الموضوع: اول ايام بموريتيس

السلام عليكم,,,,

الحمد الله تم الوصول الى موريتيس"STC" يوم الخميس الساعه 5 العصر ,,,,,,

طبعا الرحله كانت متعبه يمكن لان الطياره كانت ايربااااص وانا مستغرب من طيران الامارات كانت الافلام محدوده وبايخه نشوف بالرجعه يقولون انها بيونغ,,

سير الرحله الاقلاع من الرياااض الساعه 4.20 الفجر وتاخرت الى 5 الفجر ووصلنا دبي وجلسنا بدبي 3 ساعات واقلعنا الساعه 10 وشوووي الى موريتيس ,,,,المشكله ماعرفت انوم بالطياره والافلام محدوده والرااااس صدع...بس الحمد الله وصلنا بسلام,,,,

لقيت السواق يرحب فيني ويهلل وركبت معه وانا نايم بالسياره خخخخخ"دااايخ" وصلت بيل مار والدنيا ليل قابلت المدير وسلم علينا وشربنا عصير وكملت الاوراق ورحت للغرفه كانت بالدور الارضي يوم شاف وجهي كش !!!قلت له انا مختار انه يكون مطل على البحر ,,,,قالي ارتح,,, وبيدبر لي وحده اذا كان متوفر ,,,,انا كنت جوعان رحت انا والمدام للمطعم ولقيت الموظفه تقول حصلنا غرفه ممكن تشوف البحر بس مو قريبه زي اللي تبي ووفرو لي بالدور الثالث,,,,


طبعا ذا الشهر "نوفمبر"من افضل الاشهر اللي فهمته من ناحيه الجو بس توبه اني اروح بذا الشهر لموريتيس وتوبه اني احجز في بيل مار....

طبعا مزحووووم من الاجانب وخاصه اذا بغيت تسبح العصر او ودك تتشمس زحمه,,,,ويليت اجانب اوسخ الاجانب عجز وشيبان واضح العنصريه فيهم يحرقونك بنظراتهم خاصه اذا شافو العبايه السودا,,,,,والله صرت اعاندهم واجلس قدامهم واللي بيقول حرمتك ماتغار عليك منهم مفاسيخ,,,,والله اني ارحمه اذا شفت وحده منهم القى بجسمها الف مليون عفطه والاااا النمش المغطي جسمهم والله انهم قرف في قرف,,,,,وصار لي موقف مع الموظفه اللي حولتني على المشرفه واللي صرفتني قالت بقول المدير ولااا قالت له شي وبالصدفه قابلت المدير وقلت له اني مو راضي عن خدمتكم!!!!من ناحيه النظااافه ماشاء الله ممتازه والجلسه ممتاز بس يبيلك الصبح توهم ماقامو,,,,,انا ماهمني مفاسيخ بس ابي اجلس وانا مرتاااح مو تلقااهم ينظارونك نظراان غريبه ....

الموقف بايخ ويمكن يجيني واحد ويقول انت بخيل ماتدفع ,,,,لما جت الموظفه لي بالغرفه سالتها! قلت غريبه مافي غلايه شاهي عندكم!!!قالت الا بس لازم تطلب قلت ممتاز حرام ذي البلكونه ولا فيه شاهي ولا قهوه الحمد الله شاري من الرياض كميه من البسكويت والشاهي المهم جابت الغلايه مع قارورتين مويه ...خلصت ذي القارورتين وعطشت قلت لزوجتي خذي من المني بار مويه عادي ندفعها وبكرا بيجيبون 2 وبتكفينا كل يوم....جا بكرا ولا حطو شي رحت ادق عليهم قالو لا اول مره هديه لانك طلبت الغلايه مره ثانيه لازم تدفع انا استغربت اول مره يمر علي فندق زي كذا حتى مره حطو تفااح بعدها بااح قلت انا ماخذ عندكم 5 ايااام ودافع مبلغ وقدره قالت انا اسف قلت طيب رحت للمشرفه بنفسي وقالت نفس الحكي طبعا سعر القاروره 95 روبيه ولا شي صح ببلاش!! مدري كم ريال المهم المشرفه قالت المدير موب فيه بس ببلغه وهو راح يكلمكم,,,,, رحت ابتعشي وبالصدقه يلقاني المدير على طول سلام عليكم ويسال كيف الفندق معكم قالت ممتاز بس ضايقني مساله كل شي بفلوس حطو لو قاروره ببلاش بعدها عادي دفعونا اذا خذينا من الميني بار....قال انا محد خبرني عن المشكله ولايهمك خلني اتكلم معهم وبنحل ذي المشكله قلت له عادي مو مشكله انتم عندك قوانين مدري قواعد ماقد شفتها بفندق حتى اذا قالك تكلفه الغرفه مع فطور وعشاء بس بالنسبه للعشاء المشروبات عليك اخر مره طلبت المدام مويه صب لها كاس وقلت له بناخذ القاروره معنا انواع التحليل طبعا من بكره لما رحنا المغامره حقت الدبااابات قلت للتاكسي مر على السوبرماركت ورحت شريت 5 قوارير مويه والقاروره عباره عن 1.5لتر وقارورتهم 1 لتر

كلفتني القاروره الوحده بس 15 روبيه
نصيحه اول ماتحط رجلك بالمطار اشتر اغراضك من المطار اللي تبي !ماغير يحطون بسريرك 3 الى 6 وروووده ...

