الموضوع: ما هي الاوضاع الامنية في لبنان

وقت العيد من اروع الاوقات خصوصا شهر 10 الجو عندهم اينن ماشاءلله .. والزحمه خفيفه ماتغث نقس الصيف
او الاوضاع مستقره اهلي توهم يايين او واااااااايد استانسو ويقولون لبنان رجعت مثل قبل الحمدلله
اما عن السكن فتفضل شقه او فندق؟ احس حق 5 ايام الفندق احسن لانكم مابتقعدون فيه الا وقت النوم! ..

شوف الفينسيا مثلا اذا ناسبكم راااااقي او نظيف او موقعه ممتاز او سعره بعد زين

مشكوره خيتؤؤؤؤ علي رفع المعنويات الله يعطيج العافيه

وبالنسبه للسكن فندق فينسيا هل يصلح لعائله يعني انا وزوجتي وبناتي 6 و4 سنوات ولالا


والجدول وين اروح وين ارد واذا تعرفون رقم سواق محترم وخلوق لا تبخلون عليه

الله يعافيك اخوي .. فالارقام ماباقدر افيدك .. لكني اعرف انه شركة Star Taxi او شركة Charly Taxi من ارخص الشركات في لبنان ..

فينيسا يصلح وزوجتك بتدعيلي .. موقعه استراتيجي مع الجو الحلو في شهر 10 بتقدرون تتمشون لين السوليدير ..
الفندق من ارقى الفنادق في لبنان .. شرح او وايد حلو .. والمطاعم اللي فيه اتينن ولايطوفكم بوفيه الافطار ..

بناتك صغار تقدرون تاخذون غرفه ديلوكس وتقعدون كلكم فيها .. 2 Queen beds أو King bed o sofa bed او بتكفيكم
او تقدرون تاخذون غرفتين كونكتد ..

ورحله ممتعه

الجدول نسيت اكتبه .. 5 ايام .. اول يوم اذا وصلتو الظهر تقدرون تنزلون تتغدون بالمطعم الايطالي فالفندق وبعد ماتستريحون تروحون الروشه .. تشوفونها وتتمشون شوي اهناك او بعدين تروحون السوليدير .. (سوق و عشى)

ثاني يوم اتفقوا مع السايق ييكم من الصبح .. روحو قصر موسى او بعده مغارة جعيتا .. وسألو عن المطاعم اللبنانيه القريبه من الفندق .. انا اتذكر مطعم بس مو قادره اتذكر اسمه .. بعد هالرحله تقدرون ترجعون تريحون او فالليل تطلعون بحمدون تشوفونها .. او منها تنزلون عاليه .. (قريبين جدا من بعض)

ثالث يوم طلعو برمانه المنطقه وااااايد حلوه خل يمشونكم فيها شوي او تغدو في مطعم منير .. بعد المطعم نزلو الحمرا .. اكيد زوجتك تبي السوق وتقدرون تشوفون لكم مطعم اهناك تتعشون فيه .

اليوم الرابع اخذو البنات حديقة حبتور لاند وايد بيستانسون .. العابهم حلوه او موقعها رائع (قبلها او بعدها اذا خلصتو من وقت) تقدرون تروحون مجمع حبتور قريب من الحديقه اهوا مول كبيــــر متكون من عدة طوابق او فيه محلات وااايد ومطاعم

اليوم الخامس Free شوفو شعجبكم او روحو له مره ثانيه ..

مجمع ماعرفت وين احطه بالخطه ABC الاشرفيه .. حلو او منطقة المطاعم فيها خيارات كثيره ..
او مطاعم اذا صار لكم وقت مروهم ( مانويلا في جونيا - ياباني نفس طريقة ماكي اللي عندكم)

ان شاءلله اكون فدتك

بارك الله فيج خيتؤؤؤؤ والله يعطيج العافيه كفيتي ووفيتي


واحد من الربع يقول يعرف سواق سياره مرسيدس 2003 اليوم كامل بــ80 دولار شرايكم غالي ولا زين سعره والسواق للامانه يقول محترم وخلوق

السعر ممتاز اتفق وياه بدون تفكير عادتا اذا بغينا سياره لنص يوم يعني من الساعه 5 لي الليل مستحيل تقل عن 100 دولار ماعدا السيارات التعبانه طبعاً! نصيحه لاتطوفه عليك

