السلام عليكم
وعليكم السلام ورحمة وبركاته
اخواني اخواتي
انا ان شاءالله مسافر لتايلاند بعد مايقارب 18 يوم من الان
وحاجز وكل شيء
لكن عندي استفسارات كثيره وياليت تعطوني لها جواب ؟؟
1- ماهي مطلبات التاشيره + حنا سعوديين هع ماندري ششسالفه يعني حبه حبه علمونا ههههه؟
التأشيرة الأفضل تاخذها من السعودية كون رحلتكم اكثر من أسبوعين
وعلى فكره سعر التأشيرة زادت إلى 160 ريال هذا كلام قنصلية جده قبل قليل
وتحتاج إلى تعبئة الاستمارة مع الجواز الأصلي وصورة منه
وثلاث صور شمسية (( مطبشر )) 
مع المبلغ المذكور ...
تقدم اليوم وتاخذها بكره بعد الظهر مثلا ...
2- ماندري وش الجدول المطلوب وين نروح وين نجي ؟ مدة صيفتنا 20 يوم وين نروح ؟ جزيرة بوكيت × باتايا × بانكوك ؟
حاول تضيف وقت وصولك حتى يتم التوضيح لك اكثر
3- وياليت تفيدوني وين اروح بالمطار لان مانبي نجلس في بانكوك على طول ان شاءالله اول مانوصل المطار نخلص اجرائات التاشيره ثم نطلع نحجز على طول لبوكيت ؟ وش الخطوط الموثوقه هناك وكيف التعامل ؟ ؟؟
طيران آير أسيا لابأس واقتصادية
4- كيف اجواهم خلاال السنه ؟ من شهر يونيو 22 الى مابعد الشهر يونيو ؟؟
الجو في تايلند بصفة عامة لايعلى عليه وامطار تعجبك بإذن الله
5- كيف ننضم جدول رحلات سفاري مثلا الفيلة + والدبابات + والشواطي الخ ...
الفيلة أبعد عنها
أما بقية الرحلات سوف تجد كشكات كثيرة عندهم جميع الرحلات
طب واختار ولاتستعجل في السعر حاول تنزل في السعر
بأسلوب مبتسم وحاول تروح كذا كشك تسعر الي تبيه
حاول وتكون رحلاتك إلى الجزر على القارب السريع ناسي إسمه ...
6-ماحجزنا فندق ولا شيء وش تنصحونا نسوي ؟ وكيف سعرهم ؟ وهل عندهم فلل مثل اندونيسيا ؟؟
الي تبيه موجود بس حدد ميزانية السكن في الليلة والمطلوب
وبإذن الله مابنقصر معاك
7-ممكن احد يفديني برقم سواقين ؟ هل هناك سواقين يتحدثو العربيه ؟
مايحتاج سواقين
العالم شغالين مشي طال عمرك
اهم شيء موقع الفندق يكون قريب من المواقع الي تبيها ...
8-وكيف نظام العيشه هناك مثل الاسعار هل هي رخيصه ام غاليه ؟
بوكت اغلى مكان بالنسبة للاكل والأسواق
ونصيحة ابعد عن المطاعم العربية
وكم الريال السعودي يساوي عندهم ؟ او اغير العملة من السعودية الى الدولار امريكي ومن الدولار الامريكي الى البات التايلاندي ؟
أصرف جميع مبلغك بالدولار من السعودية
ولمن توصل المطار اصرف مبلغ بسيط تايلندي حق التاكسي
9- يقولون البعض لاتقول انك سعودي هناك للابتعاد عن المشاكل او نحوها ؟؟ هل صحيح ؟
ماعندك احد
وحاول تتجنب المشاكل بقدر الامكان
ويا غريب خلك اديب !!!
10-اتمنى من الجميع بترتيب لي جدول سفر وجدول سفاري مرح ؟
الجدول لمن تحدد وصولك وعدد الايام بالضبط
راح نوزعها لك ونعطيك جدول بإذن الله يعجبك
اسف على الاسىلة الكثيره
تمووووووون إنت تموون
يانظر العيون
واشكركم واشكر المنتدى الراىع
واتمنى من الجميع مجاوبتي انا بمس الحاجه لكم يااخواني
اتمنى اكون افدتك لو بشيء بسيط
انتظر الاجوبه
رحلة سعيدة
رد مع اقتباس
المفضلات