف جنيه من 11 سنه و الان سامته بالسعوديه يجيب لها 40 الف ريال ..

لانه الماس حر ..

و الحبه كامله و نقيه ..

يالله يا اندلسي عقبال ما تشتري م مصر الشبكه و البدله بتاعت الفرح :109:



انا لا أؤمن بحكايا الأجداد والذهب والمجوهرات
واعتبر ان مصانع المجوهرات حولت الصبايا الى محض فاترينات ومانيكانات بشرية متنقلة
وهذا مرفوض
يجب ان تتخلى الناس عن اقتناء المجوهرات للبسها
ليذهب اصحاب هذه المصانع الى ... ويتركون هذه الصناعة غير المفيدة ويصنعون شيئا مفيدا للبشرية

اغراض للبيت
شراشف للسراير ( ملايات)

لوحات قرأنيه عدد 2 تشتغل بالكهرباء
فوانيس أحجام


حبوبه من وين الملايات ومن وين الايات اللى تشب ليت

الحمد الله ان الجميع استفاد من الموضوع وعرف شنو ياخذ من مصرررر
ومشااركاااتكم روووووووووووووووووعه

بس كبرت اللسته مالت المشتروااااااااااااات

ههههههههههههههههههههههههههههههههههههههههههههه


وعن الذهب والالماس

والله ما أنصح أحد يشتري من مصر

والله من فترة امي جننتنااااااا تبي تراجي مثل تراجي الفنانه ميمي جمال كانت طالعه بمسلسل والله مذاكرة بس من 4 سنين

وسألت عنه بالكويت ماحصلته
ومن رحنا مصرررررر ورااحت الحسين وسالت عنه وشاافته وإلا تشتريه
اهو عل قولته ذهب وفيه أحجار ملونه يقول فيروز ومادري شنو قام يخربط

واللي حرني ان امي شرته

واقولها قارني بين هالترجي والإسوار الي بيدج

يماااااااااااااا اللون يخلتف وهذا خفيف

وعيّت إلا تشتريه

وشرت

والله العظيم


بعدها ردينا الكويت وملت منه وجات تبيعه
قالها هذا ذهب مخلوط بنحاااااااااااااااااس مايجيبلج شييييييييييييييييييي

عاد موجود لي الحين عندها تقول للذكرى التعيسه ههههههههههههههههههههههههه

وانا شريت فضه قلاده اللي يكتبون اسمي عليها بالهيروغليفي وهمن بالحسين بمحل ذهب سويتها
بس بسرعه تغير لووونهااااااااا مو فضه أصليه


وجيت الكويت فصلت نفسها عند محلات الذهب واحلى من اللي سويتها بمصر


بس المضموم فيها جناط أحذيه قطنيات شراشف سيارات .. ممكن ساعات شريت من عندهم ساعة سواتش لي الحين شغاله


مواااااااااااااااااعين لايعل عليها الستانلس ستيل


لكن ذهب وفضه وألماس ومكياااااااااااج وزيوت شعر وبخور ومعطرات جو موشي كلش عن تجربه

مشكورين يا أحلى أعضاء على مشاركاتكم الطيبة

وتحياتي لكم جميعا

هالسنه الشوبينق منحصر في ..

كم جزمه ( و انتم بكرامه ) و كم قميص للدوام ..

هالسنه ما فيه شنط !! كل المحلات شغاله تقليد ماركات ؟؟ طيب و اللي ما يبي وش يسوي !!!

و للذمه شريت شنطه تقليد بس للمكياج ..

و لسه ما ركزت بالاكسسوارات !! لأن كل السوق يغص بالصيني للأسف !!

و احنا عاوزين المصري ..

ملابس الاطفال السنه هاذي مو ذاك الزود موب زي السنه اللي فاتت ؟؟

لو احد لقى ملابس بنوتات حلوه يدلني لأني ما لقيت شي حلو !!

فوفوو

كلش ماشريت قمصان من مصر

ماعجبوني اللي عندنا بالديرة احلى

من مصر الدراريع حلووة ومصر مشهورة بالجلابيات ..