بالنسبه للشاطي والجلسات احسه قليله ومزحوومه سلملي على فندق بتااايلند بزين مويته نظيفه ...........


انا شاطئهم ماعجبني وخاصه انه بالشرق مو بالغرب !!!الزبده حرام الواحد يجلس 3 ايام بالفندق هذا اليوم الثالث وودي اطلع منه اليوم!!!!! يله بقى يومين ,,,,واروح للهلتون

بالنسبه للموظفين ممتازين ويحرجونك ببتسامتهم وطيبنهم واذا شاف العبايه يقولون الاكل هذا حلال ووخر عن ذا حرام !!!بس زي ماقلت اللي مخربها ذولي العجز ولا شيبانهم يضحكون ويبتسمون بس حريمهم قشرااان ....وحده جالسه تناظر وفهت وهي تناظر اشرت بيدي لها وقلت تعالي اجلسي معنا وصوري استحت وجلست تناظر بالجهه الثانيه .....

بالنسبه للديره حلوه الحمد الله ضبطت الحجوزات وبديت اختار الاماكن اللي ممكن تتكنسل بسبة الجو بس الحمد الحمد الله الامور ممتازه واللي يقول ماتصلح شباب اقوله غلطااااااااااااااااااااااااااااااااااااااااااااااا ااااااااااااااااااااااااان بالعكس يمكن شباب تنبسط اكثر من النشااطات البحريه روعه

والديره حدها 7 او 8 اياااام


يله اشوفكم على خير

مواضيع عشوائيه ممكن تكون تعجبك اخترناها لك:

• مجموعه من الأستفسارات عن زنجبار للخبراء الرجاء المساعدة
• موريشوس؟؟
• خبراء الفنادق محتاج رأيكم
• ياليت تفيدوني يااهل موريشيوس
• ساعدوني برحلتي للموريشوس
• لمن له الخبره في المالديف وموريشيوس
• شهر عسل ف المالديف
• جزيرة جديدة
• خبراء موريشيوس مارايكم بهذا العرض ؟
• لو سمحت ؟
• ترآني عروسه سآعدوني بالآختيآر
• جزيرة بالاو Palau جزيره جديده وقريبه من فلبين استقلت من سنه
• من اي سفارة في السعودية نحصل على الفيزا جزر فيجي
• هل تكفي اسبوع لزيارة المالديف ؟
• محتااااااااااج مساعدتكم
• المالديف والأمطار عاجل
• استئجار الجزر الخاصة في موريشوس
• ممكن مساعدة
• ساعدوني بخصوص المالديف
• استفسار هام

هلا اخوي
والحمد لله عالسلامة واهم شي انك وصلت وقدرت تنقل لنا الصورة
ولى بعض الاسئلة لك
انت شلون حجزت عشان تروح وتلاقى الغرفة مو هى اللى انت طالبها
وليش اساسا" ترضى تجلس بغرفة حجزك مو عليها واكيد سعرها اقل
وليش ماأجبرتهم على توفير الغرفة او رفع شكوى للاأدارة لتقدم لك كل
الخدمات وباسرع وقت وغريبة الفندق يتعامل معك بهالطريقة خاصة
بتوفير الاشياء الروتينية بالغرف الخمس نجوم .المفروض منك تخصم من مادفعت لهم
والمفروض ان ادارة الفندق توفر لك اشياء مجانية على كل هالتعامل السيئ

بالنسبة للسياح الاجانب ياخوي هذا طبعهم ونظامهم وانت اخي الكريم
لاتناظر لهم ولاتدقق بما يعملون . خلك مع زوجتك وحاول تختار الوقت اللى
يكون فية اغلبهم مو عالشاطئ .وعلى فكرة ترى الاجانب لما يناظر لهم الواحد
بتمعن يبدون يركزون ويناظرون لة فلا تناظر لهم ياحبيبي

وبالنسبة لنصيحتك للشباب ماعتقد ان مورشيوس الانسب لهم
حتى لو مهما شفت من تصرفات من السياح هذا طبع لهم ولهم طقوسهم
التى قد نستغربها ونسوء الفهم احيان كثيرة بتصرفاتهم نحن كعرب

عالعموم اتمنى لك رحلة سعيدة وممتعة بس يكون بفندق غير هذا
وترتاح من تعاملهم ومن الاجانب وطريقة سياحتهم وعدم حيائهم واحترامهم
للذوق العام قطع الله دابرهم

ننتظر منك يومياتك بشغف تقبل تحياتي

دمت بود

يا ريت تقولنا شنو النشاطات السياحيه اللي ممكن اسويها بهالجزيره

أما عليك أسلوووووووب ألييييييييييييم ههههههههههههه أجل تعالي صوري معنا


فديتك والله....وترجع بالسلامه....صحيح إيش إسم الفندق عشان ما نحجز فيه.