الموضوع: عاجل مساعدتكم يا أهل صلالة

بسم الله الرحمن الرحيم

أخواني أهالي صلالة ..

بصراحة ودنا نزور مدينتكم .. :101: .. وكنا ناويين نطلع يوم الخميس من الإمارات .. :115: ..

لكن للأسف اضطرينا نأجل السفر لين نحصل شقق مفروشة .. :110: ..

ياريت لو حد يقدر يسأل لنا عن شقق مفروشة حلوة ونظيفة وممتازة بحي السعادة وما تكون فل .. يعني يكون في امكانية إن نحجز فيها ..

لأن بعض الأهالي إلي حاليا في صلالة طلبنا منهم إن يحجزون لنا .. لكن كلما راحوا مكان يقولون لهم فل ..

ياريت لو حد من هناك يشوف لنا شقق حلوة .. تقريبا احنا 4 عوائل .. عائلتين كبيرة .. وعائلتين صغيرة (معاريس إن صح التعبير) ..

يارييييييييت فزعتكم .. لأن هم الشقق المفروشة مأرقنا .. :112: ..



بسرعة الله يخليكم ..


أختكم أم فيصل

مواضيع عشوائيه ممكن تكون تعجبك اخترناها لك:

• بوابة عمان السياحية
• القطرية ترفع وتيرة رحلاتها من إلى رحلة أسبوعية بين مسقط والدوحة
• صــور مـن مـديـنـتــي الـحـبـيـبــه صــــلالـــــه
• أخـبــار مـهـرجــان خــريــف صــلالــة م
• يا اهالي صلاله هل تنصحون بشراء العقار في صلاله؟
• كيف الجو في عيد الفطر في صلالة ؟؟؟
• محتاج مساعدة في ميناء تينجن
• استفسار
• اهل صلاله ياريت تساعدوني
• عمان وقصة الجواز والبطاقه ؟
• إنشاء المتحف الوطني العماني بتكلفة مليون ريال
• الأجواء هالايام بصلالة ؟
• من جرب الشغالة تحتاج فيزةوجوال العماني ارجو الرد
• رحلتي الى الصين بكين
• فندق ايبس مسقط
• ساعدوني محتاااااااااااار
• طريق صلاله استفسار عن الطريق المختصر الغابه
• سؤال لخبراء صلاله ولأهل صلاله
• هل يوجد رسوم للدخول بالسيارة إلى سلطنة عمان ارجو الرد
• خـريف صـلآلــة صور العـآشوري

بسم الله الرحمن الرحيم

أفا مافي أي رد !!

وين الناس وين الجماعة ؟؟


وين أهل صلالة ؟؟ أهل الذوق والأصالة ؟؟


أم فيصل

بسم الله الرحمن الرحيم


للرفع ...............



أم فيصل

فيه موضوع ل المهاجر
فيه قائمة بارقام الشقق في صلاله يمكن تستفيد منها
او ممكن تسكن خارج السعاده الى ما الله يسهل
و احرص على البحث بعد الظهر و هو وقت الخروج من السكن في اغلب الشقق
و دمتي سالمه

http://www.travel4arab.com/vb/showthread.php?t=77209

هذا اللي اقدر اخدمك فيه اختي....اتصلي واحجزي بنفسك اضمن

عروض اضافية لاحدى المكاتب المتخصصة بالايجارات في صلالة :

