وعليكم السلام ورحمة الله وبركاتة


أهلا بك أخي الكريم المستشار نتمني لك رحلة سعيدة والتخطيط المبكر سليم جدآ للفوز بااسعار مميزة

راح يصادف وقت سفرك 6 / 7 / 2012 بإذن الله تم تحويل التواريخ حتى تكون اضبط الوقت هذا الاسعار ممتازه بالمالديف فما بالك بالحجز المبكر بخصوص اسئلتك راح اجاوب لك عليها واتمني تجد الفايده التى ترجوها







1: أفضل شركة طيران من حيث [ الراحة - التكلفة ] ( المدينة - مالديف أو مالي - المدينة ) *..؟؟





الشركات التى تذهب للمالديف هي الاماراتيه والقطرية والاتحاد والسيرلانكية والعمانية

والافضل من تجربه الاماراتيه اذا كان لك خط مرور على دبي في العودة فاانصحك بها وجميعها تخرج من المدينة وبما انك راح تحجز من الحين اكيد راح تحصل اسعار في متناول الجميع حاليا اسعارها تتراوح مابين 5000 لين 7000 ريال للواحد واعتقد راح تحصل اسعار اقل لو حجزت من الآن







2: أفضل فندق من حيث [ الامان - التكلفة ] ..؟؟












الفنادق متعددة وكثيرة ولكن راح اذكر لك على سبيل المثال واسعارها مناسب وهي الهلتون فوشية والشيراتون فل مون راح تحصل اسعار جميله فيهم وعندك ايضا فنادق افضل منهم دبليو وكونراد وتاج المالديف وشانغرالا والفور سيزون وانتارا ديغو وكوكو بالم وون اونلي وتجد فنادق ارخص ولكن مستهلكه مثل كورمبا وبراديس






3: كم التكلفة اليوميه في مالديف [ مدة الاقامة 5 أيام ] ..؟؟












يختلف الصرف من شخص لشخص ولكن من 300 لين 500 دولار تقريبا باليوم تشمل وجبتين الغداء والعشاء والانشطة ولكن قد تجد انشطة مرتفعه تكلف لوحدها 500 و600 دولار لذا الصرف يختلف من شخص لاخر






4: هل لبس العبائة للـ الزوجه فيه مضايقة وهل تستطيع التنزه في موقع الفله بـ راحه ..؟؟

5: هل النظره لنا نحن كـ [ عرب - خليجيين ] نظره كـ نضرة الغرب لنا ..؟؟




جمعت لك السؤالين مع بعض اول شي المالديف بلد اسلامية 100 % والشعب لطيف جدآ وقت رحلتك لا يوجد اجانب بكثرة لانه تكثر الامطار والجو غايم وهم يحبون الشمس واخيرا تاخذ راحتها على الاخر ومافي اي مضايقات وذهبت انا وانا اللبس العباية ومافي اي مشاكل بالعكس يسعون لراحة النزيل بالدرجة الاولى






6: افضل وقت لـ حجز [ التذكرة - الفندق ] متى ( مع العلم أني سوف اسافر في 1433/8/15 [ بـ حول الله ] ..؟؟





قبل السفر أن شاء الله بست اشهر وبالاخص المالديف حتى تحصل على اسعار مناسبة








7: أفضل موقع لـ حجز الفندق ..؟؟













عندك أجواد وبوكنج وآسيا ترفل ولكن انصحك وبقوة ان تذهب لأحد مكاتب الاماراتيه للعطلات راح تجد عندهم عروض مميزة لشهر العسل وتستطيع ان تذهب للمالديف 8 ليال مقسمه على منتجعيين او 5 ليال بمنتجع واحد بالاضافه لدبي لعدة أيام







: وقت الرحلة [ من مطار المدينة إلى مالديف إلى الفندق ]..؟؟












على حسب الخطوط المختارة ولكن من المدينه لدبي او الدوحه قرابة الساعتين ومن ثم للمالديف اربع ساعات ومن مطار مالى على حسب المنتجع اما بالبوت السريع ربع ساعه او نص ساعه او الطائرة المائية من نص ساعه لساعه الا ربع






9: التكلفة الاجمالية ..؟؟





على حسب سعر التذاكر والليال المختارة والصرف ولكن لو كانت التذاكر على سبيل المثال 4000 ريال للشخص عندك 8000 ريال لشخصين والفندق من 1000 لين 1500 ريال لو قلنا خمس ليال من 5000 لين 7500 ونقول المصروف 5000 ريال وعندك الطائرة المائية لو كانت وسيلة النقل عدك 400 دولار لكل شخص مضافه ودبي لو مررتها سكن دبي لا نستطيع ان نجيب لك الحسبة الدقيقة ولكن هذا تقريبيها







10: نصيحة وطرق تتبعها في جميع أسفارك ..؟؟





اول النصايح هو التؤكل على الله سبحانه وبحمده والحجز مبكرا وعدم تشيت البال والذهن اثناء الحجز قد تجد منتجعات غالية واخره رخيصه وبفرق ولكن تذكر ان المالديف لايوجد بها اي فعاليات او انشطه الا بحرية اغلب الوقت بالفيلا واذا ماكانت مريحه راح تطفش وتتمني الرجعه السكن المريح يعطى نفس مريحه راجع الاماراتيه للعطلات قد تجد عندهم عرض مميز احجز قبل السفر بست اشهر راح تحصل على خصم من 15 لين 30 % من الاماراتيه للعطلات



اي استفسار اخر حاضره للرد عليك

مواضيع عشوائيه ممكن تكون تعجبك اخترناها لك: