اريد استئجار سيارة من مسقط والذهاب بها الى صلالة مالسيارة المناسبة وفى أى وقت ؟؟

**ahmed1** · 01-16-2015, 06:12 AM

هل اسافر صباحا أم مساءا ؟؟

وهل الطريق صعب ؟؟

ما السيارة المناسبة للأستئجار ؟؟
والسعر

جزاكم ربى خيرا

مواضيع عشوائيه ممكن تكون تعجبك اخترناها لك:

**ahmed2** · 01-16-2015, 06:12 AM

هلا اخي ثوره مصر العظيمه والله يحفظ مصر من كل سوء وترجع احسن من قبل اخي الموضوع مبهم بعض الشي يعني انت ما قلت متي راح تجي وهل سياحه او عمل او او او....
لاكن بجاوب علي قد فهمي شوف اخي لا تطولها وهي قصيره انا اشوف انه من الافضل السفر من مسقط الي صلاله جوا وتستاجر السياره من صلاله بدل عناء الطريق بس ممكن انك تستاجر من مسقط وتروح صلاله لاكن يجب الاخذ بالاعتبار المسافه بين مسقط وصلاله تصل الي 1200 كم يعني سياقه 10 ساعات تقريبا وطبعا متعب شوي والسعر طبعا يعتمد علي نوعيه السياره وهل هي عائليه او لا وعموما اقل سعر تقرييا 8 ريالات للسياره الصالون اما الفور ويل تصل احيانا الي20 ريال عماني في اليوم الواحدوطبعا اذا كنت ناوي سياحه يفضل زيار صلاله في فصل الصيف في شهر 7 و 8 و9 بسبب الخريف

واتمنى اني افدتك واي استفسار حاضرين

**ahmedali** · 01-16-2015, 06:12 AM

يا هلا فيك بمسقط وتوصل بالسلامه ان شاء الله
واذا ما خاب ظني اعتقد انه موتمر الفلك والفضاء راح يكون بهالفتره
اخي انا افضل البقاء في مسقط لان مسقط وصلاله نفس الجو بهالفتره وطبعا مسقط غير وممكن اخوي سالم بن سيف راح يفيدك عن صلاله اكثر لان اهل مكه ادرى بشعابها
اذا تبي نصيحتي البقاء في مسقط وزياره الاماكن القريبه منها لاسيما انك توصل ومهرجان مسقط مستمر راح يكون افضل لك وومكن تحجز من مكاتب سياحيه اذا كنت لوحدك
وان شاء الله راح تستمتع