وعن الجناط والاحذية .. بالعكس كثري منهم . اللي بالهلتون رمسيس .. كد ومد شحلاتهم والله

وعن التقليد ماركات .. اي فعلا تقليد بس تقليد درجة اولى ونظيف .. تلبسينهم بدوامج وتكشخين فيهم
لأن حرام والله جنطه ماركه .. ألبسها بالمدرسة أكلمج على دوامي يعني ..

بعدين تطيح هيبتها

واذا تبين جناط ماركة . عندج مجمع نايل ستي اللي يم اركاديا ..
يهبل محل قبال محل اكسسواري للأكسسوارات .. عندهم جناط ماركة منوعه والجناط سعرها حلو على 600 جنية وصاعد
شريت من عندهم جنطة فرزاتشي مصنوعه من جلد النعام ومعاها سلاسل ذهبيه تركبينها من برة على الجنطه .. يعني تصير كذا موديل .. واليده مالت الجنطه جديدة لامربعه ولا دائرية شكلها موعارفه أوصفه بس كل مارحت حفلة ولا عرس كل من تسألني عنها
وعن الأكسسوارات أنا مطيحة .. بكوكي ايجيبت .. حده حلوو

وعندج اكسسواري وكلارس .. بس هذولي موجودين عندنا
احنا ندور الشي اللي مو موجود بأسواقنا

وعن ملابس الأطفال .. ماعندي فكرة والله
بس في محلات لبس أطفال بستي ستار ..

يا عمري يا كويتيه ,,

انا قبل اجي لمصر كنت رايحه الكويت و متسوقه من عندكم ..خخخخخخخخخخ

سوقكم روعه ..

بس انا لقيت كم محل في سيتي سنتر و سيتي ستارز و عجبتني ملابسهم .. انا احرص على الصناعة المصريه ..

يصير الموديل اجنبي و القماش و الخياط مصري..

بس المستورد دمار غالي و خاماته زهيده ..

و على الشناط .. يا عمري ما تسوى اشتري شنطه بــفوق ال200 جنيه ..

لان عندنا يصير عروض تخفيضات على الماركات و اخذ شي اصلي بــ1200 ريال و الا بــ1500 ريال

عرفتي ازيد على ال600 جنيه و اخذ اصلي ..

و اللي شفته كله تقليد صيني ؟؟
و برضو الرياض مليانه منه و ارخص بعد ..

الشنطه ما تتعدى 250 ريال هاذي تقليد درجه اولى ..


شوفي الجزم صراحه انصدمت خذت صندل من كلوب الدو الهيلتون و رحت فيها لسيتي ستارز و انقطعت !! تخيلي من اول لبسه !!

قهر قلت برجعها عليهم يصلحونها و لا بعد فضيت ..

بكوكي ايجيبت

وين فروعه فيه ؟؟

......................................

تعالي بسألك اللحين تدرين بمصر نظارات الشمسيه اسعارها رخيصه ؟؟

امي تقول اخاف انها مضروبه تقليد درجه اولى ؟؟

يعني نظارة دولشي جابانا بــ600 ريال ؟؟ يعني 900 جنيه ؟؟

و الا برادا بنفس السعر ؟؟
و ميو ميو بـ400 جنيه تخيلي ؟؟!!

وش رايك ؟ اصليه و الا تقليد ؟؟

....................................

و على الدراريع == عندنا ممعارض الصناعات الدوليه يجيبون جلابيات من مصر و يبيعونها بسعر ارخص من كرداسه تخيلي !!

اللي هنا بحدود الــ100 جنيه جلابيات القطن بالرياض شريت لجدتي 3 بـ 100 ريال و حلوه غسيل و لبس ؟؟

عاد ما تحمست اخذ من هنا الا كان شي فخم للزيارات او الاستقبال بس ما بعد لقيت شي عليه القيمه ..

كلوب ألدو .. شغلاتهم بو طقة .. يعني الحين هديتي الهلتووون كله مالقيتي إلأا كلوب ألدو هههههههههههههههه

شغلهم مو حلوو .. ومحل صغير على قده وشغله رخيص ومومضموون

روحي عند محلات محمود سعيد اللى له اكثر من محل بالهلتون انا زبونتهم

ورقمي عندهم .. كل مانزل شي كانوا يدقوون علي .. أذكر برادوا أول مانزلت دقوا علي ورحت شريتها وو غيّرت من الكعب اللي معاها كان حده عالي وقصرولي يااه .. وتعاملهم ذوووق .. وغير البواكه اللي شريتها من عندهم ..

