انا في تايلند ومحتاج مساعده

**ahmedali** · 01-16-2015, 08:36 AM

السلام عليكم اخواني انا حاليا في بانكوك ومحتاج احد يرد علي استفسارتي في اسرع وقت ممكن اولا دريم ورلد هل تستحق الزياره وشلون اوصلها هل اخذ تاكسي يوم كامل او اقوله يوصلني وهناك احصل تاكسي يرجعني واتمني اذا مافي تاكسي هناك تنبهوني. وابي اعرف مكان السوق الليلي وين مكانه لاني اليوم دورته وماعرفت مكانه وشلون اوصل بالقطار.
وهل السوق الصيني يستحق الزياره وشلون اوصله بالقطار.
وابي افضل سوق للهدايا.
وبيض الله اوجيهكم وماقصرتو

مواضيع عشوائيه ممكن تكون تعجبك اخترناها لك:

**ahmedali** · 01-16-2015, 08:37 AM

ان شاء الله الاعضاء مراح يقصرون معاك

**alifun** · 01-16-2015, 08:37 AM

علي حسب قرأتي للمواضيع استخدم شيئ يسمونه التوكتوك

**ahmed3** · 01-16-2015, 08:37 AM

دريم ورلد ملاهي حلوة تصلح للعوائل بشكل كبير ،،

اذا كنتوا شباب انصح بـ سيام بارك فيها العاب اكثر تنفع للشباب وبالاضافة ان نصها مسابح والنصف الاخر العاب ملاهي ،،

يفضل تحجز لدريم ورلد او سيام من مكتب سياحي لانهم يحاسبونك بشكل كامل للتوصيل والتذكرة واللعب الغير محدود ،، انصح بمكتب موسى البانكوكي في شارع العرب بالتحديد شارع سوكموفيت سوي 5
اعتقد السعر للشخص الواحد 1200 بات الى دريم ورلد (تشمل التوصيل والتذكرة واللعب غير المحدود) ، اما سيام بارك احتمال اقل تقريبا الشخص 1000 بات .

بالنسبة للسوق الليلي هناك كذا سوق ،،
مصلا سوق بات بونق نايت بازار وهو قريب من منطقة العرب تروح له بالتاكسي اذا بدون عداد لا تدفع اكثر من 150 بات ،، واذا بالعداد بيكلفك اقل من 100 بات ،،
وهناك سوق اخر اسمه سيام بارادايز نايت بازار وهو جديد وبديل عن سوق سوان لوم اللي تم اغلاقه مؤخراً ،، بعد روح له بتاكسي افضل،،

السوق الصيني في ناس يعجبها وفي ناس ما تحبه ،، هناك بضاعة متنوعة لكن نفسها متوفر في اغلب الاسواق ،، يعيب السوق الروائح الكريهة الناتجة عن الماكولات الغريبة الصينية في كل مكان بالسوق.