اخي العزيز انا قرية وسمعت منهم البنانيين نفسهم ان عليهم تهديدات من اسرائيل وهناك مشاكل داخليه عندهم الرجا الإنتباه قبل الذهاااب

توكل على الله وسافر ...تفجير طرابلس صار وانا هناك ومادريت الا بعدها بيومين ...المشاكل بعيدة عن مناطق السياحة والجو ياخذ العقل

OZyEEE

مشكوره الله يعطيج العافيه وماقصرتي وفيتي وكفيتي وان شاءالله بكره بروح للمكتب بشوف الحجز والفندق


jeje
ان شاءالله يعم الخير والسلام والامان علي بلدان العرب والاسلام ان شاءالله وقبل لا اروح بتاكد وان شاءالله مافي الاا كل خير

far-star
الحمد لله علي التطمين الله يعطيك العافيه ماقصرت يالغلي


وان شاءالله اذا سافرت بوافيكم بتقرير انما ايييييييييييه

انا ناوي اروح لبنان في عيدالفطر ان شاءالله وحبيت اسئل عن الاماكن اللي في الجبل مثل عاليه وبحمدون هل يكون فيها حياه ووناسه مثل الصيف والمقاهي تفتح والمطاعم كذلك
انا خايف ان الحياه تكون في بيروت بس اما عاليه وبحمدون تكون مسكره ومافيها وناسه

اللي جرب الروحه في العيد لعاليه وبحمدون يعلمني

في ايام العيد الاولى
اما بعدها فلا اتوقع
وخلك في بيروت

اطيب تحيااااتي

ههههههههههههههههههههههههههههههههه


وانا اللى مفكر روحي اللى بيروح لبنان بالعيد منحاش عن الزحمه والكل طلع رايح معاي


لاتبخلون علينا يا جماعه ترى سفرتنا الاولي هذى

المشاركة الأصلية كتبت بواسطة ملح الرياض
http://www.arabtravelersforum.com/tr...5/#post2299915

السلام عليكم و رحمة الله و بركاته....


اخواني و اخواتي مباركم عليكم الشهر اولا


نفكر نروح لبنان ان شاء الله ليلة عيد الفطر و لمدة 5 ايام و اول مره اروح لبنان و اتمنى ان الرحله تترك


انطباعا جيدا عن هذا البلد الرائع كما وصفه اخواني من قبل و لعدم الوقوع في المشاكل و تجنبها


اود ان استفسر عن الآتي:


ما هو ارخص طيران حتى و ان لم تكن الرحله مباشره ؟


ما هي الفنادق الآمنه و المعقوله سعرا لعائله تتكون من 4 افراد كلهم كبار ؟


هل الفرايا مناسبة في بداية شهر اكتوبر للتزلج ؟ و ماذا عن الطقس في لبنان بوجه عام في هذه الفتره؟


اريد سائق بسياره بسعر معقول و ان يكون جيد الخُلق؟


ما هي الاماكن التي تستحق الزيارة خلال هذه المده و ارجو من الخبراء تقديم جدول لأيام الرحله اذا ما


فيه تعب



شاكره تعاونكم

اولا الله يباركلك في الشهر

ولو استفساراتك هذي كانت في موضوع http://www.arabtravelersforum.com/travel53020/

لاجبت عليها بكل صدر رحب

تحياتي لك

banderino

اولا شكرا على ردك

ثانيا انا عضو مسافر جديد و ما فهمت قصدك من لو اني كتبتها في قسم اسأل و نحن نجيب ؟ هل استفساراتي في المكان الخاطئ ؟ و على فكره موضوعي تم دمجه مع موضوع الاخ الكويتي من قبل الإداره منعا للتكرار


و ان كانت فأرجو ان ترشدني إلى الطريقه الصحيحه لأني احتاج هذه المعلومات بأسرع وقت


و شكرا

مرحبتين بالكل
لا لالا alkuwaity منت رايح بروحك

وبعدين الجو بيكووون رااايق مره يمكن يصير يشتي(تمطر) على خفيف
واعتقد الملابس صيفي بس خلي كم معاك كم بلوفر وكذا

يالله الوعد العيد

في احد جرب فندق رمادا بيروت داون تاون.. الله يعافيكم ابغى اعرف موقعه وهل هو جنب السوليدير (ممكن بالمشي) وهل في مسجد جنبه؟؟ وشلون غرفه ومستواه؟؟ هل هو نفس مستوى الشيراتون فوربوينتس؟؟