شقتين في بناية واحدة في قلب المدينة على شارع السلام ويوجد في البناية مقهى للأنترنت شقه غرفتين ب 20 ريال3غرف ب 25 ريال
2- فلة في وسط صلالة ثلاث غرف +حمامين+مطبخ+صالة+جراج للسيارة (حوش)25 ريال
3- فلة في صلالة الجديدة ثلاث غرف +مجلس+ رحمامين+مطبخ+صالة+جراج للسيارة ب 35 ريال
4-فلة من طابقين في مدينة السعادة مجلسين + مطبخ+ أربع غرف + 4 حمامات +جراج للسيارة (حوش)
5- فلتين في حوش واحد غرفتين+مجلس + صالة + حمامين+مطبخ للفلة الواحدة السعادة بجانب جامعة ظفار 35 ريال للواحدة
6- 8 شقق في بناية واحدة عبارة غرفتين + حمامين+صالة+مطبخ للشقة في صلالة الجديدة كل شقة من 20 ريال الى 25 ريال
7- 3 شقق في صلالة الشرقية غرفتين + حمام+ صالة+ مطبخ كل شقه من 20 ريال الى 25ريال
8- شقة راقية جدا في السعادة غرفتين+حمامين +صالة كبيرة+ مجلس+ مطبخ 35 ريال
وبالأضافة الى كثير من الشقق والفلل الموجودة في صلالة ( السعادة-الدهاريز-عوقد-صلالة)

اتصل على ارقامنا
99631168
92575060
99581514
99454599
شركة دار الخريف للعقارات
مكتبنا وسط صلالة على شارع القوف

المشاركة الأصلية كتبت بواسطة ..أم فيصل ..


بسم الله الرحمن الرحيم
جزاك الله خير أخوي صلالة على الرد .. وأنا فعلا كنت أنتظرك ردك إنت بالذت وتفاجأت بعدم وجود من يساعد
آسفة على التأخير بالرد .. بس ظروف السفر والتجهيز ..
أخوي أنا إن شاء الله بطلع باجر من العين وباجذ طريق مزيد .. يعني على طول على الحدود العمانية ..
وإن شاء الله إذا الله قدر لنا وساعدنا بالطريج وييسر لنا بنوصل يوم السبت ..
أنا اتصلت بفندق ظفار .. بغيت أحجز فيه الشقق المفروشة .. بس قال لي اتصلي يوم الجمعة وبنأكد عليك إذا تحصلين حجز ولا لأ ..
محتاجين 3 شقق ..
وحدة حقي وحق زوجي .. يعني عائلة صغيرة ..
وشقتين حق عائلتين كبار .. فيهم أولاد وبنات ..
ودنا بمكان تكون الخدمات متوفرة فيه وقريب من الأماكن السياحية .. ويكون نظيف وزين مثل حي السعادة
فندق ظفار قال إن الأسعار 25ريال عماني -30ريال عماني .. وأنا أشوفها جدا مناسبة إذا كانت الشقق نظيفة ومرتبة ..
المشكلة إن باجر الظهر بعد صلاة الجمعة إن شاء الله بنسافر .. فما أدري متى أقدر أدخل الانترنت ..
على العموم .. بحاول إن شاء الله قبل ما أطلع من البيت أشغل الانترنت .. وإن شاء الله مافيها كلافة عليك ..
بارك الله فيك أخوي
أختك أم فيصل



كم يوم تبون بسرعه

المشاركة الأصلية كتبت بواسطة ..أم فيصل ..


بسم الله الرحمن الرحيم
إن شاء الله أسبوع



انا مدري ليش تخلين لاخر الوقت وماتعلميني من زمان المهم انشا الله الامور تصير تمام ولوتنه الوقت حرج جدا برد عليكي باكر

بسم الله الرحمن الرحيم

آسفة أخوي .. بس السفر صار فجائي .. لأن في البداية كان العزم على ماليزيا ..


أشكرك مرة ثانية أخوي


أم فيصل

هذا رقم هاتف اتصلي بيه باكر وبيكون عنده الجواب انا كلمتهم الحين وايضا قالوا بنرد عليك باكر انتي اتصلي فيهم 0096899281829 وانشاء الله تحصلي الجواب والامور تمام

:24: :24: :24: :24: :24: :24: :24: :24: :24: :24: :24:
اخوى صلاله 99 الف الف شكر على تفاعلك وهتمااااامك بزوار صلاله
انا بكون فى صلاله يوم السبت او الاحد 12/8/2006
وبجلس 10 ايام شوف لى شقه على ذوقك ياعسل

المشاركة الأصلية كتبت بواسطة gxr_2006


:24: :24: :24: :24: :24: :24: :24: :24: :24: :24: :24:
اخوى صلاله 99 الف الف شكر على تفاعلك وهتمااااامك بزوار صلاله
انا بكون فى صلاله يوم السبت او الاحد 12/8/2006
وبجلس 10 ايام شوف لى شقه على ذوقك ياعسل



انشاء الله ولاتهتم

المشاركة الأصلية كتبت بواسطة ..أم فيصل ..


