الموضوع: خبراء المالديف ۔ شرفوني بالدخول والرد على استفساراتي

السلام عليكم ورحمه الله وبركاته

انا كنت من المتابعين للمنتدى في وجهاتي لرحلات السفر اخذ المعلومات وانحااااش هههههه

مالكم بالطويله

حجزنا انا وزوجي عالمالديف في تاريخ 1 نوفمبر الى 7 نوفمبر على فندق anantara dhigu ( انانترا ديغو )

اخذنا الواتر فيلا ديلوكس ( sunrise over water suite ) وحجزنا فطور وغداء وعشاء مدري اسمه ( full board supplement ) اتوقع انه هذا اسم الوجبااات هههههه اللي مكتوب بالفوتشر

ومن ضمن الباكيج اللي خذناه طبعا التوصيله بالبوت من المطار للفندق والعكس

والرحله راح تكون من مطار قطر على الخطوط السيرلانكيه بالليل ونوصل الصبح لكولمبو ونغير الطياره وبعدها لمالي
يعني راح نكون باذن الله في المالديف بتاريخ 2 نوفمبر

سؤالي ..

وشي الرحلات البحريه اللي متوفره بالفندق ؟؟ وكم تقريبا اسعارها
وش تنصحوني فيه من برامج هناك وكيف استمتع بالخمس ليالي من دون تكرير للبرنامج
وتقريبا كم راح اصرف على الرحلات والبرامج بحكم اني دافعه كل شي هنا
هل الوقت اللي بروح فيه مناسب !!
المساج هناك سمعت انه باكيج لكل نوع وانا ماعرف وش افضل شي وكم تتراوح اسعارها
وش تنصحوني اخذ معي اغراض ضروريه
وافضل اخذ معي كاش دولار والا احط كل فلوسي بالفيزا ؟؟

تحملوني اول مره نروح لجزيره ومادوي تكون الروحه مو حلووه

مواضيع عشوائيه ممكن تكون تعجبك اخترناها لك:

• كم تكلفة 10 ايام في المالديف
• موريشيوس وأستفسارات بسيطهـ
• استفسار عن شركات الاتصالات في موريشوس
• لمن له الخبره في المالديف وموريشيوس
• جزر القمر ،، معلومات عنها ،، لا أحد يبخل للضرورة القصوى
• من المالديف تحية
• ساعدوني بليز
• طيران الجزيرة من الكويت الى المالديف
• أي الفنادق أفضل ردو بسرعه تكفون
• تم الحجز لشهر العسل في موريشيوس فهل من نصائح
• استفسارات خفيفة عن المالديف وموريشيوس
• راسلت باروس الملديف وهذا ردهم
• ساعدوني يااهل الخبره
• جزر المالديف أنتظروا تقريري رقم وبالصور
• ارجو المساعدة بخصوص دراسة ال cpa في امريكا
• باكج للمالديف لاسبوع العسل
• سؤال لاهل الامارات
• شهر العسل وين المالديف ولا موريشيوس
• احترت ياناس
• عاااجل بالنسبة لموقع

up

ياليت احد يردعلي من الخبراء واللي زارو المالديف من فتره قريبه

ياليت تزودوني باسعار الرحلات او على الاقل سعر تقريبي ...

شدعووووه فوق 30 مشاهده ولا احد رد علي !!!

و عليكم السلام و رحمة الله و بركاته
اهلين و سهلين اختي العزيزه
اول شي بخصوص الوجبات صحيح الفل بورد يعني جميع الوجبات
و بخصوص الرياضات المائية اغلب المنتجعات تكون فيها ( رحلة السنوركنج و الغوص و مشاهدة الدلافين و رحلة لجزر سكان المالديف و في جت سكي )
و حلوة المده اللي راح تكونين فيها بس لو وزعتيها على نوعين من الشاليه راح يكون افضل لكم و هم تنوعون يعني يكون يومين على الشاطئ و 3 على البحر
و بخصوص المساج ماعندي اي فكره بس مره كنت بجرب المساج و حسيت انه غالي واايد و كانت رحلتي مالديف و ثم ماليزيا اجلتها لماليزيا ارخص ^_^
و بخصوص الفلوس من وجهة نظري اخذي 1500 دولار كاش ان شاءالله بتكون كافية و وافية و خلي معاج الفيزا احتياط
و حاولي تصرفين 100 دولار فكه يعني دولار واحد او 5 مثلا
و عندج العشى الليلي يكون على الشاطئ جربيه راح يكون شي حلو و عجيب
حاولي تاخذين معاج خفايف يعني شبس و حب و بسكوت للتسلية
وو هم اخذي كريمات للحماية من الشمس اهم شي اخذي نظارات المائية و الانبوب مال التنفس للبحر لانه هناك راح تكون اسعارها كبيره
و صدقيني ان شاءالله مارح تطلعين من المالديف الا و انتي ناسية كل شي وراج حتى لو ما عملتي اي شي هناك كافي بس الطبيعه اللي راح تشوفينها الله يرزقنا جنه ان شاءالله و جميع المسلمين يارب
و اخر كلامي لا تنسين صلاتج و التسبيح على خلق الخالق

و لا تزعلين اذا الاغلب يشوفون الموضوع و ما يردون مو تطنيش بس اكيد يجمعون لج كل الملعومات و ان شاءالله محد راح يقصر معاج
و سامحيني على القصور هذا كل ما عندي اللحين

ياليت لو تعلميننا الأسعار اللي اخذتي فيها رحلتك ؟
ومن وين اخذتيها ؟

تروحون وترجعون بالسلامة :-)

مشكور بو حمد كفيت ووفيت الله يجزاك الجنه ومن تحب والمسلمين اجمعين

مافهمت وشو العشى الليلي ؟؟ يعني انا اطلبه من الفندق او هم يسوونه لي من ضمن الباكيج؟؟

انا سمعت اني اقدر اطلب من الفندق يسويلي سهره خاصه عالبحر او داخل البحر اتوقع هذا اللي تقصده من العشى الليلي !!بس حبيت اتاكد من سعرها لو احد عارف..