وفي محل ثاني تلقين بالدور اللي فيه كلوب ألدو .. ناسية اسم المحل بس عندهم سوالف روووعه

وعن كوكي اجيبت . موجود بالهلتون همن بالدور الأرضي .. محل مشهور

وله فرع بأركاديا .. بس اللي بأركاديا بضاعته مو ذاك الزود

الاحلى اللي بالهلتون احلاااااا

شحلات اكسسواراتهم ..

وعن النظارات .. اذا من عند مغربي .. اشتريهم وانتي مغمضة .. لأن أمي وأختي مفصلين عندهم نظارات طبية نظر .. كرستيان ديور .. بس والله ناسية السعر بس ماكان غالي وكان الكشف مجانا .. والنظارة كلها كرستالات .. وعند فرعهم اللي بأركاديا عند دكتورة شعرها كارية أسود تشبه الممثلة هالة صدقي .. والله نسيت اسمها بس حدها حبوبه

======

احنا المعارض اهني غاليه نااااااااار

ومشاغل الحريم صاارووخ وحتى المصممات انهبلوو

موضوع وايد حلو

يعطيج الف عافيه اختي كويتيه

انا للحين في مصر وماخلصت مشتروات

اللي خذتهم لي للحين
امم كم نعال (اكرمكم الله ) كشخه وراقيات من ابراج النايل ستي
قمصان وملابس حق العيد
جلابيات عاديه للبيت
وشنطتين


وامي دايماً تشتري
جلابيات من كرداسه
بجامات رجاليه وفنايل من حلاوه
وجلابيات للبيت حق صديقاتها من حلاوه
وتاخذ شراشف وملايات من زهراتكس وحتحوت وبعد احياناً توصي شخصيشتغل في مصنع شراشف ايب لنا حق هدايا
وتسوي طلبيه صحون ودلال واستكانات وفناجيل تكون فيها رسومات وجي من الحسين
امم طبعاً ما ننسى لب السوبر من محمصة العروبه وكراتين عاصير منجا من فرغلي
هاذي اهم الاشياء اللي تشتريها وسلامتكم

الله يعافيج حياتي

نورتي المووضوووووووووع بمشاركاتج


والله يهنيج بمشترواتج .. وتلبسينهم بالعافية


وننتظر مشاركاتج معنا

كويتيه ..

عزيزتي تعرفين فروع لمغربي غير اللي بأركاديا ؟؟

المشاركة الأصلية كتبت بواسطة فوفهـ السعوديه
http://www.arabtravelersforum.com/tr...0/#post2256700

كويتيه ..

عزيزتي تعرفين فروع لمغربي غير اللي بأركاديا ؟؟



موجود بسيتي ستارز

ذكرتيني والله ابي اروح اخذ نظاره من عندهم .

المشاركة الأصلية كتبت بواسطة فوفهـ السعوديه
http://www.arabtravelersforum.com/tr...7/#post2243667

ملابس الاطفال السنه هاذي مو ذاك الزود موب زي السنه اللي فاتت ؟؟

لو احد لقى ملابس بنوتات حلوه يدلني لأني ما لقيت شي حلو !!



والله صادقة مافيه شي عدل للاطفال

اختي شرت لبنتها من اكسسوريز فرع سيتي ستارز بدله ( تنوره وبلوزه ) وفستان وتاج ( طوق ) بـ 950 جنيه !!

واكيد كلنا ندور المصري والمحلات اللي مو موجوده عندنا بس اختي ما لقت غير هالخيار لان تبي تخلص لبس بنتها للعيد

واشترينا لعيال اخوي من وسط البلد بدلات حليوه يعني حق طلعات مو للعيد

اهلين حبيباتي حبيت ارفع الموضوع

لاننا محتاجينة هاليومين قربت الاجازة وقربت الرحلات

بنات اللي عندها اماكن لمحلات غريبة لاتبخل علينا الله يعطيكم العافية

شوق الوله وين الناس غايبه عن الدنيا انتي

اشتقنا لكم



جددو الموضوع ترا وربي يستاهل