بسم الله الرحمن الرحيم
جزاك الله خير أخوي ..
الرقم صار عند زوجي وإن شاء الله هو بيتفاهم معاك ..
بارك الله فيك ..
أختك أم فيصل




تمام اختي ام فيصل

توصلون بالسلامه

المشاركة الأصلية كتبت بواسطة صلالة 99


انشاء الله ولاتهتم



:24: :24: :24: :24: :24:
بنتظارك ولاتتاخر على ياااااعسل:36_13_3:

للرفع ........................................؟
وينك ياااا صلالة 99

:110: :110: :110:

افا يعنى مافيه شقق انا ماشى بعد بكرة ولاحجزت واالا سويت شى يقول اشقق كثير وسعارة رخيصه من 200 الى 350 ريال سعودى ؟
الاخ cms
ممكن تشوف لى شقه 2 غرفتين
ارسل رقمك على الايميل
** يمنع نشر الإيميلات الشخصية **
الإدارة
بنتظار ك

بسم الله الرحمن الرحيم

أنا أمس راجعة من صلالة .. والحمد لله رحلتنا موفقة واستمتعنا بها كثيرا ..

والله يوم كنا بصلالة أذكر كنا تونا طالعين من الشقة و جايين بنركب السيارة ولا واحد يجي يسألنا عن شقة فاضية .. أنا طبعا ما شفته .. بس زوجي يقول باين عليه التعب وحالته حيل تعور القلب .. كأنه ظل ساعات يدور على شقة يسكن فيها .. دليناه على المكتب إلي أخذنا منه الشقة .. والله أعلم إن حصل ولا لأ ..

والله تضايقنا من قصة "من سبق لبق" .. لو إنهم يتعاملون بالحجز المسبق كان كل واحد ارتاح ونظم رحلته على هالأساس .. مو إنه يروح وبعدين يتفاجأ إذا في ولا مافي ..

صلالة حلوة .. لكنها جديدة في قطار السياحة .. مقارنة بالدول الثانية .. صلالة يبيلها اهتمام أكثر بالسياحة ..

ولا تنسون إن صلالة مدينة في سلطنة عمان .. فمافي أي وجه مقارنة بينها وبين دولة ..

يعني مدينة = دولة !!! طبعا ما يصير

أشكرك أخوي صلالة99 على الجهد إلي بذلته معانا .. والله يكثر من أمثالك ..

أهل عمان بشكل عام كلهم طيبين .. وحتى زوجي لاحظ إن حتى حديثهم فيه أدب .. وإذا حب أحد يقدم نصيحة يقدمها بأسلوب ذكي غير جارح ولبق ..

مثلا كان زوجي ينتظر طلبية من المطعم .. وكان واحد عماني بجنبه .. وبدل ما يقول العماني إن يالله استعجلوا بطلبيتي أو خلصوا بسرعة أو ليش تأخرتوا ,, ذكر مثال وقال : إحنا لما كنا بـ(وذكر اسم دولة خليجية) كانوا يجيبون الطلبيات بسرعة ... يعني بطريقة غير مباشرة وصل لهم المعلومة ..
وأكثر من مثال مر علينا يدل على طيبتهم وحبهم للمساعدة ..

وطبعا موقف الأخ صلالة99 أكبر دليل على كلامي ..

الله يوفق المسافرين وإلي بيسافرون .. وييسر عليهم الطريق .. آمين ..


أختكم أم فيصل