السلام عليكم ورحمه الله وبركاتهصباح / مساء الخير
اولآ : يشرفني اني اكون عضو بهذا الصرح الكبير وبالاخص في بوابه تايلند
واتمنى ( ان تقبلوني عضو خفيف عليكم )..
اخواني انا باذن الله معزم اسافر انا وخويي الى تايلند الساحره بأذن الله يوم السفر
تاريخ 2012/6/25 لمده ( شهر كامل 30 يوم )
والميزانيه بتكون ( 37 الف ريال قطري ) شامل التذاكر وعلى حسب حسبتنا ان بتصفى من بعد خصم
سعر تذاكر الروحه من قطر والجيه من تايلند بيصفى لنا ( 30 الف ريال قطري )..
طبعآ هذا الصافي من بعد سعر التذاكر الروحه والجيه ولحد الحين ماحسبت السفر الداخلي..
استقرينا على 6 مدن وهم ( بانكوك , هواهين , بتايا , كوه ساموي , شانغ ماي , فوكيت )..
ولما نوصل تايلند بنجلس في بانكوك يوم ثم تبدأ الرحله لهذه المدن ..
طبعآ احترنا في اكثر من نقطه وانا لجئت لكم لاني عارف ماراح تردوني فيكم الخير والبركه
اسألتي واستفساراتي هي :
1- كيف بيكون خط السيربين هذي المدن من بانكوك ثم المرور على كل المدن والرجوع الى بانكوك؟؟
2- انا اشوف اني لما اوصل بانكوك اسافر الى كوه ساموي بالطياره وبعدها الى شانغ ماي بالفيري وبعدها الى بوكيت بالفيري ثم من بوكيت الى بانكوك بطياره .. هل خط سيري كذا صحيح ؟؟
3- بالنسبه لبتايا وهواهين اقدر انزلهم بسياره او في باص يوصلك لهم وايهم اوصل قبل بتايا ولا هواهين ؟؟
4- بالنسبه لهواهين هل حد منكم زار جزيره تالوه ومانطباعكم عن الجزيره وعن هواهين هل اسكن فيها يومين او ثلاث ولا تكفيها يوم فقط ؟
5- بالنسبه لستأجر سياره في بانكوك وبوكيت كم اسعارهم ؟؟ وكيف الاجراءات يارب القى حد اجر سياره في تايلند او الافضل اجر لي دراجه !!
6- في بوكيت ابغى فنادق قريبه كثير من شاطىء باتونغ بيتش تكون قريبه منه حيل وتكون بحدود 2000 بات لليوم وتكون نظيفه واطلالتها حلوه وجميله ؟؟
7- اما بالنسبه لكوه ساموي ابغى فندق ولو كان في نظام شقه غرفتين وصاله يكون افضل وافضل بس يكون بمكان حي ويفضل على السيف ؟؟
8- بالنسبه لشانغ ماي اعرف ان السكن فيها رخيص على مااظن لو القى فيلا غرفتين افضل وافضل هل تقترحون علي فندق او فيلا ؟
9- بالنسبه لبتايا ماعرف الفنادق الجيده هناك ؟؟ ايش تنصحوني فيه ؟؟ وهل صحيح في قسم بعيد عن العرب في بتايا ؟؟
10- بالنسبه لبانكوك اعرف ان الشقق كثيره وحلوه وفخمه وسعره حلو ياليت تقترحون لي شقه اسكن فيها وسعرها بحدود 2000 بات ؟؟11- ابغى سائق او مرشد سياحي في بوكيت وكوه ساموي وشانغ ماي هل تدلوني على شخص ممتاز وثقه ؟؟
12- وماهي الرحلات الي تنصحوني بها تنفع لثنين شباب بكل المدن المذكوره وماهي اسعارهم ؟؟
-------------------------
بالنسبه للجدول الذي اقترحناه ل 30 يوم
1- بوكيت : 12 يوم في بوكيت
2- كوه ساموي : 6 ايام في كوه ساموي
3- شانغ ماي : 4 ايام في شنغ ماي
4- بتايا : 5 ايام بتايا
5- بانكوك وهواهين : 3 ايام في بانكوك ويتم زياره هواهين
-----------------------------
شرايكم بالجدول ولو يحتاج تعديلات لاتبخلون علي ؟؟
واذا كان الجدول محتاج تعديل ساعدوني الله لا يهينكم الجدول معمول ل 30 يوم بتايلند
والسموحه طولت بسألتي وثقلت عليكم بسالتي تحملوني الله لا يهينكممواضيع عشوائيه ممكن تكون تعجبك اخترناها لك:
- ممكن استفسار بخصوص تايلند
- عاجل بكرة الوصول للسوق في بانكوك نداء لولد البحرين عبدالله الكويتي
- لو تكرمتم افيدوني
- بالنسبة للرحلات الداخلية سؤال على الطاير
- للسعوديين فقط
- طلب اوقات الصلاة
- استفسار ياخبراء بوكت
- السلام عليكم
- استفسار لي اهل الخبرة
- مساعده
- عزمت على السفر إلى تايلند وأرجو من له الخبره التفضل بالمرور ومساعدتي
- ممكن مساعدة في عمل برنامج
- سؤال للاخ ؟
- الوزن الاضافي
- استفسار عن طيران
- مصاريف لرحله لتايلند يوم
- رحلتي المجنونة الى حلب
- تم الاقلاع من شيانغ ماي ونصائح للشباب
- استفساراتي بخصوص تايلاند
- استفسار اتمنى الافادة ؟
رد مع اقتباس
المفضلات