انا قريت بعد ان 250 دولار يوميا تكفي بس اللي ابي اوضحه اني ابي اجرب كل النشاطات والالعاب المائيه وماودي اتفاجأ بالاسعار هناك واتوهق

يعني انا عندي ميزانيه محدده تقريبا 1000 ريال يوميا تتوقعون تكفي او زياده !!

اسفه على كثره الاسئله تحملوني

اهلين اخوي نايف .۔ الاسعار تقريبا حلووه التذاكر طلعت علينا 1630 ريال تقريبا على الخطوط السيرلانكيه وكان فيه عرض ان سعر الدرجه البزنس نفس سعر السياحيه بس مالقينا مقاعد في الروحه بس طلعت الجيه عالبزنس

والباكيج كامل شامل التذاكر والسكن في السويت الواتر فيلا لمده 5 ليالي مع 3 وجبات وتوصيله البوت من والى المطار كلها بـ ( 22000) ريال عن طريق مكتب الريف للسفر والسياحه في الاحساء

صديقتي اخذت نفس الباكيج من دون غداء وراحت بعد عيد الفطر باسبوع طلع عليها بـ ( 19700 ) ريال

يالبيت لو احد رايح نفس الفندق وجرب البرامج هناك يعطيني خبر

لان صديقتي خوافه ولا جربت شي غير الغوص السطحى للشعب المرجانيه ورحله الصيد وقارب التجديف والمساج بس الباقي من الرياضات المائيه ماجربتهم عشان كذا مافادتني في الاسعار

ياليتني من خبراء المالديف كان افدتك والله ياختي كانك انا غثيت الاعضاء بكثره الاسئله بس عسانا نروح بعد هالمغثه هههههههه والله يكتب لك ولي اللي فيه الخير امييين

وعليكم السلام ورحمة الله وبركاتة



أهلا بك أختي الكريمة تعـ جراح ـبت رحلة سعيدة وموفقه أن شاء الله







وشي الرحلات البحريه اللي متوفره بالفندق ؟؟ وكم تقريبا اسعارها
وش تنصحوني فيه من برامج هناك وكيف استمتع بالخمس ليالي من دون تكرير للبرنامج
وتقريبا كم راح اصرف على الرحلات والبرامج بحكم اني دافعه كل شي هنا
هل الوقت اللي بروح فيه مناسب !!
المساج هناك سمعت انه باكيج لكل نوع وانا ماعرف وش افضل شي وكم تتراوح اسعارها
وش تنصحوني اخذ معي اغراض ضروريه
وافضل اخذ معي كاش دولار والا احط كل فلوسي بالفيزا ؟؟




الرحلات المتوفرة هي رحلة صيد سمك سواء فالليل او وقت الغروب ورحلة صيد الاسماك الكبيرة ورحلة الدنهل و رحلة الجزيرة المعزوله ممكن تتوفر هناك وممكن لا ورحلة مشاهده جزيرة محلية قريبه من المنتجع وعندك الالعاب المائية الجتسكي والبانانا والباراشوت وايضا الغوص والغواصه ممكن تكون موجوده وممكن لا وعندك العشاء الرومنسي


طبعا راح تحتاجين ميزانيه منفصله للانشطه وللمصاريف الرحلات دائما تكون من 50 لين 60 دولار للشخص الالعاب المائية من 150 لين 250 دولار للشخص الجزيرة المعزوله ممكن 600 دولار والعشاء الرومنسي كذا لك وايضا رحلة صيد الاسماك الكبيرة نص يوم 600 دولار وعندك السبا من 100 دولار لين 300 الاسعار هذا تقريبا ممكن تنقص وممكن تزيد


وقتك مناسب جدآ وقت وصولك اطلبي منهم ورقه للانشطه وحددي لك كل يوم نشاط وطبعا عندك انشطه معتاده كل يوم السباحه والغوص والتمشي بالمنتجع والمساج انواع مثل ماذكرتي تاخذين اللي يناسبك انتي او تتكلمين مع مسؤولة مركز السبا عما تريدين


المبلغ تاخذينه دولار او يورو ويفضل دولار وجزء منه كاش والباقي بالفيزا عادي


من الاساسيات واقي الشمس وكريم ضد الناموس والباعوض حبوب دوار البحر بنادول تتاكدون من اوراق حجزكم كامله والمبلغ المالي اللي معكم كاميرا عشان توافينا بالتقرير طبعا


ورحلة سعيده وموفقه بإذن الله

ام الدانات يسلموو على المرور ههههههه ان شاء الله ربك يسهلها لي ولك

لازلت انتظر اخبار من خبراء وزوار المالديف .....